影片
𠮶晚因为去上水石湖墟游乐场睇朋友做大戏,出黎己经过晒晚饭时间,好友揸车黎呢度试下...𠮶阵己经差不多9点45分.门口乌灯黑火,以为佢地收左工添,入去问下仲有无饭食,见到仲剩底2枱客...叫左4个𩠌.3个白饭...好快黎㖞,我地是最后一枱客呀,厨房要收工马! 哗,好大碟㖞,都几抵食,我地4个靓女都食到好饱,唔好浪费食物呀... 红烧豆腐=一般 蒜香骨=无乜肉味 鲍鱼菇油麦菜=同红烧豆腐一样味 啫啫鸡煲=好味比4.5分呢度要揸车黎至得,搭车都唔方便...不过度度都试下啦,至揾到好嘢架...
继续阅读
圣诞长假期不免饮饮食食，尤其与家中老幼外出用饍，更要兼顾各人口味，终于想起这家闻名已久的欢喜楼一试！虽然地点比较隔泄，不是自己驾车也不清楚有乜交通工具到。早一天我们打电话订座，接听的叔叔彬彬有礼，我们并预订了奶奶最爱的大鱼头一试！一步进相当怀旧，一坐下先来例汤︰莲藕𫠒鱼煲猪踭肉，够料、够火喉兼没味精！初步印象分已大增！我们人数不多，只好点了以下几多招牌菜︰玫瑰豉油鸡*o*果然名不虚传，豉油甜咸适中，鸡身入味之余又保肉质鲜嫰。好好味！姜䓤蒸大鱼头平日我最怕吃鱼，因为很受不了鱼鯹味，对鱼头鱼云更不能接受。但这儿的蒸鱼头，端上来时见到肉质雪白晶莹，非常新鲜！看见各人不断下筷，便毅然尝一口。哗！不但没半点鯹味，入口滑啫啫，鲜味无穷，很意外！姜汁炒芥兰莫看轻这碟菜，可见厨房的真章。大师傅巧妙地将姜汁作成薄酱，再埋落已出水的芥兰，令姜汁与芥兰融合，又没有任何姜粒，很不错！三层塔豆腐将虾胶定墨鱼胶？（记不清楚）与蛋和豆腐层层叠，再煎炸成金黄，爽口又混和蛋味和豆腐的嫩滑质感，小孩子特别喜欢！油鸭腊味煲仔饭这个是我特别推介，在寒冷北风天，来一个煲仔饭已是不错的选择！但这里的煲仔饭所用的材料好棯滑够味，包您一试难忘！我们共六个人，吃过这五𩠌一汤，由于每碟份量十足，$500多少少已食到肚满肠肥！p.s︰这儿还有自家制的芒果布甸，木糠布甸和心太软，在这装修简陋的饭店吃到超水准的甜品，问您服未？
继续阅读
之前食过几次欢喜楼, 质素有些下降. 所以好耐唔去食.星期六同朋友SHOPPING完, 友人提议去欢喜楼食饭. 我同友人都有车, 所以去都好方便.欢喜楼非常适合自驾人士去, 因为泊车唔使钱, 食饭又唔使等位.当日叫左:1) 豉油鸡 ~ 唔使讲, 一定保持水准2) 羊腩煲 ~ 好大煲, 多料. OK3) 白饭鱼煎蛋 ~ 煎得好香, 赞4) 琵琶豆腐 ~ 好味5) 上汤豆苗 ~ 由于佢地上汤等于胡椒汤, 唔食胡椒味的朋友唔好叫上汤浸菜. 6) 腊味煲仔饭 ~ 登登登!! 最赞系煲仔饭, 腊鸭, 腊肠, 腊肉好香, 肉质好好. D饭煲得啱啱好. 配埋佢地特制的煲仔饭豉油, 我老公食左3碗. 食完仲讲左几个礼拜话好好食.7) 甜品 ~ 我老公食芒果布甸, 佢话系全香港整得最好的布甸, 唔知系咪真系好食得咁夸张, 我叫左杏仁露, 好香的杏仁.呢餐我地同友人都好满足.
继续阅读
假日去开大棠玩，然后顺路去欢喜楼试一试!由于早到(6:00pm)所以唔驶等试左佢的「招牌玫瑰豉油鸡」，真系好正！D 豉油真系好得，D 肉又弹牙又滑！另外又叫左个兰花花枝片，D 花枝片好新鲜呀！脆口弹牙㖞！劲好味！阿妈又话要蒸返条鱼，考验下个厨师的厨艺，所以点左「青班仔」，有 14 两重。真系好得，蒸得Ｏ岩Ｏ岩好，又滑又鲜味，我系呢度食完呢条鱼之后，先觉得出面 D 乜乜名牌酒家唔知有无呃人，呢条 14 两咁大条，出面 14 两咁细条! 仲有佢 D 汁出面真系食唔到，正呀！老婆最钟意饮汤，所以叫左个例汤，唔系味精汤来架!我地一共装左 9 碗半。又叫左个豉椒炒蚬，D 蚬无沙好新鲜！另外想赞一赞佢 D 服务都唔错，呢度好快就帮你加茶同换碟，食完即刻送上西瓜，又唔会即刻要你埋单，等你慢慢叹返杯靓茶。佢 d 甜品都好特别，但真系好饱所以食唔落，因为佢 d 𩠌都好大碟，白饭又「突」起，建议大家一开始唔好叫太多𩠌，留返个肚食甜品。
继续阅读
老远入到西北,又不是一味"探花",更无须一个人来"散心"般落寞,今次之新界局,一行十多人,欢天喜地向著旧青山公路上的"欢喜楼"进发.此酒楼非什么Hidden gem,饮食杂志也好像没有报导过,如果住在锦绣或者加州的朋友,相信未来过,也应该经常路过.事前对此店之认识,是玫瑰豉油鸡.单是这一味,已经吸引很多食客,老远驾车入来吃.假日晚上七点多,已差不多坐满,所有菜式来到写便可,无须预订,或者入厨房同个厨"拍膊头".做一些菜单上没有的菜式.玫瑰鸡很快便上.小时候鲜鸡仍然垂手可得,尤记得吃过某亲戚的自家豉油鸡,到今天也忘不了.廿几年之后.我们一家与这位亲戚失去联络,连带这段时间,也吃不到有水准的豉油鸡.这店用来浸鸡的豉油,已加了玫瑰露,因此多了份诱人的酒香,而且浸煮的时间恰好,豉油入味之余,也不会完全将鸡味抢去.鸡肉味道浓郁,而且很嫩滑.这种久违的感觉,竟然在欢喜楼拾回.仗著人多,可以尽试多样菜式,但是在整体感觉上,没有豉油鸡的惊喜,好像椒盐鲜鱿,粉浆比较厚.花枝酿大肠就外干中强,馅料比大肠更有可观性,因为大肠有点龈.椒盐牛柳粒用来送酒最佳,椒盐珍肝似乎做得过干,鸡肝本身的油润感荡然无存.清汤牛坑腩不能够同众牛腩名店相提并论.不过,南乳脆鳝球香脆可口,浓香的南乳味先令人胃口大开,炸过的鳝球保持著鳝肉的弹牙感.炒长远够干身,充满镬气.家乡煎藕饼这味家常的顺德菜,外面不难吃到,欢喜楼也做得不错.砵酒焗生蚝用料靓,始终地理位置与流浮山相近,所以蚝比其他人新鲜,也是理所当然.砵酒味同洋荵的味道没有喧宾夺主,蚝肉本身依然充满鲜味.水份充足,火喉恰到好处.脆香三层楼外貌像芝麻多士,其实是包著一朕墨鱼胶,口感香脆又弹牙.蒙古烤鲜羊件出奇地好,羊肉嫩兼带有骚香.甜品方面除中式糖水之外,更有西式甜品如焦糖焗蛋,心太软,木糠布甸之选择.水准不逊外面一些街舖呢.驾车的朋友来到的话,酒楼会有免费车位供应,没有车的话,在元朗坐小巴入来,大约十五到二十分钟,如果坐的士,车费大约$40.
继续阅读