檸檬冰室 (冠天閣)

营业中

休息中

食過深水埗嗰間幾好食嘅，行到嚟呢大廈門口度見到有幾間選擇，即時都揀檸檬，一行到入去多人到不得了九成滿客，好不容易搵到一個單丁位，見到個餐牌呢一個系列平靚正，又有雞又有蛋，點知原來落單係叫侍應唔使用qr code，完全唔配合佢咁新潮嘅裝修，叫是應落單已經少之有少，上菜時間迅速，雞入味算嫩滑，隻蛋都不錯溏心，整體都算乾淨，以呢個價錢嚟講係一間唔錯嘅茶記，喺我近期茶記之選一定係五甲之內，而且佢分店好似越開越多。

地鐵去到觀塘落車, 諗住去瑞和街市買新鮮餸返屋企, 買餸前 .行過/路過….唔好錯過. 經過觀塘. 選擇咗呢間檸檬冰室 隊返個早餐先. 已經唔係第一次幫襯.今次就特登試下佢個沙爹牛肉 🐂麵早餐. 來到嘅時候沙爹牛肉份量好大塊👍. 份量… 吾小/ 沙爹牛肉.好滑🦬 /夠淋 (冇筋)同我屋企樓下嗰啲沙爹牛肉有筋.(我係唔會再食果間)呢間檸檬冰室嘅沙爹🐂牛肉👍👍…我可以番單再黎. 炒蛋夠滑😋. 呢個多士嘅麵包👍….係好特別.佢唔係普通嘅麵包. 咖啡☕係 標準 即磨 價錢 $38 唔貴😁👍 坐得舒服又唔使等位

叫左個午餐係焗蘋果唔知咩牛柳粒配意粉，等左比較耐先上菜，不過係焗既都明。但係一撩開個意粉就見到條頭髮，即刻冇曬胃口唔想食。但係好肚餓都唔想再等過所以照食算，食落佢個汁又冇蘋果味又冇酸或者甜既感覺，聞落少少焦味但食落又冇，食唔出係咩汁黎，而牛柳粒就唔差既唔會好un都ok.比啲芝士同汁都夠多。另外佢個中湯就幾好飲，有少少雪耳，但係個熱奶茶就唔夠熱，幾好飲都冇用。之前黎呢度食過啲衛生都係麻麻地，今次又係咁

落完餐後，有禮貌咁同男職員講拎3杯熱水，開初漠視之後講多次先等等跟著後期女職員拎2杯熱水來，再叫拎多杯唔理人，之後再叫多個職員拎多一杯熱水都係唔理人，終於叫到多個職員來拎多杯熱水，佢勁串咁講“拎咗2杯水，要多杯做咩！”我只有同職員講“我同你地同事講咗要3杯熱水，你地整係拎兩杯再漠視。”跟著個職員先唔服氣先去拎水。我明明來3個人食飯，要3杯熱水有什麼問題呢？點解d職員服務人可以用漠視方法來服務？

今餐係午餐～大大杯嘢飲，食物份量多，性價比高！🤑🤑🤑1.四寶飯（$55）：配料與一般的四寶飯不同😆😆😆配料包括：雞椑-流心蛋-豬頸肉-扎肉。食物份量多，適合大食仔女。味道正常。2.鮑魚火腿絲撈丁（$63）：配松露炒蛋及多士，都幾好食。兩隻鮑魚，正常大小😂😂😂。炒麵味道正常，可以炒得更香口。3.大大杯凍飲（跟餐+$10）：真係好大杯，齋飲嘢都好飽好滿足😆😆😆味道而且唔錯。一定唔可以錯過😆😆😆

這家茶餐廳是我在觀塘區的常去飯堂價錢親民重點是食物大大份去過好幾次每樣食物都水準穩定絕對是同區內值得一去的茶餐廳✩‧₊鮮茄菠蘿焗烤豬扒飯ʀᴀᴛɪɴɢ: 𝟾/𝟷𝟶這道菜是檸檬冰室的招牌菜之一豬扒份量大且肉質鬆軟搭配上菠蘿和茄汁的甜甜酸酸口味非常開胃底下的蛋炒飯也很香口✩‧₊瑞士汁雞髀撈公仔麵黑松露炒蛋及牛油多士ʀᴀᴛɪɴɢ: 𝟾/𝟷𝟶常餐非常抵食瑞士汁雞髀調味恰到好處沒有太鹹炒蛋嫩滑加入黑松露後味道更為昇華牛油多士與預期的差不多值得一讚的是這裡可以免費要求另加煉奶公仔麵帶麻油味湯米茶餐廳水準✩‧₊奧斯卡式肉眼扒鐵板餐ʀᴀᴛɪɴɢ: 𝟽/𝟷𝟶肉眼扒肉質軟腍大大塊與一般中菜廳一樣添了些梳打粉伴碟薯角炸得幾香脆很快就被喜愛吃煎炸嘢的我數清光✩‧₊奶茶ʀᴀᴛɪɴɢ: 𝟽.𝟻/𝟷𝟶奶茶是茶餐廳絕對不能錯過的飲品奶茶口感濃郁順滑而有無冰奶茶選擇味道更香濃呢ᴏᴠᴇʀᴀʟʟ味道ᴛᴀsᴛᴇ:💕💕💕 💕 𝟾 / 𝟷𝟶 價錢ᴘʀɪᴄᴇ : ~$𝟸𝟻𝟶

天氣凍好快肚餓，就跟同事一起醫醫肚先，就近的#檸檬冰室 食物中西合璧，就各點不同口味嘅菜式，一齊分享下囉。鐵板牛柳餐配薯菜，牛柳厚身有2大件，7成熟度，切開仲見到粉紅肉色，肉質嫩滑且好juicy，而配菜有脆肉瓜同香脆口感嘅薯條。附送餐湯的我要左足料的羅宋湯，另加了$8的蛋白杏仁茶，順滑滋味。下午茶餐-羅宋湯通心粉轉了米線，配煎雙蛋多士，將蛋汁跟米線拌勻食好👍，飲品點了熱可力，只需$40，真係好抵食。

隣居換新樓搬咗去觀塘，今日同老公去探下佢，晚上一齊去附近嘅檸檬冰室食晚飯。餐廳裝潢以檸檬黃色為主調非常吸晴，燈光明亮，簡潔乾淨，卡座坐得舒服，招呼亦不錯。食物多元化，價錢親民。精選晚餐有多款選擇，配送餐湯及餐飲。蒜香脆皮炸子雞半隻配絲苗白飯，炸子雞外表油光透亮、皮脆肉嫩，雞肉食落除了鹹鮮，重有蒜香味，點些豉油更美味，味道媲美大酒樓。加$8 老廣陳皮鹹檸蜜（熱）味道酸甜，有止咳化痰潤肺功效。星洲炒米：大大碟又夠鑊氣，上枱散發淡淡咖喱香，材料豐富，有包括叉燒、蝦仁、芽菜、雞蛋、洋蔥和辣椒絲，米粉爽口，入口帶有少許辛辣味道。豉椒肉片炒河，一樣份量十足夠鑊氣。將肉片、洋蔥和三色椒炒好，加入豉椒醬汁，再放上已經炒好的河粉上，肉片鮮嫩，河粉滑溜，沾滿醬汁食超惹味。

🐷叉燒｜例🐟茄子斑腩煲🥘馬來咖喱薯仔牛筋腩配餐湯、飲品、白飯X3💰$238.⚡️香港茶餐廳愈嚟愈多種類，除咗充滿懷舊特色嘅店舖，仲有好似🍋檸檬冰室呢款新式茶餐廳，店內裝橫寬敞舒適，用咗🟡黃色做主調，呼應檸檬主題，好有特色🤩.⚡️食物方面全部都好大份！而且上菜速度好快，3餸3湯3飲品都係$238，真心覺得超抵😳特別鍾意🐟茄子斑腩煲，斑腩大大舊食得好盡興！🥘馬來咖喱薯仔牛筋腩夠濃味，配飯一流，如果牛筋可以再多啲就好🤣🐷叉燒肥瘦比例不俗，介乎厚切同薄切之間✨

今天到觀塘檸檬冰室食lunch，在觀塘區這間冰室質素較佳，食物的選擇較多元化，價錢合理，最緊要物有所值，分量亦合理。今日吃了原隻沙薑雞脾併蜜汁叉燒飯加無冰奶茶，原隻雞脾，义燒是半肥瘦，軟綿綿的。

依間冰室同其他冰室好唔同，出奇地有好多款晚飯小菜、鑊氣煲仔菜🤤係偏中式菜餚嘅餐廳，而且餐廳裝修以黃色為主💛新穎搶眼之餘又有活力，最重要價錢貼地❗️想食小炒、煲仔菜，唔洗一定去大排檔。✨ $168 超值套餐依個套餐好抵‼️啱曬兩個人嚟食，自選兩款煲仔小菜，套餐包各兩份白飯🍚、餐湯🫕、熱飲☕️。$168無加一服務價，依個價錢平過去酒樓、大排檔，仲要全部都係大路人氣晚飯小炒、煲仔菜色都有😱🍛 馬來咖哩薯仔牛筋腩薯仔係咖哩菜色裡面不可或缺嘅🥔薯仔無一夾就碎🥢食落唔係粉糯，口感超級軟腍，依個真係加分💯而且好入味。牛筋腩大大嚿，每一嚿都厚切🥩但食落好腍滑，好淋又入味🥰最後，咖哩份量好充足，兩個攞嚟撈飯都用唔曬🍚味道方面，香濃帶點辣，唔重椰汁味，送飯一流👍🏻🍲 鮑魚雞煲雞煲熱辣辣♨️上枱後先開蓋，非常有鑊氣，啲雞汁仲係道滾緊‼️雞煲份量啱啱好，有4隻鮑魚，鮑魚有一齊連雞汁一齊快炒，所以單食都好有味道😋雞件肉質嫰滑🐔全部有好多肉，唔係比啲無肉骨位。煲底仲有薑、蒜、紫洋蔥同芫茜，味道微辣香口，最推薦大家嗌依個😜🧋 椰汁紅豆冰 （轉餐飲 +$8）依杯加8蚊都值呀❗️足料份量，激大杯紅豆冰☺️紅豆份量又多，食落軟綿綿又甜

Lemon冰室，清新感覺🍋今日去左呢間檸檬冰室，上次同屋企人食過覺得食物新鮮又有鑊氣，所以又一齊食晚飯，始終茶餐廳經濟又實惠😋檸檬蜜汁排骨 $72呢個排骨份量都大碟，粒粒排骨都炸到又香又酥，食落又脆又甜甜地，非常開胃👍而且加$12有埋白飯同飲品，抵食☺️涼瓜斑腩煲 $75呢個班腩煲都好正😋班腩居然唔係就咁魚柳，而係新鮮班塊整😳😳食落口感更彈牙👍調味方面上鼓汁，食落涼瓜都唔苦😋呢個本身就係晚飯套餐，所以$12都慳返😁😁黑松露脆蝦炒滑蛋 $78呢個黑松露一上枱已經香氣四溢，忍唔住即刻起筷🥢🤣炒蛋好香又夠滑👍特別要提下呢度嘅蝦仁🍤係有幫手挑走啲蝦腸架😳好好呀！出邊食好多都無理你咁多，超級加分😍😍📍 檸檬冰室 (冠天閣) (觀塘)觀塘康寧道11號冠天閣高層地舖#港式茶餐廳 #Fusion茶餐廳 #檸檬冰室 #signature #性價比高 #觀塘美食 #觀塘茶餐廳推介 #美食推介#yummy #kwuntong #hk #hongkongfood

上星期六我同一班朋友在體育館做完運動💪，完了大家都疲累了，準備回家，但我們都肚子打鼓當然先填飽肚子😆 有間朋友介紹的平價美食食完都真心喜歡💕 ，叫檸檬冰室！聽說有多間分店。明爐燒鵝飯可加選擇燒鵝脾 ，燒鵝實在燒得好香噴噴，外皮香脆肉又多汁！豬頸肉四寶飯好有特色的四寶，新鮮熱辣豬頸肉肉嫩可口，加上有雞髀🍗、扎肉配合更豐富黑松露芝士多士如果仲有肚子空間都不可錯過的多士，極邪惡！🍋檸檬冰室觀塘康寧道11號冠天閣高層地下

過嚟觀塘裕民坊附近，唔想入商場搵食，響周圍蹓躂期間，見到一堆人企喺某個小型商場門口，向上望有個檸檬黃嘅招牌吸引咗目光，平靚正嘅套餐好多選擇。排咗一陣就入座，叫咗至愛嘅燒鵝髀飯，上到枱未食見到都真心係大驚喜，鵝脾超大隻賣相又吸引，食落多汁皮脆肉嫩，熱辣辣嘅程度應該係燒咗一陣就斬件上枱，證明呢款食物好受歡迎，先做出咁好嘅質素。朋友叫咗個無骨海南雞飯，雞肉好嫰滑，油飯香而彈牙，跟餐叫咗杯華田紅豆沙冰，只係加$ 8，大大杯嘅沙冰飲到停唔到口。呢間性價比咁高嘅餐廳，都有幾間分店，值得再試。

2023/08/31 12:01 1］落單叫左一個蒸肉餅，過左30分鐘先追單，完全冇人理會。算喇，話咁取消佢喇，員工呀姐態度惡劣咁話落單既時候冇人同你講蒸既系列要等30分鐘以上咩。事實係的確冇。12:35 有員工放低碟肉餅同一個白飯，我剛剛放左肉餅落碗飯，未開始進食。員工呀姐就一野行過黎話蒸餸係唔跟飯，只會得一碟餸，有飯即係轉套餐啦，套餐先會有一個飯同一個例湯。態度勁為惡劣繼續話邊個俾飯你，有飯即係套餐而家要加返12蚊，ok?之後一野搶左張單去改單。一吐氣即刻起身俾錢走。明白茶餐廳冇要求咩服務態度，但係呢種手法收費，唔透明唔清晰有錯態度差仲要消費者硬食。唔會有下次，都極力唔建議人貼錢買難受，觀塘大量冰室同茶餐廳選擇。2］用餐前可以留意下啲餐具，隨意拎起既兩個餐具都痴住條菜，衞生情況真係好一般