檀香山茶餐廳 (已結業)

吃過坐落在對面的文華冰廳，印象麻麻。很想轉一轉口味，為求方便快捷，就走進來....平常的腿通及炒蛋吃得多，今日挑來一個葡式的，算是新嘗試吧...可謂港產的葡式早餐 ? 打頭陣的是一小個牛油火腿豬仔包。除了那個烘得熱脆及批flaky的豬包之外，牛油及火腿都是些相對普通物事。若果這也說是"葡式"的話，那就不禁有些讓人失笑了。何況跟前的這片火腿是全然沒煎過的，牛油份量亦是吝嗇之極。這個所謂的"葡包"，是可以不理了....另一葡式東西便是面前的鮮茄牛腩餐肉粒螺絲粉。同樣地，若然開罐罐頭牛尾湯作湯底，再放些配料上去就稱之為葡餐的話，那就真是可憐之極了。單論食味，這湯底是有點偏酸，螺絲粉質感也是overdone。牛腩只得一兩小件，太孤寒了吧，餐肉也遇上同樣的情況，無言已對.....凍檸茶竟已是最好的一環。有點茶味，不差....若下次再要付出二十多塊以換來這份所謂葡式早餐，實是笑話矣....

紅磡一間轉街位嘅茶餐廳, 有電視睇, 有卡位坐扒餐 ($48) - 夠粗豪! 大份, 薯條份量唔小家, 牛扒夠嫩口, 仲有豬扒, 雞翼, 煙肉, 腸仔同蕃茄, 正!煲仔飯 ($35) - 鹹魚肉餅, 鹹魚超香, 肉餅唔會太乾, 食埋飯焦真係一流兩個餐都可以跟嘢飲, 凍飲加兩蚊

唔講唔得呀,超嬲呀! 本身諗住行過食個tea,見佢有咁多樣野有得簡,都算唔差,點知一入到去坐低,我男朋友叫左個腸仔+扎肉+肉鬆米,黎左之後見到碗野有隻飛虫仔係到諗住叫佢換過第二樣野啦,因為怕佢(不)開之後都係俾返個碗黎,之後就話轉雞比+薯條.黎到之後仲衰,雞比出面係好靚脆卜卜,但係入面唔熟之餘仲要有血,即叫亞姐黎睇下啦,仲要d態度差到好似覺得你好煩咁,咁無理由唔熟都要食丫ma,叫佢拎入去炸熟d算喇,都唔想轉,點知炸完出黎隻雞比唔見左一半.激到我同我男朋友食左一半之後比錢走,我話過咪洗再只意我去幫襯.1.) 服務態度差2.) 食物不衛生3.) 食物唔熟

上星期日去了好耐無去過的黃埔,行下行下走到去紅磡嘆下午茶; 今次專登搵茶餐廳. 見到'Honolulu', 拿拿聲走入去嘆冷氣... 下午茶都有幾多選擇,我揀了茶餐廳下午茶較少見的蕃茄湯午餐肉螺絲粉. 以為會係一塊午餐肉,但原來切粒,仲有紅蘿蔔粒等配料. 湯略嫌唔夠濃但都OK; 螺絲粉好'腍',煮了很長時間?! Overall幾好食,唔錯; 跟餐盛惠$21,凍飲加兩蚊.另外叫個好classic的雞脾薯條. 炸雞脾size OK,薯條都算多. 雖無特別但都幾好食. 同樣跟餐$21.睇餐牌仲有其他特式下午茶,例如有個叫泰式肉鬆豬仔包,有機會再試.

八月十五‧是中秋四人吃飯，有人提議去對面的老式茶冰廳，我將我上次「半碟油」的經驗道出，大家也怕怕，就轉了來對面的這裡。原來舖子也不少的，空調足又有電視看，環境不錯。食物方面，幾多元化的，有不少的茶餐廳食物，也有小炒及碟頭飯，連星馬泰菜也有得供應。要了四款食物，分別是粉公仔麵、蕃茄湯螺絲粉及肉鬆包、豉油王炒麵及楊州炒飯。先說我的蕃茄湯螺絲粉及肉鬆包，蕃茄湯是罐頭茄煮的，幾夠酸味，也濃郁。螺絲粉就太腍了，應該是預先淥起了一段時間了吧！肉鬆包幾不錯，是用一個烘熱了的硬豬仔，中間夾了肉鬆、青瓜、蕃茄等等配料，幾美味，吃得過；幾款食物也是即叫即炒的，炒公仔麵太乾身了，坊間吃此品普遍有過油之慮，但也要下適量的油份麵條才會爽口，尤其是炒公仔麵。同樣情況，在豉油王炒麵也出現，亦是太乾了；楊州炒飯反而不錯，夠味，亦乾身香口。阿姐招呼不錯，快手快腳，態度又好。連飲品，埋單百七蚊有找，雖然不貴，但也不要說，以吃同類食物來說，是比在灣仔及中環要貴一點的。

呢度小菜唔錯.有幾道是挺好味的瑤柱扒時蔬(我經常揀西蘭花)好正!!!值得一試以前唔使加錢,後期改左加幾蚊!!!唔緊要喇好食就值得既!!!仲有碟西檸雞好大碟,好好味一個人食真係食唔晒,好在我地經常兩三個,佢地既坐位都夠多,經常都可以坐sofa佢地人手唔算多,不過出菜尚算快既,

紅磡的茶餐廳很多水準參差Honolulu是我們最常吃早餐的其中一間愛稱她Honolulu, 就是有那種渡假的感覺相比起其他茶餐廳這裡面積較大座位較寬闊兩邊亦有ｐｌａｓｍａ大電視而且速度很快多款早餐選擇我們特別推介雜菜湯腸仔螺絲粉＋火腿豬仔包餐炸菜肉絲麵豬仔包即烘，新鮮熱辣，一咬麵包碎四飛雜菜湯腸仔螺絲粉非常足料，雜菜湯更是濃濃的外間的炸菜往往就是太咸／太淡，這裡的就香濃入味吃早餐的好地方～