樂天冰室 (萬迪廣場)

营业中

休息中

無論中午或下午路過都經常排隊，特意於星期日的中午時段到此一試，雖然要排隊但很快輪候到，因為佢室內坐位多、樓面大，走廊唔算窄。是日叫了精選午餐(燒雞排燒汁配飯)和常餐，常餐都不過不失，牛肉唔硬唔鞋好，比起牛奶無咁鹹，兩份餐價錢比牛奶便，掛唔得咁多人啦。食完後聽見有菠蘿飽出爐，媽媽話好耐未食話冰火菠蘿油，叫了一個share，外皮脆，$13/個，算唔錯。大家可以一試。重要一點: 唔使手機落單，只收現金。

位旅新蒲崗又好食既平民餐廳！午餐$50起 晚餐定價$75 食物質素唔差 地方大舒適而且餐廳叫薯蓉的話 仲係整個焗比你！此是一讚但注意冷氣較凍，座入啲會收唔到上網，而且餐廳wifi是廢的暫時新開仲未可以收網上付款係附近返工可以一試，但座得耐會覺得凍！門外有各有冬種面包，蛋撻，價錢便宜好食，由其係墨西歌包紅酒汁牛仔骨配薯蓉 $75套餐連 飲品 湯 蒽油雞扒飯 $57套餐連 飲品 湯新蒲崗大有街3號萬廸廣場地下A號舖 

放在餐具櫃裡的餐具，還是有殘渣的。熱飲的杯，像是沒清洗乾淨的，杯的周圍都是污漬。我自己認為是不能接受的。在此附上兩張相片說明。光顧日期：2023年12月21日下午12時59分左右

上個星期日，揾食肥華和靚媽在此店食咗個，滿意早餐，12月14日再去試埋佢哋嘅晚餐，肥華和靚媽兩人在晚上七點左右到達此店門前，衹見到，呢間巨無霸級別嘅茶餐廳，室內已經高朋滿座，門外就客似雲來，顧客要擠在門外排隊等此店員工，安排入座，晚市有呢種虚冚情況，今時今日在鬧市旺角都難見到，而竟在工廠區内出現，証明此店晚市出品都係得嘅。果然不出肥華所料，今晚在此店食到嘅，虎皮椒炒牛肉及麒麟龍球，無論味道，鑊氣及上枱熱度，都係有A+水平，唔怪得此店員工同肥華講，此店晚晚爆場，食晚飯最好在六點半前攞位，避開人潮👍👍👍

【黃大仙區】【樂天冰室】買咗一位我好欣賞嘅女僕嘅生日 live show 嘅門票，可惜因工作繁忙實在已經冇能力再行開，於是草草咁放低我嘅祝福就走咗。都幾唔開心，一直都好唔想過一啲被工作綁住嘅生活，奈何就係貧窮限制咗我嘅放蕩，只能認命。咁嘢都係要食嘅，經過新蒲崗一間幾新淨嘅新派冰室，就入去充吓飢。叫咗個常餐，價錢係 $52 嘅。主食係「瑞士汁雞翼撈麵」，可能嗰陣有啲餓，覺得又幾好食，唔會太鹹，個麵又唔韌，雞翼仲幾肥美、幾大隻，唔錯喎。個配菜係「嫩滑炒蛋」、「火腿」同「牛角包」，炒蛋都幾香，火腿正常，牛角包都唔錯。餐飲我飲「熱奶茶」，嚟呢啲餐廳就係要睇佢杯茶，佢呢杯個茶底偏澀，如果本身係睇茶味重啲嘅朋友，可能會啱飲呢杯都唔定。跟住叫多份「優閒下午茶餐」，要咗 $30 嘅「出爐酥皮蛋撻」兩件，啲蛋撻夠熱已經贏咗一半，蛋香就算唔算濃都可以話係好食嘅。嘢飲我就加 $3 飲「凍奶茶」，有凍有熱先好玩，都唔錯嘅。埋單 $85，我覺得係可以嘅價錢。。。（地址：新蒲崗大有街3號萬迪廣場地下A號舖）#1amfoodie #foodie #hkfoodie #thatfoodiething #hkfood

12月10日靚媽話要响應，特區政府呼籲，盡公民責任，去投票選區議員，為方便靚媽投票，所以揾食肥華就同佢，提前到呢間位於投票站附近，在以前新蒲崗工廠區，開業不久嘅室食早餐，肥華從未光顧過此店，所以進門一看差啲俾此店舖面，面積嚇親，以香港茶餐廳及冰室舖位面積唻講，此店可說是巨無霸級別，全店差不多係全卡位系列，座位極多又夠闊落，食客坐得舒服，而食物質素以今早，肥華及靚媽所柯打嘅兩個例牌，早餐沙嗲牛肉麵及雪菜肉絲米，及炒滑蛋連多士嘅味道亦有A級評分，而此店提供嘅個別包裝，辣椒油亦比同區茶記嘅，同類製品優勝，啱晒嗜辣肥華口味，加上杯，香濃奶茶，此店大有可能成為，揾食肥華及靚媽嘅假日食早餐主場，亦為奇

今日我叫左乾炒豬扒公仔麵 配 凍奶茶乾炒豬扒公仔麵 既配料有雞蛋碎 + 芽菜 + 韭菜 + 白芝麻 配 公仔麵公仔麵係一個固定的份量, 無得話份量大還是細一如以往炒野獲氣夠麵炒得唔夠乾爽, 但還可以接受的豬扒細件左少少唯一改進左既係個炒麵送到我手上係熱今日坐逼逼的二人座, 好在無人搭枱因為張枱真係好細, 貼住個走廊坐既感覺有種錯覺係待應行過會撞到手肘咁總知真係非常唔舒服假如真係坐兩個人, 會食得幾辛苦吓

今日2點幾去食，午餐A係牛扒拼漢堡扒，吸引到食肉獸嘅我，所以就叫咗呢個跟薯菜，落單順利無問題侍應都無講咩。到上菜發現牛扒喺度，薯菜喺度，個漢堡扒就唔喺度，但多咗2條腸。叫咗個侍應 (係個有戴住頸絲巾嘅阿姐) 埋嚟問點解，佢好處之泰然咁話係呀無漢堡扒呀，然後就想走，我話落單果陣無講過話無，佢話唔關我事喎，唔知邊個幫你落單，呢刻好想答係我自己落單架阿姐，我話如果你一開始話無我未必叫呢個餐，跟住阿姐問我想點，大家開始火火地嘅時候有另一個職員走埋嚟問係咪要換，算，我最後換咗個流流地嘅C餐 (份量我覺得細，同埋無乜味)。我想話你間嘢生意好，唔係表示你可以亂嚟，阿姐態度擺明係：“係無架喇，你要唔要？”，無嘅嘢唔係一早講，而係上菜果陣先話你聽，態度仲要唔關我事、你唔要就罷，仲要由頭到尾無人講過唔好意思，我唔係要你低聲下氣，就算你輕輕鬆鬆嘻皮笑臉咁講句唔好意思都無問題，而唔係一幅高高在上嘅厭惡態度。

樂天冰室的芝士焗咖喱豬扒飯絕對是一道香氣撲鼻的美食。這道菜以豬扒為主要配料，搭配濃郁的咖喱和融化的芝士，在口感和風味上都能給人留下深刻的印象。首先，豬扒的烹調技巧非常出色。豬扒煎得剛剛好，外酥內嫩，保持了肉質的鮮嫩口感。咖喱的香氣在豬扒上燻烤而成，使得每一口都充滿了濃郁的咖喱味道，令人垂涎欲滴。其次，芝士的加入使這道菜更加豐富和美味。芝士在烤的過程中融化成黃金色，覆蓋在豬扒上，增添了濃郁的奶香和濕潤的口感。芝士的鹹香與咖喱的辛辣相互融合，形成了一種絕妙的平衡。最後，樂天冰室的熱奶茶也是一個不可錯過的飲品。熱奶茶濃郁香醇，奶香和茶香完美融合，口感順滑。這杯熱奶茶與芝士焗咖喱豬扒飯搭配在一起，絕對是午餐時光的完美組合。總的來說，樂天冰室的芝士焗咖喱豬扒飯是一道香氣四溢、口感豐富的美食。豬扒的煎烤技巧恰到好處，咖喱和芝士的結合讓味蕾得到了極大的滿足。再加上搭配的熱奶茶，整個午餐體驗非常抵食。如果你想品嚐美味的港式料理，這裡絕對是一個值得推薦的選擇。

今日有點肚餓, 所以去左樓下間餐廳到食下午茶下午茶 由14:30 開始至 18:00介紹間餐廳先間餐廳開業未夠半年, 午飯時段好多人去排隊既正門既左手邊係麵包部, 右邊係燒味部無影相添, 下次補番 (我記得的話 )餐廳面積大, 唔係繁忙時間入去的話基本上唔洗點等位, 員工仲會主動幫你搵位但我一個人去食, 基本上都係要搭枱以搭枱來講, 上曬食物係有點逼既始終對面既係陌生人, 自然想要多點點距離感今日點左XO醬揚州炒飯 加 熱奶茶上菜前, 我聽到隔離枱話仲有個炒飯未到我仲以為會好細碟 或會 大細超送到我眼前既時候, 兩碟炒飯都係差唔多食物揚州炒飯 材料有火腿片 + 叉燒粒 + 蛋 + 葉絲 + 辣椒 (少量) + 蝦仁 (中SIZE)蝦仁我認真數過, 有10粒炒飯獲氣夠, 飯炒得夠乾身飯同料既比例合理, 炒得夠均勻我食曬個飯之後望番個碟, 油量少唯一缺點係炒飯既熱度唔知係餐廳冷氣大 定係 個飯放左一陣先送到我手熱奶茶既茶味過濃, 有點澀另外, 我個杯係崩的但對面既陌生人係新杯真係沒有對比, 沒有傷害對面既陌生人食兩個酥皮蛋撻 + 熱奶茶酥皮蛋撻賣相幾好, 幾吸引可惜我個胃容量不足, 唯有下

去到餐廳坐低，叫咗個焗飯同埋加6蚊叫杯凍飲，飲品好快送到，我飲住凍飲等食物，然後等咗15分鐘左右，食物送到但唔係我order嘅食物。算，我即時向職員提出。其實好少事，更正返就ok啦。但我跟職員提出問題後再等15分鐘，依然未送餐嚟，我就兩次跟不同嘅職員提出取消order，因為趕住返公司。但係兩位職員冇即時幫我取消，只強調話焗緊，最後我堅持取消。佢地就話＂咁你俾23蚊啦，你飲咗杯嘢＂。我叫佢地問吓可唔可以照收6蚊，佢地態度惡劣話＂冇得問！23蚊一杯凍飲！＂。我話＂原本我係叫食物，補6蚊就有杯凍飲，宜家你地又錯貨又嚟得慢，取消又即時取消唔到，仲要我俾23蚊？！＂。個職員就態度惡劣話＂取消個飯啦！取消個飯啦！收23蚊凍飲！＂即係我點嘅餐一開始冇嚟，等一輪都未嚟返，叫取消又取消唔到，最後職員好悔氣話＂咁你飲咗杯嘢喎！＂原本只需6蚊嘅凍飲變咗23蚊，仲要受職員氣。。。咁嘅態度，真係令人失望。

有朋友住附近 聽朋友講知道呢間野新開搶左附近一啲食市生意 所以都想試下咩一回事呢次已經系第三次由於每次都系一個人所以只能食炒粉飯之類第一次食既系揚州炒飯 已感覺味道 獲氣絕對出色 如果以屋村區有咁既質數 呢班Cfu應該有啲料 因為好耐無食過一碟炒飯會令我讚既 本人都從事飲食業 以呢個質數黎講 絕對值中上之作第二次就食貴刁 比炒飯差一丁點 原因系炒飯太出色 貴刁也是咖哩粉足 也是不錯的選擇由於炒飯類出色 第三次就揀福建炒飯從食材配料及做法上 絕對值這個價錢用粒貝 及 貝絲 讓食客感到食材上沒有太慳另外雞肉新鮮 沒雪味 滑身就呢兩樣材料已經贏不少同行服務正常吧 一般茶記水準 也不應太高要求至少做到落單會有足夠人手 不會等太久暫時只吃過這間分店 希望其它分店都有這水準

茶記只接受現金，好明顯為左逃稅，仲要態度奇差，食客地位卑微，不應縱容這行為，食物環境還不錯，但今時今日這種服務態度，只為方便自己，絕對沒下次，門口排隊問是否要搭台回覆話入去啦，無比較無失望，寧願返大陸食會感覺到作為食客的尊重以及賓至如歸的服務，還有創新菜式，相比香港飲食業不思進取，真系被拋離愈來愈遠

新蒲崗較近鑽石山站的一邊，遠mikiki 遠，離荷里活又有五至十分鐘距離，加上較少餐廳種類，常有餐廳沙漠的感覺…最近新開的一間冰室，雖然唔算新意，但對附近返工的打工人士黎講實在係福音！開業短短數月，連假日的午飯時間都要排隊，好在餐廳夠大，座位多，等候短短五分鐘已經可以入座。對冰室茶記的裝修一向要求不多，但呢間高樓底，加上大量使用木材，感覺溫馨，和熙攘嘈雜的冰室氛圍形成強烈對比。友人介紹燒鵝瀨粉及豬扒撈公仔面，心中奇怪，冰室食燒味？上菜時只見燒鵝賣相不錯，馬上試吃一件，入口皮脆，油香滿溢，冰室有如此質素的燒味相當少見。豬扒撈公仔面完全水準以上，以鐵板上菜，滋滋作響，豬扒夠香夠鑊氣，公仔麵乾身香濃，十分滿意。整體來說，食物高質，環境不錯，是新蒲崗最近用餐的好選擇。

下午茶有韓式炸雞配牛角包，這個配搭比較新穎， $40左右，味道都唔錯。餐廳企理乾淨，可以一試。佢仲有新鮮麵包蛋撻。牛角包就淋咗啲，不過食炸雞幾好食。下次再去會試吓佢啲蛋撻，同埋奶茶紅豆冰。