榮安小食

营业中

休息中

依間野係荃灣成名多年…..佢個滷水雞翼/雞翼尖真係正, d 汁好好味, d 雞翼/雞翼尖又好入味wo.. 正牛腩又係好入味同林, 拿渣麵就梗係要加腩汁la豬皮爽口唔”un”味精……拿渣麵點會無味精ga.. 食枝可樂就解到la

這間黑黑小小的車仔麵，和隔壁的佳記小食(2006-04-18食評)可算是荃灣市中心的孖寶。一排排黑漆漆的滷水雞翼，縱使明知放正在大門口極度黏塵，仍剎是吸引。雞翼異常入味，而且每隻都很muscular的，雞翼尖也非常好吃。自不然想起小時候，家人最愛說的「大菌食細菌」，可能真的因此好味點。其他食物也相當不俗，不過緊記要加辣汁，好吃很多的。地方淺窄，小心行走，而且家族經營，態度也一般。絕無僅有平平地又好吃的傳統拿渣麵喎，張就點好了。

在佳記旁邊的榮安，開業比佳記早很多年，這小店標榜的是車仔麵，其實，這裡的鹵水雞翼才是最出色亦是必試的出品。一般的食店都會想顧客入內進食，但是這兒卻相反，在牆身上寫著"座位有限，外賣最好"這幾個大字。等到了有位置，女友坐下來而我則過去點餸菜，分別有：鹵水雞翼(全翼)、咖喱魚蛋、牛腩、豬皮和冬菇。咖喱魚蛋味道一般，吃不到魚味但咖喱汁惹味。牛腩用柱侯醬烹煮，入味之餘亦炆得很腍，唯一可惜的是"碎修修"的。冬菇很明顯用醬汁煮過，入味而帶甜，仍然有一點點原來的菇香味，菇身亦算厚，不錯。鹵水雞翼非常入味略帶微甜，色水深沉，肉質嫩滑，是隔年多水準依舊，不愧為我心目中的強項。食完了這碗後當然不夠喉，決定再來一碗。這次只選了：豬腸、豬血、蘿蔔和鹵水雞翼。豬腸色水一樣深沉入味，仍有一點點煙韌口感，不是死腍那種。蘿蔔在加入了鹵水的湯底之下，顯得格外清甜又無渣。豬血比較奇怪，完全不入味，還好不是一咬即散，仍有一點點口感......對我來說，這兒的車仔麵只屬一般，但是這裡的鹵水食物，特別是雞全翼，那份濃濃的鹵水味道絕對能滿意好此道者的要求。如果要坐下來吃，最好是選在店外那兩排的位置，因為店內環境非常擠迫，坐得不甚

以前o係荃灣返工，搭車例必經過此處！知道好出名，好多人排隊！今次終於一嘗！我的：雞翼尖 + 魚蛋 + 豬紅 + 油麵男友的：雞翼 + 魚蛋 + 腸仔 + 菜 + 河粉雖然聽落叫左好多送，但點知黎到好細碗囉。 攝牙lar都唔夠，味道亦無乜特別。最後要過隔離「佳記」再掃野食先飽肚！

幫襯呢間車仔麵都一段時間,之前還可以,不過不失,but琴晚真係食到一肚氣,態度差到好似我欠佢錢咁,又不停喝罵後邊個女仔,問佢要咩麵底,雖然多人買,唔憂做,但都唔使咁惡死呀~態度咁差,搵鬼幫襯,同同事講開,原來除左態度差之餘,麵底又極少,連女仔都食唔飽,雞翼牛腩加到$6,$3餸雖然沒加價,但份量就少到可憐.呢間咁既鋪頭,幾好食都唔會再幫襯(而且都唔好食,咸到死,又有勁多味精),俾錢買氣受,荃灣咁多鋪頭,大把好食過佢啦~

上個星期的一篇遲交食評。最近物價上漲不少，特別是一些平價的小餐館，本身毛利率不高，通漲的影響都直接反映在餐價上面了~　　所以當發現榮安小食仍然保持$3一個麵餅、米粉、河粉時，都幾意外的；當時未找到Don-Curry Shop，龍又讚這間車仔麵不錯，就叫了一碗試試。　原來價錢沒變，換來是份量大減，這碗雞翼、冬菇、豬腸車仔麵，份量比元朗許詳昌的細麵更少，如果我淨食這碗麵也不飽。味道方面，除了冬菇特別鮮甜，整體普通沒特別；$19一頓不飽的車仔麵，環境又邋遢，不覺得特別抵食喎!

幫趁這裡少說也有十年以上,以往蝸居屯門時,每每在荃灣轉車,因利成便,草草一餐便算.當年還不過是$1.5一個小食,今天亦不過是$3到$5不等,趁著途經舊地,或多或少也來一碗,粗麵底,配料選了鹵水豬腸,菜,魚肉及雞翼.豬腸是先去除肥膏,再切成一小段一小段,用電爐慢慢炆,既夠淋又入味,但又不失膻味....正,而雞翼色澤較深,而且是雪貨,但不單沒有雪味,肉質亦夠嫩滑,多年來水準不變,埋單不過$20左右,畢竟是小店,地方淺窄,人踫人,膊踫膊少不免, 但都值得一試.

一直都聽人講呢間車仔麵唔錯，好多人幫襯，但未有機會試。琴晚上完堂，大河道落車後，見佢咁夜都咁多人，就試試啦﹗要o左一個鷄翼、冬菇、菜、粗麵，最得意係佢可以自己加秘制漿汁，$16，味道唔錯，但份量比較少，做宵夜就好ok﹗

榮安在荃灣都立足了很長時間，只是因為舖面較小，位處於大大間又長期人山人海的佳記隔離，才會被人忽略。是日放工累得要命，與牙醫的appointment也推掉了。只在榮安外賣車仔麵回家，一邊食麵一邊聽著輕音樂，企圖消除疲勞。麵底要油麵，餸則是這裡最出名的雞翼豬皮和魚蛋。果然，雞翼是最好的一味，雞全翼老闆娘把它剪開三分，確是幾入味。豬皮也很厚身又爽口，且吸收了湯底的精華，吃落亦是不錯。魚蛋反而比較普通，可能是沒有咖喱汁去調味的關係，味道總覺差了點什麼似的。油麵份量的確太小，兩啖已吃完，品質又不是特別出眾，是要彈的地方。不過，$16碗三餸車仔麵，收貨了！

我自己好少黎呢度食車仔麵，係同某朋友去荃灣先食呢間~ 朋友特別鍾意呢度o既魚肉~ 我就去親呢間必選雞翼(雞全翼，阿姐會剪埋三段俾你)，醃得幾入味。不過麵底粉量比較少，夾兩夾冇哂~去呢度食就多數坐門口，舖內冇乜位~就算有位，都預左俾人行路、阿叔拎碗時撞到(仲要人地食完隻碗d 湯好似想倒落黎咁) 衛生爭d~

印象中好似未試過食車仔麵做早餐...呢間明符其實嘅小店，下午及晚上嘅busy hours往往大排長龍，想食都食唔倒，好在佢開得早，唯有晨早去食la..一個客都冇，可以舒舒服服咁食...叫個三餸油麵。呢度嘅配料屬傳统style --- 魚蛋、豬皮、蘿蔔、豬紅等，一D花巧嘢都冇，夠平實。食得多出面嗰D五花百門嘅料，食吓呢D都好...鹵水雞翼相當不俗，雖然係雪藏貨，但鹵水做得幾好，鹵得好入味，食得好滋味^_^..豬紅形狀四四方，唔夠滑，當然唔可以同以前榮記比la..菜係普通白菜仔，無甚特別...貪心地滔上幾羮沙爹汁，夠辣，但稍嫌唔夠香，若果係D醬入面再加花生碎就正la..算便宜，又夠飽..食得過la

o係荃灣住o左咁耐,呢間車仔麵檔D生意一直唔錯!雖然好耐冇去買o野食喇!不過印象中佢o地D汁料真係幾好味!細妹鍾意佢o地D咖喱辣汁!媽咪覺得佢o地D雞翼唔錯!之但係...呢度D食物價錢偏貴!麵餅亦唔多新鮮乾淨(聽聞來自附近不遠處的一間上海麵鋪)!