樂景快餐店 (已結業)

見漫畫家小克晌雜誌介紹呢度既芝士漢堡有日經過就叫左個個樣無乜特別咁.....塊包係無烘過既嘉頓麵包點知一食漢堡扒食得出係自製~即叫即煎熱辣辣~又鬆化(非雪藏漢堡扒可比)正過老麥果d乾爭爭既牛n倍加埋ketchup兼塊溶左既芝士!正到呢!$9個~~~~主做外賣服務方面唔好有太大期望

見到個個都話漢堡包好味，特登行去食番個。真係好正，塊漢堡扒好多汁，d肉又鬆化，一流!波浪薯條係男友至愛，買外賣都仲好脆，新鮮炸的，所以要等成十幾分鐘。係好脆好正，但我嫌佢太鹹同埋用淮鹽。

睇飲食男女既介紹...介紹呢間既漢堡包....好吸引..趁放假走黎試下.....去到二話不說....叫左個芝士漢堡包(8.5)....因為即叫即做既關係(面包牛肉都係即煎)...加上當時好多電話外賣...都等左7-8分鐘到有多....芝士漢堡包一到手...熱辣辣...面包脆脆地唔會過燶...牛肉又厚又有肉汁....食食下芝士微微溶落麵包..加上分量岩岩好既茄汁....幸福既感覺原來8.5蚊可以買到的^^"芝士漢堡包5分鐘內消失在這細界上食完呢個漢堡包..需然唔可以話係極品...但係我覺得有得同ooo比(當然係質量而唔係分量啦)....食完有好底既feel...但mos就好似比人昆完禁(唔係唔好味)....咩叫m記呀我想問???仲有見到d飯盒....25蚊內有找...都係即叫即抄...鑊氣十足.....見到師傅既手勢...手起刀落....一碟星洲炒米.....再一陣....一碟豉椒炒牛河...等多5分鐘...再黎芙蓉蛋飯...好睇過睇表演....見師傅抄野十足酒家大師級禁....見佢屈係小小的快餐店內....感覺有d大才小用-_-"

由於學校在附近，所以有時到會o係到買外賣飯盒~佢Ｄ選擇成百幾款,,鐘意食咩就食咩~~而且都係即刻整比你~不過今日女友靜靜地買左個芝士漢堡比我試..知我鐘意食漢堡包嘛,,不過呢個芝士漢堡又真係好抵食,,$8.5已經有一個,,比起麥記o個Ｄ只係貴5毫,,但係有超多茄汁同埋醬汁,塊芝士融晒好好食,塊牛肉夠厚,,好過麥記啦偶然食下都唔錯=]

真係未買過都唔信包薯條咁大包,一包頂麥記2包大著條,話時話,麥記大著條已經加到$9.9,真係搶錢!!

朋友由細食到大的「六個半薯條」冇花冇假,即場同你炸,熱辣辣一包薯條就係你面前而且佢用o既係西餐波浪紋薯條得閒行過買一包,真係抵玩過去老m食到厭的薯乾