櫻羽花

营业中

休息中

最近我再次光顧了「櫻羽花」，這家日本餐廳的表現依然讓我驚喜不已。CP值高這裡的菜品價格實惠，特別是空運飛機魚，價格只需一蚊一斤，性價比驚人。每次來都能以合理的價格享受到新鮮的海味，真是物超所值。舒適環境餐廳的環境讓人感到放鬆，裝潢簡約而不失雅致，非常適合與朋友聚餐或家庭聚會。柔和的燈光和舒適的座椅，讓人一坐就是幾個小時。一流服務服務質素一流，店員熱情友善，對菜品的介紹也很專業。每次用餐時，我都能感受到他們對顧客的重視與關懷。廚師的技藝師傅的手勢非常好，每道菜都呈現得精緻可口。尤其是刺身，鮮嫩的口感讓人回味無窮，明顯能感受到老闆對食物質素的高要求。總結我每個月光顧一次，無論是食物的質量還是服務的態度，都讓人感到滿意。

在openrice 搜尋無意中見到呢間餐廳，見到餐牌後，就try try 啦。晚市套餐對比起同區做日本料理嘅餐廳，價錢已經算係合理。餐廳職員態度良好，同埋應該幾鐘意同人傾計。**********1. 炙燒4色丼 $148推介：🌝🌝🌝🌝🌝性價比：🌝🌝🌝🌝評價：丼飯晚飯有set，包湯及沙律，湯係非常熱辣辣👍🏻，沙律就配上油醋汁。炙燒丼裏有4款料（包括3款魚加帶子），個人比較鐘意炙燒後的魚，因為有炭香味。丼內還有薑、菇等等其他配料。 整體賣相很不錯！ 2. 椰子雪葩 $48推介：🌝🌝🌝🌝🌝性價比：🌝🌝🌝🌜評價：食完丼飯之後，就好想試埋店舖嘅甜品，叫左椰子雪葩（餐牌沒有圖），本身以為就咁用碟上，估唔到係用一個半殼椰子上，打卡都唔錯架。**********總結：我覺得呢間已經係我少有會想回頭的日本餐廳，睇得出餐廳係用心製作。其實依家做飲食業真係好艱難，我入去食嗰陣，餐廳冷清，不過後來我坐多一陣，發覺原來都有唔少回頭客啊。

同家人𪊴祝生日 朋友介紹左呢間日式餐廳 雖然位置有點遠 但幫襯完之後確實不錯 材料新鮮 特別推介炸𧎚仔小食 非常脆口 串另外燒魚非常新鮮 肉質鮮味 除了食物確實不錯 店員欣勤的介紹很貼心 不論同家人或朋友聚餐是不錯的選擇

今次是第二次再去，食物依然水準好高，服務一流，又主動細心，好滿足滿意的晚餐，期待2星期後再食♥️推介櫻花蝦豆腐，仲有雞軟骨，超級好味，仲要唔油膩♥️ 另外海膽壽司都好出色環境好舒適♥️

同男朋友出街周圍行搵嘢食嗰陣見到呢一間俾佢個名吸引咗🥴證明起名起得好係好重要嘅🙆🏻‍♀️今次試咗個魚生飯同白魚刺身價格唔算貴，但係食材好新鮮只能夠話冇得彈👍👍

本來想食韓國嘢，點知間餐廳冇開，見到呢間新開日本餐廳環境唔錯，雖然價錢偏貴，但都入去試吓。同同事分別點咗﹕軟殼蟹卷定食 ($118)﹕軟殼蟹卷好大嚿，但味道一般，啲飯太濕，口感欠奉。炸雞便當 (跟三點刺食及烏冬)($88)﹕刺身唔新鮮，炸雞好夠熱，但雞肉冇嚟味道，唔難食，但唔好食。烏冬好夠熱，但湯底好鹹。所有午餐都跟前菜、麵豉湯、蒸蛋及甜品。前菜一般，沙律用嘅醬唔係我杯菜，麵豉湯正常地鹹，蒸蛋有驚喜，夠滑，又唔會鹹。甜品就正常。以環境及食物質素計算，餐廳性價比低。

誤打誤撞入咗呢間料理餐廳，呢度嘅環境十足十好似去咗日本咁，食料仲要係日本🇯🇵空運✈️環境⛩️⛩️⛩️⛩️⛩️/5價錢💴💴💴💴💴/5品質🍱🍱🍱🍱🍱/5服務👩🏻‍🦰👩🏻‍🦰👩🏻‍🦰👩🏻‍🦰👩🏻‍🦰/5回頭指數🌖🌖🌖🌖🌗/5✨由廚師發辦✨午市定食（前菜、沙律、湯、甜品）仲免加一🍱北海道四色海鮮丼$98🍱海膽•特選海鮮丼$128🦌軟棉蝦旁*鹿肉*漢堡扒（味噌費）＄98

過年後第一次聚埋食午餐～由於中式餐廳太多人，又唔想食西餐，所以大家睇完openrice食評後選擇咗呢間日本餐廳！店舖細細環境不錯，都坐得舒服。我哋4人都選擇咗嚴選壽司10貫！套餐配沙律，麵豉湯，10件壽司同甜品。沙律菜新鮮爽口，麵豉湯ok。壽司即整，都等咗接近20分鐘，件件都新鮮好味。吞拿魚雖然不是拖羅級數，但都有鮮味，唔係d古怪雪藏味，比起附近壽司店嘅質素好好多。另外生帶子同蝦都唔錯，個人最鍾意食海膽！侍應服務態度好好，同埋記得我哋要求走黑松露。午餐$148性價比高，下次午餐想食壽司會再嚟。

位於旺角廣華街的高CP值日式居酒屋🏮已經食過好多次 今次先終於打個卡，常客如我幾乎試過曬距食物，有好多set套餐，食材新鮮之餘，份量都好大， 唔驚唔夠飽！擺盤靚✨廚師對擺盤好執著，雖然地方細細但每次食完都好滿足🈵️極力推薦小食：🔥日本黑豚腩生薑燒串燒燒得好香，肥瘦適中，食落去啲肉汁biu曬出來，調味恰到好處。🦐櫻花蝦炸豆腐滿滿的櫻花蝦，一啲都唔手軟大大舊，香酥脆口，勁好味！！呢間小店雖然位置未算好方便，係廣華街，但係絕對值得一試！！

《📍櫻羽花 OUKA 食評》By @ihungry.hk想去日本居酒屋感受下當地嘅風情？其實香港同樣可以🫶🏻！位於旺角嘅櫻羽花 OUKA係一間充滿日本和風嘅居酒屋，除咗提供多款日式小食、主食、鍋物、壽司刺身、日本酒之外，當然仲有唔少得一班充滿人情味嘅老細同員工，為小編送上一個美好嘅和風之夜⛩️！限時優惠🔥顧客現凡於晚市預訂堂食，即可獲贈指定清酒/日本小食/刺身一份（三選一），咁吸引，快啲嚟預訂啦‼️🔸『壽喜燒鍋套餐 - $98』▶️鍋物套餐配送：和風沙律、麵豉湯、日本飯及甜品講起令小編最懷念，一定係日本嘅壽喜鍋！本店嘅壽喜鍋選用來自日本嘅新鮮雞蛋、牛肉及蔬菜，食材上乘，絕對唔係hea你㗎！而且鍋裏面亦都擺放左粉絲，每條粉絲都充滿着甜美可口嘅壽喜燒香氣，再配搭少少牛肉嘅脂氣，超級美味，好味到一粒飯都冇剩低😤😤！🔸『泡菜鍋豬肉套餐 - $95』小編特別上一講烹調豬肉其實係一個好高深嘅學問！本店嘅豬肉鍋正正就係拿捏到最完美嘅狀態，豬肉非常軟淋，一啲都唔硬身，口感啱啱好！而且湯底亦都十分清甜，又唔會俾重口味嘅泡菜而搶過風頭，兩者配合得剛剛好，十分出色🥳！🔸『 風味三文魚卷 - $78』唔知賣相出色，

約朋友食飯想食日本野，又唔想食放題，於是搵到呢間都算係新新地既居酒屋，裝修都幾有日本feel,加上晚市店內燈光暗暗地，都好有居酒屋感覺🤣鋪頭座位唔算多，不過坐落都算寬躺幾舒服，本身book左枱仲有小食送👍🏻🐟鱈魚乾 Free（網上訂枱送）訂枱會送小食/刺身2款/清酒200ml, 今次揀左鱈魚乾，本身會以為似雞泡魚乾果類厚身魚乾果啲，原來係薄身脆口既，好似食緊薯片餅乾咁，口感幾得意，做小食幾好👍🏻🍶清酒煮蜆 $78超推介❗️蜆本身係算大隻果款，而且入口鮮甜，真係食到蜆既甜味，好新鮮👍🏻👍🏻煮得冇過熟，冇出現殼還殼，肉還肉既情況😂2個人食每人都起碼有7-8食食，份量都正常，$78黎講幾抵食🍱特選刺身盛定食 $168叫set dinner真心抵😮刺身盛有三文魚，油甘魚，赤身，帶子，玉子，蝦同鯛魚🐟刺身件件都厚切，都算新鮮，正常質素，而且擺盤都幾靚😂定食連埋沙律同飯，呢個價錢係超值😂唯一美中不足既係碗飯🍚如果刺身盛可埋配壽司醋飯就好🥺個人喜好真係好鍾意食醋飯😂雖然碗白飯有飯素都好味既，但總係覺得差少少🙈🐷壽喜燒定食 $98本身壽喜燒係跟牛肉🐮不過我就戒緊牛，所以就請店員轉做豚肉🐷好彩店員都好歡迎

中午路過廣華街，見這間小小的日式食店，抱試試的心態入去。午餐有很多選擇，飯、面皆有，熟食或魚生亦齊備，價錢亦很公道合理。每人點了一個午餐。先來餐前沙律、湯及茶碗蒸，味道很好，茶碗蒸比連鎖壽司店的更好。試了鰻魚飯定食（有人太心急，相機未食）鰻魚是熱的，份量也很多，很美味。另，角切魚生飯，魚生新鮮，入面種類也多，全是魚生，不像有些食店蛋粒比魚生多，這個有驚喜，價錢也只是$88而已。炸雞冷烏冬，烏冬彈牙，有口感，加胡麻醬，是很好的配搭。侍應服務也很好，離開時廚師也say bye, 很親切。下次想試試壽喜燒牛肉定食，會再來的。

講真，日本野成日食！四周圍都成行成市咁！點解我哋會行過嚟呢度食？🤔其實真係簡單，因為d 野新鮮又好味😋地方細細但又唔會好迫，店員招呼周到不斷加茶倒酒！不時老闆又制造驚喜，送下小食！開頭都奇怪點解咁多熟客仔過嚟，不知不覺，原來我已經一個月，黎左3 次la 🤣今次同兩個同事去，開左一支 桂月CEL24 純米大吟釀🍶正呀喂😘 至於食乜嘢？ 生蠔、赤貝、活北寄貝，一定不可缺少🥰 支持！所以就算一個月，黎多幾次都冇問題👍

同朋友介紹左一間餐廳，趁佢哋今次得閒又過左黎旺角呢邊，所以同佢哋第二次嚟咗幫親，比佢哋睇下係唔係真係好似我講嘅咁正。佢哋話一入去第一下係比餐廳嘅裝修吸引住，因為佢哋嘅裝修真係似日本居酒屋，仲要側邊嘅牆身係印住大阪美景，一見到就醒起已經有幾多年冇去過日本，所以佢哋同我傾定會食晚飯就要喺到影下相當打左卡。當叫完啲野食上黎之後先發現，唔單止個裝修幾好，佢哋啲野食都好好食好抵食，同朋友淨係用左幾百蚊就已經食得好飽，仲要有埋飯後甜品，真係超滿足。對呢間鋪真係太滿意啦，所以都決定要係open rice 呢度講返比大家知，真係唔應該埋沒左呢間咁好嘅鋪頭。

在朋友介紹之下，我們一行八個便相約都旺角這間新開的日本餐廳🍣食晚飯！由於已經提早致電留位，所以唔使等位，七點馬上入座。人流不算太多，個人覺得比較安靜同舒服，非常適合我哋幾個姊妹慢慢談心！Menu 唔太多款式，所以我哋就邀請咗店長幫我哋介紹，成晚唔使諗食啲乜，店長幫我哋有前菜，壽司刺身，同主食都安排得妥妥當當👍啱晒我哋啲放咗工就唔想用腦嘅事業女性👩‍🦰盡情同班姊妹relax relax！店長好醒目，好似知道我哋有人生日🎂話轉頭又驚喜俾我哋喎🫶仲請咗我哋飲咗兩杯Sake🍶非常好客！雖然我酒量尚淺，不過支清酒好易入口，真係好正，甜甜哋，仲有啲果香味😘最後我哋都開咗一支嚟飲！不知不覺着已經飲晒成支！啲嘢食非常新鮮，店長話啲刺身全部日本直送，每日新鮮到貨，即叫即劏😃仲有啲串燒啊，味道啱啱好，燒白鰻魚非常好食😋下次一定要再叫！可惜，店長推介嘅磯煮鮑魚，比隔離枱叫晒，冇得食！要下次嚟先至有得食啦！店長見到我有啲可惜，佢最後將佢嘅秘密武器送到我哋面前！就係「魚生蛋糕」😍😍😍😍😍😍😍😍非常驚喜，非常精緻，真係估唔到店長咁有心，專登整個魚生蛋糕送俾我哋😉！多謝晒你呀！櫻羽花🌸我哋下次一定會再嚟㗎！