雲貴坊 (已結業)

好似由2018年就发现呢间店，之后就不停同朋友过嚟食。我地会叫好多𩠌，大家share食(佢好多𩠌会用碗装，吾会破坏碗粉既调味)超中意叫麻辣猪耳，腩肉，香茅猪扒，麻辣鸡，皮蛋，豆角。。。太多不能尽录佢既辣味非常丰富，同出边果种死辣完全吾一样，就系讲你（谭x）款色吾同，辣味都吾同而且份量超多，我有个大只fd 叫加底，果盆米线。。。自问净食粉都未必食得哂。食完真系返吾到转头。依家一谂到以后都冇得再回味，颇觉伤感。希望店主揾到地方再开，一定会帮衬…查看更多

最近特别感受到身边好多事物都可以突然消失，更加想喺佢哋仲喺度𠮶阵好好珍惜/记录餐厅公布咗7月15最后一日营业先识嚟，成日嚟深水埗揾食都无留意到佢有饭有面，餐厅标榜嘅系正宗云南米线，点餐纸嘅设计写得清楚又细心，任何类型嘅辣、配菜组合、饮品要求、多、少、要唔要都照顾到米线嘅话嗌最少3𩠌、最多6𩠌，仲有热捞(仲以为深水埗得川xx食有)!我嗌咗热捞，𩠌就系分开上，细食女生表示份量多到食两餐都得(下次嗌少米)主角系米线要讲先，标准嘅米线好烟韧，应该系大部分人追求嘅𠮶种口感，(但我个人钟意稔嘅，下次要喺纸上圈埋)，味道咸淡适中，蒜香味为主，食到尾嫌干嘅话倒啲𩠌汁落去捞一捞都得3𩠌嗌咗麻辣鸡肾、麻辣猪耳、酸辣海带，辣度嚟讲3样都唔太辣鸡肾嘅肉质食落有牛舌𠮶种稔滑，连啲筋都唔韧好易咬，高质嘅！猪耳爽脆得嚟唔会有肥腻感海带嘅主调嘅镇江醋，雪冻咗好清爽，咬落嗦嗦声，开胃!奶茶偏甜，嗌多奶真系有畀多奶，正相逢恨晚，仲有半个月要多啲嚟食…查看更多

返完教会，同细妹食午餐；呢间小店，论食物质素同份量，都绝对值得支持！店主同员工亦好亲切、好好人！我只系点咗碗四𩠌米线(娃娃菜、腐竹、鸡肉同鱼蛋)，点知上枱时嚟咗一大窝！令我大吃一惊！真系晚餐都唔驶食喇！论味道，娃娃菜新鲜爽甜、鱼蛋肉质弹牙紥实，我喜欢；鸡肉嫩滑入味，一啲渣都冇；系唯独腐竹煮得唔够腍，略嫌硬咗少少！配菜好多，我最喜欢芽菜；不过可能因我叫小辣关系，有颇多辣椒籽，饮汤不时咬到啲硬粒，感觉怪怪地！讲开汤，我觉得都好够味，基本上我全碗清哂！细妹𠮶碗更加唔驶讲，直情劲辣劲丰富(我细妹好喜欢食辣嘢)！我亦试食咗佢哋嘅娃娃菜肉水饺，味道唔错、菜肉均匀、甜甜哋、颇美味！由于我唔食炸嘢，碟猪扒鸡翼细妹一个KO哂！佢食到赞不绝口！我听到佢咬落去时好酥脆，斋闻都觉得好香、好吸引！两个人食到饱，只需一百多少少！呢间小店系店主夫妇开嘅，两人夫妻档上阵，再加个楼面姨姨；平日有做学生餐同下午茶九折优惠！论味道同服务态度，我觉得都值得支持！大家下次有时间，不妨行入去试试！…查看更多

疫情期间尽量都少出门口，今日放工经过深水埗，专登过去捧场，好挂住佢哋特辣嘅米线，食完之后刺激一下，精神一阵！更加挂住佢哋小店嘅人情味，疫情期间相信全港嘅小店都面对困难，有能力嘅话我哋都要多多支持！老板推出左全日外卖九折优惠，齐心抗疫，店舖里面仲提供纸袋俾客人放口罩😷好细心呢！讲返啲食物，水准依然一样咁高，今次特别要赞啲猪颈肉，炒出好爽口，有好香嘅蒜片味；另外我仲加咗紫菜、冬菇、鸡肉，非常入味，冬菇炆得好淋，仲有伴碟嘅花生简直系精华所在，因为啲花生粒系老板自己炒嘅，同出边买嘅真系好唔同，连埋米线嘅汁捞埋一齐食，简直一流！呢度嘅食物，每款𩠌价钱比起大型连锁店平均都平$1-$3，所以诚意推介俾大家！…查看更多

自从六月开始，香港从此不一样了：以往深水埗就是人来人往的地方，也是寻宝觅食的福地，现在人流少了，街头巷尾也只剩孤寂，香港人实在太累了...小店的经营就更艰难了...今天来到深水埗，为了化悲愤为食量，特意来到云贵坊，因为这里的特辣就是非一般，吃完可以喷火，辣味十足，正好抒发一下心中的怒火！照旧的净𩠌，一样出色：自家炒花生，香脆可口猪腩肉炆得好淋好入味，必吃云耳冬菇酸菜浸在辣汁中，份外惹味鸡肉嫩滑，份量足青瓜免费加的，爽口另加一碟上汤娃娃菜，最佳配搭另外仲有自家制酸萝卜，虽然我冇食，但我见其他食客吃得滋味！同老板娘倾开，最近店舖的生意额都下跌了两成，经营十分困难，真系好担心咁用心经营和有人情味嘅小店是否可以挨得过今次的寒冬...老板娘仲好关心食客的近况，担心我们夜晚回家的安全...如此有人情味又美味的小店，绝对值得推介给大家，希望大家多多支持！…查看更多