極尚大喜屋 (鱷魚恤中心)

营业中

休息中

依家食日式放題，基本上係就班細路，今日揀咗觀塘鱷魚恤極尚大喜屋，貪佢地方夠大，五條友坐卡位💢爽💢，午巿嚟食，有三個鐘用餐時間，可以慢慢食✳️刺身✳️三文魚唔錯👍🏻，蝦亦有幾款揀，又有我最鍾意嘅赤貝🥳，吞拿魚賣相幾靚仔🤩，食落都幾好，只係攤得未夠身，影響口感✳️熱食✳️除咗自助區，下單款式亦很多，如天婦羅、燒物、壽司、鍋物等……包羅萬🈶️炸乳鴿🔹️叫咗兩件試下，太乾身，冇乜肉汁，食一次夠皮焗開邊蝦🔹️醬汁過多，但味道唔差醉鮑魚🔹️唔係好掂，入口似擦膠花膠🔹️老人家應該會較喜歡，味道清清哋燒銀鱈魚🔹️幾滑，唔會好腥🫰🏻粉絲扇貝🔹️好mini，粉絲好乾壽司＆手卷🔹️鍾意佢哋每件mini size，唔會大大嚿飯塞飽你💓💓天婦羅🔹️粉漿太厚，薄d就好⭐️⭐️個人認為任飲任食收費兩百幾一位，價錢合理，當然對食物有要求可能覺得質素一般般，但整體上絕對合格⭐️⭐️

餐廳：極尚大喜屋(觀塘) @daikiyakt 地點： 觀塘開源道79號鱷魚恤中心3樓 環境：好大，光線充足，坐得舒服價錢：大約$300一個, 睇你食咩時段，但種類極多，絕對物超所值👍🏻👍🏻坐低就自己掃QR code 落單，刺身、壽司、鍋物、炸物、小食自己選擇要邊款 + 數量。我自己應該order食個list入面一半既食物左右都已經要投降😂😂😂自助區有湯、冷熱盤、甜品區、巨型飲品櫃(包括清酒🍶，梅酒，酒精飲品)、自助軟雪糕機，咖啡機等等…….⭐️⭐️⭐️重點推介⭐️⭐️⭐️🎀刺身～全部都新鮮，所以可以一次叫哂所有款式😂😂🎀醉雞翼尖～ 好入味🎀黑椒蜜汁一口牛 ～肉質夠腍唔柴口🎀薑蔥爆鱔球～未試過放題有鱔食，仲要整得好食無腥臭味👍🏻👍🏻👍🏻🎀王牌燒乳鴿皇 ～ 放題有乳鴿食都幾特別😋😋🎀醉鮑魚 ～ 浸得入味無得輸😋😋🎀蒲燒鰻魚 ～ 細細件，一口食哂，encore 多次😆😆🎀燒香草羊鞍 ～ 好正，唔會有太多肥膏，所以得少少羊臊味，一食再食🤤🤤我見枱枱都order勁多🤭🤭🎀天婦羅 ～ 即炸，夠脆口，咩款式都好食😋未時好少飲酒既我，見到有apple cider 當然唔會放過啦🤭🤭 其他酒類都有幾款，我就無乜興

食物其實係ok嘅，甜蝦唔係好新鮮，漏單嚴重，上野極慢，出面自助嘅食物，又遲遲都唔refill，我坐低叫嘅嘢，到埋單俾錢找埋錢，吹咗幾先到，但係埋單就好準時，失望

今日落嚟囉位於觀塘鱷魚恤中心嘅極尚大喜屋食放題，餐廳其實都幾出名，所以我中午黎到都見到好多客人。蟹柳壽司蟹柳都夠晒大條，壽司飯調味調得啱啱好，唔會太過酸。燒乳鴿乳鴿份量都幾多，夠晒厚肉，加上外皮燒得幾脆，肉質亦都唔會燒得太過老，好好味。燒牛舌牛舌唔算太過薄切，所以入口都仲有口感，加上經調味之後，味道更加香濃。甜品方面，佢哋有木糠布甸同各款嘅甜品，基本上都幾多種選擇，所以整體來講，我覺得今餐嘅食物都唔錯。

今次去到觀塘食放題，心知一定好多人，所以就早D排隊拎飛去食，因為真係好多人。好彩，最後都係晚餐時段入到去食，入到去即刻叫返客刺身先。之前食開沙田分店，今次就試下觀塘，D刺身都係一樣咁新鮮，地方感覺好似闊落左。來得放題，點少得好好食的西京燒呀，加埋個麻醬烏冬即刻醫返個胃先啦。壽司一樣咁好食，個牛舌都唔錯，燒得夠香。反而今次我試到上次未有機會試的鮑魚、羊架同花膠，呢兩樣中式食品第一次係大喜屋度食，又唔錯啵。

極尚大喜屋放題🐠🍣.今次去咗鱷魚恤中心食放題😍最近市道旺返，人頭湧湧，食物比起之前出得慢咗，但係好理解啊最後都無漏單‼️追過一次單，店員態度好好，有求必應，真心欣賞～環境好闊落，相對來講較乾淨，絕對想回頭去呢間食👍🏻.🐠刺身叫左三文魚、北寄貝、北海道帶子、油甘魚、吞拿魚、赤貝、甜蝦、赤蝦，第二輪竟然有三文魚腩🤤🤤🤤寶石鮑魚拖羅蓉杯就唔好嗌啦，伏黎🤔🫠.🍣特色壽司試左啲☺️帶子蟹肉塔、雪昆布鵝肝塔、千島吉列大蝦、芝士海鮮沙律玉子燒三文魚腩、黑松露油甘魚、黑魚子醬伴馬刀貝、柚子胡椒左口魚邊😍欣賞某啲壽司係紫菜太卷/飯素太卷做base，又幾有心思，唔會太單調🤭鐘意海膽嘅朋友，不妨嗌海膽山！.炸物食左芝麻雞翼、紫心香芋丸、榴槤波波、燒乳鴿🦆、天婦羅蝦🍤平時少讚熟食，但是晚嘅蒜蓉粉絲蒸扇貝、黑椒蜜汁一口牛都評價頗高💯.甜品有Haagen Dazs‼️‼️第一次食西瓜士多啤梨😂以為九唔搭八咁，但又好食喎😌仲有朱古力同曲奇味🍪仲有其他啫喱、奶凍、蛋糕🍰.

叫個鰻魚定食， 出面有大量食物可取，海帶 面鼓湯，好味又醒胃， 鹵水雞翼， 四季豆，娃娃菜， 章魚燒任食， 又可以食生果西瓜， 桔仔，鮑魚裙邊。 淨食出面d小食都已抵晒。 鰻魚飯好多饅魚， 好飽好好味

由於我非常之咁鍾意❤️食刺身，所以我耐唔耐都會去食放題🤩而《極尚大喜屋》係近期我放題嘅首選，我上一次嚟食已經覺得水準唔錯，但竟然今次更加好wor🤤價錢（推介抵食時段）平日特價時段 5:00至7:00 $248加1，5:30至7:30 $258加1食物今次我要重點推介佢嘅刺身😍因為實在好好好有驚喜⭐️大家一定要叫三文魚，因為真係超級肥美，同埋好鮮甜😋至於d粒貝，又鮮又爽口，真係好高質！好似食緊象拔蚌咁😜另外，今次佢嘅刺身menu重多咗鮑魚拖羅蓉tim，質素都唔錯，大家可以試吓我朋友好鍾意海鮮🦞，佢就點咗好多熟食，例如：蒜蓉帶子、醉飽魚、避風塘蝦頭等，每樣都好新鮮同大隻，$200幾蚊淨係食海鮮都值回票價🤭至於出面都有唔少選擇，有前菜、中湯🥣、甜品、雪糕🍦、啤酒🍻、梅酒、清酒等等。我哋重發現咗有超大隻嘅中式炒海螺🐚tim ♥️我哋嗰日收工，6:00先去食，但餐廳入面已經有勁多人👀原來有咁多人係有原因嘅，因為$200幾蚊嘅放題，質素可以咁好💕《極尚大喜屋》真係無令我失望

每逢屋企人聚會都會選擇去食放題，一來食野種類多可以岩晒大家口味，其次就一個價錢食到飽，真係好滿足。今次去位於觀塘鱷魚恤中心既極上大喜屋，好在之前訂左位，就算閒日呢度都好滿座，事關呢度食物質素高，價錢又相宜，真係性價比之選，所以好多回頭客。呢個場環境都唔錯，地方夠大，座位又多，幾多人既家庭聚會都容納到。至於食物方面，不但有冷盤吧，甜品櫃，仲有梅酒，糖水任飲，照顧到老幼既口味。放題最重要食物就係刺身，呢度既刺身種類多又夠新鮮，食兩轉都夠番本啦。除左刺身之外，其他食物都高質，鮑魚，花膠，海膽都有得任食。炸物亦相當出色，炸得鬆脆可口，特別係芝麻雞翼，回味無窮。

好嘢！今日帶朋友嚟食日式放題，朋友食完係咁讚我識食識揀😂😂哈哈！搞到我沾沾自喜😳呢間餐廳我真係食過幾次，每次都充滿信心保證😘而且每間分店啲食物質素都保持到，上菜速度又快，而家無欺場，一次漏單都無👍🏻刺身壽司又多款又新鮮！我一定要推介個馬刀貝壽司，爽脆鮮甜🤗仲有啲手卷，飯量少少但配料多多🤤然後熱食真心正！估唔到有乳鴿食之餘，仲要勁高質，講真出面特價都$48-68隻啦，呢度有得食真係好抵🥰仲有個鮑魚雞絲粥，好綿滑又熱辣辣，食完刺身啲冷食黎一碗粥真係正！仲有個香草🌿沙白，超香牛油味，沙白又好新鮮無沙，我哋翻叫左兩次，好得！呢間放題真心力推比大家！

防疫措施鬆搏嘅情況下，同埋好耐無見嘅老友聚餐嘅時候，梗係希望食到勁多唔同款號美食，呢度就岩哂，最好係book左檯，唔洗等位添！主打任食高級刺身同壽司，朋友都話想有無限酒水、座位要夠闊，幾個friend大吃大喝吹水吹到夠！挪威三文魚同三文魚腩壽司，魚味香濃，有脂肪油香，新鮮度極高。赤蝦：非常大，味鮮。D特別壽司，可能食材新鮮，大部分都有創意又好食。例如帶子蟹肉塔，蟹肉味好濃，帶子有鮮味又厚肉。特式料理我最贊係和風吞拿魚他他，同芝士鰻魚玉子燒，吞拿魚外面燒熟少許，裡面仲係新鮮嫩滑魚生，伴日式醋汁，好味！鰻魚燒得少少脆同好香甜，配玉子燒無得頂！雪櫃超多雪糕雪條，食多幾種真係會飽！總括黎講，多款到食唔哂。

我同朋友又黎官塘，放題的集中地！環境整潔夠哂光猛，門口位置就見到前菜沙拉區、飲料、甜品區等。冷熱菜都有，仲很多海鮮，刺身壽司更加值得一提，三文魚腩壽司、帶子壽司都非常鮮味，赤貝都好有嚼勁，赤蝦甜蝦都幾大隻！日式放題放題有泰式虎蝦，仲要同泰國食店有得比！最攪笑有期間限定蛇羹，係真係有蛇肉！雖然唔夠熱，但味道非常唔錯嘅。熟野例如烤香草羊架係必點，肉質唔肥而有羊肉的香味，熟度剛剛好，好juicy！烤得好香嘅芝麻雞翼係超級正！haagen dazs，能得利雪條，韓國雪條，西式甜品咩都有，二百幾蚊好抵食！

今日專程為朋友送行而揀咗呢間放題餐廳，朋友話樣樣都想食，但又諗唔到食咩好，於是帶佢黎呢度食，佢食完勁開心，大讚野食多款又高質☺️朋友不停大讚啲熱食勁正，特別係乳鴿，估都估唔到咁新鮮熱辣，好似剛出爐😊羊架都好正！再黎梗係啲壽司刺身啦，解凍做得好好👍🏻，又新鮮！啲壽司🍣細細一件唔會話好多飯，夾硬整飽你，等你可以食多幾款🫡然後甜品櫃啲甜品都好不錯，又係的的式式，可以一兩啖就食晒，又係可以比機會大家食多幾款，真係要大讚😋朋友話下次返香港一定要再帶佢去食😂好啦！應承你啦！

放題真係有好多間 但食物質素高同材料新鮮真係唔容易遇到😎今日係觀塘依邊食左極尚大喜屋！真係好推薦！每樣食物都好新鮮 我中午食都有好多人😆除左手機Qrcode落黎 出面仲有好款熟食 炸物 沙律 甜品等等可以自取😍😍真係好多選擇 飲品都有個大雪櫃出面既已經好岩我心水🤤無骨鳳爪勁開胃啊酸酸地 同章魚丸我不停encore 仲有雞翼肉嫩😽黎到食放題邊有可能唔食剌身架？非常鮮甜啊！三文魚油脂豐腴 生蝦又彈牙🤤好回味啊煮蜆方法都做得好好 唔係不斷食到沙 係入口好新鮮鮮甜！扇貝勁惹味啊🤤🤤🤤爆香加粉絲超入味 加上配料又脆卜卜！大滿足

今日媽咪話想食日本嘢，又想多啲選擇唔好淨係識得刺身壽司，就決定同佢去食日式放題選擇夠晒多，又可以有熟食。而且見到佢哋最近有更新咗新嘅餐牌，又有新嘅食物，所以就決定再次光臨！首先喜歡自助區，已經有好多食物選擇，青口大蜆，前菜媽咪鍾意食橋頭酸薑。食完之後又真係好開胃，每次食到好飽，我就會再食返少少橋頭筒孫薑，然後又有更加多胃口可以繼續食嘢飲品有好多唔同嘅花茶，甜品選擇都多，除咗雪糕雪條，雪糕我今次真係好驚喜呀佢有Häagen-Dazs朱古力味嘅雪糕可以選擇，而且仲要係大杯裝Häagen-Dazs朱古力雪糕上邊有好多朱古力碎，朱古力味超級龍，係我最愛食嘅雪糕之一。仲有好多細細件的西餅，仲糖水都有，我媽咪都拎咗兩碗龍眼肉糖水食，啱晒想試多唔同款的朋友。今日點餐有刺身及壽司，三文魚，油甘魚，希靈魚，吞拿魚，北寄貝，赤貝，北海道帶子，赤𧎚，牡丹蝦，原隻粒貝。見到好多人食佢哋嘅泰式山下刺身，今日食其他先生食到有啲飽，下次決定試一試佢哋嘅泰式生蝦刺身先！壽司就有左口魚邊，拖羅蓉，海膽山…….真係要強調多幾次，壽司嘅話一定要點左口魚變壽司，好容易入口，每次我都一定會點最少幾件自己食。熟食今天叫了鮑魚，有