影片
港铁黄大仙站 C2 出口, 步行约9分钟
继续阅读
电话号码
23233808
附加资料
点心车,即叫即整,老式点心,售完即止。
营业时间
今日营业
06:00 - 12:00
星期一至日
06:00 - 12:00
以上资料只供参考，请与餐厅确认详情
食家推介
招牌菜
#欢乐中式点心 以前喺新蒲岗返工，好多时都会行过大成街街市，不过就从来都冇上去，听说好似有一间只做早市嘅传统点心，于是特登去试下。从街市入去兜咗几个圈都揾唔到条路上熟食中心，原来喺行人天桥旁边就有一部升降机直上方便好多，加上行程延误，去到已经十一点过后，老板正在准备收工💔当时点心所如无几，如果老板同我讲下回请早我都只能接受。点知老板问我想食乜，我话虾饺烧卖鸡扎𠮶啲，老板竟然话ok我蒸畀你，𠮶一刻真系几开心又感动，香港系仲有人情味的❤️新鲜蒸出嚟嘅点心好难会唔好食，所有点心都只系$20，一般喺出面酒楼都冇乜可能食到，虾饺有四粒晶莹通透，最重要系有笋，虾肉亦够鲜，好食。烧卖同样系四粒，虽然唔见有蟹子，但同样有大件虾肉，肉质非常新鲜。鸡扎材料丰富，虽然鸡肉稍为结实，但整体味道都算几好，芋头够粉，猪皮爽口，火腿正常，腐竹入味。茶钱$5，埋单$65。老板非常之好人，虽然我可能阻住佢哋收工，但佢哋都愿意做埋我呢单生意，我好感激佢哋，希望佢哋继续生意兴隆长做长有。欢乐中式点心黄大仙彩虹道121号大成街街市2楼
继续阅读
位于新蒲岗大成街街市2楼熟食中心，中午十二点收，因为唔系24小时蒸住点心，唔会蒸到烂晒，新鲜好味！点心包括虾饺都系19蚊笼，认真抵食！！！个人唔食凤爪，难得有净排骨饭，梗系要试下。排骨饭拍得住大荣华，排骨肥瘦适中，米饭索咗排骨汁后仍保持粒粒饭，油香扑鼻。烧卖亦拍得住一级酒楼，有鲜虾、手剁瘦肉及肥猪肉，用嚟送蒸饭口感一流，简直系绝配。听讲鹌鹑蛋烧卖更加驰名，下次一定要试下。虾饺系竹笋虾饺，size较细，但十九蚊冇乜要求。仲有现在难得一见嘅鱼子饺，我仲以为鱼翅饺入面会有一丝丝素翅，原来系冇嘅，只系得猪肉。咁究竟点解叫做鱼翅饺呢？！怀旧大包大大分十分有特色，只系食咗一个蒸饭之后已经再食唔落，打包带走。叫咗5笼嘢埋单止系102蚊，认真抵食，时光倒流回到90年代嘅价钱
继续阅读
今日去开黄大仙拜神，就上网揾吓黄大仙有咩好食，就比我发现喺大成街街市楼上嘅熟食市场有怀旧嘅点心，可能因为我系11点几到既关系，我见到舖头好似冇晒点心，我仲以为早茶完结佢哋要收市冇得食，正当我谂住走之际，个阿姐问你哋想食咩啊，我话你哋系咪已经卖晒喇？阿姐话即叫即蒸 ，坐低啦！佢呢度冇点心纸，所以我都唔知道有咩可以叫，阿姐就用口述讲有咩点心，咁大个女第一次听有鱼翅饺，仲有平时已经食唔到嘅糯米包同腊肠卷，我觉得呢度比起茶楼饮茶好食得多仲要冇咁贵，而且仲感受到满满嘅人情味
继续阅读
今早很想食点心，去街市食比酒楼更有fu一去到就已经好多人，搭枱系必然的。洗干净啲碗筷，就去拎野食啦！因为第一次来食，唔知道原来蒸包系咁大个，以为好似酒楼般「一笼三只」，等我仲叫了两个叉烧包😑如果叫少一个，可以留quota试其他!初初行出去时就已经想叫虾饺，但姐姐话未出要等阵，想不到我走开左，喺咁繁忙情况下，佢都竟然仲记得我等梗虾饺出炉。有个男人（我想是老板）都亲自拎过来，话「虾饺无晒，最后一笼比你」。虾饺卖相几靓，虽然唔系话好好食，但起码见到有只虾先喇牛肉肠,不算厚粉（有虾肠/叉烧肠/炸襾选择）最后都未够饱...叫多一个鱼翅饺试下!都算几大只，好有肉地，但我连一条粉丝都食唔到，同想像中有出入。两个人埋单，加每人3元茶芥，共67元。
继续阅读
大成街街市有档早茶司令想试好耐，可惜佢收十一点，次次都爬唔到起身去食😂，今次的起心肝早起身去试，旧式既饮茶真系买少见少，大家记得都多多支持尼啲旧香港风情啦🤗。排骨饭 ($19)饮早茶点少得食返个凤爪排骨饭，可惜司令叫既时候冇凤爪😢，唯有食个排骨饭，米饭蒸到粒粒分明，豉油落得足👍🏻，配埋排骨本身既汁，唔错㖞。叉烧包($7)叉烧包系一个一个叫，唔好睇佢得一个，比一般食开既大好多😱，一撕开啲料仲要爆晒出黎，超多叉烧好抵食。即拉肠粉($16)肠粉即叫即拉好surprise😍，不过就要等耐少少，肠粉皮有米香，不过有少少厚薄不一。烧卖($16)烧卖大大粒，瘦肉比较多，所以食落去口感硬身啲，不过有大大粒虾，性价比都唔错。
继续阅读