樂湯雞麵館 (登龍街) (已結業)

限聚令之後都多數買外賣返屋企眼見IG個個鮑參翅肚年三十晩想食好D一諗就諗起之前係佐敦食過嘅樂湯雞麵館 外賣鷄湯翅做節真係正上次試過砂鍋花膠雞湯翅(半隻)今次要淨花膠雞湯翅外賣一大碗湯非常足料有幾片很大的花膠幾群魚翅湯底黃金色不會過咸濃郁的雞湯放涼了會起膠的做節點可唔唔食飯呀外賣了至尊鮑魚雞大碗飯真的超級大碗飯雞非常嫩滑可惜鮑魚只得一隻我自己食晒冇同老公分享砂鍋花膠魚翅餃連雞米線配雞髀真係勁開心雞油香沾滿米缐食到停唔到口麻香豆腐係比較濃味的辣度少辣之上吃惯十小辣的我差點吃不下呢

放寬限聚令是覓食福音，終於恢復晚市，大家終於可以約朋友晚上見面了！港島收工，約在銅鑼灣是常識吧！走進登龍街，不少從前光顧過的小店都結業了，有感可惜。我見這間湯麵店的店員熱烈叫賣，一試無妨。我點了砂鍋花膠雞湯翅刀削麵，而朋友的砂鍋龍皇雲吞雞湯翅米粉。未見其物，先聽其聲。新鮮熱辣的砂鍋雞聲音此起彼落。聞到好香雞湯味，我先呷一口湯暖胃，店員重點推介無味精雞湯果然不錯！朋友大讚米粉吸收了雞湯的精華更可口。至於我的刀削麵削得厚度適中，浸在湯中軟硬適宜，事關我好怕刀削麵厚薄不均，變成半生熟最恐怖！至於花膠夠淋，唔會難入口。我無意中留意到廚房給我雞脾，相信本身是要加錢的，LUCKY！另外我要大讚員工的服務態度，衷心感受到他們的熱情和細心。

上星期牛年首個返工日，放工後，順便去樂湯雞麵館買外賣加料，我最後揀左砂鍋花膠雞湯翅(一隻雞)。一共分左三碗湯和兩碗雞，份量比我想像中多，足夠三四個人食。雞和湯分開裝，這樣就不會令雞肉變得硬。返到屋企，將雞加入湯再去加熱。雞肉保持嫩滑，完全不覺乾身和硬。除了雞外，仲有我最愛花膠和翅。花膠份量也不少，每碗有兩塊。幾厚身，夠口感。湯夠鮮味，好飲，而且無添加味精，飲完不覺口乾。佢地仲有其他菜式選擇，可以再去幫襯。

過年食好D！ 銅鑼灣呢間樂湯雞真心好食過年期間雖然有SPECIAL MENU 我覺得REASONABLE不過睇落價位其實一D都唔貴， 我仲覺得幾抵食添 百花齊放 （砂鍋花膠雞湯刀削麵） ＄98料非常充足， 花膠都兩大塊雞肉滑， 食落先知仲有魚翅麵質軟硬適中湯底滋補好飲， 加上砂鍋KEEP住個溫度食到尾都仲係熱辣辣㗎 五殼豐收 （鮑魚魚翅大碗飯） ＄108呢個又係就咁睇已經覺得豐富鮑魚仔入味得嚟彈牙唔韌雞肉分量都好多魚翅撈鮑魚汁飯真係零舍好味 我同友人都食得超級滿足店舖見到我估係老闆娘喺度助陣SERVE 客忙得嚟都仲超好服務讚

樂湯雞出名無味精、原汁原味既雞湯「砂窩花膠雞湯翅」+米粉呢個係招牌必食的！用砂窩上，好夠份量黎到第一時間要飲啖湯先，果然好真材實料，個湯夠濃之餘無味精的雞件好嫩，就算係雞胸都唔會好鞋，好有雞味花膠仲係大大塊的，雖然有啲咬口，膠質唔算十分豐富，但呢個價錢，有花膠、有翅、仲有好多件雞，就實係抵到爛而且味道係高質的！「砂窩姬松茸瑤柱響螺雞」+米線啲料好豐富響螺食極都仲有，不過略嫌細塊左啲個湯除左好香雞味外，仲多左份藥膳味道「醉豬手」最欣賞啲豬手去哂骨咬落好有彈性，而且好入味，酒香好濃「迷你海味雜菜煲」原來一啲都唔迷你架有菜心、西蘭花、小棠菜、金菇、粉絲、花膠粒

終於開返晚市，星期五晚旺區餐廳門口人頭湧湧，我不如反其道而行，外賣返屋企慢慢嘆，去了「落湯雞」，買了砂鍋花膠雞湯翅及沙薑雞各半隻，在家煮個新竹米粉加入雞湯翅吃，超正。價錢公道，合共$320等於一只雞兩款口味，夠四人吃。招牌砂鍋花膠雞湯翅真得，分到四碗湯，湯來不止四片大花膠，唔算太薄，咬落有口感，軟熟到又啱啱好。雞肉唔嚡，雞皮不知幾滑，充滿花膠湯味。另一款沙薑雞的雞，有很香的沙薑味，味道濃郁，雞的確唔差，並非打針肥雞癡肥，又唔係太細隻，冇雪味，肉質都有點彈性。星期五晚六點半多已經幾個人排隊，外賣等得5分鐘左右，外賣盒要加$2，湯肉分開包，返家依然熱辣。

溫暖咗幾日，今日又涼番少少，最好食啲熱辣辣又暖胃食物。同事有好介紹，砂鍋花膠雞湯翅夠晒暖胃又滋補！砂鍋花膠雞湯翅原鍋上，還在卜卜滾啊！湯底清甜得不得了⋯⋯鮮甜。米線吸收湯的精華，濕潤有口感。花膠起碼有四至五塊，爽口。雞件份量也不少，啖啖肉。醉豬手酒香樸鼻，非常爽脆，骨膠原爆燈。紅油花膠魚翅餃餡料份量十足，皮薄。辣度適合不太嚐辣人士。惹味。豆漿配餐只加8元。封密包裝，衞生乾淨。有豆香，不太甜，好飲。

今日去咗銅鑼灣登龍街嘅樂湯雞買外賣做午餐，呢間餐廳主打養生健康嘅花膠雞湯同埋唔同種類嘅雞菜式🐔🐔中午食飯時間都幾多人，好彩吾系等好耐就有， 返屋企打開即刻聞到香味，仲係熱辣辣。一定要試招牌至尊鮑魚雞大碗飯 $88，份量真係好巨型，上面有雞，一隻鮑魚。底下既飯先系精華所在， 索曬鮑魚同雞味。花雕醉雞半隻 $138  ，肉質超滑嫩，酒味非常入味，仲有杞子，蟲草花，同少少桂花香味。叫埋蔬菜更加健康，涼拌萵筍 $32 爽口帶埋麻油香，雲腿浸娃娃菜 $42 清新爽脆😋😋高質的一餐。

新年期間買左幾個小食加餸，好食！XO醬海味絲撈麵 - 好香XO醬味，麵就煙煙韌韌咁，份量剛好花雕豬手 - 豬手肥瘦適中，非常入味。有4,5舊大大舊，我覺得算抵食萵筍 - 平時比較少地方食到萵筍，有時煮得太耐會好淋好難食。但這間煮得剛剛好，清甜爽口，略嫌份量太少XO醬花枝丸和魚蛋 - 這個普普通通無乜特別雞腳 - 有點太咸，但個味其實好好吃的！我地送飯食就無咁咸，有待改善整體來說都好滿意，地點亦方便，職員態度良好，會再幫襯！

服務很好，很窩心。一班年輕人個個都很禮貌 - 未食已經有驚喜。滾熱雞湯加刀切麵砂鍋上，坐Office坐到手凍腳凍或缺湯水嘅打工族好適合。雞湯味精甚少（或無），食完唔會口渴。非吃魚翅的。不支持。但其他食物好吃😋 食完想再食！Great lunch choice in CWB, go earlier to avoid line up! Excellent customer service that makes the experience feels even warmer

小編之前試過一次外賣食物熊貓，覺得唔錯，所以今次要親身去舖頭試一次。今日星期日下午1點半左右，舖頭坐大約7，8成人，都似乎幾好生意。店員好有禮貌招呼你入去坐，當然記得一定要先量體溫哦！是日唔係好餓所以ONLY ORDER碗淨花膠雞湯，留意翻淨花膠雞湯系唔會有雞肉附送既，不過小編一向唔食肉，就甘湯已經OK。仲記得小​​編曾經去尖沙咀一間好出名做雞湯底既火鍋店，佢地既花膠雞湯真係好出色，可惜近年水準急速下降，小編都有起碼兩年幾冇去過Lu。一直都尋找梗足料夠味既花膠雞湯，可惜一直都揾唔到。直到最近因為成日WFH,每日11點就上食物熊貓揾野食，發現呢間樂湯雞，其實都唔抱有太大期望，見佢價錢甘抵，唔洗100元就有一碗雞湯翅面，都唔expect有幾好味道。但外賣一到，D湯真係睇落唔係希LOU LOU甘，飲一淡已經覺得好好味，因為唔夠熱所以我煲翻熱佢，點之個湯底仲濃郁左，真係好抵贊，價錢實惠，好過自己屋企煲，另外真心足料同埋冇味精，因為小編食完唔口渴。好啦，講翻今次堂食表現先，座位唔算逼，整齊乾淨呢D基本野都OK，ORDER左一碗花膠雞湯，有魚翅唇花膠好足料，同上次一樣D湯都係濃郁既，感覺好似仲濃過

前日去食過一次湯麵 我同老婆都覺得幾好食因屋企比較少煲湯 所以諗住今日外賣左一個淨湯返屋企比老婆補一補 個湯57蚊算中等價錢 但個分量真係小得有啲過分 等同外賣湯碗一半有可能重要小啲 打過去問佢話同堂食個湯一樣 其實我真係未試過打食評 今次真係第一次

花膠雞湯米線用煲上熱辣辣很暖胃， 雞湯creamy 濃郁， 米線上會跟幾件雞件， 雞都有雞味， 肉質算滑， 但略為偏肥， 反觀魚翅同魚唇就有點兒偏硬， 忟得唔夠味， 明顯不是跟湯一起煲， 花膠忟得淋尚算ok 淨花膠雞湯幾本上同跟米線的都一樣， 但沒有雞件， 同不是煲上， 所以湯唔夠熱， 比較適合夏天先飲藥膳雞腳雞腳忟得夠淋， 夠入味， 偏甜， 藥材味都足夠， 唔會過濃值得一題， 員工工作態度好好， 有禮貌， 見倒佢地大家都合作得好好

#樂湯雞 📍#銅鑼灣美食 第二次食 💕 monday 2pm no queue! happy.1. 砂鍋雲吞雞 配 米線 🍜👍🏻雲吞好大粒 大過個匙羹 餡料🦐哈爽口大粒。 皮薄餡靚 💯 個湯熱辣辣好開心 🥳2. 麻辣海蜇雞絲撈刀削麵 🍜 唔會太辣 味濃！ 又大碗 好抵食呀😍3. 前菜： 麻辣青瓜🥒 爽口好食 😋服務態度好好 👍🏻👍🏻👍🏻 不過洗手間係問題 喺後巷 似街邊嘅公廁 so sad 所以建議食之前喺Times Square去咗廁所先嚟...

味道還好，但價錢不平，而且外賣關係，回到辦公室才發現份量超少，麵量只有外間麵店3分1，完全不值。用OpenRice app買的，加餃子未有標明數量，回來發現亦只有一粒量，與想像起碼兩到三粒的不同。