權八居酒屋 (北京道一號)

营业中

休息中

母親節喺呢度食咗個Tea set 性價比高👍有維港靚境 仲要加埋食物質素高🤭個Tea set 有A5和牛壽喜燒仲有埋冷盤 熱食 湯 甜點同杯飲品個湯係姬松茸湯柚子雞真係好有驚喜😋員工服務態度都抵讚👍

為慶祝我25歲仔嘅生日，我哋揀咗呢間無敵海景嘅日式餐廳——權八居酒屋。餐廳環境好靚，入到去已經感覺到特別嘅氣氛。去到時，餐廳已經按我要求安排咗位，呢點真係好滿意👍。不過，有一樣嘢令我有啲唔開心，就係入到去接待處，佢哋再一次提醒我哋有兩小時用餐限制。其實我已經喺確認訂位時收到過呢個提醒，但入到去又聽到一次，呢樣嘢令整個用餐體驗有啲受到影響。以這種檔次嘅餐廳，竟然三番四次提醒用餐時間限制，真係有啲意外。至於食物質素，總體嚟講都唔錯。我哋點咗一份買一送一嘅套餐，仲有買一送二嘅啤酒，真係值回票價！其他散點食物都合格，尤其是生蠔同和牛，味道超好！🐟🥩服務方面，員工表現值得讚👍。我哋要求拍照，餐廳職員主動攞出特別嘅光管幫我哋加光，呢種用心服務真係令人感動。不過，離開時見到門口有慶生推廣套餐，我心諗，因為我喺訂位時已經註明係為仔慶祝生日，點解餐廳冇主動推介呢個套餐呢？呢點真係有啲失望😞。整體嚟講，雖然有啲小瑕疵，但食物同服務質素都幾好。希望下次可以喺呢啲細節上做得更好，令慶祝氣氛更加濃厚！🎉🎈

餐廳環境和員工服務都很好。窗邊座位可以睇到維港景色超正♥️食物質素不錯，尤其刺身和串燒非常出色，個人推介燒芝士。週末有啤酒勁飲大賽，氣氛非常熱鬧👍🏻是朋友聚會的好地方😬

景色真係一流最正係2個人都可以坐窗邊嘅4人枱 忽然間覺得好奢侈🥹A5和牛壽喜燒 $498三大片A5和牛🥹每片都油脂滿滿der~肉質好嫩滑加埋甜甜哋嘅壽喜燒汁 一啖食落去 絕對係幸福嘅感覺🦦其他配料就正常發揮啦特上壽司拼盤 (10貫) $56810件都幾新鮮嘅正正常常啦 無伏但都無驚喜松葉蟹肉牛油果卷 $188免治雞肉軟骨棒（宮崎蛋） $78最愛嘅雞肉軟骨棒有啲脆骨 配埋濃郁醬汁 好食葱鹽牛舌 $78厚切嘅燒牛舌 真係無得輸雞頸肉 $48依個就一般般啦 無好有咬口🤔豚肉芝士薯球 $98海苔鹽炸薯條 $68有啲香口嘢咬吓 送酒都唔錯嘅明太子宮崎雞蛋玉子燒 $98明太子同埋玉子 係好好嘅朋友燒木魚花醬油飯團 $48有啲失望 唔夠香又無味嘅Ho chilled 好滿足嘅一晚

腸胃不好勿挑戰 ~_~係社交平台 見到好多介紹，一直無機會黎食，難得今日係附件按完摩無野做就上去試下！ 晚上8:00 幾都好多人，環境幾大，見到夜景都幾靚，仲有競飲活動都頗熱鬧！但係社交平台 見到既特價餐就唔見有，店員話宜家既優惠有$99 買一送二既Suntory，今次叫左：$78 免治雞肉軟骨棒(宮崎蛋) | 軟骨唔算太多，還可以$58 雞腿根肉 | 雞腿肉幾彈牙$58 燒芝士 | 係好硬既芝士，但燒完都係頗硬，不算太好食$138 燒鵝肝 | 幾好食既，但呢個價錢黎講好細件下，中間仲係粉粉地紅有少少血水$48 燒木魚花醬油飯團 | OK 外面脆脆地，但味道唔夠，可以自己另加鹽$68日本南瓜天婦羅 | 🌟呢個最好味，外脆內軟又夠味串燒黎講味道一般般，因為係一次過上哂，所以到食第三件既時候已經開始變凍；而$99 買一送二既啤酒有啲取巧，因為一杯已經係$99，然後你飲第二杯既時候佢都係另外收你$99，然後加一後扣返$99，目的就係收多你$9.9 加一 😅之後都有俾返下次用既優惠券$300減$100，不過其實社交平台 都有，唔知點解要俾實體券 ～？最大問題係我返到屋企之後個胃好唔舒服，前後反

Pleasant ambience. Big window overlooking the Victoria Harbor. Seatings are spacious. Value for money particularly for set lunch. Dessert comes with set lunch is rather disappointing, the restaurant should just offer ice cream instead if they cannot do the pastry right. Nevertheless will definitely return.

慢 酒無味 唔好食 一杯酒一個鐘 天婦羅個半鐘 仲要懶貼心話係上晒凍再上熱熱都食咗成個鐘啦 活動又嘈又煩 成晚wewewawa 都無人理佢 自己傻笑 係咁cue佢個經理影相食物普通 coupon成疊派 等執服務差 一樣嘢催三次先同我講原來係冇人整緊Sell 景計玻璃都抹唔乾淨無下次 要200字先有得評佢分我就鬧多兩句杯酒，真係糖水糖漿溝埋一齊完全冇酒味大半杯冰，兩滴糖漿，薄荷葉加多塊西柚就叫自己yuzu mojito Yuzu grapefruit 都未識分🤢🤢

Spending my family lunch gathering here was quite a surprise. Wasn't expecting the beautiful Victoria Harbour view at a Japanese restaurant. Restaurant was spacious and bright. Feels comfortable when seated. Staff were polite and efficient, diet/ coupon restriction reminders were given. Lunch menu was surprisingly in variety, covering most of the Japanese food options. As we have ordered too many food types, I would focus on my own mains. i requested their char-grilled assorted skewers & Mentaik

朋友生日揀左位於北京道一號既「權八居酒屋」，餐廳位於28樓可以眺望成個維港景色，令人賞心悅目🥢特上壽司拼盤🥢權八夏日祭廚師精選晚宴前菜熊本彩虹番茄士多啤梨沙律刺身吞拿魚腩、真鯛、鰈魚薄切、帆立貝、甜蝦煮物磯煮鮑魚伴大根炭燒宮崎一口和牛伴福岡青椒天婦羅車海老、沙絲魚、季節野菜3款壽司 煙燻鰹魚、油甘魚、海膽、香蔥吞拿魚腩卷吸物有明海苔天草大王雞湯甘味 十勝紅豆綠茶雪糕最中餅夏日祭廚師精選晚宴每款食物都各有少許，樣樣都可以試到，同埋重點係唔洗揀食咩，岩晒懶人既我，加上做緊買一送一優惠，性價比高無論食物、環境同服務都非常唔錯，岩晒慶祝節日、朋友聚會既好地方

呢個日式下午茶，真係超級抵食，勁飽，份量十足，足夠二人午餐的份量，仲有無敵海景，$498有咸、有甜、有壽喜燒，仲包兩杯嘢飲，冇得輸！壽喜燒兩塊日本和牛好大塊，雪花油脂分布均勻，睇個樣就知好味，鹹點有沙律、大蝦壽司卷、有燒物、有炸物，仲有兩壺茶壺雞湯，飽到甜點都食唔晒。飲品仲可以揀果汁、汽水、清酒、燒酌或者紅白酒，我哋唔飲酒，所以揀咗柚子梳打同提子梳打，一樣咁好飲。呢個 tea set 真係抵到冇朋友，一邊食一邊欣賞維多利亞海港美景，超值！

一入餐廳已經見到無敵海景，燈光較暗配埋中間2個日式廚房/水吧位，唔會搶左維港既靚景，氣氛一流不過職員就過於主動，餐牌都未睇完，就不斷過黎問需唔需要幫手推薦，每次路過都問好冇食，有D煩，I人唔建議去炸流心芝士年糕 $68 1粒🧀新鮮即叫即炸，年糕軟熟，芝士味較淡，有別於放題食到既味道，68得一粒，唔建議權八加州卷 $138 4舊🍣表面有雙色蟹籽，包牛油果🥑炸蝦🍤，食落口感好豐富，蟹籽同炸蝦都好脆精選串燒拼盤 $368🍢🍢A5和牛青椒 和牛燒得好香口，好淋鵝肝🦢 比散叫細份好多，表面金黃，入口即溶，燒得都唔錯大蔥吞拿魚腦 食唔出同普通吞拿魚既差別，而且有少少腥串燒鵝肝🦢 $138表面金黃，入口即溶，不過就咁一塊鵝肝，都幾膩，建議配飯食燒芝士 $58 1串3粒🧀硬身芝士，冇流心效果，比較咸，配酒一流泡菜豚肉石頭鍋 $188🥘🥘飯要叫起，唔會主動送上，有蛋同醬要撈勻先食，上台時職員會幫手撈，辣辣地都幾開胃個人認為呢個價錢可以有更好選擇，不過以海景同餐廳環境黎講都可以接受，餐廳會主動打燈幫客人用自己電話影合照，樣唔怕太黑又影到海景，呢個服務係幾細心既🫶🏻

一到餐廳，比人感覺哇，好正，店內以紅、黑、木色佈置，簡單舒服，唔會令人眼花撩亂，區域劃分的好清晰，加上模擬返日本建築，好有氛圍感！！！望住個咁靚嘅維港夜景，無論係慶祝週年紀念日定同聚餐約會都好適合好舒服！！！食物質素好高，刺身料理好新鮮，厚度適合，啖啖肉得嚟好清新唔會太膩，唔會薄到好似冇嘢到；而手握壽司每款都搭配咗唔同口味嘅調味材料，唔會太淡，吊出鮮味，！其他菜式都幾好，和朋友小酌一杯，搭配不同串燒，更有一番風味！📍權八居酒屋 (北京道一號) (尖沙咀)尖沙咀北京道1號北京道一號28樓

權八居酒屋 (北京道一號)🌆✨高質精緻居酒屋 - 飽覽維港海景✨🌆💠💠💠💠💠💠💠💠朋友知我鍾意食日本野，所以特登book左呢度同我慶祝生日~🎂我地8點左右先入座，依然座無虛席，我地問會唔會有得坐窗口位，staff就示意可以等一陣，客人離座幫我地轉過去~服務態度super nice🥰🫶🏽由於我地第一次黎，staff都要細心咁介紹餐牌同餐廳優惠，好貼心！🩷我地一人叫左一杯野飲~💠Yuzu Mojito ($108)💠Fuji Mountain ($108)💠二人前既【權八夏日祭厨師精選晚宴】 ($1280pp)做緊買一送一~ total 有8道菜😋💠前菜 - 熊本彩虹番茄士多啤梨沙律💠刺身 - 吞拿魚腩、真鯛、鰈魚薄切、帆立貝、甜蝦💠煮物 - 磯煮鮑魚伴大根💠炭燒 - 宮崎一口和牛伴福岡青椒💠天婦羅 - 車海老、沙鯪魚、季節野菜3款💠壽司 - 煙燻鰹魚、油甘魚、海膽、香葱吞拿魚腩卷💠吸物 - 有明海苔天草大王雞湯💠甘味 - 十勝紅豆綠茶雪糕最中餅所有食物都好新鮮，而且好有質素！雖然每道菜分量比較少，但傾住計食，到最尾都好飽~😋🚗不過如果係揸車黎，建議泊對面海港城~因爲呢度食飯無泊車優惠~不

想食Omakase，我成日都推薦呢間俾朋友已經食過4 5次！個人覺得首先地點好方便📍尖沙咀北京道1號高樓層係望到全個維港景色，超級靚！節日或者慶祝朋友生日絕對係100分🤙🏽食材新鮮，而且好用心整同擺盤~

5月份午餐有買一送一，於是乎一家大細去食，經openrice book枱時已備註請預備bb櫈，可惜係無預先準備好我兩次都點咗特上炭火串燒定食，由於第一次要照顧小朋友，串燒有部分凍咗先有得食，所以第二星期又再去過，嗌返同一份餐午餐定食有前菜、沙律、味噌湯、主菜、甜品、餐茶前菜、沙律、味噌湯無特別，沙律份量抵讚。我同先生坐四人枱，侍應唔知點解要將餐點放係另一張枱，要自己攞埋自己位由左起：鵝肝（份量同冬菇一樣大，我食咗先影相）、免治雞肉釀冬菇、鰻魚、鹽燒三文魚腩、A4和牛連青椒、秋葵成個set份量好令人滿足！燒烤出色，油脂豐富，好啱送酒。今次做得唔好地方係饅魚燒過頭，邊邊地方稍有苦味今次侍應有將食物放返係我前面第二次甜品係蘋果金寶（第一次係芝士蛋糕），照舊熱咖啡，今次無叫多奶，因咖啡唔錯，唔使多落奶侍應又將餐飲甜品放咗係隔離枱其實環境出色，食物都唔錯，配得上佢既價位，買一送一簡直係超值。可惜一眾侍應雖然未至於黑口黑面，但未到“好”。餐廳人數唔多，第一次只有2～3成滿，第二次5成滿，均需等待服務；另外，侍應唔係唔熱心，只係口吻稍欠專業，聽落會差啲禮貌。我係此集團既同價位餐廳食飯未有遇到上述問題