樂園

营业中

休息中

成日係九龍城出沒, 都唔知有呢間好食野都見d人話呢度似茶餐廳既服務態度, 唔少人受過氣, 都有d驚...不過都要試一次既...有人寫星期六lunch會踢晒腳, 不過個日星期六差唔多1點去到又唔覺多人侍應們的確會好大聲講野落單, 個別員工的確無嘜禮貌既, 落單唔笑, 見你唔係落單就自己走左去不過呢, 話晒餐廳位置都係街市上面既食肆, 環境的確好嘈, 佢地又習慣忙, 大聲d粗聲粗氣在所難免但難得有晒冷氣有晒風扇, 而且位置唔算迫, 都算ok啦~我地望左好耐個餐牌, 叫左沙嗲牛肉西多士, 雪菜肉絲餐肉一丁, 五香肉丁餐蛋麵, 2杯奶茶紅豆冰 奶茶紅豆冰 - 本來男友望落去覺得應該唔多好味, 但一飲就喜出望外! 奶茶都幾滑, 重點係紅豆真係大大粒, 仲要好多, 冰既數量剛好, 唔會太水, 唯一有d搞笑係...d奶茶其實有少少似溝左咖啡...不過都非常好飲呀! 沙嗲牛肉西多士 - 塊麵包係大大塊個種, 2塊夾住d沙嗲牛肉, 炸完再放埋牛油同煉奶, 原來用煉奶感覺好特別, 好好味, 切開見到沙嗲牛肉份量好多, 的確係又鹹又甜, 不過感覺係幾得意既~ 雪菜肉絲餐肉一丁 - 本以為多樣野送份量就會

Yeah! Yeah! Yeah! 又係四出搵食 o既一天 ....是日目標係想試呢度 o既奶茶紅豆冰 奶茶紅豆冰 / $16 --- 紅豆同奶茶 o既味道好 match, 唔太甜, 唔會好多奶, 連平時唔多飲奶類飲品 o既我都心思思想再飲 ~~ hehe 咖啡紅豆冰 / $16 --- 咖啡都 ok , 不過奶茶 good o的 沙嗲牛肉西多士 / $19 --- 唔可以話唔好食, 不過始終一咸一甜, 有點怪 .... 值得一試 o既 雪菜肉絲米加菜 / $20 & 腸蛋麵 / $14 --- 因為好肚餓, 一定耍食返碗麵 ~~ 哈哈食物味道 ok .... 但因為無得跟餐, 會貴少少由於人多關係, 伙計有 o的心急, 所以會燥 o的, 不過係街市上面 o既熟食檔, 算係咁啦 ...... 落單個阿姐心算計多 o左 $10, 埋單時同老闆講張單唔岩, 老闆即時想扯火, 不過之後知自己伙計計錯數, 超快變臉笑返 ~~ 哈哈

上星期六, 跟honey慕名到樂園, 佢生意好好, 客多, 但手人唔夠, 等落單, 等咗近十分鐘...點了杯奶茶紅豆冰, 凍咖啡, 沙爹牛肉三文治, 及炸豬扒公仔麵。奶茶香滑, 茶味不會過濃, 紅豆夠腍;沙爹牛肉配以烘底三文治, 咬感一流;炸豬扒肉腍而不散, 喜愛那個沙爹湯, 好香濃!

男友約了好友打波, 而我就同佢細妹入去樂園食, 細妹講樂園都幾出名架餐牌上可選擇的食物不多, 我要左一碗雪菜肉絲米粉因為講到好好, 所以我都細心啲去dap真個味道, 不過似乎沒有好特別的地方, 只係一碗平凡的雪菜肉絲米, 唔通我叫錯左, 招牌菜唔係呢樣?味道嚟講, 其實都唔差, 雪菜肉絲仲有啲調味汁, 都幾好食, 但係就只係一般冰室的味道, 不過不失啦!計埋價錢, 其實都唔平, 而且仲係街市的熟食檔, 兩個人一人一碗米粉都要差唔多五十蚊, 返到嚟上or見原來大家講係啲豬扒好食, 唯有下一次再去食先再下定論啦!

本來呢篇係一篇笑臉的食評, 但變成OK了打完波同朋友過嚟食野, 我食左一份西多士加杯凍檸茶份西多士好正, 入面的花生醬落得夠多, 仲查到好勻, 每一啖都食到花生醬, 加埋我自己落落去的蜜糖, 加埋極度肚餓的我, 令到份西多好食到暈檸茶都OK, 有檸味有紅茶味, 即係GIP 味不過食得好唔開心個阿姐叫佢落單, 又黑面又悔氣, 都唔知得罪佢咩..

我都算係樂園其中一個擁躉, 成日上去幫襯, 皆因九龍城係我共中一個排舞的地方!好似今次又上去食了, 今次食雪菜肉絲午餐肉湯米, 另外再加多碟炸豬扒添, 炸豬扒有好香的蔥油味, 豬扒件上會發現蔥粒的踪影, 仲有係豬扒一啲都唔靭, 醃得又好味, 食極都唔會厭!雪菜午餐肉米其實就無咩特別, 不過我都鍾意食佢地既湯米, 因為啲米粉都幾滑!排完舞之後, 幾攰都會嚟捧場, 因為好食

我不是叫你唔好去，只是叫你不要在星期六或公眾假期的午飯時間去。 假如你未去過而又選擇在這些時段去的話，我可以告訴你其他網友對老闆服務態度的抱怨都是真的。 那又是否不值得去呢？當然不是。我和家人平均一個月去一、兩次，已光顧了四、五年。先說我喜歡的食品： 1.) 炸豬扒–選用略帶肥肉的豬扒，外面鬆脆，裏面的肉汁仍可以保存得到。 2.) 炸雞翼–同上，最緊要是炸得夠透。 3.) 星洲炒米、乾炒牛河、茄汁豬扒飯–其實除了這三款以外，其他的炒嘢也是甚有水準，原因是除了用料足外，就是炒嘢的師傅慢功出細貨。 他炒嘢的「部門」其實是在檔口的另一端，細看他工作便會發現即使已經有很多人落了單叫炒嘢，他也是堅持每一碟用相同的時間去炒，不會馬虎了事。 所以在繁忙時間要有心理準備要等好耐，但是絕對值得等。 4.) 紅豆冰–夏日消暑良品，紅豆夠o趙頭。 5.) 鮮油多士–兩片多士中間夾着一塊完整的牛油。絕對是向你的膽固醇底線挑戰。 還有些比較「另類」的食品，例如「沙爹牛肉西多士」、「奶茶紅豆冰」，我自己就末試過，但也有

其實識去呢度都係因為朋友帶路，只可惜最後連佢都好失望記得係星期六下午2點左右去到，入面都幾多人，好彩0岩0岩近門口張檯有兩個人0岩0岩走，我地唔駛等就坐低左，朋友介紹我飲奶茶紅豆冰，因為我鍾意飲奶茶，咁我就有d猶豫，因為中醫叫我唔好飲凍野，唔係就好可能對氣管唔好，咁我就叫走冰，個阿叔話冇問題架!!點知杯野黎到就同其他人一樣都係好多冰，我就問阿叔係咪俾錯檯，佢就好快咁拎左個杯俾我話「你自己搞掂佢啦~」跟住就閃走左喇~我同朋友都好odd，點解會咁冇信譽架?如果係唔可以走冰0既我就唔叫丫嘛不過朋友都話息事寧人，自己整走d冰算，我只係試左3啖，第一啖試紅豆，um...d紅豆冇錯係起哂沙，幾好食，第二啖試奶茶，奶茶就唔夠滑，同埋覺得紅豆同奶茶d味好唔夾，好怪，但我都飲多一啖再試真d，真係冇興趣試落去喇~好彩朋友係垃圾桶，乜野都塞得入口，佢KO左杯野，同埋佢話唔夠凍加番d冰落去先飲，佢0既評語係「都幾解渴」另外我地叫左馬來西亞咖央多士+鹹牛肉三文治+底，其實我地所叫0既野係一次過上哂檯架!不過係等左13分鐘之後，我地覺得都比較慢，咖央多唔夠甜，好彩都夠鬆化，鹹牛肉三文治+底味道冇咩特別，朋友仲嫌d

尤記得首次到九龍城街市頂層的「樂園」，是在2006年6月，其後亦不時光顧，始終鍾情於集粗獷、原始與濃烈的沙嗲牛肉。今天照舊點了「沙嗲牛肉麵」($17.00)，而飲品方面，其實一直在「熱奶茶」與「鴛鴦紅豆冰」兩者之間掙扎。最後在既濕且熱的天氣與及濃烈的沙嗲味道下，決定棄「熱奶茶」而選「鴛鴦紅豆冰」($16.00)。以往多是喝「奶茶紅豆冰」，但在一次美麗的誤會下點了「鴛鴦紅豆冰」，發現「鴛鴦」比「奶茶」在味道上跟紅豆更加配合。鴛鴦味道較奶茶濃烈，跟紅豆的甜味來得比味道較淡的奶茶平衡，從此「鴛鴦配紅豆」自覺是最佳組合。麵質的軟硬度剛好，柔軟中帶著彈性。牛肉沒有塗上濃妝艷抹，原原本本粗獷與原始地程現面前。沙嗲汁濃烈而帶點辛辣，整碗湯也被沙嗲汁弄成稠稠的，馬上情不自禁地呷了數口，好一碗集粗獷、原始與濃烈的沙嗲牛肉麵。這個就是自己久不久便要來一次的原因。

上星期已經約好要去樂園食野, 要到今日先成事以前媽咪落親九龍城街市買餸, 都會帶我佢食, 今次再臨, 有種熟悉的感覺, 之前最鍾意, 一定係碗雪菜肉絲米加件炸豬扒, 今次一場來到, 當然要緬懷一番啦點解會鍾意個炸豬扒? 鬆化, 味美係最主要的兩個原因! 唔知大家有無留意, 樂園的豬扒係用蔥油醃過架, 睇吓豬扒炸出嚟之後有蔥粒留喺豬扒就知道了, 有種香的味道! 加上有糖 (炸完有結焦的痕跡), 所以炸豬扒好好食, 我之前都模仿這個方法做, 但係唔知都係差一都係嚟食好過lu, 唔使整, 要比佢赚, 哈

做完research, 知道九龍城街市樓上有間樂園好出名同朋友上去睬場, 睇吓有幾巴閉 朋友仔叫雪菜午餐肉米粉同熱奶茶, 我就獨沽一味叫件豬扒食!碗雪菜午餐肉米粉根據朋友仔的評語認為係流料, 虛報, 無特別, 但係我叫佢試一口我塊豬扒, 佢即刻呻"笨", 事關原來佢應該叫呢塊鬆化得嚟好味既豬扒來做米粉餸, 大呻笨之餘我只好給他多一件做安慰檸茶都真係幾好飲, 難怪蔡生以墨寶相贈

之前去九龍城都只懂食泰菜~幸得男友提點，才知街市樓上有熟食檔~星期六下兩點去到，立即有枱搭~~我不太好紅豆冰，所以叫了紅豆西多~再加一人一個麵紅豆西多 - 好多紅豆，但又不太甜~好味好味，值得一叫雪菜牛肉米 - 我不好雪菜~但牛肉真的又滑又好味~男友都大讚雪菜正呢~雞翼丁 - 雞翼較細隻，而且只有三隻，又炸得有點乾~不值…炸豬扒 - 即叫即炸所以等左好耐，不過真係又冧又鬆~我食到拎住支骨黎咬添凍奶茶 - 比一般茶餐廳好飲，不過個人覺得金鳳勝一籌由於西多同豬扒後加，好像漏單了，下次都是一次過叫好一點。老闆很厲害，完全記得邊張枱叫了甚麼，只可惜員工不是，以致要常常大叫 "豬扒邊個既~"環境是一定較污糟，叉匙有些仲有啡色的水漬，不過，抹左就當睇唔到啦。下次經過一定再來，想試牛肉西多呢

上次試完泰菜, 見到呢間茶記好似好多人, 咪嚟試吓, 點知最後都只係要咗凍奶茶, 同鄰店的食物。我同老公飲開白宮冰室的奶茶, 覺得呢到嘅無得比, 茶唔得, 奶稀, 唔滑, 又甜。所以原本想試牛麪, 都沒有啦

久仰「樂園」的大名, 卻一直未有機會到訪。是日路過龍城區, 決定一償心願, 誰不知.........下午茶時份, 人流比預期中少。在 OpenRice 做了一些 Research, 所以沒有多看餐牌便知想點甚麼東西。飲品方面﹐非 Crossover Item 「奶茶紅豆冰」莫屬, 至於食品, 也不外乎兩大名物「沙嗲牛肉西多士」和「豬扒麵」, 反正這裡甚麼都 Crossover, 於是便選擇了 Crossover 味較重的前者, 起碼沒有太多其他地方可以找到。「奶茶紅豆冰」($16) - 叮囑了兩次要「少冰」, 但上檯的時候仍然有很多冰﹐先扣了一個服務分。飲品奶茶味甚豐﹐與紅豆的配搭效果頗佳﹐不用再加多餘的糖水。飲了差不多整杯飲品﹐主菜來了﹐好戲亦來了..... 「沙嗲牛肉西多士」 ($19) - 對於這個比較奇怪的一甜一鹹的 Crossover 其實有點期望, 而無論有賣相到味道都是頗一致的。沙嗲牛肉 x 西多士 x 糖漿 x 牛油 的組合竟然有意想不到的效果, 出奇地好~ 可惜, 吃多幾口食時候便發現有一些不在預期的東西在內, 好像吃到一兩粒飯...... 之後撬開一點, 往內窺看,

睇ｏｐｅｎ　ｒｉｃｅ估唔到樂園咁多人留食評～所以都想留番個～我細細個搬到九龍城住～　幼稚園已經搬左黎～　食樂園都已經食左成廿年ｌｕ～最好味就當然係沙爹牛肉同埋咖哩雞兩個汁ｏ既味道唔似出面茶餐廳咁～　ｄ咖喱雞辣辣地又唔係辣到想死ｏ個ｄ～　但係好香～　送飯好開胃～紅豆冰ｄ紅豆好夠林～　自己煲都唔知要煮幾耐先煮到～　而且加ｏ既花奶分量又ａｒｍ～入面煮野個靚阿ｅ煮咁多年ｄ水準都仲係好好～～～　又好好人～雖然響街市入面～　但係最緊要ｄ野食都真係好乾淨～而且老細佢地ｄ服務真係好好～　不過而家冇以前咁好記性咁ｌｕ～但係最緊要都係佢地真係用心做