櫻花樹下 (已結業)

新北江以前好多好野食，但呢排愈開愈差！自從天澤商場個七福神收左皮之後我真係好耐都搵唔到呢種好岩香港人食既日本野！結果比我搵到呢間櫻花樹下，主打炒烏冬、炒飯同拉面，如過嗌超過40 蚊就有一杯百事系汽水又或者熱綠茶。咁我嗌左三文魚炒烏冬，幾正，個烏冬幾滑身，三文魚幾有咬口！但可惜太油，佢應該落少d油炒，但我都明香港人鍾意食野多油多糖多鹽，我下次再去試下request 少d油🤫🤫坐就唔好預有咩期望喇，乾乾淨淨已經係5星！

一字記之約：正！北江好多野食，但好多都食過，呢間櫻花樹下算係較新的一間舖。經過見到菜單，價錢都好合理喔，就入去試下。因為近來熱氣又咳，唔敢食炒飯，就叫左個一口和牛飯。等左大概五分鐘就有得食，和牛重汁，夠味。搭配紫菜碎，以及玉子絲。再鋪少少燒汁，wow。而炒烏冬， 因為熱氣唔敢食太多，食左兩啖，烏冬黎講，佢算炒得好入味，有d玉米粒，同蟹柳粒以及肥牛片亦好不吝嗇，性價比超高。另外叫左杯日本提子梳打，睇名以為係罐裝，原來唔係。便靚正，下次會黎試下其他野。

今晚與友人尋找晚餐，嚟咗新北江呢個舊商場，喺天水圍區依個四處都係美食既地方揀左依間餐廳仔環境雖小，但嘢食唔錯望住個set Menu，揀左好耐終於揀好左蒲燒饅魚飯半條（$42）味道濃郁，饅魚好軟身饅魚汁配上白飯蛋黃條同紫菜，不過本人覺得汁唔夠多另外叫左個豚肉炒拉麵（$39）雖然聽落配搭比較奇怪，但其實個醬汁幾香口，唯一美中不足係拉麵比較軟身另外叫左個炸生蠔（$18兩件）生蠔不錯，多汁同埋剛炸起脆口另外叫多左兩杯野飲（左）白桃汁 （右）日式奶茶

有日行過新北江條食街，見到牆上面貼住勁巨型鰻魚飯，再望一望啲食客嘅檯面，真係貨對板喎。其實除咗麗江，都冇食過呢條食街嘅任何一間，因為全部都賣相普通，同埋最主要係真係舖太細，唔好坐，今次為咗鰻魚飯破下例啦。睇睇MENU，都好多嘢揀，而且樣樣都幾啱我食咁，樣樣都想試，但試唔晒咁多嘞，叫咗個巨型鰻魚飯，同埋一口和牛飯，同埋雞翼。（其實仲想食炸蠔、一口芝士、小丸子、蟹肉薯餅、手抓餅，佢啲小食全部開正我嗰範!）鰻魚飯同一口和牛都係勁多飯，好彩嗌咗雞翼，如果唔係啲餸係唔會夠送得晒成碗飯。鰻魚中規中矩，唔太多骨，幾好。一口和牛完全食唔出係和牛，但都唔難食，有啲似平時自己去街市買塊牛扒返屋企煎嗰種牛，但都okay，佢調味幾夠味，幾好食。雞翼好辣，同埋唔夠juicy，普普通通啦。雖然叫咗三樣都冇話特別驚喜，但新北江嚟講，都算多個好選擇，唔使食來食去都係米線，同埋雖然都要搭檯，但未未算坐得好唔舒服，係要攬住個袋食飯，街坊落樓下食個飯都okay嘅。總括嚟講，我會仲想去幫襯，想試埋其他小食!下次試完再分享!

新北江商場新開既餐廳，6點左右食，商場人流多。叫左鰻魚炒飯($42)，三文魚炒烏冬($40)。2個人share食。因為係炒類食身物，所以侍應提左，要等大約15分鐘。鰻魚大約有6，7小塊，飯量ok，仲有蟹柳，雞蛋一齊炒，夠鑊氣，炒得粒粒分明。不過最大問題係，好鹹好鹹，我同fd都覺得好重口味。見到好多人都叫尼個炒飯，可能個人覺得太鹹掛。不過，我見好似枱枱都有叫飲品，邊食邊飲就唔會太鹹。三文魚大約有5片，配以粟米，蟹柳一齊炒，尼個味道適中，唔似炒飯個個好鹹。整體，簡單食個飯，餐廳仲有d小食可以揀，亦有拉麵。

相信住天水圍的人一定去過頂頂大名的美食集中地-新北江。因為朋友搬屋了，所以近年都很少到北江，今天再到，發現多了很多食店呢當中櫻花樹下就最吸引我，不但裝潢美，而且坐位都很舒適。（在新北江是很難得的！）鐵板一口牛*1串（$17）_推薦指數： （5星為最高）份量雖不多，但真的好好味，一點都不韌，鬆鬆軟軟的，加上孜然粉調味，不錯不錯骨付腸*1條（$10）_ 推薦指數： 原本以為類似台灣腸，原來是不同的！沒有台灣腸的甜味，又沒有雞肉腸的死咸，更多了肉汁，對腸類沒大興趣的我都覺得可以呢蟹肉忌廉薯餅*1件（$12） _ 推薦指數： 小小的一件，超濃忌廉，對於愛食忌廉的我簡直覺得這薯餅是完美的秘很雞中翼*3隻（$15）_ 推薦指數： 是生炸的，外皮真的很薄脆缺點是醃得不夠，食到入面的雞肉味道有點不夠呢～肥牛炒拉麵（$40）_ 推薦指數： 必食之選！必食之選！拉麵不會腍，肥牛份量不少，炒得乾身，加上帶點微酸的醬汁，真得跟我在日本食過的很像呢（此炒拉麵足以令我念念不忘）原條鰻魚飯（$58）_ 推薦指數：又一必食之選！CP值極高！平常$58都買不到一條鰻魚，在櫻花樹下還有飯在下面呢蒲燒鰻魚有多好味就不用說，

首先呢間櫻花樹下🌸唔關張敬軒事🌝 如果你覺得好romantic既話 咁你就大錯特錯❌難得新北江新開左間終於唔係食粉麵燒味既餐廳 而係主打平價鐵板料理 一於試下佢啦✌肥牛炒烏冬 $40烏冬少彈牙冇酸味 合格! 不過炒得偏濕同唔夠香口 同埋肥牛比較難咬🙊一口和牛飯 $42牛肉粒可以燒得更香 尤其係脂肪位 牛味好彩都食得到 亦唔韌 配上照燒汁撈飯都過得去 店員話個飯係岩岩煲起 所以要食軟飯喎🙈鰻魚炒飯 $42相同原因 所以d飯炒得太濕痴到1999 死罪💀 鰻魚唔厚份量唔多 調味都係比較淡 不過有少少蛋香搭救秘製雞中翼 $15/3雞皮燒得夠脆 灑上左孜然粉 肉更嫩同更入味就好水蜜桃汁/提子梳打 $10/$8佢由天瑞街市開到黎新北江 新北江係一處唔容易立足既地方(尤其係呢個舖位) 睇黎真係要努力改善一下