權八日本料理 (已結業)

唔知點解甘多人話呢間野好, 我就成肚火! 服務態度超差尋日同個friend一起諗住去食dinner, book 左7:00. 遲左3個字到. 點知佢已經比左張臺人. 甘都算la, 始終係我地遲. 甘之後問個女reception 要等幾耐la, 點知佢態度超差, 知吾以對, 同我地講"幾個字" la, 甘我地未等law.點知等左10分鍾, 個女reception 大叫 "四位walk in, 有位" . 跟住我地問佢做咩walk in 都即刻有位. 點知佢即刻改口風, 話係"book" 左ga. 大佬我地四隻耳都聽到'walk in" ga wor.跟住又叫我地等多 "幾個字" . 我地又等左10分鍾, 覺得有d奇怪, 因為明明有人走, 但係都冇叫我地, 同埋又冇檯號比我地. 甘去問笫二個侍應la, 因為之前個女reception態度真係好差. 點知個侍應同我地講其實下次有檯要係8:30 wor, 真係激死人 ! 即走係要等甘耐早響ma, 仲話幾分鍾. d 甘既服務態度真係趕客mei, 個女reception拍得住女導遊"阿珍". 一定唔會再去law

因為之前食過一次lunch $4x 價錢唔貴又好食之前屋企人食過放晨話好多野食 所以今日去試下$158 加一 食2個鐘 的放題 好多種類食物 不論壽司,炸物,小食 都好味 唯一唔好就係份量比預期多 因為食放題 都係想食多d唔同種類既野 份量太多 對我里d唔係好大食既人黎講 製造左唔少 foodwaste! 服務員態度唔錯!算係我食過既放題中 最滿意的一間

食過咁多間日本料理,真係覺得呢間做得好好!!!無論食物、服務態度等等都好.... 所以大家都選擇左係呢度幫我慶祝生日! 係無錯既,幫你拎蛋糕仲播埋生日歌,真係好難忘,好感動呀 食物方面,最欣賞既係即叫即整,魚生又夠厚又新鮮我試過好多款食物都ok,果然有驚喜呀 刺身: 三文魚、北寄貝、赤貝、玻璃蝦、甜蝦、吞拿魚 壽司: 三文魚、蟹柳、玻璃蝦、赤貝、鰻魚、甜蝦、北寄貝、火灸三文魚 卷物: 天龍卷、芝心戀人 鍋物: 清酒煮蜆、泡菜豚肉鍋 燒物: 銀鱈魚西京燒、芝士焗帆立貝、燒三文魚頭 炸物: 天婦羅、炸豆腐、餃子pizza、雞軟骨餃子 鐵板: 蒜片牛柳粒、鐵板黑豚肩、汁燒魷魚鬚: 蟹籽沙律、烏冬

同3個朋友行完傢俬街諗住去食日本野,本來諗住係去平時食開果間既,但行過見到,咦!新開架?(因為太耐無經過果條街)舖面都幾好,望入去又唔錯,就入左去試,6點幾7點唔算多人亦唔使等位,4個人就比左張十分闊落既卡位我地.我地點左最常食既:-鰻魚炒飯 唔錯份量唔算少,但可能我鍾意鰻魚好多果種,覺得鰻魚唔夠三文魚刺身&壽司 好味超鍾意,刺身都夠厚天龍卷(唔知有無記錯名) 微熱ok,個蝦頭好大舊仲有飯係底,朋友甲成個蝦頭食埋赤貝刺身 好新鮮,平時我地唔會點,但係個貎似經理既男人介紹就叫左一客,食完翻點多一次其他壽司等 鰻魚唔錯,我覺得上層既size唔須要特長,搭配飯入口啱啱好就good總結:消費$400每人都係$100,朋友都話下次會再去,佢有vip房8-12人,雖然只不過係用一度門隔住,但我都想試下,另外佢有個每位食滿100+38任食三文魚既推廣,但我地覺得每人食滿100都應該飽飽地,唔划算卡位應該可以坐6人,因為3位king size既朋友都坐得好舒服

鹽燒牛舌($38) - 太(un)權八9品刺身($278) - 賣相不錯,魚生新鮮(海膽不新鮮)三文魚壽司($9x10份) - 沒有用磅計算的三文魚賣,見特價所以叫了十份,魚太薄味味不夠鮮天龍卷($58) - 比軟殼蟹牛油果卷差一點,味道還可以燒多春魚($18) - 燒太蕉鰻魚炒飯(($58) - 鰻魚份量都ok多,飯少得均勻,夠味叫太多...有一種快要飽死的感覺....最後服務員還送了雪糕米磁雖然價錢比同區日本料理貴了點 但服務態度誠懇有禮貌 坐耐少少都冇黑面 唔錯 值得再去

雜錦三文魚沙律冷麵($55) - 魚生新鮮,冷麵都幾彈,但份量少了一點鐵板7味牛肉($48) - 牛肉太老軟殼蟹牛油果卷($58) - 又脆又香,但軟殼蟹太油石鍋豬扒蛋飯($48) - 石鍋唔夠熱,冇飯蕉的石鍋飯同普通豬扒蛋飯有咩分別呀!!!蟹籽沙律($48) - 味道一般,份量太少燒河豚乾($45) - 正!!!好野味,又鬆化泡菜豚肉鍋($48) - 湯底冇味海鮮炒($52) - 味道太淡

同朋友想食日本野 ,唔知新開左就試試 .點了唔多野 , 石窩豚肉泡菜飯海鮮pizza炸雞軟骨(日本地名)炸豆腐 $30北寄貝及三文魚壽司各一客(試味)結果 :三文魚友人話唔新鮮 ,size又細 .北寄貝 , 友人話厚及爽口過御八食到的炸雞軟骨 , 太少 又唔入味 size又很細 個什麼炸豆腐 ,唔錯的 ,皮脆又唔會粉厚 ,入面十分滑海鮮pizaz < 下次要再食 ,很不錯石xxxx飯 < 比御八個堆飯入味很多 (御八淡到我要係咁落7味粉)結果 ,因食完個pizza已經飽 .. 大半盒飯要外賣最欣賞佢用可以入微波爐的外賣盒 ,非常好 !埋單190 ,可以接受 .ps .入到去本身想叫卷物 ,但睇到附近的卷 ,包得很差 ,好彩冇叫

今日雖然係sunday,,比較上多人,,不過好彩都唔洗等好耐''客人都ok多,,不過嗌完野食都唔洗等好耐就黎齊,,d野食睇得又ok好咪''下次都會再黎試下其他野//

我係上水區,見食評話呢講道咁差, 我又唔係好相信,點會有咁差,就同朋友黎試下. 叫左個.沙律, 汁燒魷魚, 三文魚刺身,雞肉pizza, 另外再加一個清酒煮蜆.還有兩款,:不過忘記了,mad: 沙律菜變晒色, 見到都唔想食. 汁燒魷魚係一般,鹹左D 三文魚都好新鮮,pizza都可以接受. 清酒煮蜆算係一般, 但份量很少, 兩個人唔係好夠食. 食物質素認真麻麻, 真的有點失望, 應該不會再來!ｄ野真係好一般，係好似好多野食，但係唔係特別好食，最緊要係ｄ　ｓｔａｆｆ無咩禮貌囉，明明見到我地叫佢都可以走左去，食過一次便算，倒不如行過２條搵其他野食好過，野食無咩多，但環境唔錯，ｄ　ｓｔａｆｆ又有禮貌～

係上水住咁耐，真係好少去呢區食日本野，一來唔鍾意食長壽司，二來因為好耐之前去過一間好多人等位既又唔係咁好食．今次見到呢間權八ｄ裝修都幾好咁就去試吓！先講刺身：我地４個人叫左什錦刺身（唔記得叫咩什錦，價錢唔平），上枱喇．ｏｋ喎，份量唔少，最得係佢有冰底囉，朋友話上應該無人咁做，食刺身最緊要夠凍，夠新鮮ｇｏｏｄ！然後壽司：正常ｓｉｚｅ啦，＄９仵３文魚，ｏｋ啦，熟食方面：酒煮蜆夠新鮮可以一試，炒野菜唔係好夠味，其他一般啦，有進步空間．埋單＄１７０，正常價錢．可以接受既！

上星期日母親節, 四圍人迫迫又難搵位, 聽细妹話屋企附近開左間日本餐廳, 咪一家人去試吓囉, 起初都諗住無乜特別, 點知去到見到D裝修又幾靚喎, 坐低之後即刻有茶招呼, 心諗招呼都唔錯, 跟著見到好多枱都有叫三文魚剌生, 打開menu見到5件/$38. 都幾抵, OK. 即刻order 2客先. , 果晚都叫左幾多野食, 但都等左成20mins先有食物黎, 不過見到D食物整得好靚, 胃口即時番晒黎, 最正就係個和風鷄肉pizza. 下次一定要encore先得總结: 呢間日本餐廳有市區日本菜的質素及服務但又唔使山長水遠出去食, 可能係新開, 所以食物就等耐左, 下次再試下其它食物先…!

本來唔諗住寫呢間食評，不過見到佢有咁多劣評，我都分享一下先！今日一家大細一行8人，好在有訂位，去左呢間權八，因為阿媽話lunch 食過好抵食，咪book 位囉！聽電話o個伙記仲好細心，問埋我地有無小朋友，可以準備BB凳(真係估佢唔到)。一心以為裝修得咁靚，又好似好好service咁，實係好貴喇！埋單都係$1300到，食左以下既野：大量壽司：唔貴，比預期中大件。立魚刺身：好大條，個頭仲郁架。串燒拼盤：味道唔錯，款式比較少羊扒：超正~~~~都幾貴，成$48一塊鵝肝：呢個最抵食，好似十蚊一片左右鮑磯煮：味道唔夠濃，勝在唔"un'總括黎講，有90分。仲俾我見到"大哥大"洪師父，佢仲係門口"耍劍(傘)"tim ar！

上星期,一家大細去權八食野,門口比其他同區既日本料理靚,但可惜食品比其他少,壽司比較細,同價錢唔合理雜錦刺身沙律.......一D都唔得年糕...非常差蟹子沙律...唉..沙律仲多過蟹子....NO GOOD燒銀雪魚.....唔係太熟軟殼蟹手卷...紫菜軟晒.堝唔得還有其他講唔洗仲要加一收費,如果好食都值得比,價錢非常唔合理,好貴,賣單要$800百幾蚊,真係好貴,我唔會再去,仲要食得唔係太飽,我一家大細,得3個人加小朋友食了$800蚊,真係唔抵,

知道上水開左間新日本料理，於是book定台慶祝毋親節，去到，有間房比我地，裝修好新，無咩特別...本menu ok靚，但一打開，睇價錢已經比同區貴...食物質素不值這價！雜綿魚生，算新鮮（但等超耐，佢地話要切得靚所以會耐d）幾種susi：三文魚腩、蝦、貝類、油金...等等，唔多記得...味道可以慢魚炒飯，普通豪情卷，下次唔會再食...牛油果卷，普通炸豆腐...差！天婦羅個粉太厚，最唔得！除左新，就無咩特別喇！

本黎諗住去上水青x日本料理食野,點知發現呢間權八新開,咁咪同我女朋友入去試下羅...一試之下..唉..同垃圾冇分別!!第一,佢地d壽司係整定的,不是即時有order就做的,我點解知??因為壽司既紫菜軟晒,好明顯放左好奈...第二,d壽司仲細件過元綠個d..不過價錢就比元綠更貴!!第三,d壽司細件而且咁貴都算啦,賣單個時,仲要加一服務費...但我又唔見佢地寫加一收費..賣單先知..呢下先至慶!!平時同女友都係食開幾款,大約二百二元左右就好飽..不過係呢間所謂既日本料理,兩個人食左三百大元..係食唔飽的!!而且仲一肚火!!本人食過好多間日本料理,只有呢一間,令我印象深刻!!直得令我開a/c同各位推介!!上水權八日本料理 食過你就知中伏!!