櫻井屋 (已結業)

這間其實在5月底的時候就來吃了，現在才想起自己還沒寫食評🤣這家是同事推介的拉麵店，她們說味道不錯價錢又不貴，於是午飯時便跟了她們來這家嚐一嚐😄來的時候剛好有一檯客人結帳，所以只等了幾分鐘就可以入座了。店裡也有刺食壽司那些供選擇，不過這次以拉麵為主，所以我選了地獄湯叉燒拉麵。很快我的麵就來了😍本來以為地獄湯顏色會很深，沒想到比想像中的淺得多。當我以為不會很辣的時候，吃下去才見真章啦！😲 同事也說這次的辣度是比上一次還要辣，不過也沒有到辣得吃不下去的程度。溏心蛋跟叉燒好吃，麵質不會太軟也不會太硬。這個價錢吃到這樣的拉麵真的很不錯。份量也算多，有啲吃不完。到一點多的時候，人也越來越多呢。下次可以再來吃壽司和炸物看看那個比較出色呢。

葵涌廣場越來越多野食, 但都係小食居多想搵間餐廳坐低食下野真係唔係咁易, 又唔想食米線同茶記, 見到呢間拉面店, 價錢又唔貴, 一於試試佢拉面有6款湯底可以選擇, 1)麻油豬骨2) 黑蒜豬骨3) 地獄湯4) 醬油湯5) 鹽味湯6) 味噌湯而主要既配菜就有三款, 义燒, 豬軟骨同海鮮另外仲有一堆拉面既配料除左拉面仲有壽司可以選擇每張枱都會有MARKER, 將你想點既野畫落個MENU度然後交比店員就可以食拉面最好既配料緊係义燒啦, 所以我同媽媽都係揀左义燒只係湯底唔同以下呢碗就係黑蒜豬骨湯, 第一啖緊係試個湯先啦好香黑蒜油味, 豬骨湯底都幾濃, 拉面都彈牙同埋份量都幾多MENU上面包括既配料通通有齊, $48黎講算幾抵食另外呢碗就係味噌湯, 湯底相對較黑蒜豬骨較淡但味道都OK既, 但個人就鍾意黑蒜豬骨多D個糖心蛋醃得唔夠耐, 所以蛋白冇乜味, 似食緊普通恰蛋但整體算係OK, 拉面癮起果陣可以一試

一行三人去葵涌廣場shopping加買糖，到中場休息時間阿菇介紹我去食平價足料拉麵。佢係葵涌廣場地下當時點幾，人數未算多，好快就有位坐。間鋪唔大，走和風路線。半自助形式，想要熱茶係要自己斟茶，坐下來拎張餐牌，其實同時係點菜單，揀好自己嘅選擇，之後比店員，等一會兒就有拉麵了。講真，價錢堅平，只要$48就有碗日式拉麵。我叫黑蒜豬骨叉燒拉麵$48，加罐可樂加$7。配菜十分夠份量，加上牛油，仲有半隻旦，味道不算一流，但價錢不會將貨就價，又有紫菜，鳴門卷，粟米，京蔥，蔥花，半隻蛋，筍同幾片小小的叉燒。阿菇碗拉麵跟我一樣，但湯底不同，佢的是麻油味，佢都同意超值，味道還不錯。菇媽揀海鮮拉麵，價錢一樣$48，配料多，海鮮係急凍海鮮，佢話下次會叫返叉燒啵。係葵涌廣場行街，又想平平地食個拉麵，依間拉麵店算唔錯的

我呢種中年師奶最鍾意就係去葵涌廣場搵嘢食，就係貪呢度啲嘢又平又多款式，今日就去咗呢間櫻井屋，食平價日本嘢。呢度賣嘅日本拉麵，$48就有交易， 我叫嗰個就係黑蒜豬骨拉麵，配料包括海草碎、筍片、京蔥、青蔥、木耳、粟米、紫菜、牛油、鳴門卷、溏心蛋、叉燒。碗麵大大碗，啲材料都食得出係好貨，個糖心蛋好入味，叉燒又夠金香，好好味。除咗食拉麵之外呢度仲有各種各樣嘅日本嘢食 我又叫咗三文魚腩壽司 三文魚腩壽司啲三文魚腩好肥美好好味 仲叫咗串燒牛舌、串燒牛柳粒，啲串燒就一般一般，唔算得上好食，亦都唔算得上係難食，不過價錢就夠曬經濟實惠。

難得葵涌廣場地下開了家拉麵店，並且設有堂座。筆者平日掃街立食多了，偶爾也會想找個位子坐著吃。每張枱都放有過了膠的餐牌卡，填好後交給店員就可以。拉麵的湯底選擇有6個，愛嚐辣的筆者就選了地獄湯底的海鮮拉麵，看看有多地獄。等食期間，店員非常細心的奉上熱茶。由於剛好是午巿時段，店內的5-6張枱子瞬間便滿座了。說實話，筆者對「海鮮」的期望不大。以這個價錢來衡量，開初以為是蟹柳魚蛋之類。所以上菜時，筆者是頗意外的。但海鮮堆只是普通白烚，味道欠奉。反而感嘆拉麵配菜的多。如圖中所見，分別有紫菜、木耳絲、鳴門卷等等。其中的溏心蛋吃下來帶有陣陣滷水香味，令筆者一再回味。（餐牌還可選擇走去食客不愛的配菜，十分貼心。）在筆者的貧乏認知中，自以為地獄湯底是一片紅海。豈料拉麵上枱時，湯底顏色卻是平時味噌湯的色水，一度以為有錯單情況出現。喝了一口去確認，豬骨湯中帶有辣味。後來，更開始有「越吃越辣」的感覺。拉麵質素也不錯。雖然沒有粗幼度選擇，但以48元的價錢來說，能夠有相對的份量和味道，是一家值得支持的小店呢！

今天下午到了葵芳廣場食午餐，由於天氣熱的關係，沒什麼胃口吃飯，所以就選擇了吃拉麵。這間拉麵店的面積比較小，而且位置也在廣場比較深入的一角，所以也不容易發現，如果不是朋友帶路，我也不知道這裏有一間日式拉麵店。進內後，桌上會有一張過膠的餐紙和一支筆給你用選擇拉麵款式之用。在湯底方面，選擇真的很多，一共有6款不同的湯底，包括：麻油豬骨湯，黑蒜豬骨湯，地獄湯底（辣），醬油湯底，鹽味和味噌湯底，真的令人難以決定，不過最後這是選擇了黑蒜豬骨，因為最近好像很多人也喜歡黑蒜這東西。而主食方面，則有叉燒，豬軟骨和海鮮，三選一，而我則選了叉燒。而在配料方面也是令人眼前一亮，因為平時食麵，給的配料多是蔥，芽菜和腐皮，但是它卻有多種選擇，如：海草碎，荀片，溫泉蛋和京蔥等，（注意：不要的配料要把它打勾）。拉麵到了後，我首先試了那個湯底，可惜卻有點失望，湯是有黑蒜的色，卻沒有黑蒜的香和味，只品嚐到單一的咸味，然後說說主食方面，日式叉燒，日式叉燒多是選用五花肉，因為肥中帶瘦，令口感都有層次，肉質也不會太硬，不過這家所製的叉燒需雖然是肥中帶瘦，但肉質偏硬，口感一般，帶甜味，也許煮太久了，值得一提的是那個溫泉蛋，煮得剛

喺葵青區返工一段時間，食中午飯多數都係去葵涌廣場 因為實在有太多選擇，今日就經過呢間日式料理小店，見到拉麵都係48蚊一碗，覺得好抵所以就試下，拉麵有六款湯底選擇，主食亦有三款可選擇，我今次選擇咗味增湯底叉燒拉麵，味增湯底都幾濃厚，而且隻溏心蛋都好入味，麵身軟硬度適中，啱晒我口味，以呢個價錢嚟講食到咁嘅拉麵，真係好抵食。

櫻井屋是今年新開的食店，之前也經過好幾次，但都沒有試過。今天看看餐牌，發現原來也有拉麵吃，對於喜歡吃拉麵的我來說，的而且確值得一試。這間食店的拉麵配以不同的款式，有豚肉、海鮮等等不同的配搭，如果喜歡的話，更可以加其他的燒物 例如燒鯖魚。試過海鮮拉麵，味道不錯，不過感覺有點鹹，如果能淡一點，就更加好。

葵涌廣場的美食特別多，琳琅滿目的食肆令人目不暇給。今日到地下見到偏遠位置新開了一間日式小店，就買個外賣試下先。小店一大個拉麵招牌，價錢算公道，而且原來配料係免費既，小妹當然要哂全部啦，哈哈除了拉麵，仲有壽司、刺身、串燒、炸物等供選擇。不過小妹認為壽司選擇偏少且沒有圖文並茂，令人沒有衝動下單。收銀旁邊放左3杯滋潤糖水，貌似非常足料，就叫杯圓肉杞子試下先。飲落唔會太甜，淡淡圓肉味，唔錯。今次我就叫左黑蒜豬骨湯豬軟骨拉麵。湯底濃郁，仲散發淡淡牛油香味，好好食。不過豬軟骨略嫌唔夠軟，肉質偏硬些少。跟住就係野菜薯餅。薯餅非常香脆，薯蓉香滑好食，另人食指大動。最後加多個鯖魚，醃得幾入味，而18元的價錢竟然有2串，非常抵食。今餐畫上完美句號。

一試新開的小店今日行過葵廣見有D肚餓就入左去地下一間新開既小店”櫻井屋”我地叫左一個呑拿魚海膽飯$65同埋一個馬糞海膽手卷$35總數$100當我地剛坐低既時候，店員就行過黎同我地講呑拿魚買哂 甘我地就轉左要油甘魚飯店入面有茶俾客人自己倒黎飲🍵但係個茶竟然係鐵觀音 哈哈😅因為無咩人 所以都坐得幾舒服個馬糞海膽都Ok 唔錯既 質數屬於中上油甘魚有四片 海膽亦都唔多唯一多既係飯🙊 以$65黎講 都還可以既比起上兩層個幾間手卷 呢道可以坐低慢慢食 係一個加分位👍🏼👍🏼👍🏼總括而言 可以一試

夜晚行過試下，環境開揚無咩人。呢度主要食壽司同飯，選擇不多，食火焰魚生飯還可以。但食了三文魚，凡立貝，海膽壽司就有醒味，不值這個價。飲品沒太多簡，又沒有套餐。不會要去。

葵廣的食品之多讓有選擇困難症的我頭痛非常，走勻了每一層，最後決意選擇這間新開的日式店，它位於泰風SO、蜜越對面，有堂食的位置，店鋪可謂相當大！最後選擇外賣回家吃，選了三文魚配三文魚腩飯，用了一個木盒盛載，感覺頓時變得高貴。拿回家之後依然很完整整齊，三文魚加上三文魚腩的件數不少，旁邊有醃黃瓜，底下就是滿滿的醋飯，上面加了幾條紫菜絲。三文魚不算很厚切但味道不錯，加上Wasabi豉油味道更好，鮮味之餘沒有筋。三文魚腩比起三文魚味道魚香更足，同樣沒有筋，配上醋飯一起吃不錯。醋飯比想像中乾身，而且不算太有味道，遜色了一點。