櫻島麵包餅店

营业中

休息中

今日我去咗大窩口邨一間街坊麵包舖，真係好開心！呢間舖頭款式種類多，無論係傳統定新潮嘅麵包都有，真係滿足到唔同口味嘅人。我最鍾意嘅係佢哋嘅大麥包，$8一個，做早餐真係好足夠！呢個大麥包外皮金黃，咬落去嘅時候，感覺到啲麥香味，內部鬆軟，完全唔似普通連鎖店嗰啲空氣包，呢個真係有實在感，食落去特別滿足。每一口都可以食到啲大麥嘅香氣，配埋一杯牛奶或者咖啡，真係完美嘅早餐選擇。另外，呢間麵包舖仲有好多其他款式，例如奶黃包、紅豆包同埋各種甜點，睇到都忍唔住想試下。佢哋嘅奶黃包特別滑，餡料唔會太甜，真係好好味。紅豆包一樣，紅豆餡好滑，甜度啱啱好，食落去好有懷舊感，令人想起童年。整體來講，呢間街坊麵包舖真係一個好地方，食物新鮮，價錢又合理，環境雖然唔豪華，但好有家庭式嘅溫暖感，適合街坊嚟買早餐或者下午茶。我一定會再返嚟，繼續試下其他款式，睇下仲有咩好味嘅驚喜！如果你係大窩口附近，真係唔好錯過呢間舖頭！

✨奶凍哇 呢個牛奶pudding真係幾正，無意中對佢上癮左一段時間😥🫠🫠甜度剛剛好，牛奶濃郁，質地順滑🤍🤍10蚊有找，食下都幾過癮。✨核桃麵包好大舊，有個暫時係我見過最平嘅大麵包😂不過裡面有我唔鍾意嘅提子乾🥲🥲麵包唔算香。

買個麵包要求切開好正常，條馬尾收銀八婆掛住傾計，求其喺中間切一下，叫佢切多2下，發曬脾氣亂切，話佢2句博我幾句！我會將呢個咁差嘅服務態度同我識嘅朋友分享！其實服務業員工真係好重要，求其請人唔係問題，不過佢真係會幫公司趕客！希望櫻島管理層加強培訓啲前線員工！

早餐快食通常都係食麵包，今朝買咗兩個麵包，係菠蘿豆沙包，另一個就係沙律腸仔包，我哋啲打工仔，其實餐餐出去食都好貴呢間麵包舖就非常之平民價錢，買咗兩個包都係$9咋、而且可能多人買啦，麵包好熱辣辣！呢個麵包都係中規中矩啦，菠蘿豆沙包啲餡都算多，不過菠蘿包面唔夠脆！腸仔包都有D芝士咸香，腸得似雞肉腸，加埋沙律醬，幾好食

火腿芝士包和牛油撻早上太肚餓，食左先拍照哈哈。雖然料比以前少左，不過通脹那麼嚴重，佢地都賣這麼便宜，實在是難得，師傅很瘦，時不時出來補充新鮮出爐的麵包，服務員十分打趣地說他出來看靚女哈哈，難道我的魅力那麼大? 雖然服務員賺錢很少，可臉上露出純真的笑容，想他們的公司文化應該比較融洽，很難得。荃灣也有一家櫻島，賣的麵包總類更多，這家因為長期和附近的麵包店競爭，已經從大店搬小店，新年更是少有年貨選擇。還記得小時候小學時在石蔭商場跑過去賣麵包趕坐校巴的情景，那時的麵包$1.5一個，現在也只是3元，希望我們都珍惜為我們做早餐的人，珍惜他們的勞動成果。

雖然呢間都係連鎖店，但佢係走街坊路線，價錢係極有良心，而質素又不錯，絕對唔會係空心包！夾下夾下就夾左好多反黎，見到新鮮出爐，真係忍唔住曲奇皮蛋撻，只係兩蚊個咋，雖然個皮唔算好香牛油味，但係好鬆脆呀，而個漿，都好香滑，有蛋香，兩蚊雞好抵食！火腿芝士包，鬆軟得來唔會得個殼，食落去好實在，火腿量不會太少，面頭仲芝士同沙律醬增添香味！雖然個包唔大隻，但食完都有飽足感！

當大家一路講緊大的麵包連鎖店麵包都是空心老倌, 樣大大, 但無內涵之際, 屋村樓下仍然有好多有良心的店舖。吞拿魚包($3.5)- 因為一出爐就有幸可買, 所以放入包裝袋內好快就扁左少少, 但完全無影響味道, 麵包有少許油香, 入面吞拿魚沒有太多沙律醬, 真材實材。吞拿魚的分量都佔了包的一半, 啖啖肉。合桃提子包($5)- 咁大一個包, 都只係5蚊, 提子的分量都有好多, 只是合桃只得一兩粒, 味道不多, 這麵包的味道會比吞拿魚多一份甜味, 鬆鬆軟軟。

唔知有冇街坊有睇呢？點解麵包舖都開咗好一段時間㗎喇〜但一向都唔太吸引我去買，但有一次肚餓，行過想食椰撻，見到就走入去買，但發現原來佢係酥皮嚟喎！一試之下，愛上咗！真係不得了，本身好鍾意食酥皮嘅我，對酥皮都有d要求，但無諗過酥皮配椰撻呢個配搭！餡料唔太甜，配埋酥皮，成日都心思思想去買嚟食啊！

長長的細麥包, size中等, 新鮮出爐, 熱熱的, 咬落去, 包軟軟, 但是, 包內的提子過甜, 整體上, 十分抵食.

上回寫左青衣餅店既老婆餅與豆蓉餅, 尋日媽媽又買左另一間位於石籬櫻島既老婆餅同豆蓉餅俾我食, 仲買左一條朱古力味既瑞士卷老婆餅 ($2.2): 個皮好似焗過左龍, 面頭黑左d, 但無損味道...皮薄餡多, 冬蓉餡甜度適中, 仲咬到爽口既冬瓜粒, 呢樣暫時係我第一次食到既老婆餅口感!!豆蓉餅 ($2.2): 呢個餅好難會做得唔好食既, 皮薄餡多, 好夠甜!!朱古力瑞士卷 ($10): 本來係最滿心歡喜見到既瑞士卷, 因為好少麵包店既朱古力瑞士卷面頭會鋪上朱古力粒, 十蚊一卷都有朱古力粒, 可見佢既誠意!!可惜一打開個盒, 塊皮就痴住左..搞到個瑞士卷甩皮甩骨咁........味道方面都幾好, 忌廉都好多!!所以一次過都俾我同細佬食哂......美中不足就係濕左d..所以切落去唔會好似平時瑞士起咁乾淨利落..成檯都係碎..仲食得好狼狽如果瑞士卷乾身番少少就perfect, 價廉物美!!黎緊再繼續試唔同餅店既老婆餅與豆蓉餅~

酥皮旦撻, 應該.. 間間桉島都好食!! 又平喎!!最緊要係夠熱就係頂尖享受(凍左都ok既)

2蚊大大個賣相幾靚仔但食落無乜甜味又無乜鹹味都係食番蛋撻好d

蝴蝶酥雖然好鬆化但食完成個袋同雙手都係油件件size變化好大阿姐雖然忙於包蛋撻但仍然有禮

因為公司O係附近經常有同事或者D client會買呢間既出品俾我地食記得食過佢既蛋撻,蝴蝶酥同豆沙酥～蛋撻佢有分曲奇皮同酥皮架照顧同唔同人既口味好細心我食過曲奇皮,唔油d蛋甜味又剛剛好佢月暖爐keep 住加上佢d蛋撻好好賣成日都有新鮮出爐所以幾時買都係新鮮熱辣好好味記得好似係1.5定2蚊架咋好抵食～蝴蠂酥就油左少少但尚可接受甜味o岩o岩好都算幾好既～豆沙酥入面d係紅豆甜得黎剛好唔會話甜到好假皮係一般麵包舖老婆餅o個種皮細細個大約6cm直徑咁大食完唔覺漏比我想像中好得多