欽記粉麵

营业中

休息中

今日心血來潮想食欽記魚旦粉，其實星期六，日唔主張去食，因為會細碗啲一去到大堆人，所以我一定係外賣，早餐連午餐，把心一橫，阿姐：「鴛鴦加底厚皮！」，前排開始，欽記又做咗一啲為外賣客好，但唔環保嘅舉動，就係麵還麵，湯還湯，每一個碗收你一蚊，搞到一碗粉要$21，實在有點過份，最搞笑就係普通又係用呢個size碗，我加底又係呢個size碗，咁即係點呀？返到屋企打開碗粉，根本你冇可能將碗湯倒晒入去碗粉到，我又要搵隻大啲嘅碗去將呢兩碗嘢合拼，又要洗碗，食外賣就係唔方便快捷啫，真多餘！講返食物，今日嘅魚旦唔錯，頗彈牙，麵係用熟麵，淥得冇過林，好味。其實成日睇雜誌都有提及呢間魚旦粉，我由細食到大，由臨時街市，食到依家呢個豪華街市，其實論服務真係冇雜誌所講嘅寸到極點，短短三、四分鐘，見到落單嘅阿姐對每個客都係極有禮貌，多謝前，多謝後，客客氣氣，比外賣我時仲講：「小心呀，阿妹，多謝！」唔知道點解本雜誌次次都話人寸，我諗...寫稿果位人兄對禮貌有極高要求吧

我幫襯左一年左右，我發覺河粉質素很不穩定，有時超滑超好味，有時又硬又冇味，最近魚旦仲差左少少，之前有個多月因為河粉不好吃而停了幫襯，剛剛的星期日試翻，又ok。份量一樣不穩定，時多時少。但 基本上都係算好食(水準好的時候)。

聽朋友講到呢間好跨張, 又真係好跨, 等位等到我死死下.埋到位, 碗粉份量好少.........不過湯底好香, 最好就係魚蛋跟幾塊炸魚皮. 好味.但價錢比較貴, 同好難特位. 我又覺得佢未好味到可以去到呢D位.

呢排有幾本飲食雜誌都有介紹佢呀！！每次去熟食街市，一定會考慮欽記！因為湯底清甜，魚蛋魚片炸魚皮加上勁辣辣椒油，真係超好味，令我心思思要再去幫襯～～家姐好好記性，一定會記得我要［［鴛鴦少蔥］］。。

由舊街市食到新街市佢的品質都ok 不過有時的湯就唔夠熱但係佢個份量就好唔穩定加底有時同普通冇分別有時就多到裝唔晒不過係個到呢間的魚蛋粉都唔錯

1/10 落單時,店員對我講明要等半個鐘,假期我大把時間,最重要好味,點知.........全店得一種,就是魚蛋粉魚蛋粉多蔥:魚蛋爽爽有魚味,炸魚皮好食(我鐘意食炸魚皮),魚片切得太薄,河粉不夠滑(平記d河粉滑好多)辣油:有d苦味,唔夠香

較早前有介紹過大埔市政街市內欽記粉麵，如果你星期六、日或公眾假期去就份量少好多，但今日(sunday)早上再食，有唔同喎，冇以前咁搵笨(可以尚早，但我唔包晏少少幫趁嘅份量會唔會縮小)，一如以往我叫嘅係鴛鴦厚皮(即是魚旦粉+麵，厚炸魚皮)，因為我坐喺其他茶檔到食，好快就送咗嚟。味道都係唔錯嘅，我最愛就係呢到嘅辣椒油，唔會有油益味，魚旦今日都彈牙，good！但個麵呢...有點淥唔開喎，啲麵仲痴埋一齊，扣少少分！但整體嚟講係好味嘅！

雖然依家搬左新地埗，無左係舊時熱辣辣食到出哂汗既風味，不過味道依然好魚蛋夠鮮，無味兒，彈牙口感自然而且平均。魚皮一定要食舊皮，連皮連骨粗炸，同欽記辣油一齊食襯到絕河粉夠薄，又滑但係唔易斷，一啖湯一啖粉最正辣油夠香，辣椒味一流，完全能夠帶起魚鮮湯底好清淡，d料夠哂新鮮十幾蚊一碗，個人推介叫魚蛋粉加魚蛋，都係20蚊，抵食到震。閒日去即叫即有咁滯，假日通常要等

今早同姐姐去大埔墟街市食早餐，我叫了欽記嘅魚旦鴛鴦厚皮，碗粉嚟咗，我一挾...搞錯呀，同前兩日嘅份量差好遠喎，前兩日因為係平日關係，所以碗粉就大碗啲，但今日，佢碗粉我三挾就可以搞掂佢啦！雖然魚旦都係咁多粒數，但唔可以咁少粉架嘛！欺騙我....第日星期六日都係唔好去食啦！

晨早睇完醫生, 手軟腳軟, 唔食d野驚行唔到返屋企。怕死, 決定放棄豬扒米, 改吃魚蛋河。大埔街市"話"自己d魚蛋出名的, 兩隻手都數唔曬, 檔檔的質素都有返咁上下添。要試勻曬是花時間的。是次光顧的, 是上次吃世記時, 師奶推介的欽記。10:50坐低, 叫了魚蛋河扣底多青, 至11:25才有得吃。魚蛋有六粒細細的, 三片魚片, 幾件魚皮, 連一碟辣椒油, 盛惠$16。湯底清清的, 味道都唔錯, 幾鮮甜; 魚蛋魚味幾重, 不過本人較喜歡吃其魚片, 厚厚的又彈牙, 唔錯; 魚皮聽聞有分"厚薄", 是次我是吃厚身的, 又脆又滋味, 其實我認為魚皮厚的比薄的更好吃, 索埋湯汁呈半淋狀態, 確實唔錯; 叫了扣底的河粉, 真的很少, 正合我口胃, 伴著蔥花吃, 不喜歡吃河粉的我, 頓時令河粉好吃起來。每個人對食物的要求都不同。本人最重視魚蛋河的湯底, 所以都係認為海達第一好吃, 不過欽記同海達的質素都唔差得幾遠喇。離開時11:35, 不想再吃欽記的原因, 是不想浪費一小時吃碗魚蛋河。抵食一欄是俾time cost的。