標叔叔小食店

我小時候住該區就有此店，最先是經朋友介紹去的，儘管實際光顧的次數不多，搬離該區後就更少機會去光顧。這裡的燒烤有多種選擇，這次吃的是燒羊肉，羊肉雖有羶味，但不多，且味道不錯，如果在冬天吃更佳！…查看更多

無辦法，該網係都要逼人爆先俾通過。其實都唔係第一次食標叔叔，多年前去食 係平靚正，啱啱燒出嚟嘅肉串係鮮嫩多汁好好食，最重要係老闆態度好好。再對上一次食應該都係兩三個月前，我係WhatsApp落單，對方都有打翻過黎確認訂單，去到啱啱燒到俾我拎走，翻度屋企都仲係熱辣辣，但係今次就燒得比較乾，但味道都係好食嘅。再之後就係今次！同樣係WhatsApp落單，但今次無打黎確認，去度話WhatsApp落佐單，已經換佐另一個人，個店員一句埋黎就話無睇，態度語氣都勁差，仲要話無睇啊，咁你要定唔要啊⋯我真係愕然，竟然唔睇WhatsApp就唔好係餐單上寫7pm後可WhatsApp落單啦，浪費曬啲時間，翻度屋企食，🤮都唔知食緊啲咩真係，啲肉又乾又柴，都唔知新鮮唔新鮮啊，本身就一肚氣，花錢睇人面色仲要咁難食，真係無下次。 …查看更多

1205行到去呢間無叔叔嘅Bill Bull Shxt叫咗一串牛（$19）一串雞（$17），然後去咗超市買生果，再返去等啦！等下等，等下等，有個靚女嚟買嘢，然後又幾個大叔嚟買，我前面嗰啲幾個order都攞晒返屋企嘆，唯獨我又系度7，到1225個收錢又問我要乜嘢，等成25分鐘都仲要問我買乜？到1237燒好入袋，火就嚟喇！7分鐘搞得掂嘅，點解要我等32分鐘呢？發佢脾四，仲兇返我轉頭，仲話唔等得可以退錢唔好食嘛！咁L型！呢啲說話！我俾錢買你嘢食，等唔係問題！但係佢漏我單佢唔岩仲唔認衰！…查看更多

讀書時期最愛食標叔叔嘅燒雞翼，茄子同埋韭菜，真係好好味，而且都係熱辣辣！轉咗人做之後，價錢貴咗，但係味道同态度真係唔多得，有時食物中間仲會有啲凍，所以唔會再幫襯😞 …查看更多

已經好耐冇食，今日突然想食，去到見到有個高大哥哥心知不妙係咪又轉左手，上次嚟是位姐姐，佢既串燒都有點辣，應該是轉左手，既然嚟到都要買啦，買左雞軟骨、豬大腸、司華力腸、雞中翼、魷魚鬚，首先是味道說了要辣，不但不辣仲帶點甜，然後到食物，雞軟骨因為吾夠辣所以雪味好重，豬大腸吾似係燒，司華力腸算正常，雞中翼吾好食因為吾夠辣本身雞翼沒有味道，魷魚鬚又係因為吾夠所以覺得吾好食，因為吾會有下次😔…查看更多

標叔叔串燒係加左蜜糖，再加粉，個味道幾特別雖然選擇唔算好多，不過肉既份量份量比起其他串燒店係大份d，性價比幾高。夜晚時間可能要等耐d，我地買9串等左20分鐘左右，另外買滿$50送汽水…查看更多

買返屋企，咬落串魷魚so...甜嘅！咩料。。。我成日食串燒，未食過咁樣甜法。。雞翼都係好甜。。。唔係平時蜜糖雞翼嗰種甜。。。係好甜，好似d串燒yum左沙糖咁。。唔掂！…查看更多

逢親黎深水埗都會想食，但最近食左兩次感覺味道變左，串燒加左甜味，但又唔係日式照燒汁果種甜味，似燒烤場蜜汁雞翼果種甜，味道變得非常古怪，我記得以前唔係咁㗎。肉嘅品質都下降左，羊肉無羊肉味，番熱串燒舖嘅通病，但以前做得好少少，都會有啲羊肉嘅焦香，依家味同嚼蠟。另外依家燒嘢嘅阿姐好似怨氣好重咁，態度差，如果唔想做不如試下轉工？…查看更多

-夜晚叫宵夜串燒外賣攞左，叫左幾份串燒，其中叫左兩串牛肉，返到屋企凖備食嘅時候，滿心歡喜打算凖備食，串燒嘅調味偏甜已經奇怪，全部食物都一樣味，重點係我打算食牛肉嘅時候，口感味道都奇怪，有陣好大嘅臊味，先發現原來係羊肉串🤮🤮我本身唔食羊，當刻已經好嬲，點知兩串牛都俾左羊，真係想食都食唔到🤢🤢一間餐廳最基本都應該俾啱食物客人，你話平都算成個宵夜我買左200幾，老闆咁做生意我真係俾個叻你🫡🫡😄😄😄😄…查看更多

先唔講食，排隊等候已經被無視，兩個員工一個完全唔帶口罩，另一個拉抵都情有可原，裏面環境咁焗可以體諒，做野其間又唱歌又吹水講野以為好好笑，唔知佢哋想點，另外食物質素比之間真心差左好多，真心去對面囍囍好過…查看更多

自從深水埗黃金附近嗰間麵包舖（有雞腎買嗰間）結業之後，每一次我經過都會嚟呢一間串燒店買返一兩串嘢食。💪🏻價格大概 $13-20一串左右，落咗order之後店員會執好串燒係燒烤爐再烤返熱，再加上蜜糖係咪調味粉❤️豬頸肉勁香口咬落爽口加埋孜然粉好惹味嘅👍🏻👍🏻雞肉都算厚身，但係就比較乾😩值得一題呢度係除咗魚肉燒賣之外仲有豬肉燒賣，更加會提供消消賣(即係一串串燒燒賣) 絕對都係可以一試嘅item😋…查看更多

每次都嚟到深水埗必食 今次出嚟買嘢食完文記唔夠喉 仲過對面食埋標叔叔 由細細個食叔叔燒到而家變姐姐燒 少左人 冇咩人排隊 本身想叫燒雞皮但係佢話冇 最後只係叫左雞翼就算————————————燒雞中翼串睇相就知雞皮有幾脆 叫左少辣但可能落既香料唔夠多 味度冇以前咁豐富 以前密糖味會重d 而家係隻雞翼夠乾身 但調味料唔夠咁 不過口感搭夠 雞樣超脆 雞肉仲係算嫩滑 所以整體黎講都好食 希望佢以後可以多番d 密糖 咁樣層次就更加豐富 下次經過都會再去食!…查看更多

本人聲明以下乃本人親身經歷當你order串燒,佢會盡量比之前既番熱比你你要求剛燒好既,佢會鬧番你轉頭😅😓疫情底下難以想像咁樣既服務態度 而味道亦不是特別好食,…查看更多

真係嬲到訓唔著要深夜放負去呢間標叔叔買4串燒雞軟骨食 點知我等左20分鐘先同我講話賣晒 好嬲😩期待左好耐點知呆等左咁耐無得食，一句唔好意思退返錢就算而家買野木口木面講野又無尾音都算，忙還忙丫，都睇下有無貨出先得架，要人白等幾個字！點解可以咁對肚餓既人😩以前標叔叔都唔係咁架最近呢幾次買串燒，都覺得佢啲肉類麻麻地，燒墨魚丸既質素越黎越差，用埋啲好似佳寶果啲丸咁，調味係一流但都遮唔到果陣縮味個茄子又燒得求其唔好食除左雞軟骨都揀唔到咩落手…查看更多

之前朋友推介過標叔叔燒雞脾，今日又肚餓所以過黎買燒雞脾22蚊都唔算貴。味道有得揀辣定唔辣，不過我揀左辣都無咩辣味，反而覺得佢醬汁是偏甜的份量睇圖都見到幾大隻，夠飽的…查看更多