车仔面就成日食，上星期喺观塘行街，look Openrice既时候见到呢间有特别汤底嘅车仔面，地理位置又几方便，抱住会中伏嘅心态去试试佢🙈一入到去店员已经主动俾咗啲消毒啫喱我哋，而且仲比左一包独立包装嘅我地带走，都几细心🙋🏻♀️我叫咗嘅系碗仔翅底既车仔面🤩 第一次黎点可以唔试佢既招牌，个汤底比我想像之中浓郁好多，甚至同平时食嘅碗仔翅基本上冇乜分别😍食碗仔翅又点可以唔落醋呢，舖头知道我哋叫咗碗仔翅汤底之后即刻将红醋同胡椒粉拎俾我地。每个车仔面餐都会送一款小食同饮料。配料方面我叫咗鸡翼冬菇同鸡肉，表现特别出色嘅系鸡翼，好软林，入味程度爆登！鸡肉嫩滑，完全无overcooked!麻辣白肉十分惹味，味道唔算好辣但够晒香，用嚟送碗仔翅好特别有另一番风味。河粉汤底索晒啲碗仔翅之后好入味，主要个口感就好似食紧一碗超足料嘅碗仔翅一样😛 就算冇叫冬菇，碗仔翅入面嘅冬菇碎份量其实已经好足！而我朋友就叫咗椒盐猪肚汤底，系一款比较重口味嘅汤底，饮落有浓嘅椒盐味，而且汤底已经跟咗猪肚，好抵食！最后不得不提嘅系，小店外既露天花园原来系可以租借黎bbq，场地够晒空旷，等疫情完一定要约朋友黎bbq🥱…查看更多
...系APM隔离好易揾又方便, 哩间店由九龙城搬左过黎. 其中特式既汤底"金虫草野菌养生鸡汤"重得奖
坐底先拣野食先, 点餐纸简易清楚, 分有自选车仔面、SET左既车仔面套餐(岩晒有选择困难既人
)、抗疫辣咖哩(好有心思)...落单后店员提供左一人一包既消毒酒精搓手液比我地清洁双手, 系疫情底下店舖贴心既行动都系希望食客食得安心又开心
今次我就试左车仔面, 店有好多款特式汤底比你选择, 我拣左酒香药膳鸡汤底配米粉、猪红、萝卜、鲍汁花胶+多个小食麻辣白肉+柠檬薏米水食物一到, 闻到好香既药膳酒香味, 先饮饮个汤底, 哗
好好味, 酒香得黎饮落唔会呛喉, 话明药膳真系好足料有党参系汤底比埋我食, 猪红好鲜滑, 有别于我平时食既好腥同实既猪红, 萝卜好鲜甜, 花胶好大件好厚好有质感, 个嘴会黏口
, 米粉吸左汤汁当然好味到震啦
朋友叫左鸡丝碗仔翅汤配上海面、鸡翼、芝士肠、猪腩片+小食麻辣白肉+冰糖雪梨水碗仔翅汤底好足料, 鸡丝/冬菇/云耳/粉丝, 汤底好香浓, feel到店舖用心既制作, 上海面既口感似较淋身既鸟冬, 索晒D汤汁, 食晒个面饮埋个汤, 真系一滴都无剩..好满足好饱饱, 食车仔面有几时试过会连汤清晒, 黎榕记就真系会嫁
最后见到外面重有户外既地方, 原来夜晚系可以BBQ, 环境好舒服, 夜晚会更有feel.
