極尚大喜屋 (鱷魚恤中心)

营业中

休息中

晚市放題 $308 一位 任飲任食😋多款食物選擇 有刺身壽司炸物燒物甜品等上菜速度快同嘢食都會上齊 味道同服務都唔錯 最岩同一班朋友一齊食可以任食😋😋仲要好味👍🏻👍🏻午市仲抵食 2百幾蚊一個人到燒生蠔都係任食！粒貝好鮮甜 仲有切片清酒煮沙白 好鮮甜燒蝦必食 好香 採用阿根廷紅蝦 好大隻仲有haagen dazs雲糕任食

今日約咗朋友觀塘食飯，朋友話今日做嘢咁辛苦，要食餐好嘅慰勞下自己😂， 我提議食放題， 觀塘真係好多好嘢食，淨係放題都唔少， 最後揀咗地理位置最方便嘅極尚大喜屋， 呢間放題真係超方便，地鐵站行過嚟幾分鐘就到， 去到餐廳差唔多滿座， 不過好快店員已經安排到位置畀我哋👍呢間放題超多嘢食，未行到埋枱已經見到自助區好多款式嘢食可以選擇，小龍蝦、東風螺、彩茄、麻辣杏鮑菇、魚皮、豬耳、泡菜、中華沙律、螺肉、八爪魚、章魚小丸子、炸雞、湯品等，仲有小朋友最鍾意嘅爆谷同軟雪糕😋， 嘢食多到不能盡錄。飲品方面，選擇種類也不少，除咗冷熱飲品之外，清酒、啤酒任飲，啱曬我好酒嘅朋友。另外，qr code 落單仲有其他豐富嘢食，乳鴿、 避風塘瀨尿蝦、黃金佛跳牆、醉鮑魚、黃金焗帶子、炭燒廣島蠔、魚生、壽司、天婦羅……等等。落咗單後，上菜速度都好快，魚生厚切得嚟新鮮， 我哋不斷encore😂， 有好多創意壽司，其中海膽三色撻我就最鍾意，用紫菜壓成兜狀，上面加上壽司飯、海膽、吞拿魚、三文魚子，再加咗配料，正👍。炭燒廣島蠔又係勁like，肥美多汁，蠔上面加上生熟蒜蓉，味道調教得啱啱好，好惹味👍, 黃金佛跳牆啖啖花膠好滋潤滿

好耐無食過放題，早幾日個寶貝女話想食，所以一早book定位，等佢放學同佢一齊去食😋今次我地去左觀塘大喜屋食，發覺一段時間無食，佢哋餐牌好似升級左，居然有佛跳牆🤩仲有勁正嘅燒榴槤🤤呢間放題人氣真係極高，果然係放題始祖，食物到今時今日都keep到水準，當晚人流座無虛席，人山人海，我同個女食足2個鐘頭，門口仲大班人等待入座😳呢度都係有自助區及QR code落單，我梗係拿拿聲落完單再出去自助區啦☺️點左好幾款刺身、壽司、創作料理、燒物、天婦羅、熱食、仲有極高質嘅佛跳牆 我忍唔住一個人食左兩碟🤤🤤 另外今次對烤榴槤改觀，原來係咁好食架🤤呢個我都係咁encore😋 食物種類多到不得了 自助區都係有點心、熟食、甜品、雪糕雪條 Häagen-Dazs仲可以任拎任食多款馬卡龍口味 仲有飲品區有新增自家製珍珠奶茶🧋而家食放題性價比真係好高，種類仲多過自助餐 但係價錢平一半🤣🤣我每次都挑戰唔到食勻每一款😅仲有生啤啤酒任飲#自助式 #任食放題 #極尚大喜屋 #觀塘美食 #人氣餐廳 #美食推介 #kwuntung #性價比高 #大胃王必食 #foodie #鱷魚恤中心美食 #聚會推介 極尚大喜屋 (鱷魚恤中心)

呢排返工真係好攰 難得今日放假要食放題獎勵自己 揀咗食呢間店內環境闊落光猛 舒服得嚟又有雅致見到啲相 佢個自助吧有好多嘢食除咗普通前菜及沙律小食/新鮮生果日式港式中式熱食/雪糕/甜品/爆谷仲有海鮮冷盤 好似一個小型自助餐咁飲品選擇都有好多 約有30幾款仲包埋生啤/清酒/梅酒添 全部都係任飲我就最欣賞佢有暖飲櫃!! 啱晒養生加埋放題約有70多款嘢食 都係$268- - - - - - - - - - - - - - - - - - - - - - - -1. 晚市放題呢度冇分幾個套餐 唔使決定咁耐食咩餐好放題食物分咗11個款 包括刺身/火灸壽司/壽司軍艦/創作壽司/一品料理/串燒/燒物/天婦羅/煮物先講刺身/壽司 全部望落好有色澤 感覺新鮮煙鴨胸鵝肝多士最吸引 金黃酥脆多士上面鋪咗帶有鹹香嘅煙鴨胸 配埋絲滑又濃郁嘅鵝肝好夾厚切鰻魚玉子漢堡中間夾咗少少蟹籽 賣相得意個漢堡包厚到 筷子一起係唔夠力夾佢XD 入口有甜甜哋嘅蛋 同埋鰻魚鮮味互相交融最搞笑就係海膽三色撻 爭啲唔知底個塊係紫菜炸物/天婦羅方面 叫咗以下幾樣嘢食榴槤炸彈/北海道牛乳鮮奶卷/紫心香芋丸芝麻雞翼/天婦羅/溫室南瓜天婦羅/天

今日Lunch約左家姐食放題😆😆！呢間都食過幾次，食物種類幾多又幾高質！＊＊＊＊＊🥳午市放題 $248 / 位依家仲有期間限定無限任食 榴連放題🤩！刺身🐟特別推介香港人最愛嘅三文魚腩、油甘魚、同埋赤蝦😋呢幾款都好厚切又鮮甜！另外有啲壽司卷同壽司撻都幾特別架🤩熟食我地食左炭燒白鱔🐍、西京燒比目魚🐠、芝麻雞翼🐥、金蒜炭燒廣島蠔🦪等等，當然唔小得燒榴連啦😋甜品可以係甜品櫃拎，另外仲有Haagen-Dazs雪糕任食🍦😍＊＊＊＊＊

提起食日式自助放題，極尚大喜屋係其中一間好多朋友會推介嘅選擇。之前食過佢嘅晚午放題，印象中性價比好高，呢日趁lunch悠悠閑，試吓佢嘅午市放題。餐廳嘅午市放題，價錢每位$248，可以由12點食到3點，真係好爽。餐廳主打嘅日式食品，例如海鮮、刺身、卷物、燒物選擇好多，質素相當之高。其中嘅海膽三色撻、蟹粉蟹肉粥、醉鮑魚、金蒜炭燒廣島蠔、黃金焗帶子、煙鵝胸鵝肝多士，絕對係回本必食推介。另外一定要介紹俾鍾意食榴槤嘅朋友，佢嘅「烤金枕頭榴槤王」同「榴槤炸彈」絕對係必食之選。烤咗嘅榴槤味道更加香，而榴槤炸彈入口煙煙韌韌，充滿榴槤香味。飲品除咗有汽水茶飲類選擇，仲有比較少見嘅酒精飲品，見有唔少清酒、梅酒、啤酒選擇，啱晒鍾意飲返幾杯嘅朋友。甜品方面亦好有誠意，提供Häagen-Dazs雪糕，仲要係超受歡迎嘅macaron系列，一共四個口味，必食推介。

💡高性價比的日式放題同一大班朋友食野，最岩就係食放題，慢慢食，呢間係觀塘地方好多，食物選擇又多，魚生又新鮮，而家餐廳已經更新左新菜單，同最方便係用QR code落單。`🍽刺身🐠刺身好新鮮，款式又多，三文魚腩鮮甜肥美。仲有希靈魚、池魚王、油甘魚、虎蝦等等。最正都係任食。🍽壽司🍣壽司有好多款式，創意壽司鵝肝多士、深海池、魚燒牛肉、仲有海膽三色撻。夠曬特色，味道又好好。🍽炸物串燒🍡炸物好香口，又夠美味。鰻魚好肥美。燒香草羊鞍，好香又惹味。最正都係燒金枕頭榴槤王，岩曬平時鍾意食榴槤的我。🍽自助區自助區又唔小嘅熟食，仲有好多涼拌同水果食，甜品最正係Häagen-Dazs都可以任食lunch放題唔洗三百就食到咁多食物，性價比真心係高💯

多款刺身、壽司、熟食、甜品仼食Häagen-Dazs仼食 清酒梅酒仼飲小小的胃s食唔到咁多款乳鴿王好香!! 反而羊鞍好鬼韌🙂‍↔️食刺身太凍飲翻碗湯好暖胃🥰味道總結嚟講都ok，伏嘅都係少數呢個價位嚟講無得太挑剔🤣💵 晚市5:30-7:30pm特價時段 $268 +1最平係午市12-3pm $248 +1 only!(食物係一樣的)榴槤相關嘅食物係期間限定的ㅠㅠ雖然冇試晒但係試咗幾樣都好食🤩 雪條特別推介😙

任食榴槤日式放題店😍 餐廳裝潢華麗，非常闊落，環境乾淨企理，自取區整齊衛生，座位寬敞舒適，晚市時間人流多，好受歡迎🥰食物質素很不錯，款式豐富，性價比高👍🏻 用QR Code下單，上菜速度快，店員服務態度很好🥰 餐廳氣氛好熱鬧，適合家庭或一班朋友聚會🍻🍽️兩小時晚市放題 ($288/位)依間放題有特別多款刺身同壽司😍😍 款款都好有特色，高質！刺身✨極品大赤蝦、甜蝦、油甘魚、三文魚、北海道帶子、希靈魚、松葉蟹腳、池魚王、赤貝、馬刀貝、北寄貝等等擺盤精緻，好新鮮 質素高👍🏻 特別推薦 三文魚、鯛魚、赤貝、大赤蝦、松葉蟹腳😋 壽司 火炙壽司 卷物 手卷 軍艦✨款式豐富又好味，仲有好多創新配搭！特別推薦 花之戀、鹽燒左口魚串燒、一品料理、炸物、天婦羅、煮物、燒物✨款式應有盡有😍 特別推薦 西京燒比目魚、牛肉湯烏冬、脆皮炸鮮奶、芝麻雞翼、鹽燒牛舌、蒲燒鰻魚、蒜蓉粉絲蒸扇貝、牛油燒粟米、金枕頭榴蓮燒，仲有乳鴿同佛跳牆🤩🤩 正呀手機落完單梗係即刻出去拎嘢食啦，自取區有多款餐前小食、海鮮冷盤、炸物、熟食、中式點心、湯品、生果、飲料、自家製冷泡茶、酒類，竟然仲擺咗部爆谷機🍿😋自取區仲有大大個甜品櫃，任食大

七八月暑假旺季機票貴，又「思鄉」掛住日本美食，所以今天相約友人去呢間既款式多到數唔哂既日式放題名店「極尚大瀛喜日本料理」品嚐是日晚餐❗餐廳裝修簡潔，店員殷勤有禮，預約客人逐個排隊安排入座以及即時有QR code 點餐，無論上菜快而準，仲即時執碟方便你用餐，讚！我們惠顧了晚市放題 1️⃣🌟新鮮刺身、壽司手卷:刺身包括油甘魚、赤蝦、鰺魚及鱆紅魚,薄切得恰到好處,肉質新鮮軟嫩。特別是配上創意十足的三色海膽撻和牛油果昆布醃漬吞拿魚撻！2️⃣🌟燒物及天婦羅:燒物方面,鹽燒牛舌及雞軟骨入味鮮美,而鹽燒鯖花魚也是一絕。天婦羅部分,蝦及蟹棒炸得恰到好處,酥脆可口。3️⃣ 🌟一品料理:金牌紅燒乳鴿肉質嫩滑,醬汁入味鮮美。醉鮑魚則把鮑魚的鮮甜發揮到了極致。4️⃣🌟煮物:黑蒜油豬軟骨拉麵Q彈有勁;蟹粉蟹肉拌麵鮮香滑順。5️⃣🌟自助吧:自助吧的選擇非常豐富,有清新可口的枝豆、中華風味的沙律,還有泰式鳳爪等特色小吃。湯品方面,蟲草花膠燉雞湯滋補養顏。總括而言,這家日式放題菜式豐富。無論是刺身、燒物、一品料理,還是煮物和自助吧,而且鄰近觀塘地鐵站。

我又食放題丫😍位於觀塘鱷魚恤中心，鄰近地鐵站APM，非常好方便，尤其是夏天，沿途都有冷氣，真係啱晒怕熱嘅我🤣可能是暑假的關係，平日得8:30仍然充滿人龍🙈自助區提供了大量的選擇，滿足不同口味的需求，有冷盤熱盤，點心，小龍蝦，養顏湯水，滋潤糖水，中式點心，小龍蝦，仲有各式各樣的冷熱飲品，酒精飲品，日本清酒 ，淨係飲品都已經花多眼亂～甜品方面有多款味道Haagen Dazs 雪糕,韓國雪條，自助軟雪糕機，淨係自助區，都已經非常多選擇！QR落單方面更加不用多說，款類眾多～刺身選擇多，已經一食再食！此外，還有原隻鮑魚壽司，花芝戀壽司，燒乳鴿，燒蒜蓉生蠔，蒜蓉瀨尿蝦，鹽燒大蝦，避風塘瀨尿蝦，多款炸物，鍋物，仲有我必食的燒菠蘿，榴槤炸彈，水蟹粥😍個人認為，無論是與家人朋友聚餐，還是慶祝特殊節日，日式放題都提供了一個豐富而愉快的選擇。

最近去咗極尚大喜屋，真係好耐冇食過放題。每次諗到放題，首選都係大喜屋。呢次每位$308加一，真係物有所值。 一入到去，我哋就開始點刺身。松葉蟹腳、鱆紅魚薄切、柚子醋伴鰺魚薄切、原隻粒貝、甜蝦、螺片、北海道帶子、赤蝦、赤貝、油甘魚，每一款都新鮮，真係冇得頂。特別推介原隻粒貝、鱆紅魚薄切同油甘魚，呢啲絕對係回本之選！ 壽司都有唔少款，鹽燒三文魚腩、柚子胡椒油甘魚腩、拖羅蓉伴吞拿魚壽司同柚子胡椒左魚邊，海膽三色撻、全部都正常發揮，味道唔錯，值得一試。餐廳推出咗燒金枕頭榴槤王，好熟好香甜，我哋叫咗幾round都未夠喉。 有好多款熱食，燒香草羊鞍、薑蔥爆鱔球、牛油煮蜆、避風塘賴尿蝦、馬拉盞芥蘭炒螺片、鹽燒雞軟骨、蟹黃蟹肉鮑魚粥、金蒜炭燒廣島蠔、蒲燒鰻魚、西京燒比目魚、鹽燒牛舌、燒雞泡魚乾、煙鵝胸、鵝肝多士，真係每樣都好正。推介蟹粥，醉鮑魚、王牌燒乳鴿王、花膠、蒲燒鰻魚，熱辣辣即燒，真係冇得輸。天婦羅方面，即叫即做，所以等嘅時間比較長，不過值得嘅。天婦羅蝦、蟹棒天婦羅、甜蕃薯天婦羅、溫室南瓜天婦羅，每一款都炸得外脆內嫩，好味。最後仲食埋兩杯Häagen-Dazs雪糕，真係食到捧住個肚走。極尚大喜屋

上個月食咗一次大喜屋今個月又嚟encore啦😁冇錯我最近都好鍾意去食大喜屋呀!佢地嘅榴槤主題太吸引，一入門口就聞到超級香濃嘅榴蓮味,心情勁興奮😆！入邊有好多榴蓮特色嘢食,有榴蓮大福、榴蓮蓉、榴蓮芝士撻、榴槤雪條、燒榴槤等等！每一樣我都試咗🤣🤣終於可以放開肚皮食榴槤啦！除咗榴槤，刺身都係佢地呢度嘅亮點！超乎想像咁新鮮肥美,好適合我哋鍾意食刺身嘅人!仲可以無限添加,真係好滿足😆😆仲食咗好多燒物，燒牛舌、燒雞軟骨,仲有燒蠔、燒菠蘿、燒鯖魚等等😝仲食咗好多沙律、小龍蝦、點心、壽喜燒牛肉鍋、乳鴿、水果雪糕甜品等等⋯⋯連Häagen-Dazs雪糕都係任食🥹好多嘢食！真係值回票價！🤭

♥️ 極尚大喜屋（觀塘）收工同朋友近近地去觀塘呢間食下放題慰勞下自己😛同埋見餐廳都更新左啲野食😝自助區有海鮮冷盤、水果、糖水、湯水、前菜。甜品最近係榴槤季 提供多款榴槤甜品 岩曬榴槤控仲有HD雪糕任食～連hd雪條都有 😚🌟食放題緊係要食刺身😙呢到特別啲有埋原隻粒貝、鱆紅魚等。個人都係最中意帶子同三文魚 肥美又新鮮呢到嘅刺身質素都幾好朋友話原隻粒貝都好好食 爽口🌟金蒜炭燒廣島蠔中意食燒蠔嘅一定要叫😛我地encore左2次！蒜味夠濃 食落好香口🌟醉鮑魚好入味 入口彈牙🌟燒金枕頭榴槤王中意食榴槤嘅我緊係要叫 味道香濃🌟燒雞泡魚干有咬口又唔會好硬 入口甜甜地 🌟燒菠蘿🍍Juicy又香甜～🌟黑椒蜜汁一口牛都幾好食 甜甜地 牛肉食落都軟腍

極尚大喜屋 (鱷魚恤中心)📍開源道79號鱷魚恤中心3樓聽同事講好耐，話官塘大喜屋性價比高，今日特登準時收工，同同事早啲到，食頭一輪。聽講餐廳仲出咗新菜單😋！憑手機掃描二維碼即可下單，落單同取餐流程非常方便快捷。餐點好快就上檯，雖然用餐限時２個鐘，但完全足夠品嚐各式美味。自助區有各式冷盤、點心、海鮮、雪糕、生果、飲品、水果等無限任飲任食。另外今日仲點左好多款食物，刺身新鮮味美，三文魚肉質細嫩，油脂適中；北海道帶子肉質飽滿，鮮甜可口。牛油煮肥美鮮甜的蜆肉，入口綿軟。金蒜炭燒廣島蠔，蠔肉肥美飽滿，帶有金蒜的香氣，非常鮮甜。蒲燒鰻魚，魚肉鮮嫩柔軟，蒲燒醬汁香濃。金湯燴花膠，件花膠成件扒咁厚咁大，滿滿骨膠源，滋補養顏。燒溫室甜菠蘿，果肉細膩多汁，微微帶酸，整體甜度適中，清爽可口。其中，醉鮑魚和燒榴槤比較深刻，鮑魚肉質鮮嫩有酒香。榴槤外皮焦香入味，令不愛吃榴槤的同事也忍不住稱讚。離開時，見店外滿滿等候進場嘅食客，可見極尚大喜屋多受食客的喜愛。