標記雲吞麵

营业中

休息中

有麵，有菜，有豆漿都只是$29,邊到搵？ 各樣都不是特別的好食，但可以形容為恰如其份，絕無偷工減料。在其他地方收你$40 都唔算貴啦。 單餸都只是$19, 真係平過屋村。

午餐俾人放飛機 ，返回公司時，行經想當年間十蚊雲吞麵檔「標記雲吞麵」，見價格加極都仲好化算，而且一直未有寫下食評，又唔介意懷舊吓，所以就買咗碗淨魚皮餃做晏 。既然堂食與外賣同價，店子坐滿食客，梗係拎返公司食舒服啲啦，外賣五分鐘內已準備好，效率依舊高企。 淨魚皮餃（$18）：因近日血糖升咗少少 ，醫生溫馨提示過要少食澱粉質，故午餐盡量避開粉麵。碗內有六大隻魚皮餃及兩、三條生菜，魚皮餃每隻同樣軟腍香甜，份量剛好配合細佬要清減一吓o既餐單，$18絕對抵食 ！

係灣仔返工的朋友出去食 lunch 其實都幾多選擇,但係星期一至五總唔可能每日都食貴野,有時都要食下平野。標記的魚肉春卷米粉 $17 + 通菜 $8加 $2 就有一杯豆漿魚肉春卷厚厚地,唔會有腥味, 個湯底其實無咩味,但加左餐廳的辣椒油d米粉又幾惹味,再加一碟大通菜,唔會炒得老, 份量好多, 又唔會太油, $30 有找呢個價錢我絕對收貨。如果怕唔飽就叫雙併/三併, 都係加幾蚊。

今時今日，在灣仔找一個不過二十元的午餐真的很困難。除了買麵包外，標記雲吞麵也是另一個選擇。有四粒大大雲吞的雲吞河，只是十多元。味道都是典型的麵食湯底味道，不過不失。真的是糧尾佳音呢！ 

$22有雙併麵+豆漿, 真係好多地方都無咁平~~~我多數選牛腩+雲吞 -份量都唔細, 有4粒雲吞, 幾舊牛腩~味道唔錯的不過豆漿雖然只係+$2, 但質素麻麻, 如果唔口乾, 我唔會加...但$20雙併麵真係抵~行開依頭都會食佢!

下午有小差事出街走了一個圈，而中午的活動因為時間不足而沒有吃完就要跑。行在灣仔道，剛好見到有一檔小小的粉麵店，為了把我的五分飽補回七分飽，我就入去，閒閒三點三。好奇怪，在香港食麵，無論是什麼時候，店內都一定會坐過半滿。我一個人入黎，坐那裡，人多的時候會有人安排你坐邊的。店內，有一張檯基本上是不提供給客人坐的，因為那一張是工作檯，兩個員工，一盤混合了豬肉、蝦、豬肥肉同大地魚粉的肉醬，二人埋頭苦幹的把一隻隻大大的雲吞包出來。看見雲吞的餡，我不得不點下一碗雲吞麵，而貪心的我就一定要加多一樣料，愛濃味的我就配了牛腩。麵是爽口的，牛腩就腍，肉味非常之香濃，最出色的當然是他們招牌的雲吞。粒粒肉豐滿，香味就來自大地魚的獨特味道，肉香，蝦甜，是難得的好雲吞，簡單而味道出眾。要雙併都只是$17，十分之抵食。

物價高企真係搵埋都唔夠食~仲要係灣仔番工就真係貴上加貴~但好彩都俾我搵到抵食之選~而家一碗魚旦粉閒閒地都要成廿蚊碗有無諗過廿蚊埋單係可以有埋個油菜!?!??!呢間就係啦~14蚊一碗雲吞河初初諗住應該都係得兩粒雲吞又或者d 河粉係次一等既河粉點知....一來到就有驚喜啦~有四粒普通size既雲吞~d 河粉仲要唔差架~仲叫咗個油菜~諗住6蚊應該都係得兩條菜既啫~結一來呢個份量6蚊抵啦~雖然款式唔多，但係俾呢個價錢有咁既質素都算係咁架啦~當然~你亦都唔好expect佢有劉德華咁既服務態度啦~哈哈哈~~~

小妮子第一次遠遊，做父親的義不容辭替她找多些資料，希望她行程安排得妥當些，相信可省卻許多麻煩。分別在尖沙嘴，大道東的旅遊局取了資料後，嗜嘴的我又想找些甚麼吃，來到灣仔道，見十四元有一碗魚蛋粉，不加思索便入內。雖然只賣十四元，但份量十足，有三粒魚蛋和三塊魚片，其中一塊還是魚片頭，魚蛋十分之爽口彈牙，有魚味，亦有些少魚腥味，但並不討厭，這顯示出用了真材實料，魚片頭除彈牙外，外皮還增添了點炸過的質感和香味，河粉是幼幼的，滑漏非常，吸收了湯的味道，很好味，雖然少不免加了點味精，但不過份便算。

還有個多小時才與友人吃下午茶, 又有少許肚餓, 而灣仔又有好多平既麵食, 那就試下呢間, 這裡生意很好, 2個人都 要等位, 售價是HK$13一碗單拼, HK$18雙拼, 套餐HK$25 包一碗雙拼, 油菜一碟同一杯豆漿, 叫了雲吞麵, 湯底夠熱, 麵幼身沒有梘水味, 雲吞有四隻, 餡用了豬肉加蝦肉, 入口爽肉質又不霉另一碗叫了魚肉春卷麵, 大約有5-6塊春卷, 由魚肉加豬肉炸成, 入口結實, 不會粉多肉少, 有些似南記那些春卷, 但個人覺得後者好吃一點, 而雲吞麵又比魚肉春卷麵好吃

路過有閒,便入內一試.叫了:雲吞麵$12 - 四粒有¾乒乓球般大的雲吞,除肉外,蝦都有三隻,幾好食!油菜$5 - 大大碟,有八至十條甕菜,又新鮮,掂!埋單$17,有七八成飽,抵食又好食,順路定回頭!

標記隨想:晚上八點多,肚子説它餓:不用太大份,醫口痕便可。環顧這一區,那裏能辨妥?忽然腦一轉,像靈犀閃過,兩分鐘路程,好似有間喎!瞄一眼menu,choice都幾多,幾款頗面善,皆因品嚐過。鮮蝦淨雲吞:一碗有五個!賣相傳統否,又誰分清楚。價格勝一切,大洋十二個!若要説品質,內容亦不錯,冰蝦有趙頭,麻油下夠多。咬落豬肉少,蝦就多蘿蘿!,以這價錢比,仲想黠阿哥???於這仲夏夜,南非墨西哥,彼此各不讓,埸裏較量過,完埸一比一:大家笑呵呵!

已多年在灣仔道食10蚊的雲吞麵.記得最高峰期係有3間的, 現只剩下 標記一間.但已加了 價11蚊碗.由於太早食早午餐, 到3點已有d 餓, 正好~都係叫碗雲吞麵, 加個油菜.有4粒雲吞, 都算大粒, 內的蝦也新鮮, 加個鹼水好重的麵, 落少少醋, 尚算ok.油菜一般.雖加左價但都係 11蚊, 個人覺得, 雖不特別好食, 但也值11蚊呢...

早於唔係好肚餓嘅關係, 所以昨日午膳就決定黎個小吃! 於是一路行一路搵, 終於行到黎呢間食店前, 師傅記得呢間食店嘅前身係光師傅, 感覺都唔差, 但唔會點解咁快會唔同左, 既然黎門口到就決定一試!入到去坐底即刻柯打左碗淨雲吞, 再加多碟油菜! 話咁快淨雲吞就到喇, 賣相都幾靚, 一碗有五粒, 先試下個湯底, 發覺味精都幾多, 麻麻地; 而雲吞皮都幾薄, 蝦肉又幾爽口, 本來都以為得噃, 點知食食下發覺個餡好鬼咸, 咸得要命, 呢下真係扣唔少分呀; 而油菜係腐乳通菜, 賣相極差, 勁似一紮紮草咁, 當師傅食緊時還以為自己係一頭牛, 通菜唔算嫩口, 幾爽帶少少硬添, 灼得未夠, 唔得! 總括黎講食物質素唔掂, 環境擠迫, 地方唔算乾淨, 價錢係好似好抵食, 十蚊一碗淨雲算, 五蚊一碟油菜, 不過唔多好味, 差! 呢餐小吃後師傅真係笑唔出, 還是少吃為妙; 下次經過呢間食店, 一定唔會再黎! 最後仲要拿拿聲去買水添呀!

早兩日食晏冇咩胃口, 本來想食權記, 但太多人, 過左唻呢間野食叫左個云吞米,通菜~~等好鬼耐, 其間有人去追佢地快d, 點知佢俾呢度d阿姐話佢"寫左咪得law, 追~"攪到我都唔敢追~個面唻到~嘩~多味精到唔識形容~難食, 口喝~ 本來想忍到走, 去7-11買汽水, 費事俾佢賺~最後都係屈服~o係佢度飲埋汽水~~算吧~ 反正都係只會食呢一次

我昨天中午去試過覺得食物麻麻地，但是它有20種食物選擇，云吞麵OK，比較附近權記少Ｄ，$10一碗。。。