榮式燒雞扒 (利奧坊) (已結業)

大角咀好近我屋企 而且見佢下午茶好似幾抵食 所以就同媽咪入咗嚟試下 原價其實已經算幾抵食 依家仲有全新價 正👍榮式招牌燒雞扒配薯條 $32塊雞扒又真係幾好食 好重黑椒味 食落口好惹味 不過如果厚返多少少應該仲正 不過咁嘅價錢都唔可以要求啲咩😂 而薯條整得唔錯 佢哋係用粗薯條嚟整 熱辣辣脆卜卜♨️出前一丁(+$8)呢個係上一個套餐加配 分量都幾多 大大碗抵食吖🙈太脆雞翼拼燒墨魚丸配出前一丁 $38雞翼新鮮出爐夠曬熱 不過就味道淡咗少少 而墨魚丸整得中規中矩 冇乜特別 出前一丁嘅軟硬適中 整體嚟講都算👌凍奶茶/凍朱古力奉送熱飲 凍飲加$2 正常發揮同普通茶餐廳差唔多…查看更多

之前疫情雖然稍有回落，但同事們都想留喺辦公室用餐，所以4月時多數都係集中買午餐一齊在辦公室享用👍恕我孤陋寡聞，今次真係第一次試榮式雞扒🤣但一試愛上！榮式雞扒飯、熱奶茶，$63一收到盒飯，嘩！2大塊雞扒！？多得好誇張喎！見到葱油又加深好感🥰第1啖咬落去，雞扒煎得好香，醃料好好味，又有咬口，再加上有少少黑椒都幾惹味☺️再夾埋葱油食真係令我胃口大開😍不過2大塊雞扒對我嚟講實在太多（雖然唔係好厚）！最終我留咗1塊晚餐食🤭杯奶茶係港式奶茶，味道唔錯👏呢間餐廳令客人回頭指數好高🤣…查看更多

隨便中午在家裡附近找了一家，好像也是台式小食為主，雞排燒的本身期望不算太高，但是味道不錯，雞排不算厚，很入味，更出色的是章魚藕夾，很好吃，滑嫩的口感，熱港奶味道也還可以…查看更多

榮式雞扒🐔而家開左好多間分店，之前試過銅鑼灣嗰間好好食，諗住試下大角咀呢間店。星期五下晝一點半黎到，Lunch-time時間都冇乜人，但附近大角咀既街舖都坐滿白領人士，可能因為佢間舖難搵d，附近又好多地盤。入到黎冇乜人坐得幾舒服，試左個雞同鴨講，係雞扒+鴨胸飯，加埋薑蓉同鼓油，好惹味，飯既份量相當夠，一個女仔食可以叫少飯。一碟”雞同鴨講”午餐價錢：$56包熱飲，超值！可以再黎😊😊😊😊😊…查看更多

近來得知大角咀開咗一間新嘅榮式燒雞扒，今晚就去咗食啦，佢位於一個新屋苑樓下商場嘅地舖，新嘅裝修都幾吸引，相信比佢其他舖頭有品味！夜晚嚟到其實都冇乜人，餐廳就幾大，所以都有好多位可以揀。店員都幾好，推介我哋食個兩塊雞扒嘅餐，但個價錢差唔多，黎到你就會發現其實一塊真係唔夠！因為佢夠惹味，燒到卜卜脆，加埋少少秘制辣粉同黑椒，仲有蔥油，令到你胃口好好，可以不斷食😂同場加映脆炸豆腐同油菜一碟，炸豆腐都好香口，同你響茶樓食都有得揮！另外亦叫咗杯滋潤飲品，足料清潤微甜，不錯！總括而言，榮式燒雞扒性價比高，值得再去👏🏻👍🏻…查看更多

妟就唔知食乜好就揀左呢間食雞朳:)附近裝緊修 所以有小小難搵入到入面 環境都算簡潔乾淨現場都幾多上班一放嗌左個瑤枉XO醬榮式雞朳撈丁同咸檸蜜雞朳好嫩 瑤柱XO醬夠惹味！但咸檸蜜就差小小…查看更多

在大角咀杳無人煙的利得街，隱藏着這間榮式2.0，每逢中午都座無虛席，這一款民間雞扒有著異常強大的吸引力，百吃不厭。榮式雞扒淮山麵除了飯，淮山麵配榮式雞扒是我喜愛的選擇。一大塊榮式雞扒，燒得非常香脆可口，蜜汁燒雞皮下，雞肉仍然香甜潤滑。還有一大碗淮山麵，帶點蕎麥麵的質感，原來跟雞肉的味道很夾。榮式雞扒親子飯一大塊香滑黃金炒蛋，跟雞扒一樣大。偶然試一次也不錯。本來這一間榮式2.0的價錢比一般榮式昂貴，但食物跟1.0差不多，令人摸不着頭腦。可能餐廳自己也覺得不尋常，所以價錢之後回到接近1.0的水平。加上附近公司的員工優惠， $3加一杯特飲，性價比就回到正常，還有每逢十個餐就送一個半價榮式雞飯，encore的意欲隨之增加。我也喜歡這樣留熟客的手法。…查看更多

好多年前喺銅鑼灣食過呢一間，嗰時都冇咁多分店㗎，好似得兩間，咁啱喺朋友屋企（深水埗），夜晚諗住打開網上外賣平台個app睇下有咩啱食啦，竟然見到佢喺大角咀都開咗間，仲可以送來添，又試吓睇下有冇保持水準先。由落order至送到來，大約半小時，其實都算快，當佢煮都要三個字啦，三個字就送到，所以我都唔會要求佢好熱辣辣嗰種。今次我叫咗個雞藕天成（雞扒拼章魚蓮藕餅），加炸蝦球，雖然半個鐘先送到，但係個蝦球都仲好趣，而且幾彈牙，又唔錯喎。不過個蓮藕餅就可能真係捱唔到咁耐，林左少少，但接受到嘅。雞扒都幾滑，而且幾香！總括而言，味道係唔錯嘅，不過如果想食熱辣辣又香口脆口啲，建議現場食。…查看更多

天氣熱到傻咗，好懶既我遲遲都唔願意落街買野食 之後上網禁下禁下就見到榮式燒雞扒原來有得外賣 所以就唸都唔唸就嗌咗啦！榮式燒雞扒豬一向都係好受香港人歡迎，今次仲有埋外賣叫！唔知質素又係點呢？真係好期待呀 30分鐘就送到啦 都算快榮式燒雞扒豬頸肉飯外賣份量應該無少到，係賣相差咗d不過味道同係舖頭食差不多 雞排都係鬆化既 無乜雪藏味 豬頸肉亦都幾好食 係油咗少少 整體來說都好食既，不過價錢就有d貴啦 都係落翻舖路食底d！👍🏻…查看更多

與他在附近剛做完運動，想吃一點不太飽肚的下午茶，來到了這裡。知道這家餐廳一向都專門賣雞扒，所以分別點了炸雞脾及有包含煎雞扒的全日早餐，不過不失，定價還可以。全日早餐都有很多食物，有大條的香腸，雞扒一塊，煙肉，半塊烘香的麵包，配上炒蛋。整體不錯，不過覺得比較油膩，而且配有的特製醬汁沒什麼味道，只是覺得沖油的。雞扒沒想像中的厚，煎得比較乾身，不過味道調得很好，真的很特別。另处他點了的炸雞脾，雞腿肉質不錯，厚的，不過份量還真少都要大概40元，還好。…查看更多

依家見用Apps外賣送餐方便之餘又有優惠，今日晚餐就用了網上外賣平台 訂餐。我訂了個雞扒炸魚柳飯，可能餐廳同我屋企都有一段距離，所以大概40分鐘送到，尚算合理。個飯送到嚟仲暖，雞扒同魚柳都好好食，但唯一係個飯好乾好硬，食落感覺似食緊燒味飯，同啲味道偏濃，食完一段時間仲覺得口渴。…查看更多

今天又來到新開的商場利奧坊食lunch，榮式燒雞扒可以話係商場裡最抵食的選擇🙈 榮式雞扒原來喺香港有幾間分店，見其他食評話他們的雞扒不錯，便試試他們的雞扒淮山麵。冇錯，看似是日本拉麵但其實是淮山麵喔-榮式雞扒淮山麵 $49Menu中的主菜包括飲料也免費贈送是日靚湯👍 雞扒有手板咁長但偏薄身 雞肉一絲絲十分嫩滑也十分入味 淮山麵擺碟好似日本拉麵 有半隻半熟蛋和一片紫菜 湯底也蠻像日本拉麵口味但味道偏淡 整體來說性價比不錯 當午餐份量剛好…查看更多

lunch時間黎到利奧坊，一入就見到依間榮式雞扒。聽同事講依間原來係2.0。不過因為之前無食過榮式雞扒，所以都唔係好知2.0嘅分別喺邊。黎到都要等大概15分鐘先入得去。不過排緊隊嗰陣已經落左單，所以一坐底啲野食都好快黎。見佢有得揀淮山麵或者烏冬，不過因為以前無食過淮山麵，於是揀左個雞扒淮山麵。第一眼望到碗麵，比我嘅印象就好似拉麵，toppings有紫菜、粟米、筍同埋糖心蛋。不過一黎到嘅時候，隻蛋已經爛左碗麵都幾大兜，淮山麵原來係幼麵，睇落有啲似麵線。食落又幾好食同埋幾爽口。之前見同事食雞扒飯，會有兩塊扒。不過麵就淨係得一塊，size一般。可能因為咁，飯都比麵貴around $10。雞扒煎得幾香口同埋夠嫩，幾好食，唔怪得會係依間鋪嘅名物$49 包埋野飲，都算ok。下次黎食，會再encore依個雞扒麵。…查看更多

去完奧海城睇個早場，唸住過大角嘴睇吓有咩食，兜黎兜去都搵唔到心水想食咩好！ 但兜咗入條內街又比我搵到呢間餐廳，見唔洗等位又冇咩人，門面又幾靚，就入去試吓先！間餐廳開係呢個位真係唔會好多街外客黎食，真係做熟客生意多。。。 食完上openrice先知原來呢間餐廳係連鎖式，都有幾多分店！黎得緊係要食返佢個招牌菜 - 榮式雞扒飯，一坐低呀姐就上咗碗紅蘿蔔粟米豬骨湯先，好清甜，係老火湯嘅味道！ 主角隔咗一陣就黎到！有兩塊大雞扒，雞扒夠嫩滑，又唔會煎得太燶 真係好送飯，再加埋佢薑蓉葱油絕對係錦上添花！整體份量夠，但以lunch來講係有少少貴！…查看更多

又到咗食lunch時間，諗咗好耐唔知食咩好，同事突然醒起好耐無食過榮式雞扒，而我又真係未食過，所以就去試下。我哋大約12點半去到，一行7個人以為好多人要等位啦，點知完全唔洗等位就入得。入到去環境好新淨，應該開咗業無幾耐。不過成間餐廳電話都收得唔係幾好，佢好似有wifi提供，不過就連極都連唔到，好失敗。呢度最出名係雞扒，無理由唔食雞扒嘅，不過都睇下餐牌先。原来榮式雞扒飯68蚊包嘢飲，而榮式雞扒麵只係49蚊。本身就想食飯嘅，不過見價錢爭咁遠，就一於試下佢個淮山麵先。等咗5分鐘就有得食，塊雞扒賣相唔錯，佢外層燒得好香，而咬開入面都幾多肉汁唔怕太乾。不過就嫌佢有啲薄，如果厚身少少會仲正。至於個麵，佢加咗塊紫菜，溏心蛋同竹筍，感覺好似攪到成碗日式拉麵咁，而味道就一般般啦，都可以接受。整體嚟講都算唔錯，可以再encore，下次試下烏冬先！…查看更多