權記潮麵館

营业中

休息中

覺得中式嘅炆其實即係慢煮以前食炆嘅嘢 認為越爛越淋越入味後來發現炆係好講究用料同火候 烹飪從來博大精深呢間舖仔細細開响女人街山東街交界唔算好旺冇水吧Menu冇乜特別就係潮式嘢前後食咗2次 一定要試埋雲吞 先決定寫食評第一次幫襯係朝早剛開檔最近愛上麻甩撈粗 刨完menu就叫咗牛腩撈粗同炸鯪魚球牛腩份量慷慨 夾起硬淨 入口竟然軟淋中帶微爽 唔會好重香料味證明係靚貨 麵地清爽 腩汁落得啱啱好唔會死咸鯪魚球係即炸 望落靚仔乒乓波大小 蜆芥靚貨 魚球食得出料新鮮 足料彈牙滿口魚香個菇好X大隻！portobello size 炆到超級淋吸滿蠔油汁 食一隻飽咗大半！隔唔夠一個禮拜第二次幫襯係晚巿 冇乜人 外賣都少不過有識嘢客仔一坐低就嗌牛腩飯加嘢飲再嚟係想試真個腩同試埋雲吞 叫咗筋腩撈粗同淨雲吞今次個腩唔知咩位 望落冇咩特別 但咬落就知唔同 完全正過出面西餐啲慢煮牛扒 竟然有肉嘅油潤之餘又感覺輕盈 咀嚼時品得出肉嘅紋理 𡁻兩三下啲肉就化開 試埋個牛筋 嫩滑溏心 膠質爆發可能夜晚 個麵鹼水太重雲吞正常貨色 每隻入面都大大粒爽口蝦仁 但自己本

嗰個老細由我一入嚟, 我自己問佢可唔可以坐低佢已經問我"做乜啤住佢, 坐咪坐囉!!!"臨走坐耐咗少少佢已經啤住我啤到我好驚. 嗰啲嘢飲淨係罐裝汽水,唔包熱飲.水都冇杯飲. 牛腩份量好少. 啲醋係一包包細包好唔環保. 豬手份量都好少個老細非常沒有禮貌係咁鬧啲客人,有一個客人話問佢有冇黃麵,佢就好忟憎咁樣話乜嘢王麵???跟住明明個碗就係用嚟放魚皮, 但係佢就鬧我哋做乜啲骨唔擺入去個碗度.仲藉意話打錯金額收多咗六蚊, 好彩我哋發現,要佢畀返六蚊我哋.

假期的下午旺角人來人往，很多餐廳都已經滿座甚至有客人在等位；然而經過這間港式粉麵店仍然有位，就內進食碗麵。雖然是假期，舖頭仍然有供應下午茶餐；若唔啱食單點餐廳的粉麵都是大概$40起跳，選擇更多。下午茶餐紫菜魚蛋魚片河($37)包含一罐汽水，在落單時店員詢問我是否需要加入腩汁，客人可以自行選擇。湯底就是一般粉麵店食到的味道，再加上少許腩汁但略少，加多一點配著麵食味道會更佳。河粉程幼身，不會做得太淋，份量也算多的。配菜方面，紫菜正常份量尚可；白魚蛋有三粒，質地有點單牙但比一般食到的會軟身一點，有點帶腥的魚味，正正常常吧；魚片跟我一般坊間食到的不同，一般的質地爽脆彈牙的，而這裡的質地像魚腐，比較軟淋，味道正常，十分吸湯。麵食裡有香味濃郁的紫菜以及香蔥會為整碗麵增添香氣，味道吸引。今時今日，港式的粉麵舖愈來愈少，若我在附近想食碗麵，這裡都會是一個抵食的選擇

我已經是回頭客了。第一次黎食係一班同事讚呢間旦蛋粉麵好好食而來。老闆見到我地著醫護人員制服主動請我地飲嘢，支持醫護工作。食物質素的而且確算高，此終呢個價錢已經非常不錯！是次回頭係因為伙記態度超級好，為我留咗個好深印象。係茶記難得一見嘅親切感，毫無催趕嘅感覺，班伙記仲好細心。我見到伙記主動拎碗仔比我隔離枱嘅客人share嘢食；係我食緊中途，又主動斟杯水比我…係港式粉麵店難有的細心，無論係伙記定老闆，我都很欣賞工作態度。最後，今次嗌左牛腩麵，牛腩肥瘦適中，而且幾嫩口，湯底正常唔會好咸。菜心好新鮮，唔會老，食落無絲的。態度質素此終如一。小店加油喔！

上次第一次來，食了一碗崩沙腩米粉，分量足夠，崩沙腩爽口唔肥，留下了一個好印象。今次專程來，同樣叫了一碗崩沙腩米粉，分量同上一次差不多，但係崩沙腩好似柴皮一樣，完全唔爽， 食了一半便不要了。可見出品不穩定，下次來不來，還是心大心細。

見到門口貼左呢張紙，真係好想講粗口，超級趕客！！政府認豁免證明書，但你就主動加辣！根本就係歧視有健康問題同埋因曾患過新冠而唔適合打針嘅人！權記潮麵館，成個香港飲食業比你搞彎晒喇！簡直係唔合邏輯，冇道理！唔理你地啲嘢好唔好食，就算有朝一日取消咗疫苗通行證都絕對唔會幫襯！👎👎👎👎👎👎

牛肚 雲吞米粉$45 +$6配炸魚皮 同飲品 玻璃支裝熱糕地維他奶另加$2有好多牛肚 但得兩粒雲吞炸魚皮唔夠脆冇咩咪 可以加左碗腩汁牛腩河粉$39+$6紫菜紫菜好少牛腩好多

讚1.環境幾闊落下，食呢啲粉麵有得坐對街既落地玻璃窗位，幾特別2.炸魚皮脆得黎唔油膩，水餃好足料彈1.米粉竟然係煮得夾生！真心未見過2.冷氣唔太夠呢，好鬼熱下噃