櫻島麵包店

营业中

休息中

朝早返工時間諗住買麵包 自己排隊比錢時已經諗住多人攞定八達通出來比錢咁岩我當時有電話響 所以直接將個麵包同八達通 show比收銀睇 但個收銀唔郁 我以為佢整野 所以我就等了一陣 佢就同我講叫我比錢 但當時我已經將張八達通 放在八達通機上等收錢不過佢都唔㩒掣收我錢 我就問有咩事 佢話我唔開口同佢講用八達通付款佢係唔會㩒掣 態度超差 我就話 我唔係八達通比錢 我做咩要放張八達通係架八達通機上呢？ 加上我平時日日都去買麵包 其他收銀都唔會要我通知佢地用八達通 先肯收錢架啦我知你朝早多人忙 但都唔係咁攞D客嚟玩呀你快快趣 㩒個掣Do左收錢就算啦

麵包控就係會周圍睇吓啲麵包舖🤣呢啲舊式麵包舖雖然無好華麗嘅包裝或者外觀但其實有時個味都可以好好食😋今次食嘅係都好似幾多人講嘅豆腐蛋糕豆腐蛋糕 -$6好想用一磚磚嚟形容🤣睇落好似有啲乾同硬但㩒落去好鬆軟而且一啲都唔乾味道係淡淡嘅蛋香同少少甜細食朋友食一嚿飲啲水做早餐應該都夠飽🤣曲奇 -$13/5咁嘅價錢其實個份量我覺得都算幾多今次試咗原味中間有粒合桃食落可以增加口感唔會好甜都幾鬆化不過食到尾有少少乾

推介推介賣相白雪雪 似足成磚豆腐嘅豆腐蛋糕🍰口感非常之鬆軟 輕盈得嚟仲好有彈性 濕潤度啱啱好😍同時食到蛋白香同濃郁嘅豆味🤍食落好清甜 完全唔漏 好清新 一次過食幾個都可以😌

估唔到呢一間懷舊嘅傳統老餅店 竟然會出咗一款超人氣嘅豆腐蛋糕🍰嗰次特登去買嚟試～$10兩個真係超平🤑成舊白雪雪 真係好似豆腐咁🤍口感好鬆軟有彈性 食落好輕盈 微甜💓一次過食兩舊都冇問題👍🏻

此乃隱世農曆新年炸物店，笑口棗，芋蝦都是佳品。特別是芋蝦，細隻，容易放入口，不會爆散跌落地，女士則要分兩至三啖。不油膩，看膠袋內底便知道。價格是名店的一半或以下。今年是130元一磅，可以由店員即秤即買。我買1/4磅，約有8件，平均約4·1元/件，應是全港性價比最高。

同媽咪行開荃灣,經過想食蛋撻,買咗兩個熱辣辣,急不及待找地方攪掂佢,就坐咗附近德華公園食.嘩!好酥皮,好好食,可能未試過咁樣同媽咪坐公園食野,所以特別好味,特別有意思,特別印象深刻.

今日放工經過買咗兩個飽，腸仔飽同菠蘿飽(有花生醬同椰絲餡)，腸仔飽因為熱辣辣關係，超好味，個飽仍然係脹卜卜，條腸亦唔會林patpat，但係個菠蘿飽就...咬一口，掉咗(唔好題，超爛食)！呢間麵飽店喺我公司附近都有一間，每一間價錢係唔同！呢間係貴啲，同一款飽，我公司附近平五毫子！

本人於6月12日下午2時許怱忙間,走進此餅店鹹田街分買一個包填肚,付錢時拿出硬幣付款,豈料收銀員用粗魯的態度要求本人換其他硬幣付款,本人反問"有咩問題?"該收銀員繼續用無禮態度回應"你個硬幣黑左,我收左找比人,人地會唔收,仲問有咩問題!",本人基於行個方便我唯有換過硬幣,但對其態度深感不滿,難道較污糟的錢就不是錢嗎?而且她可以用一種較為友善態度要求客人換硬幣,以後我寧願去較為貴價的餅店也不會再"幫襯"此店!!

包癒發作<二>好少麵包店會有切件既卷蛋賣3蚊大大件,我都買返件另外再買件豆腐蛋白蛋糕卷蛋十分鬆軟呀,估唔到,令我好有驚喜!忌廉好平均,唔太多. 正! 下次可以買1條食豆腐蛋白蛋糕,無咩豆腐味.但好香蛋白味唔太甜,屬普通之作,都係3蚊件

麥包超級鬆軟唔太甜又有足夠既提子粒粒吊味無餡包中佢算好好食另外佢d pizza包大大片唔太厚但料多到啖啖都一定有茄汁既酸酸甜甜好好味就算你買少少收銀姐姐面口如一無黑面抵讚

本來想係隔離德發買個粥外賣, 但好多人....於是唯有買麵包....於是見到紙包蛋糕都幾靚仔....$3一個, $5有兩個....我就夾左兩個...係車度食...! 同普通餅鋪既差唔多...夠軟熟.....不過...我就食唔到新鮮出爐既感覺--- 熱辣辣!

一個正方形,白色面頭有d燶燶地的顏色..底部係啡色..一直好想買,所以前日經過終於買了..都好味, 但又無咩豆腐味...似普通的蛋白蛋糕...補充...點解會面頭有d燶燶地的顏色..我覺得係個師傅將個蛋糕掉轉放而已...無咩特別技巧...唔知係米呢

「健康小麥包」，兩蚊一個，吃到幼幼的麥纖維，相當抵食。

平時好少係呢間分店買麵包, 今晚行過, 有些少肚餓, 就買了一袋杏仁曲奇餅, $8一袋有大概十五塊左右, 一咬落口好鬆脆可口, 又有幾多杏仁, $8一包真係好抵食!