樓上大排檔

营业中

休息中

Spending one of the most authentic Dai Pai Dong experience tonight and definitely would like to give a word about this participation. Surrounding with the 80s street food design, thoughtfully covering some of aged advertising boxes in their design. What even more was using ancient old lift design as their bathroom design. What a big surprise. Was expecting menu serving loads of dishes, but in one page. We ordered the deep fried bombay duck, deep fried tofu, shrimp paste deep fried pork, Belacan

話說我同屋企人好掛住以前冬菇亭大排檔小炒，一直都想搵返呢種港式美道！終於比我哋搵到😋真係食到好過癮！我地揀咗幾款招牌菜，每一款都令我驚喜不斷。🍽️首先嚟緊嘅係拔絲咕嚕肉，啲肉彈牙而外皮香脆，拔絲汁就甜甜酸酸地滲入肉裡面。真係一啖接一啖都唔捨得停口！🍖再來馬拉盞啫啫生菜煲，打開蓋已聞到又香又濃嘅咸香蝦醬味，啫啫嘅生菜同埋馬拉盞完全融合喇！爽脆嘅生菜食落「索索」聲好新鮮，令人回味無窮😛🥬🍲長輩最愛呢一道豉蒜涼瓜炒牛肉，啲牛肉鮮嫩多汁，同埋豉蒜涼瓜一齊炒熟，帶出一個濃郁嘅鹹香味道。涼瓜唔苦，我都食唔停🥩🥒有小朋友一定要點嘅係黑松露滑蛋蝦球，啲蝦球好鮮甜，加上唔使𡁻都滑入喉嚨嘅炒蛋及一入口就有濃郁嘅黑松露味道爆發！我食咗兩啖就比囡囡獨食晒成碟。🍤🍳仲有老街韮菜雞紅，啲韮菜清香味濃，同埋鮮嫩嘅雞紅一齊炒，口感豐富。每一口都充滿嘅韮菜香氣同雞肉嘅鮮味，簡直是絕配！🐔🥬最後，每個人都配咗一碗大白飯，充滿鑊氣嘅小炒搭配熱騰騰嘅飯，真係「無得輸」！🍚

之前呢間嘢叫杜老誌大飯店，同同事一直叫開杜老誌就冇轉過叫法haha。餐廳Menu經常會轉，今次嚟食有幸試到蕃茄湯海鮮泡飯。睇張相都見到超多配料，有肉片、大大嚿蕃茄、蟹柳、蝦仁。碗飯一上枱，所有同事都後悔冇叫跟我一齊叫 $62有咁大碗飯咁多配料，而且包一杯飲品，喺灣仔來講算係性價比高！之後都會再返嚟食。

我地去左灣仔食樓上大排檔，地址就o杜老誌道群策大廈7樓，環境玩懷舊裝修，有獨立VIP房,以前食大排檔最驚就熱辣辣，而加搬哂上去有冷氣既地方，食都食得舒服d.小炒王份量好充足，裡面有蝦同鮮魷，食落去好好送飯，必叫之選椒鹽粟米我其實第一次食椒鹽粟米， 每件粟米都好甜，食落去好香口又有回甜味蠔餅每隻蠔仔都好大粒，配上新鮮雞蛋整成既蠔餅，又唔會太乾身，有蛋汁流出嚟，正呀魚香茄子上菜時個煲仲係超滾， 咋咋聲 夠曬鑊氣，食落去唔算太鹹，用嚟送飯一流金沙涼瓜條呢個真係無o係出面食過， 鹹蛋黃將苦瓜炸成一條條， 香口得嚟又有一陣涼瓜既苦味，呢個我食左幾條呀，邪惡如果想同朋友來灣仔搵野食，真係可以來呢度試下

今日去嘅呢間大排檔唔使喺室外熱辣辣都可以感受到大排檔嘅風味，而且重點系都有好多打卡位🤣充滿懷舊大排檔嘅裝修，而且系由喜記炒蟹前總廚主理！夜晚記得要book枱～拔絲咕嚕肉 ：食大排檔點少得呢道菜🤣外皮脆口,拔絲酸酸甜甜嘅,幾好味蟹油炒麵：幾有特色👍而且都好有鑊氣，面頭有啲炸蒜，面質稍硬,但幾惹味淮山炒蓮藕片：好耐冇食過菜，佢呢個淮山炒蓮藕片都幾好食，而且帶一啲啲辣所以更加開胃老街韭菜雞紅：估唔到佢系用雞紅而唔系用豬紅，雞紅煮得好淋,唔腥，韭菜都朔曬啲汁樓上小炒皇：如果送酒嘅話就一流🤣入面有蝦仁、韭菜、青椒、腰果等，幾好味飲品：-百香果檸檬梳打-凍檸茶

最佳的聯誼聚會方式，莫過於出來吃餐好的，既然要與好友飯聚，當然要去懷舊味十足的樓上大排檔，來幾個鑊氣小炒大吃一番，聊聊話吧。金沙涼瓜條被鹹蛋黃包覆著，外層金沙酥脆香鹹，但沒有搶去涼瓜的風采，涼瓜爽爽的，咀嚼金沙涼瓜條，慢慢在嘴裡爆開涼瓜的甘香，與金沙鹹甘交替，在口中迸出新滋味，讓人一口接著一口吃著。招牌脆皮乳鴿油脂豐富，肉汁豐沛，鴿肉甚具彈性，表皮烤得香脆，更是迷人，令人回味無窮，這道招牌脆皮乳鴿朋友每次來樓上大排檔都有點，因為朋友極之喜愛吃這裡的招牌脆皮乳鴿。魚香茄子煲噗滋噗滋的上桌，茄子肉軟嫩無比，加上茄子吸飽鹹魚肉碎滋味，鹹香極致，美味可口，使人食慾大增，魚香茄子煲嚐起來好不滿足。樓上大排檔由前喜記大排檔主廚主理，沒理由不嚐他擅長的避風塘風味菜式，必食蟹油炒麵的避風塘炸蒜爆得夠香辣，猛火使蟹油充份被炒麵吸收，避風塘炒麵香噴噴的，麵條無敵乾爽彈牙，高水準的佳作。吃到尾聲再來一道蔬食料理清清味蕾，鮮淮山炒蓮藕片彼此間的鮮美充份相互融，鮮淮山、蓮藕爽爽脆脆的，讓人耳目一新。如果喜歡懷舊口味的飲品，定必愛喝這裡的咸檸梳打，覺得還挺順口，咸檸樸實的鹹酸加上爽口的梳打氣泡組合，咸檸梳打冰冰涼

裝修好有舊香港情懷😍打卡啱唒！好復古！最啱同外國黎嘅朋友去影相同涼住冷氣食獲氣小炒😋椒鹽鮮魷 $108脆卜卜大大舊，炸粉好好食☺️入面鮮魷亦都好彈牙！樓上小炒王 $148雖然份量比較少，但係勁好食😝有好多配料，有帶子，蝦乾，蝦仁，椒，腰味，有唒唔同口感，仲要炒到好香！金獎海珊骨 $128好特別!!!一開頭完全唔知係啲乜嘢嚟，但係見好多人都介紹就試下啦！原來係炸南乳豬腩😍開頭以為係豬扒，但係比較有啲肥肉同埋一啲都唔鞋！好好食😋必試！！涼瓜炒牛肉 $98涼瓜真係好涼瓜，有甘味㗎！但係同時亦都勁有獲氣😝牛肉好淋滑！蟹油炒麵 $108份量超多🫢同一般炒麵有分別，比較香，同味道比較重(可能係蟹油味😝)！亦都係好有獲氣，好好食，食完一碗又食多碗！飲品就叫咗，凍檸茶同大話七(即係話梅加七喜)酸酸地幾醒胃😍

最近找到一家 我愛的餐廳！認識我的朋友 都會知道我很喜歡懷舊香港🇭🇰而「樓上大排檔」(former: 杜老誌大飯店)真是不得了 好適合🈴️ 有朋友 家人來一趟！餐廳裝修以懷舊香港作為主題店內佈置很有特色 紅色膠枱布 包膠酒樓櫈 以經典大排檔風味呈現🚩更有不同霓虹燈、燈牌、夜總會、遊戲機中心🎮、大押等，打卡位每一個位置都可出大片！ 食物方面 由喜記炒蟹前總廚主理食物選擇多元化 主打避風塘菜式🥢.提提餐廳經常座無虛席記得打電話預早約好座位.💠拔絲咕嚕肉 $138咕嚕肉算是大排檔必點菜之一餐廳用上半肥半瘦的肉排肉質鬆軟 外層保持脆口帶有微微拔絲的效 酸酸甜甜 很開胃.💠蜂蜜柚子脆蝦球 $108蝦球很大隻 肉質好鮮嫩 脆皮酥脆配酸酸甜甜的蜂蜜柚子汁中和炸蝦的火氣.💠椒鹽粟米$58粟米好甜 椒鹽調味 要配啤酒🍻.💠馬拉盞生菜煲 $98原個砂煲上枱 內有生菜加上肉碎蝦乾 上枱之後要立馬快炒均勻 香氣四溢😋馬拉盞味道濃郁😋.💠星洲炒米粉 $108香濃咖喱味道的洲炒米粉 上枱已經很香米粉加入了芽菜、韭黃 增加爽脆口感之餘還配有蝦仁、火腿片、洋蔥、蛋火喉拿捏剛剛好 入口爽沒有多餘油份.💠百香果檸檬梳打

樓上小炒皇好有鑊氣咁炒出看似簡單嘅食材，就係用炸過嘅腰果同小魚仔，好脆口，配合炒得爽嘅韭菜令原本唔算大粒嘅蝦同帶子都好有味道～淮山炒蓮藕片淮山蓮藕睇落去好普通，以往都好少食，但係見佢炒得咁有鑊氣，都忍唔住叫~每塊都切得好薄，所以食落去都唔會覺得好大舊好快就食晒，淮山片個質感都唔錯，外表少少滑得來食落去係爽～蟹油炒面好有鑊氣嘅深啡色炒麵，炒得分明，餸唔多但有腰果同埋蝦乾調味。雖然炒出嚟麵質比較硬，食硬少少麵底嘅人會啱啲，但味道不錯蠔仔菜脯煎蛋呢碟真係最喜愛的！蠔仔唔腥，而且質感適中唔會話太過腍啤啤。加上煎蛋真係好出色，塊煎蛋有啲厚度但入邊嘅餡依然好實咁樣藏喺入面，而且仲有少少滑蛋嘅感覺，唔會煎得過火金沙脆魚皮細細塊嘅炸魚皮係最好食，因為唔會太過硬亦都有適當嘅脆口，即使擺耐左都仲係脆。不過大塊就有啲太硬，視乎個人喜好嘅口感百香果檸檬梳打同埋凍檸茶百香果味道都好出，配合住檸檬梳打係唔錯嘅配搭。想食小炒菜式同埋避風塘菜式，可以黎呢到。雖然相對每一碟就多少少油，但係由喜記炒蟹前總廚真係炒得唔錯。加上呢個餐廳有懷舊大排檔嘅裝修，食得開心～

🌃 餐廳為中菜館，位於灣仔杜老誌道，鄰近於會展港鐵站A1出口，設計以懷舊香港為題，將舊式店舖門貌一一重現眼前，如龍鳳大禮堂、遊戲機中心、 夜總會、麻雀館、 舊式快餐店等等， 而餐廳嘅枱櫈以至廚房就像大排檔嘅方式，有着半開放式的廚房， 可以感受到廚師嘅鑊氣， 旁邊還有一個"賣魚勝"嘅海鮮魚缸， 可以畀客人揀新鮮嘅海鮮，跟大排檔唯一不同的是，就是有冷氣了😍.🍜 餐廳提供多款撚手即炒小菜， 還有主打各款避風塘菜式， 最招牌嘅係避風塘炒辣蟹，由喜記炒蟹前總廚主理。.🦀 薑蔥蟹煲💲 380👉 採用原隻新鮮大肉蟹，加上薑片蔥段，底部再加上粉絲炒起，蟹肉食落好鮮嫩，薑蔥嘅調味十分濃郁，建議加多碗白飯， 而底部嘅粉絲都十分入味。.🕊 招牌脆皮乳鴿💲 78👉 即叫即炸熱辣辣咁上枱， 乳鴿外皮炸得好香脆， 入面嘅肉汁一咬就爆曬出嚟😋， 建議上菜嘅時候就要趁熱食，攤凍咗就會差好遠。.🥚 蠔仔菜譜煎蛋💲 98👉 菜脯煎蛋幾有家常小菜感覺， 加咗大大粒嘅蠔仔竟然有驚喜，啲鮮味曬嚟😍，連埋鹹香嘅菜譜， 即時想加多一碗白飯😋.🥗 淮山炒蓮藕片💲 108👉 自問小編都麻麻地食菜， 不過呢度廚師炒得好有鑊氣， 淮山同蓮

魚雲煲 HK$128朋友英國番香港🇬🇧食左幾年fish n chips’🍟得一個要求，就係要佬味濃🤣知道呢間餐廳係喜記炒蟹前總廚主理，所以點番個魚雲煲俾佢嘆👌🏽一上菜就聽到滋滋聲令人懷念嘅聲音💥食到佢眼濕濕🥹（講笑🤣）不過加左豆豉汁同薑蔥，真係好惹味💦抵讚係份量好多，啖啖肉🫶🏼魚雲係魚頭部位，營養好豐富，男仔食一流👍🏼招牌開邊乳鴿 HK$78大部份乳鴿都好嚡🥾不過叫得招牌我地都有信心嘅😋一上菜就覺得色水好靚🐣咬下又真係幾juicy 💕而且熱辣辣🔥XO醬炒海螺片 HK$148主要係XO醬幾好食，偏甜啲🌶️海螺好爽脆，同芥蘭好夾🥦金沙涼瓜條 HK$58其實50幾蚊一道菜，仲唔係hea你又真係幾掂😍特別適合啲覺得苦瓜好健康🥗要咸蛋黃送飯嘅朋友🤣蟹油炒麵 HK$108既然出名避風糖料理，一試果然同平時一般炒麵個豉油味好唔同，多左啲咸香🤩雖然唔係濃濃嘅蟹味，但係味道都幾別樹一格🦀飲品就普通，肚腩叫左杯檸檬茶俾朋友念下舊🤪🍋

我都好鍾意食大排檔，但當天熱就怕怕，加上環境污糟，所以就算鍾意都甚少會去最近去過灣仔呢間樓上大排檔，餐廳主打避風塘菜式，由喜記炒蟹前主廚主理。走入店內，懷舊大排檔裝修盡現眼前，而且地方寬敞，加上冷氣充足，最重要係乾淨企理，其實大排檔都可以好高質🥢椒鹽粟米粟米🌽配上椒鹽，清甜得嚟惹味🥢八味炸豆腐炸豆腐好味就要炸皮夠薄，口感外脆內軟，呢度完全做到要求🥢鮮淮山炒蓮藕片淮生蓮藕片食落爽脆，又唔會太油膩，蔬菜以外的選擇🥢拔絲咕嚕肉大大件肉排，食落都好淋，糖醋汁甜甜酸酸，味道很好。做到脆口，又有拉絲感覺，抵讚🥢沙茶芥蘭牛仔肉芥蘭鮮嫩爽脆，牛肉嫩滑，加上沙茶醬夠惹味，餸飯一流🥢黑蒜蝦仁炒飯炒飯粒粒分明，鑊氣十足。蝦仁爽口彈牙，加上黑蒜獨有香氣，炒出嚟的飯特別好味🥤飲品方面，除了啤酒及汽水，大排檔少有既手沖檸檬茶、奶茶同百香果檸檬梳打，呢度一樣飲得到

前排講起好耐無食大排檔，即刻搵咗間樓上大排檔，連個名都係咁叫🤣環境乾淨，有啲特色裝修，同舊式大排檔唔同！✅樓上小炒王 $148小炒王最緊要夠鑊氣，仲有魷魚🦑同蝦🦐，全部都好入味，爽口彈牙✅蟹油炒麵$108炒麵加咗蟹油非常香口，炒得好有鑊氣，充滿大排檔特色風味✅蠔仔菜脯煎蛋$98蠔仔Creamy肥美，都幾大粒🦪完全唔係蠔仔🤣加埋蛋煎得好香好滑溜，仲有菜脯增加口感✅魚香茄子煲$80魚香茄子煲火候掌握得幾好，茄子軟硬度適中，惹味🍆✅金沙脆魚皮$60鹹蛋黃魚皮超級邪惡，又脆又香口，一邊傾偈一邊當小食，好快就清灑✅百香果檸檬梳打$25、凍檸茶$19百香果檸檬酸酸甜甜幾清新🌿💛好味指數:4.8/5 💜回頭指數:4.8/5📍樓上大排檔 (灣仔)灣仔杜老誌道6號群策大廈7樓

大排檔係香港人獨特嘅飲食文化，喜歡大排檔風味嘅鑊氣小炒，時至今日，街頭大排檔已所剩無幾，大部份都搬進室內，環境較衛生和舒適呢日就同朋友嚟到位於灣仔《樓上大排檔》，充滿懷舊大排檔裝修格局，枱與枱之間夠闊落食物選擇多之餘，亦係由喜記炒蟹前總廚主理，所以避風塘菜式係非常出色！🥢拔絲咕嚕肉 - 外皮炸至金黃晶瑩，玻璃般嘅拔絲效果，酸酸甜甜嘅醬汁掛滿每嚿咕嚕肉，食落鬆脆可口，非常好味！🥢淮山炒蓮藕片 - 食落夠爽脆，而淮山和蓮藕營養價值豐富，必點！🥢椒鹽粟米 - 口感外脆內嫩，如果沾多少少椒鹽應該會更惹味！🥢八味炸豆腐 - 炸得夠乾身，外皮夠香脆，一口size食唔停口！🥢沙茶芥蘭牛仔肉 - 牛肉軟腍不韌，用上沙茶醬嚟炒特別惹味！🥢黑蒜蝦仁炒飯 - 炒到粒粒分明，夠色水，加了不少黑蒜，食落帶微微甘甜🍹百香果檸檬梳打 - 百香果味清香，配上檸檬酸酸甜甜，夠解渴解膩！🍹凍檸茶/凍奶茶 - 同茶記飲到嘅不遑多讓，幾好👍

呢一間灣仔位於杜老誌道 嘅懷舊大排檔係我一直bookmark 嘅餐廳，其中一個原因係因為佢哋係喜記炒蟹前總廚主理，所以好多菜式都主打避風塘味道。一入到去見到佢哋嘅裝修設計係走80年代嘅懷舊大排檔風情，上到去好舒服，因為空間感好大，而且非常乾淨，有冷氣又坐得舒服，去打卡一流！🎈拔絲咕嚕肉 $138咕嚕肉炸得好香脆，而且肉質一啲都唔乾身，豬肉好淋身，佢嘅配菜菠蘿亦都好甜。作為第一道菜十分開胃。🎈淮山炒蓮藕片 $108淮山同埋蓮藕片炒得好香脆爽口，淮山索晒芡汁的味道，令到平時唔鍾意食淮山嘅我，都中意食同多幾嚿送飯，而且佢哋嘅份量亦都好夠，三個人食都冇問題。🎈蟹油炒面 $108店員介紹最好配埋佢哋嗰辣醬食，麵質炒得夠乾身，而且好惹味，但一定要趁熱食。🎈招牌脆皮乳鴿（隻） $78上枱熱辣辣，外皮相當香脆，而且一啲都唔油膩，鴿肉味道都有少少滷水香味，點上鹽，令到味道更加升級。難怪係招牌菜式😍😍🎈金沙涼瓜條 $58曾經喺其他餐廳食過呢一味餸，估唔到呢間餐廳都有，意外地十分好食！個苦瓜做得好出色，一啲都唔覺有苦味，而且外面嘅金沙鹹蛋脆皮十分香脆，同苦瓜好夾，外脆內軟嘅口感😍🎈咸檸七 $25🎈咸檸梳打