榕基海南雞專門店

营业中

休息中

喺朋友介紹同網評得知此店，經開大圍所以一試。 時值平日傍晚六點左右，大約有半場坐咗客人，店舖地理位置嚟講算係唔錯。環境位置坐得舒服，店員基本禮貌語句係有做足。定價上比較失色係食物同飲品完全分開，並無任何加配優惠，如果要袋一份海南雞飯加飲品的話，接近要成100蚊埋單，糧尾面前只好放棄試飲品。$69 無骨海南雞配油飯 - 海南雞夠嫰夠滑，略帶鮮雞應有的香味，但‘’無骨‘’而言又唔知點解要留返件雞槌俾客吮骨雞肉份量唔多，帶出感覺上有點太貴。 油飯唔夠香，醬汁同配料嘅味道亦唔見有太大特別， 整體感覺之前睇同聽到嘅評論係有點過份吹捧。跟餐配嘅椰子雞湯係今餐嘅MVP, 令到食客唔使乾哽成個餐，又有碗叫飲得吓嘅湯餸口，為套餐味道加返少少分。

我之前幫襯過一次 覺得好食先再去 點知就遇到的咁嘅事一去到明明好多位 個店員都要我地去未執枱嘅位置坐 去到呢度都冇咩野嘅 咪照去囉點知就出事了 佢地個侍應清櫈上面飲品 明明有兩隻手 系都要一隻手拎兩杯野飲拎唔到兩杯就唔好心佢唔好拎啦 另一隻手要嚟做咩搞到倒瀉野 仲要系泰式奶茶。。。。。。仲要彈到我成條裙都有 我系淺色裙！😡💢個侍應系有講對唔住嘅 但都系嬲囉！同埋當時個店長系冇諗住出下面嚟了解下件事佢地有佢地做🤦🏻‍♀️當冇事發生🤷🏻‍♀️我留底用濕紙巾擦條裙做簡單處理起碼都有五分鐘咁耐 都系冇人理我😂垃圾服務態度💩好心你地做下培訓啦

其實本來係想食佢隔籬嗰間手撕雞（笑）但真係太多人排隊 就望一望呢間見佢lunch都幾抵食 就試一試冇諗過會好食到我專登嚟寫食評！！-分別嗌咗一個海南雞飯同醉雞蔥油麵海南雞比一般嫩滑 份量都算多 配埋油飯好好食特別想讚一讚佢個醉雞同蔥油麵見唔多人嗌 但係真係好好食醉雞夠凍夠酒香 蔥油麵好香口 唔油膩 會唔知點解係咁想食 一啖接一啖😂😂-順帶一提佢個椰子雞湯都好鮮甜～我哋揀咗泰式奶茶都幾好飲 唔會過甜講真呢個價錢食到呢個質素 真係完全超乎想像大家如果去開大圍都可以支持吓～

入座落單後，服務員便請我移到另一個位置，好為店裡騰出連在一起的四人座。她態度禮貌，於是一人食的我移動屁股坐到靠窗位。上菜快。最先入口的是花生，偏軟。醃黃瓜的味道也稍嫌寡淡，但畢竟是開胃的小角色，不重要。進入正題，來上一口油飯，中規中矩，沒有想像中的油潤，也不至於白飯般清白，細嚐還是有些鹹香，惟油飯裡面大概是攪入了些許炸蔥碎，被米飯的濕氣侵蝕後，在嘴裡結成了小而韌的油團，稍稍影響口感，整體無功無過。雞肉在合格線上下，若要說它軟滑香嫩，就像說大學生活輕鬆寫意一樣牽強，另外肉份量視乎也不太對得起69元的售價，或許就像每年交的學費也有點對不起所學的知識一樣。雞肉配上黏稠度正好的甜醬油以及一種類似甜辣醬的沾料同食，味道尚可。溏心蛋就是溏心蛋，它沒有帶來味蕾上的意外。最後這碗不起眼的湯，卻是全場最佳。騰着熱氣的甘甜可口，在舌尖留下揮之不去的椰香，一口起，就忍不住第二口。兩口下肚，碗底乾乾淨淨。

榕基喺大埔開個陣我有專登去食，滷水食過幾次都係好出色，成日會掛住。宜家多咗機會去大圍，今次就食海南雞飯啦😎坐底一嚟唔使諗就叫海南雞飯，雞嫩滑，份量尚算可以，配菜青瓜開胃，仲有半隻蛋😋加咗小菜，唐揚炸雞，還可以😆飲品揀咗泰式奶茶，唔係喺泰國飲爆甜個種（可能知道香港人唔得太甜啩🤣）要特別讚佢哋嘅椰子雞湯，椰香十足，好滑同清雞湯👍🏻整體都唔錯，食落都幾滿足，我嚟個陣係午飯時間中尾段，唔算多人，有機會都可以嚟試下🤓

今日喺大圍試咗幾款海南雞飯套餐，真係唔錯！餐廳服務態度好，環境亦都幾好。*無骨海南雞餐跟油飯* 🍗🍚：海南雞肉嫩滑，冇骨食落好方便，油飯香滑入味，絕對係完美配搭。*無骨海南雞餐維醬蔥拌麵* 🍜：維醬蔥拌麵清爽惹味，配埋海南雞，口感豐富，每一啖都好好味！*無骨海南雞喇沙餐金邊粉* 🍛：喇沙湯底濃郁，金邊粉爽滑彈牙，海南雞肉嘅鮮味同喇沙嘅香味完美結合，非常好味。總括嚟講，呢次喺大圍嘅海南雞飯真係非常滿意，每一款餐都好有水準，味道出色，值得推薦！

📍榕基海南雞專門店（大圍）原來榕基除咗大埔滷水店 仲有大圍海南雞店🐥仲要係大圍名物手撕雞腸粉隔離～價錢唔算貴🐥招牌榕基海南雞飯🐷香烤焦糖滷豬頸肉 雞醬蔥油拌麵🐥招牌榕基海南雞飯 套餐跟一碗椰子雞湯 清甜不油膩 有椰子嘅香味👀 下雞骨嫩滑雞肉唔柴有油香雞油飯都唔會話太重口味，但係配嘅醬油有啲蜜糖味🤣🐷香烤焦糖滷豬頸肉 雞醬蔥油拌麵 蔥油拌麵惹味香口豬頸肉一上到嚟嘅時候仲係有焦糖邊邊會有卜卜脆嘅感覺😌唔知係咪因為滷水所以覺得特別Juicy😚😚但係調味都係勁重蜜糖味所以係甜嘅豬頸肉～食到中間會覺得太重口味需要飲多啲水環境舒服，而且好就腳租單車車嘅時候隔離就係啦❤️#suuuuki飲飲食食 #大圍美食

夾完公仔去咗食嘢，一諗就諗到時不時食嘅海南雞飯😌一入餐廳平時都會播住啲90年代嘅歌，令人覺得都幾舒服同有親切感🤣今日入到去就叫咗兩個餐1.花雕醉雞配白飯(平時會加$5配油飯，不過今日賣晒）酒味好濃郁，啱晒醉雞愛好者!2.口水雞配蔥油麵(呢個麵加$5)我鍾意呢個口水雞，有香辣嘅感覺得嚟，又唔係好辣，好啱本身唔食得辣又想食少少辣過癮嘅朋友。兩個餐嘅雞都好嫩滑，同埋入味。環境都唔錯，坐得幾舒服。要留意佢哋9:30 last order 10點閂門。😇

喺大圍周圍行下想搵間餐廳醫肚～經過見到套餐有雞有麵有湯好似幾吸引🤤叫咗個椒麻無骨口水雞套餐$69加$10轉雞脾🍗加$5轉雞醬蔥拌麵🍜加加埋埋結果埋單都$84 💸🐔椒麻無骨口水雞(轉雞脾)雞嘅份量適中 肉質嫩滑 有啲雞味個口水汁都算香辣 辣度合適不過個汁嘅香料味未算豐富雖然有成羹份量嘅花生碎但如果有埋芫荽蔥就應該再香啲🤔🍜雞醬蔥拌麵有溏心蛋🥚同幾片青瓜🥒有令賣相加咗分麵質有台式拌麵應有嘅嚼口醬料調味正常 鹹鹹地 但蔥味欠奉😅🥥椰子雞湯呢個湯味道清甜 幾夠椰子味但如果份量可以多番啲就好嚕🥣

之前幫襯過榕基嘅滷水鵝店，覺得唔錯 😊 而知道佢哋喺大圍開咗另一間海南雞專門店後，都想過嚟試下～ 依次約咗朋友交換手信，就有機會嚟探一探店啦 🤗🐔 全日套餐 - 椒麻口水無骨雞 配 白飯 😋😋😋😋意料之外，口水雞椒麻味幾突出，有辣油香但唔噡喉，面頭有大量嘅花生🥜碎，有中和同增加口感嘅效用；無骨雞斬件有五、六件，肉質嫩滑，幾有肉地 😚 白飯唔需要加錢，份量比一般碗量都大，收水較乾身～🍽 全日套餐 - 鹽漬溏心蛋、淺漬小黃瓜 & 糖脆炒花生魚仔 😋😋😋😋鹽漬溏心蛋嘅蛋白部分口感似台灣鐵蛋，蛋黃溏心啱啱好；淺漬小黃瓜幾片，酸甜適中，爽口；糖脆炒花生魚仔，花生🥜甜甜地，容易一口接一口，🐟魚仔只剩少少魚碎，唔係好有咬口；三款小食都放咗入白飯碗內，伴飯食唔錯！🥣 清甜椰子雞湯 😋😋😋😋😋有被驚艷到嘅湯水 👍🏻 好有椰子🥥香同雞味，好順喉和滑溜，飲完舒服 😚晚餐 💵💵 約港幣$70/人 💁🏻‍♀️ 依晚星期五七點前入座都未爆滿，唔想食西餐，依間嘅價錢合理～ 唔想食飯嘅，又可以加$5改雞醬蔥伴麵，亦可以食喇沙，雞類烹調方法嘅種類都多 😉 座位之間有合適嘅空間，唔去商場食肆嘅話，可以諗下去依間㗎！🙆🏻‍♀️

手撕雞飯真係好正！雞肉嫩滑，撕得剛剛好，淋上特製醬油，味道超入味。飯粒粒分明，吸收咗雞汁，食落去好香口。再加埋一碗椰子雞湯，湯底清甜，椰香四溢，雞肉煮得剛好，軟滑得來又有點彈性，真係一流！一口雞飯一口湯

經過大圍，諗住買泰國嘢返屋企食，行過呢間「榕基海南雞」.... 唉！ 真係衰為食，見到 Menu 寫住 「芒果椰漿波波露」就心郁郁，畢竟椰子同芒果都係我最愛，就一於試下佢哋嘅飲品。 真心講又唔係完全好伏，至少佢唔係死甜，不過芒果同椰漿都係溝稀咗，芒果 & 椰漿味不足，雖然個珍珠係冇乜味，唯一要讚一讚佢個珍珠係幾煙韌，有咬口。 不過點解個名唔改做珍珠而叫波波露？ 至於食物我就未食過喇。總結：口感方面： 淨係得珍珠煙韌，係有口感味道方面： 冇乜芒果味 冇乜椰漿味$39 呢個價錢真係 。。。。失望

海南雞飯都分好多地方嘅海南雞，呢間泰式海南雞飯真係好正！雞肉嫩滑，配上香噴噴的油米飯，簡直係人間美味。雞肉用香料煮得入味，搭配特製的醬油和辣椒醬，味道更加升華。每一口都令人想再來一碗！而且，旁邊的湯清淡又暖心

今日我去咗大圍食海南雞飯，真係好滿足！一入去就感受到間舖頭嘅氣氛好輕鬆，服務員亦都幾友善。今次我點咗海南雞飯，真係冇令我失望。首先，個雞真係好嫩滑，咬落去口感非常好，冇一絲腥味，配上佢哋特製嘅醬汁，味道更加出色！再加埋一碗香噴噴嘅油飯，襯埋雞肉食，簡直係絕配。另外，我仲試咗佢哋的小食，花生同魚仔乾都好好味！花生魚仔乾又脆又香，真係忍唔住多食幾口。飲品方面，佢哋有凍檸茶或者凍檸水可以揀。我選咗凍檸茶，幾清新，正好中和咗海南雞飯嘅濃郁味道。而且仲有一碗湯，味道都唔錯，清爽又舒服。今日呢個海南雞飯之旅真係好開心！如果你都鍾意食海南雞飯，記得去大圍呢間試下啦！

👌🏼無骨海南雞飯 雞：味道正常，唔算滑，又未至於話好差。油飯：鍾意佢有啲金蒜粒粒，增添一啲口感同香味。椰子湯：味道清甜，成個餐最鐘意呢個椰子湯。👌🏼椒麻口水雞配雞醬蔥拌麵 口水雞比想像中辣。蔥油拌麵味道正常，鹹鹹地，唔算特別多蔥油味。亦都食唔到菜式名嘅“雞醬”或者雞油味。👌🏼香烤焦糖滷豬頸肉 豬頸肉味道同質感正常。有浸甜甜嘅蜜糖味。不過我都係鍾意傳統嗰種酸酸甜甜嘅魚露醬味道多啲。👌🏼鮮芒椰漿波波露 - 味道正常。環境： ★★★☆☆ 食物： ★★★☆☆ 推介度： ★★★☆☆