榮樂茶餐廳

帶女女去沙田瀝源嘅榮樂茶餐廳食午餐，叫咗常餐配菠蘿包。常餐好少可以配菠蘿包，常餐都係叫返最經典既沙爹牛肉麵，麵似係褔字麵，好唔好食睇個人喜好了，因為本人係褔麵愛好者，所以我個覺得係好食，湯底都夠晒沙爹味，牛肉都夠晒淋，味道不錯，菠蘿巳外脆內軟，女女都好鐘意食菠蘿包，食得開心。另外要一提杯熱奶茶，奶茶夠晒香滑，茶同奶既配合剛剛好。職員服務親切。環境整潔，價錢合理，應該會再因為佢個常餐配菠蘿包會再嚟光顧。…查看更多

【沙田區】【榮樂茶餐廳】呢間餐廳我唔係第一次寫，但係其實寫嗰次都已經過咗佢嘅最佳時間。記得初初食係喺十二年前，廿幾蚊一個餐，佢係得早餐同午餐揀，都係食嗰啲嘢，但係個癮真係難以戒除。幾年前佢換咗老細，隨後食物質素就急跌。啲舊式冰室裝修好多都拆晒，「冇飯食」嘅傳統都打破埋，不過我再去都係叫返嗰啲嘢，而家變咗係 $39 嘅「全日麵餐」，食「沙嗲牛肉公仔麵」同「火腿奄列」，配「奶醬多」飲「凍奶茶」，加多件散叫 $22 嘅「西多士」。呢 $61 我唔係畀唔起，而係我已經搵唔返嗰個感覺。正當我諗住就咁寫嘅時候，見到 IG 有個 hashtag 話舊老細回歸，我即刻煞停個 post 去睇睇，結果係令我失望。一場嚟到，都叫係 $39 嘅「全日麵餐」啦，都係食嗰啲嘢。不過而家食「菠蘿包」都要加 $3，以前菠蘿包就係菠蘿油仲要係免費轉配，賣完即止。個味道好似都爭咗啲，其實可能係因為個人情味。又飲「凍奶茶」因為真係好熱，呢 $42，可能真係最後一次喇，寫嘅時候都有啲傷感。。。（地址：沙田瀝源邨富裕樓地下7號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #榮樂茶餐廳 #茶餐廳 #瀝源 #全日麵餐 #沙嗲牛肉公仔麵 #火腿奄列 #奶醬多 #凍奶茶 #菠蘿包 #西多士 #1am1080 #1ambackup…查看更多

午市快餐🥢欖菜肉碎炒飯包熱飲$49 欖菜鹹鹹地好惹味，肉碎唔會太肥，配料有炒蛋碎同雜豆，五顏六色賣相靚仔，即炒熱辣辣香口惹味，炒得乾身唔油膩，飯量充足☕熱檸茶有三片檸檬，檸檬新鮮，不過茶味過淡懷舊茶餐廳，橙色花花牆磚，再配埋呢款經典嘅欖菜肉碎炒飯，都幾好feel🤭😝＄49午市快餐，價格定位中規中矩，另外牆上貼住有個全日茶餐好似幾抵食🧐，＄36有交易，下次試下先😛魚堅總評性價比 3.5👍(以5👍為滿分)…查看更多

如果以常餐來說，這間榮樂應該會勝過恆園，它的多士輕輕烤過，但奄列就更為出色，因為本身都算大件，而且不算煮到很熟很熟，可能佢是師傅現場即製，因此但仍然保留少許流質，不會煮到太熟，有少少蛋汁，吃起上來當然比較香滑。:)原來常餐的叉燒湯意，什麼都可以轉的，我就將叉燒轉了沙嗲牛肉，湯意粉就轉做普通公仔麵。牛肉難免也是比較熟，而且是放涼了的沙嗲汁即時加上去麵條上邊，因此也不算格外出色。另一次就點了個蔥油雞扒飯，因為它的紅蔥油雞飯或是海南雞飯全部賣光，這個蔥油雞扒飯有點越式餐廳小巴黎的影子。蔥油帶點油香，應該是在鑊裏炒過的，即使放涼了也不會覺得特別油膩。雞扒，它的雞扒亦都比起恆園的椒鹽雞扒飯做得出色:)雞扒本身夠厚身，有點脂肪比起又乾又瘦的當然做得更加出色。有人說外邊的貓貓眼睛發炎是由於這間店舖的處理不當，其實都難以證實，先不理這些事情，榮樂茶餐廳好像比恆園或是嘉香魚蛋牛腩麵比較出色。不過時新車仔麵畢竟在另一個範疇，很難將時新和榮樂相提比較。…查看更多

🚫此店在網上爭議甚大，但事不關食物事，如果對寵物有關心的人可以上網自行搜尋。 .在沙田行山後尋找良心食店💛沙田市中心選擇實在不多，而且人少少又不適合去富東閣飽餐一頓，最後發現這家藏在屋邨的茶餐廳，要去支持一下💁‍♂️ .晚市時間沒有太多人，可能街坊習慣自煮或是外賣吃。打開菜單後就是正常茶餐廳食物📖難得來到就不試普通碟頭飯，來試一下本土特色煲仔飯，點了最經典的臘味煲仔飯。 .煲仔飯是即叫即做，師傅馬上落米加水加臘味，稍等一會就上檯，放下時就見到熱氣蒸騰🌫我立刻加了豉油再蓋上焗一會，令香味滲入飯裏。 打開後香味不錯，但材料比較少，兩條短臘腸加上一塊大臘肉🥓最後一條切段的潤腸，覺得多加幾條菜會畫面更好。飯粒偏硬，咀嚼時要多花點力，可能要多點水和煮飯時間。臘味的油份充足，連飯裏都帶有脂肪香，在嘴裏縈繞不散😝…查看更多

下午一個人去瀝源探朋友，晚上諗住近近地入左榮樂食飯，心諗茶餐廳應該最隱陣，而且我對食物無咩要求，入到口有味飽肚就夠。入到去即時叫左碟粟米肉粒飯，加涷奶茶少甜，等左一陣好快上枱，點知見到粟米汁一pat野似醬糊，肉粒呈灰白色，食落無味又難食。奶茶算正常，但唔好有期望。本身好肚餓，碟飯夾硬食到一半後頂唔順棄飯，走左去附近麥記買豬柳飽醫肚，返到屋企仲要好口乾，明明碟飯無味都勁口渴，無理由落左味精呱，總結黎講呢間野無下次。…查看更多

今日喺屋邨入面發現咗呢一間睇得出有啲歷史茶餐廳！常餐（$37）1️⃣牛油方包（加$1轉菠蘿包/雞尾包）加$1就可以轉包真心抵！朋友們玩包剪揼決定邊個可以食最後一個菠蘿包！😂不過其實雞尾包都好正架～2️⃣煎雙蛋/火腿奄列即叫即整！👏🏻👏🏻3️⃣一般茶餐廳提供既麵食我地叫左沙嗲牛同雪茶肉絲。沙嗲牛個樣勁正！我個雪茶肉絲就咸左少少～4️⃣熱飲（凍飲加$2）最驚喜係呢度會用熱左既杯裝熱飲，可以維持熱度～好貼心！🥰🥰…查看更多

喺瀝源幾十年歷史嘅茶餐廳，由細食到大，自己搬走咗之後久唔久都會返去幫襯，回味一吓童年回憶😂 早餐味道唔錯，叉燒湯意同沙嗲牛麵好味，最正係杯奶茶！加$1仲可以轉菠蘿包或者雞尾包添！…查看更多

屋村茶記最緊要係人情味同親切感🔥呢度室內外都有位坐，鍾意坐室外特別有feel。有種係屋苑樓下檔食嘢嘅感覺，好有街坊feel勁休閑，係極具佬味嘅另類chill❤️呢度嘅食物主要都係港式常餐，同一啲簡單嘅碟頭飯類別，即係典型嘅港式冰室食物啦。見到在座多數人嚟到都係食碟頭同頹麵，個個人枱面都有碟炒蛋哈哈😄炒蛋都幾靚仔，有兩隻細蛋咁上下。另外值得一提嘅係公仔麵係好食嘅，麵質挺身，似福字麵嗰種伊麵底，一啲都唔淋非常好👍🏻👍🏻其他粉麵就正正常常啦。…查看更多

呢排食得太多好野，真係人都特別精精神神咁，連放假一早都去左茶記食，而唔係瞓到晏一晏先自己煮。可能臨近聖誕新年個人真係興奮啲，要好好咁enjoy下啲holiday mood。沙田雖然好熱鬧，但其實市中心都有好平民既街坊餐廳，就好似呢間瀝源既榮樂咁，不但事頭婆好人，舖頭仲好有良心，去得多你就會鍾意嗰種感覺。今日叫左常餐，識嗌多士係一定要烘底，真心冇得輸。出面凍凍地慢慢嘆番杯熱啡，爽到爆。呢間茶記最好就係有outdoor舖位又大，所以啲位好闊落，可以慢慢坐好舒服。…查看更多

#奶油多 $9#奶醬多 $9#凍奶茶 $19本來想嚟食西多士 可惜可能就嚟過下午茶時間 所以食唔到😢咁就轉咗做奶油多 奶醬多 都正常發揮 脂肪通常都好好食🤣而奶茶都幾好 夠曬茶味😆評分:7/10…查看更多

發現咗原來街坊茶餐廳都會有黃店嘅出現今次去咗沙田瀝源邨榮樂茶餐廳未行到去門口 已經見到係一間老字號嘅茶餐廳.我今次試咗佢哋嘅常餐沙嗲牛肉麵火腿奄列凍檸茶 $37同行朋友叫咗個 豬扒蛋麵凍咖啡 $37佢哋用嘅系一種咖啡色嘅公仔麵唔係我哋一般食開嘅公仔麵 口感都唔同一個常餐唔使$40而家都好少地方搵到👍🏼絕對係街坊價.咁懷舊嘅茶餐廳播嘅歌當然都唔會係新啦坐喺度食嘢嘅同時你會聽到餐廳播嘅歌 🎶 舊歡如夢 倩女幽魂 🎵雖然係懷舊老歌 但亦我保證一定系識唱會一齊唱既果種🤣…查看更多

舊式茶餐廳都可以黃到金。🤩🤩🤩有文宣，有「蘋果」，服務都好好唔幫襯佢地都對唔住自己。😂榮樂茶餐廳好耐都無食過屋村入面既舊式茶記，舖頭細細，舖外亦有枱凳，鐘意坐出面吹下風，同街坊吹下水又得。大推蔥油撈麵同雞飯，啲雞又滑又好味，個蔥油撈麵上枱無耐，已經比我地清哂，凍朱古力都好飲。😋唔似有啲茶記又淡又似水。😫已經去過2次，但一定會再去第3次第4次...得閒又可以去試下舊式茶記既風味😋🤤💛…查看更多

今日去試試位於沙田, 古色古香, 充滿七, 八十年代色彩嘅榮樂茶餐廳. 老友嚟搵我食晏, 又唔想食常餐咁平凡, 一於唔怕肥膩叫個葱油雞扒飯食(不過叫咗半飯)!   葱好翠綠, 脆卜卜, 我超級鍾意! 一啖油葱一啖飯已經好香好夠滿足. 炸雞扒肉質滑溜, 值得再食! 老友點嘅葱油豬扒就比較多肥, 佢都覺得雞扒正啲, 鍾意肥豬肉嘅朋友可以試吓個葱油豬扒.最後嘆埋杯港式茶記咖啡, 一邊同老友傾吓近況, 舒服自在, 正. …查看更多

屋企附近無乜呢啲又黃又好食嘅茶餐，今次因為有啲嘢要由港島去到沙田，好彩搵到呢間係邨屋入面嘅茶餐廳咋...唔只有戶外位置，仲有2個鋪位 🤭 行到咁熱，即刻可以嘆冷氣 叫咗2個常餐，估唔到咁高質... 平時我好驚食呢啲湯麵入面嘅肉，因為通常都係又嚡又乾架嘛，但呢到無論肉絲，牛肉定係叉燒，都一啲都唔韌 😋 重點重點! 好耐無飲到啲咁地道嘅港式奶茶呀~…查看更多