榮式燒雞扒 (希雲街)

营业中

休息中

原本諗住唔寫，因為明白忙裏一定有錯，中午時段訂餐非常多人，而家中小學生又復左課，多人到要排隊。點知過左一星期後，第二次訂又錯，仲要11:00訂，一個人都冇，咁都錯，於是決定出post。因為次次用foodpanda deliveroo訂都冇事，一用OpenRice 就出事。係咪因為用左信用卡優惠，所以，要改變食物內容先為到本？定係OpenRice 嘅問題？第二次都係訂左太脆雞翼伴冷烏冬。結果係三隻雞翼加湯烏冬。😓

原本諗住唔寫，因為明白忙裏一定有錯，中午時段訂餐非常多人，而家中小學生又復左課，多人到要排隊。點知過左一星期後，第二次訂又錯，仲要11:00訂，一個人都冇，咁都錯，於是決定出post。因為次次用foodpanda deliveroo訂都冇事，一用OpenRice 就出事。係咪因為用左信用卡優惠，所以，要改變食物內容先為到本？定係OpenRice 嘅問題？第一訂左太脆雞翼伴冷烏冬。結果係兩隻雞翼加一塊藕餅。😓

Had a early dinner with my colleagues at this place, environment was comfortable as the table wasn't too close to each other. The staffs were okay, due to the pandemic there had the plastic board all arranged properly. For the food, I had a laugh. They had many choices , it was also vegetarian friendly. I ordered for a simple combo of chicken and two lotus root patties with rice, and we also added a side of Chinese cabbage wawa choi It tested good, well seasoned, the veggies was over b

剛剛在希雲街分店叫了小食雞扒外賣，不多人，等了很久未到。同男經理說了聲，他只哦了一聲，態度敷衍，沒有行動，任由客人繼續在店外等待，這樣的服務態度，不要得，下次還會幫襯嗎！？

上次我光顧位於九龍「佐敦」分店「榮式燒雞扒」的時候，適逢香港當日全日禁堂食，結果我被迫選擇外賣自取，購買一客「榮式招牌燒雞扒配薯條」配「凍港式奶茶」飲品的下午茶。結果我趕回家後發現，下午茶裡面的炸薯條早已經變腍，至於燒雞扒裡面辣味雖然仍然尚在，但是燒雞扒實際溫度都已經變涼，失去食新鮮滾熱辣的廚房即場燒雞扒感覺。經過上次在佐敦分店「榮式燒雞扒」裡面，只能食到已經放涼的辣味燒雞扒，和已經變腍，不再香脆炸薯條的下午茶經驗之後，我寧願上門光顧「榮式燒雞扒」，享用堂食版本的「招牌燒雞扒配薯條」。今次我可是第一次正式光顧，以堂食方式享用「榮式燒雞扒」裡面的招牌食品「招牌榮式燒雞扒」，和見識「榮式燒雞扒」店舖裡面的裝修和擺設。我上次光顧佐敦分店的時候，佐敦分店把店內燈光關掉接近七七八八。相反今次上門光顧「榮式燒雞扒」，位於「銅鑼灣」食街「希雲街」裡面分店的時候，才發現原來「榮式燒雞扒」樓面實際上的燈光，不是我預期那麼光猛亮眼。雖然「銅鑼灣」分店「榮式燒雞扒」店舖裡面也有設置電視機，但是「銅鑼灣」分店「榮式燒雞扒」店舖樓面裡面的電視機，只是播放食店自行拍攝的片段，讓抗拒看電視新聞報導的我放下心頭大石。

呢個都係自己keep返record，因為榮式雞扒應該好多人都食過。講真50幾蚊咁多嘢食真係超級抵，雞扒比較薄而長身，非常Juice。不過我就冇叫佢招牌榮式雞扒飯因為兩塊真係食唔晒，所以我就叫咗佢個雞藕天成，即係雞扒加佢另外一樣出名嘅蓮藕餅，蓮藕餅亦都非常鬆化，再加埋啲蔥油撈飯，超級大滿足~ 所以我嘅銅鑼灣分店係我經常去嘅飯堂之一😌榮式燒雞扒 (銅鑼灣)銅鑼灣希雲街6-12號地舖

依家見到外賣超多人排隊買喺午餐嘅時候，所以我就揀咗個冇咁多人嘅時間過嚟食下。舖頭位置尚算多但係我有一個唔愉快嘅經歷，事關員工倒瀉了柚子蜜落我的身上。 感覺不是很好。食物方面：我叫了一個榮式雞扒撈檬粉， 檬粉的汁調校得很好，我個人是很喜歡的。 CP值： 😋😋😋😋😋我朋友叫了一個榮式燒雞扒飯， 是餐廳的招牌菜，兩者的雞扒做法是一樣的，一碗飯有差不多1.5塊雞扒，份量10分足夠如果是比較細食的女生應該會覺得份量有多CP值： 😋😋😋😋另外嘢飲方面10分推薦飲他們的椰汁冰，很解渴😚

油地，銅鑼灣、灣仔、好多間都食過。茶餐廳環境，比較逼。食午飯時間好爆，要排隊，但起菜時間算快，外賣堂食坐到都唔算耐。好快有得食。食左十年，雞扒味水準平穩，鍾意香口既人會喜愛，偶然偏燶。個人認為加左辣粉好正。希望間間分店都提供就好。另外有個蓮藕餅，炸物類，好多人都喜歡，我個人認為都ok, 但有次食到膠粒，應該係廚房跌左入去。食左幾十次先一次，唔挑剔喇。啲伴碟炸菜 、蔥油、未必個個鍾意。我個人好怕蔥油啲油，如果多啲配汁選擇更好。飯份量適中，OL好夠食，地盤佬就差啲。踢完波一定唔夠飽，但平時午飯就岩岩好。飲品質素一般，屬於失分位，茶味無乜，咖啡又無乜味。有時有湯選，出奇地可接受，比一般茶餐廳例湯好飲。最記得有一次有胡椒豬肚湯味道十分之唔錯咁既價錢 , 普通一餐，絕對值得推介。所以一般好多人排隊，食完要比起身走。唔好諗慢慢坐....（點寫到200字？....你問我返工時間中午無位，求奇一餐，絕對不錯！但如果唔想熱氣，一星期食一次已經盡哂。乾塘 無野想寫。小弟第一次寫，多謝大家睇晒。有啲乜寫得唔好希望多多包涵，多謝大家支持希望嚟緊會為大家寫得更多食評。因為唔再識得點樣用文字去表達所以用下面有啲範

晏就約朋友食飯⋯⋯見到平時好多人排隊既榮式有位就走去試啦食佢個蓮藕餅同雞扒飯雞扒真係幾好食 不過個蓮藕好鹹！！！！加埋曬好油羅⋯⋯如果想減肥既話 其實唔太推薦同埋好逼 食飯個陣好趕

今日lunch出去食飯，都係近近地係公司附近叫外賣。呢次就選榮式雞扒試一試佢～榮式雞扒配撈檬$48佢個燒雞扒確實做得唔錯，雞皮煎到金黃，小小脆口但又唔會過焦，調味都好香且雞扒分量都算大塊👍但佢撈檬冇比汁我，搞到我食乾檬粉🙄今次評分：個人而言，僅僅合格啦～😅

呢一間係我都幾鍾意嘅食店，雖然佢就唔係好就腳，所以我唔係成日嚟呢間野，佢雞扒係幾好食。但今次冇食，今次食咗豬扒拼蓮藕餅，但佢個蓮藕餅唔係講笑冇蓮藕味，其實我可以提議佢加啲師傅或者加啲家樂牌。呢條街靜靜地我幾喜歡，可知道銅鑼灣好少正靜靜，可以提議下佢，喺霎東街開，因為霎東街好多鋪頭都執咗笠......講真㗎係為你好先寫食評鞭策你希望你在進步，如果豬扒係包炸漿炸呢，應該仲好食！見你哋有一間開到咁多間，如果水準可以繼續向前行，才是很難得！

雞扒本身已經好juicy🤓再加埋佢哋好惹味嘅辣粉😊煮到啱啱好嘅丁面🥰仔仔叫嘅西多夠晒厚仲有花生醬！又係好得！價錢超值！三個下午茶＄114 onlyPerfect!😍😍😍

上班族最放鬆嘅時候係午市，所以要食餐好嘅🤪依家最有名係出品燒雞扒，表面有蜜糖燒焦香，襯熱食好正👍🏼👍🏼👍🏼 ∡雞扒豬頸肉飯($53)薄切豬頸肉入味↦雞扒嫩滑↦扒邊脆口↦配上自家秘製薑蓉同甜豉油，再撈飯一流！😋😋 每枱都會有3樽秘製辣粉，分別有不同味道和辣味程度。辣粉香麻👍🏼而辣嘅程度非同小可🥵大家可以先小嚐。回頭指數💞: 4/5

今日又經外賣app訂餐啦😝 碌碌下見到 , 太耐無食過lu, 記得佢既雞扒確實幾唔錯, 今次就一於揀佢啦！🐔🥚🍚雞扒親子飯 ($57)*價錢不能作準, 因為我係經某外賣app訂餐的啊！🐔雞扒雖然都算大塊不過就薄咗好多, 有點失望, 唔算大滿足, 不過味道依舊一樣好味, 味道岩岩好, 黑椒味重但唔會太over, 口感多汁嫩滑！親子(炒🥚)就失色左d, 炒得太熟🍚最有驚喜係葱油同菜脯撈飯好正, 食到津津有味🤤

今日lunch hour 諗住行遠少少, 探索一下橫街小巷入面的美食! 行到「榮式燒雞扒」附近, 未仔細睇入面的情況, 已經聞到一陣好香的味道🤤, 而我沿住味道方面前進就黎到啦! 餐廳入面客似雲來, 幾乎枱枱爆滿。好彩我去到既時候, 岩岩好有人走, 所以可以即刻入座!榮式雞扒撈丁 ($50) 配熱奶茶我點左一份榮式雞扒撈丁, 先加左麻油入去, 再所有椰菜, 炸菜同埋公仔麵撈埋一齊。我中意食撈丁, 因為上枱時, 麵的溫度仍暖, 易入口。如果有熱湯, 就太熱了, 要吹凍先食到… 雞扒幾大塊, 雖然睇落較為薄身, 但勝在燒得好香, 而且將雞的油份逼左出黎, 令雞扒好嫩滑好多汁, 同埋令雞的香味出哂黎。另外, 雞扒完全唔鞋口唔韌, 加埋佢的黑椒香味入哂肉, 多左一種惹味的感覺, 真係想食完再食! 總括黎講, 佢既調味同鎖汁技術真係做得好好, 所以先至可以用燒雞扒黎做生招牌。另一樣必須提出既係佢地員工的態度好好, 我坐低左大半個鐘, 都不斷聽到店員講「唔該哂」,「多謝哂」等等, 係發自內心的禮貌, 令我覺得好舒服。我準備離開時, 佢地都不忘提醒我要拎齊野, 好貼心好溫暖!