影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
《次郎拉面：又一城$100叹豪华餐！半价蚝饺抵到烂》今次同班fd冲咗九龙塘次郎拉面，谂住试佢人气No.2⭐️⭐️⭐️「炙豚肉柚子汤拉面」——果然冇伏！豚肉烧到边位焦香，油脂溶晒落汤底，柚子酱油嘅酸甜劲解腻，仲要自选软面吸尽汤汁，正到拍台！跟餐$15加咗炸鸡两件+ drink，皮脆肉嫩仲爆肉汁，性价比完胜连锁店。 朋友嗌「慢煮鸡白汤拉面」都唔输蚀，鸡胸嫩过蒸水蛋，白汤浓到挂羹！最惊喜系便当半价追加嘅小食：「鸡皮饺子」脆到似食薯片，咬开爆馅劲邪恶；「黑松露广岛蚝」即炸上枱，蚝肚爆鲜唔腥，松露酱多到唔使钱咁！ 饮品方面，热咖啡加奶走甜稳阵之选，冻奶茶少甜少冰够贴心，茶胆够厚唔洗加钱转特饮，抵赞！ 两个人食到捧住肚都系$200有找就叹匀拉面+小食+饮品，仲要坐得舒服冷气够冻。又一城行街医肚首选，回头率100%！
继续阅读
《次郎拉面》火炙大虾🦐浓汤拉面 🍜📍九龙塘达之路80号又一城UG楼UG-37号舖集团式经营嘅拉面店，一般比人嘅刻板印象都系麻麻地，好似比起d用心经营嘅小店，味道上风味上总系有段距离。呢间《次郎拉面》一早响黄竹坑同尖沙咀都有店，不过人人都话佢系 food court 级数所以我一直都冇谂住试。原先话启德会开新店但迟迟未有迹象会开到，而特然留意到原来佢响又一城刚开左新店，既然咁近我，而本身未食过，一于去试吓。《火炙大虾🦐浓汤拉面 🍜》香味 (2/5)叫得虾面，闻落当然系以虾味为主，不过个味比较平，除左虾味就乜都冇，而火炙味亦唔觉有，以虾汤面来话佢唔够香，麻麻地。汤 (1/5)呢个虾汤，饮落第一印象系非常的单调，只系一个好平凡嘅虾味酱油汤，亦冇层次感，完全唔特别唔讨好。面条 (3/5)普普通通嘅一碗中细面，真系冇乜好讲。配料 (2/5)呢碗面最大卖点就系有一只相当大嘅嘅虾🦐，咁我就主力讲吓佢啦。首先，只虾系冇预先剥虾壳，咁大只虾，唔预先剥虾壳，食起上来有几”呢hea”唔驶讲啦，我自问就唔识点可以唔落手，斋靠筷子可以轻易食到佢。第二，话就话火炙，但只虾火炙味并唔明显。第三，虾肠并冇处理好，下图可见。第四，鲜甜度，只系一般。溏心蛋，比预期中仲生，咬开有d水。笋系超多渣，完全唔得。整体 - 不推荐。如果唔系住得近，我系一定唔会想试，食后感同普罗大众讲嘅吻合，完全系 food court 级数，但因为价格都唔系低，连埋加一成 108 一碗，无论从任何角度睇都冇食佢嘅理由。
继续阅读
见到佢又一城新开，去试吓。嗌咗一个虾拉面，一个柚子叉烧拉面。两个都好难食，面嘅质地同埋类似即食拉面嘅差唔多。个汤底同买返屋企一盒盒𠮶啲拉面都系差唔多。啲虾肉一啲鲜味都冇，质地又好实一旧嘢叉烧佢又真系即刻攞火肠烧过，但系都冇话特别好食。套餐𠮶旧炸鸡还好，唔干。都系食得出买返嚟一pat pat𠮶啲。佢又唔系话好贵，但系又真系唔会再返去。个app有啲唔系咁方便，因为叫嘢饮𠮶度冻柠茶系冇得拣少甜走甜𠮶啲。我亦都懒得同佢讲。
继续阅读
又一城开左间新拉面店，睇睇下发现原来系Gaia旗下既餐厅，即系同前身同一舖位既刘一手系同一集团，基本上啲staff都系刘一手果班。新开有第二碗半价优惠，咁就试下。果然食落个感觉系同系屋邨食平价日式拉面系差唔多，食唔出个面有咩特别，汤底面好味精feel。不过就收紧$78至$98一碗，转餐加$15多2旧炸鸡同野饮，应该都系啲业务用炸鸡，自己去一田买返屋但炸都差唔多feel。可能新开有优惠，今日都比较多人食lunch，不过我试一次就算。冇下次郎。
继续阅读
您可能会有兴趣的...