極尚大喜屋 (鱷魚恤中心)

营业中

休息中

今日考完試，決定同朋友食放題慶祝吓！我哋去咗觀塘嘅極尚大喜屋。餐廳好大，環境乾淨，坐得好舒服。餐廳出邊設有自助吧，今日有港式燒味、炸雞、章魚燒等食物。飲品方面，除咗有汽水，仲有特別嘅珍珠奶茶、蜂蜜百香果汁、自家製冷泡茶等等。另外仲有任食Häagen-Dazs同Movenpick雪糕。刺身刺身我哋叫咗希靈魚、赤貝、帶子、三文魚。刺身全部都好新鮮。希靈魚甜甜地好爽口，帶子好厚，味道鮮甜。三文魚好肥美，油脂感十足。避風塘瀨尿蝦冇一排冇嚟，估唔到連避風塘瀨尿蝦都有！瀨尿蝦大大隻，肉質美味鮮甜。避風塘調味料好惹味，有大量炸蒜、炸洋蔥等等，仲有魚皮。黃金軟殼蟹軟殼蟹都好好味，外皮非常酥脆，仲沾有鹹蛋黃醬，整體食落好惹味。焦糖鵝肝壽司呢款非常好味，好推介！鵝肝表面有薄薄一層焦糖，甜甜地。鵝肝好Creamy，入口即溶，充滿油脂感，下面有飯粒配搭住可以解膩。鐵板鵝肝鐵板鵝肝係指多士配炸鵝肝。就咁食炸鵝肝可能會好油，所以配埋多士一齊食啱啱好。雪花牛肉鍋肥牛鍋好大碗，湯底係壽喜燒湯，材料又牛肉、粉絲、娃娃菜、豆腐、金菇等。壽喜燒湯底甜甜地，牛肉份量多，大大片，粉絲同娃娃菜吸滿晒湯底嘅湯汁，非常美味。牛油煮蜆

今日同學生一齊去咗觀塘鱷魚恤極尚大喜屋試菜，佢哋嘅人均消費大約$350，性價比都唔錯，以下係我嘅食評：首先講講整體環境，餐廳嘅氣氛好舒適，裝潢走日式風格，坐位寬敞，服務員態度亦都好親切，點菜同上菜速度都幾快，畀人感覺好專業。食物評價：1.三文魚、油甘魚、帶子同鵝肝刺身拼盤刺身拼盤真係今次嘅亮點！三文魚同油甘魚切得厚薄適中，入口即化，魚味好鮮甜，完全唔腥，特別係油甘魚，油脂分佈均勻，食落好滑。帶子就帶有少少海水嘅鮮味，咬落去爽口彈牙，質感好正。鵝肝就係另一個驚喜，佢同魚生一齊食，油脂香濃同魚生嘅清新形成好大對比，味道好有層次，配上少少紫蘇葉同冰鎮碎冰，視覺同味覺都係享受。2.泰式生蝦泰式生蝦用咗新鮮嘅中大蝦，蝦肉結實又彈牙，配上泰式醬汁，酸辣開胃，仲帶點香茅同辣椒嘅香氣，調味好平衡，唔會太辣，食咗幾啖都仲想再食。蝦頭都保留咗，吸啜時有濃濃嘅蝦膏香，幾過癮。3.拖羅壽司拖羅壽司用咗中拖羅，油脂感好重，入口即化，飯粒軟硬適中，醋飯嘅酸味同拖羅嘅油香好搭。上面仲灑咗少少蔥花同芝麻，增添咗少許香氣同口感，簡單但好滿足。4.三文魚子壽司三文魚子壽司份量好足，三文魚子，啖啖都爆汁，鹹鮮嘅味道好濃郁，

中午放題任食三小時，12點開始，2:30pm 截單，3pm 交台，65歲以上有長者優惠，食物種類非常多、飲品都好多選擇，職員頻頻過嚟收碟，就算咁忙工作態度都好好！有下次。今時今日個個都返大陸消費，大喜屋中午都保持到人流，證明佢嘅品質保持到，與時並進有樽裝鴨屎檸檬茶，雖然我無飲，支裝港式奶茶都有！咖啡機啲咖啡都唔差，暖櫃有包裝黑豆漿岩小朋友，有爆谷機，唔食雪糕又有雪條、乳酪、豆腐花揀，大人小朋友都食得開心。

📍#極尚大喜屋 (鱷魚恤中心) (觀塘) 觀塘開源道79號鱷魚恤中心3樓 ▪️▪️▪️▪️▪️▪️▪️▪️▪️▪️▪️▪️▪️▪️ 今次來到極尚大喜屋即刻試下佢哋嘅放題！呢度有好多唔同嘅海鮮同食物選擇 。刺身方面選擇多，味道唔錯。金湯花膠幾滋補，一口咬落去有種滑嘭嘭嘅口感，十分滿足。牛油煮蜆就好適合鍾意海鮮嘅朋友，牛油嘅香氣更係提升咗整體味道，抵食！燒金枕頭有榴槤香，適合榴槤迷。王牌燒乳鴿王就係經典之選，燒得外脆內嫩。金蒜炭燒廣島蠔唔可以錯過，蠔肉厚實，金蒜香味滲透。至於XO醬鵝肝和牛，細膩嘅鵝肝搭配上大口肉，味道一流！▪️▪️▪️▪️▪️▪️▪️▪️▪️▪️▪️▪️▪️▪️

午市同一班同事食極尚大喜屋，午市放題非常美味豐富!😋😋😋好飽好滿足刺食: - 生魚片和大蝦看起來新鮮肥美,擺盤也很精緻 - 配以冰鎮的方式保持食材的新鮮度小食、炸物: - 炸雞和乳鴿看起來香酥可口 - 烤生蠔肥美多汁- 鵝肝多士肥美可口甜品: - 木瓜椰汁雪燕造型獨特,看起來濃郁香甜 整體來說,這家大喜屋的午市放題菜品種類豐富,從前菜到主菜再到甜品,都做工精細,味道也很不錯。適合喜歡吃日式料理的朋友前往品嘗。

如果想係觀塘搵高質嘅放題，一定會諗起極上大喜屋， 極尚大喜屋就喺鱷魚恤中心，距離地鐵站只需要幾分鐘，超級方便。 今次係我第二次到訪多左好多新嘅嘢食。有好多名貴回本菜式， 瑤柱扒豆苗、 海燕窩椰汁燉木瓜、 黃金軟殼蟹，炭燒港島蠔、 鮑魚皇帝蟹王粥、 紅燒鮑魚撈飯、 燒金枕頭榴槤王、 鐵板鵝肝等等。鐵板鵝肝：外皮燒得微焦脆，鵝肝厚身質地滑嫩入口即化， 配搭香脆嘅多士， 每一口都是豐富嘅層次。紅燒鮑魚撈飯：紅燒鮑魚汁醇厚濃稠度剛好，鮑魚大大隻爽口彈牙。燒金枕頭榴槤王：燒榴槤外皮微微焦脆，果肉軟滑綿密香甜， 經過燒烤後果香更加濃烈， 鍾意食榴槤嘅朋友不能錯過。刺身選擇很多 每款都新鮮美味，有赤蝦、赤貝、北海道帶子、 油甘魚、三文魚、希靈魚、 北寄貝仲有 啖啖肉嘅松葉蟹腳。佢哋嘅食物選擇非常多每樣都好高質，仲有自助區 可以選擇冷盤 、熱食 、飲品。 雪糕仲有我最鍾意嘅häagen-dazs同Movepick添， 超滿足。

任飲任食極尚大喜屋日本放題！！！相信好多香港人都去過大喜屋啦😂😃但係觀塘呢間呢原來都特別大，自助區仲見到有啲小龍蝦，糯米糍，任飲任食有多款刺身，壽司，長腳蟹，鮑魚，扇貝，榴槤，炸蠔，炸物，Häagen-Dazs雪糕，眼花撩亂，多不勝數的美食！！重點係有靚啤酒1664生啤飲！！！！自助區燒味任食，水果啊，好多嘢食！！！多款飲品，糖水！！食物品質好💕食咗咁多間放題都係特別鍾意大喜屋，因為實在太多選擇！！！

食放顯真係大人細路都好啱事關我家小朋友都幾揀食食放題點都總會有一樣啱佢咁我就唔做煩又要就佢又要係我想食架喇 🥰🤭🤭🤭今日就嚟咗觀塘鱷魚恤分店呢間真係第一次嚟原來都幾大！！而且座位好寬敞坐得舒服食得舒服雪糕甜品前菜三文魚蟹腳仲有爆谷正正都係佢嘅至愛 而我就梗係最愛刺身、乳鴿、銀鱈魚、鵝肝多士同Mövenpick 啦 ❗️今次Mövenpick 有朱古力同Expresso 味我仲mix 埋一齊食嚟個Mocha crossover 🍦🍦🍦仲有燒榴槤！！！！！不得了，我諗我可以食幾set (唔係怕肥死死嘅話）不過最緊要我對面個個都啱食可以比佢任飲同任揀佢想食嘅野佢真係超happy

最近屋企人生日🎂去咗「大喜屋」食放題，真係食到捧住個肚走！😋 首先，刺身絕對係亮點，三文魚、甜蝦、帶子全部新鮮厚切，入口即化，完全唔會令人失望！另外，熟食選擇都好多，燒羊架、牛舌、天婦羅樣樣都好出色，尤其係燒菠蘿，酸甜多汁，食完仲想encore！🍍 甜品方面亦唔輸蝕，Mövenpick雪糕任食，仲有各式蛋糕同布甸，完美為呢餐畫上句號。🍰 服務方面，店員態度友善，上菜速度都算快，唔會等好耐。 整體嚟講，大喜屋性價比超高，食物質素好，款式又多，絕對係同朋友聚餐或者慶祝嘅好選擇！下次一定會再嚟！👍 #大喜屋 #放題 #香港美食 #刺身控 #食到捧住肚

👧🏻😋👅🍽✨午市抵食放題飽足全日🤭-🇯🇵 平日午市放題成人$258可以食足三個鐘, 重點係食物同晚市一樣, 性價比極高🇯🇵 無論生熟, 一品料理等等款式多元, 特別推介以下款式▪️燒金枕頭榴槤王大大件香甜軟滑, 食咗一舊就已經飽左一成😂▫️金湯花膠一份一件, 個湯金黃色好清甜, 花膠滑捋捋滋陰養顏▪黃金軟殼蟹金黃酥脆, 炸得透又多肉, 伴碟係炸魚皮都好香脆▫西京燒比目魚肥美肉滑, 用燒汁燒過魚皮脆脆地▪原隻粒貝係刺身入面比較少見既一款, 切片放返入個殼入面, 爽脆鮮甜▫榴槤咖啡係冷泡茶以外新鮮選擇, 熱咖啡加左榴槤更香甜

如果人哋問我最常出街食嘅菜式，或者最常重複嘅餐廳，我會話放題，因為一開心食放題，不開心食放題， 放題就好似comfort food，價錢唔算好貴，但係令心靈得到飽足。呢間我食咗n年，長期保持好質素嘅刺身自然唔使講，今次我特別偏重於食佢一啲創意料理同埋熱食同埋副食。原來一樣咁出色。 🍖創意料理有好多系壽司，其中有三款係用最中嘅形式，即係日本傳統嘅中空威化餅，夾住幾款唔同嘅壽司，例如韓國蟹黃醬之戀，海膽三色，加埋啲食用菊花，同埋心形同花形嘅最中，又靚又好味。另外仲有卷物同新口味配搭壽司等等，三重芝士松葉蟹卷，海葡萄象拔蚌壽司，前者芝士香濃，松葉蟹又一絲絲充滿蟹香，後者就有雙重爽脆。全部都配搭得宜。仲有吞拿魚茸配吞拿魚拖羅壽司，一啖食到兩種吞拿魚嘅口感，非常滿足。 🍖熱食亦都有海量嘅選擇，我先由蜆湯開始講起，真係好鮮甜，而且啲蜆肉排列得非常之靚，放題都要做到咁靚得唔得咖。跟住我哋仲飲埋牛奶椰子湯同埋雞湯，兩樣都係同樣更好味。熟食海鮮都好齊。小龍蝦，瀨尿蝦，焗蠔，醉鮑魚都做得好出色，每樣都有自己嘅風味，食完要啜手指。跟住我哋叫咗乳鴿皮脆肉嫩，又叫咗個牛肉壽喜燒，牛肉嘅紋理好靚，加埋隻雞蛋，冬天

💡 高性價比的日式放題今日同班friend去咗觀塘「極尚大喜屋」食放題，真係正到冇得頂！😆 食物選擇多到數唔晒，魚生新鮮到冇得彈，仲要update咗新菜單，最正係用QR code落單，方便到爆！📱💨🐟刺身 刺身新鮮到不得了！三文魚腩肥美鮮甜，仲有希靈魚、池魚王、油甘魚、虎蝦等等，連松葉蟹都有，款式多到食唔停，最正係任食，食到飽為止！🍣壽司壽司款式多到揀唔晒，創意壽司有鵝肝多士、深海池魚、燒牛肉，每件細細舊，可以一次過試不同口味！🍱😋🍢炸物串燒 炸物香脆可口，鰻魚肥美到不得了！燒香草羊鞍，鹽燒牛舌，香噴噴，惹味到停唔到口。最驚喜係燒金枕頭榴槤，岩曬榴槤控，簡直係天堂！🍖🍈🍦自助區 自助區有好多熟食、涼拌同水果，整係食前菜都夠曬飽，甜品仲有Haagen-Dazs任食，食到飽飽都仲想食多幾杯雪糕！🍧

一講食放題點少得大喜屋🤤就算假日食都係$278/位，小童90 cm至140 cm $178/位 ，真係抵到爆👍🏻👍🏻熟食、甜品、冷熱飲品、酒類、刺身、壽司、海鮮、炸物、串燒等等 應有盡有🤤雖然食兩個鐘有啲急，但係呢個質素都算係非常好啦👍🏻👍🏻個人特別推介魷魚翼✅麻辣小龍蝦✅牛尾✅燒鱔✅刺身👍🏻壽司👍🏻返而花膠、瀨尿蝦、楊枝甘露就麻麻哋。最搞笑係刺身螺係馬刀會攝入去😂😂 溫馨提示：搭𨋢要預早時間，等𨋢會排晒長龍😜

睇到宣傳單張，發覺午餐可以任食3小時，真係超抵！即刻同朋友一齊去享受呢頓美食盛宴❤️。刺身、熱食到甜品，樣樣齊全，食得非常滿足。刺身及壽司選擇多樣，🦀松葉蟹腳大隻鮮甜，極品大赤蝦鮮甜彈牙，冰鎮柚子海蜇清爽可口，極具特色。🍷紅酒藍莓鵝肝，香濃美味，牛油果醬吞拿魚壽司搭配令人驚喜。香草羊鞍，🐑食落啖啖肉，羊味撲鼻，十分吸引。薑蔥爆鱔球，🔥香氣十足，鱔球彈牙可口，十分入味。#buffet #觀塘美食

觀塘午市放題$248起中西日韓美食超多選擇！平時吃放題，大家都喜歡吃魚生、壽司。現在放題的飲食文化已開始走進新時代，增加了多種中西日韓的經典美食！這間極尚大喜屋越來越多款中式美食！而且是高質的水準！包括有紅燒鮑魚飯、金湯花膠、避風塘瀨尿蝦、薑蔥爆鱔球、醉鮑魚、燒金枕頭榴槤王、金蒜炭燒廣島蠔、黃金焗帶子、炭燒白鱔、鹽燒牛舌⋯⋯特色小食也非常吸引，例如蒲燒明太子秋刀魚、XO醬鵝肝和牛、煙鵝胸鵝肝多士、龍蝦沙律大蝦。壽司方面也越來越出色，有多款創作的壽司，包括柚子胡椒左口魚邊、鹽燒三文魚腩、拖羅蓉虎蝦、深海池魚王、香酥紫菜芝士飛魚子墨魚、海葡萄象拔蚌⋯特色壽司仍有很多，包括韓國蟹黃醬花之戀、海膽三色中餅⋯中西日韓美食，真是越來越多款式！越來越有水準！特別是中式的美食！非常惹味啊！