極尚大喜屋 (鱷魚恤中心)

营业中

休息中

幫FD慶祝升職，FD好大食，咁安排放題一定可以食回本。宜家大喜屋做咁榴槤放題，可以任食榴槤，睇落唔錯。除咗QR code落單，出面提供冷盤，小食，熱食，甜品，飲品等，仲可以任飲日本酒TIM。飲品好豐富，珍珠奶茶一定要試試，茶味好香濃唔會好甜。前菜，小龍蝦同泰式鳳爪質素好高，鳳爪醃制得好入味，小龍蝦香辣鮮甜。刺身，品種夠曬豐富，第一run唔叫太多，試試質素。池魚王薄切最為出色，池魚好新鮮，簡直入口即化，搭配嘅醬汁透出淡淡檸檬清香，同池魚好夾。串燒品種唔算太多，不過幾款經典款都有提供。金蒜炭燒廣島蠔，落咗大量金蒜燒制，食落好惹味。鹽燒牛舌，牛舌好厚身，食落好彈牙爽口。王牌燒乳鴿王必叫，乳鴿皮脆肉嫩，暴曬汁水，再點埋搭配啲胡椒鹽，食落更加好味。食完主食，甜品生果都唔好放過。閃電泡芙細細件，唔算好甜。藍莓芝士杯，芝士味唔會好重，同藍莓果醬好夾。哈根達斯每次必食，有4款品種提供，一定要揀最鐘意嘅曲奇味！

見好耐冇食日式放題，上星期就約埋朋友嚟到「極尚大喜屋」😋😋除了可以任食刺身、壽司、串燒、炸物、一品料理外，仲可以任食榴槤食品！例如燒金枕頭榴槤王、榴槤芝士撻、榴槤大福、榴槤雪糕等，啱哂各位榴槤控🔥🔥-🍱120分鐘晚市放題 $308/位✨📍刺身賣相吸引，包括有三文魚、油甘魚、希靈魚、赤蝦、北海道帶子等～～全部都好新鮮！三文魚厚肉肥美，赤蝦鮮甜爽彈🦐，質素唔錯👍🏻👍🏻📍壽司包括有雙色刺身花朵、海鮮火山之戀、芝士鰻魚玉子燒、海膽軍艦等～～當中推介「雙色刺身花朵」，用墨魚卷住白蝦，面層仲有三文魚籽！一次試哂3重口感🤤🤤📍醉鮑魚鮑魚爽口彈牙、唔韌，有好香的花雕酒味🍶！作為開胃菜啱哂～～📍燒金枕頭榴槤王絕對係回本之選！每舊榴槤都好大件，聞落好香！！榴槤燒過之後味道更加香濃，入口焦香甘甜～同朋友encore咗好多次🤣🤣📍金蒜炭燒廣島蠔廣島蠔隻隻飽滿肥美🦪，燒得啱啱好～面頭鋪滿金黃色的炸蒜粒，十分惹味🔥🔥📍鮑魚龍蝦沙律多士多士口感香脆、重牛油香，配搭Q彈鮑魚同香甜龍蝦沙律，一啖擺落口好滿足😋😋📍王牌燒乳鴿王乳鴿燒得外脆內嫩，肉質軟嫩juicy！越食越香口，推介❤️❤️另外，自助區有小食、飲品、雪糕、甜品、

榴槤是東南亞的特色水果，以其獨特的香氣和奶油般的口感而聞名。岩晒鍾意食榴槤既Fans. 果肉柔軟、濕潤，帶有濃郁的奶油味，令人難以抗拒.唔少得當然有了各種類型的壽司，包括生魚片、蔬菜卷和炙燒壽司等。壽司的食材新鮮，味道鮮美，每一口都能感受到食材的原汁原味。配合魚肉或蔬菜的口感，營造出一種絕妙的平衡。無論您是喜歡生魚片的清爽口感還是炙燒壽司的獨特風味，都好正哩間榴槤與壽司放題餐廳，都好高質素，榴槤的奶油味和壽司的鮮美口感原來都好夾，令人好想再食。無論情侶定係一家大細都好啱黎哩到😊🌟🌟🌟餐廳：極尚大喜屋 (鱷魚恤中心)地址: 觀塘開源道79號鱷魚恤中心3樓壽司火拼榴槤日式放題

由鱷魚恤店開張一直都光顧呢一間放題，維持咗好耐，次次都一定要預早book位，因為呢度好多人好旺，但都係咁樣，所以食物去得快，保持到食物新鮮今次有主打嘅金枕頭榴槤王放題，梗係要上嚟試一試啦，原隻金枕頭燒香之後，味道更加濃，鍾意食榴槤嘅朋友一定要試，軟軟腍腍，清新香甜仲有今次嘅川味🔥燒鮮蠔🦪隻隻都肥美大大隻，配上多蒜多蔥嘅香料，非常惹味鮮甜，我淨係食蠔都食咗半打，但又唔漏口喺呢度嘅刺身水準一向都保持到好新鮮，仲有杞子浸鮑魚，真材實料，喺一間會一直回頭食嘅高質放題

大喜屋喺香港屹立多年食物質數依然保持水準，款式愈來愈多午市時段食足3個鐘觀塘呢間分店坐位充裕，坐得超舒適今次主打榴槤，可以無限不停追加💥燒金枕頭榴槤王原粒榴槤肉燒至金黃味道更香更濃郁刺身．壽司 好新鮮加上唔同種類嘅中式美食乳鴿超級正，即炸熱辣辣皮脆肉嫩好Juicy忍唔住 追加咗幾轉串燒，每次嚟都會必點食幾轉已經回哂本．性價比真係好高自助區嘅甜品．飲品．雪糕．水果冰櫃仲有Haggen Dazs / 其他雪糕雪條無限量供應既豐富．性價比又高

最近又去咗極尚大喜屋食放題，而家仲做緊榴槤主題，可以任食榴槤蓉，離遠已經聞到好香，仲有榴槤咖啡，絕對值得一試✨今次新增咗瑤柱菜苗、帆立貝炒雜菌、蟹黃鮑魚粥等～瑤柱菜苗嘅瑤柱份量都唔少，菜苗新鮮爽嫩！帆立貝炒雜菌嘅味道非常好，炒得好香，帆立貝size幾大，唔會過火質感唔錯👍🏻另外推薦雪花牛肉鍋，湯底甜甜地幾好食，牛肉肉質軟稔當日嘅雪糕有士多啤梨、曲奇、焦糖同少見嘅果仁味，仲有好多其他雪條可以選擇.📍 極尚大喜屋 (鱷魚恤中心) (觀塘)觀塘開源道79號鱷魚恤中心3樓

間中都會食下日式放題，今晚就到左係觀塘嘅#極尚大喜屋，喜歡餐廳食物新鮮多元化外，環境夠闊落，唔會話逼到行唔到。用手機點晒想食嘅野後，便出去自助區拿飲品，雪櫃飲品很多款，我就拿左啤酒、清酒🍶慢慢飲啦。老友要飲可樂、烏龍茶，食沙律同生果先，之前後再拿埋前菜同熟食。擺盤得好靚又鮮甜美味的刺身，好快上枱，分別有帶鮮咸味的長腳蟹，爽口鮮彈的赤蝦、象拔蚌、帶子同螺片，厚切鮮嫩新鮮之三文魚、油甘魚、希靈魚款款新鮮。熟食有夠淋的花膠，燒得好香嘅乳鴿王、比目魚同羊架，蒜香味十足之蒜蓉蒸蠔，鮮彈的鮑魚，天婦羅🍤炸到香脆可口。壽司類有黑松露吞拿魚、海膽壽田、花之戀、油甘魚腩、三文魚腩同黑松露赤蝦壽司，魚子醬伴真鯛，夠晒豐富呀。其實仲想食粥同拉麵、羊腩煲，但怕太飽手，故留待下次吧☺️。燒榴槤，燒到皮脆, 肉柔嫩軟綿綿，香濃的榴槤肉很捧，再盛了一碗榴槤蓉，雙重享受😎。甜品有乳酪、奶凍、軟雪糕，甜筒，雪條同Haagendazs雪糕，飽得很但十分之滿足🤭。

塘開源道79號鱷魚恤中心3樓依間放題地點真係超方便！連接住apm！落雨都唔怕淋濕！大喜屋放題嘅質素就係信心保證🩷食物種類選擇繁多！仲食到榴櫣食品放題😋😋外面自助區食物款式同質素亦冇因為多咗榴槤食品而變得差左！💛燒金枕頭榴槤非常吸引我！真係齒頰「榴」香💛刺身質素仍然保持一貫水準！夠新鮮！配搭亦都多！熟食選擇都唔少！西京燒比目魚、燒鰻魚、乳鴿熱辣辣上枱好食👍🏻真係食到捧住個肚走! 滿足又開心💜

被朋友發出來的榴槤放題宣傳海報吸引了，頓時充滿著無限的期待，當晚就衝着榴槤去食晚飯。雖然增設了榴槤供應，但餐廳內也沒有充斥着榴槤味，所以不喜歡榴槤的人也不會被影響到。自助區從餐前輕食到甜品，從飲品到急凍海鮮和熱湯，每個人都能找到自己喜愛的美味。而且，極上大喜屋採用了QR code下單系統，讓點餐變得方便快捷，更有效率。刺身類的選擇令人驚艷。新鮮的馬刀貝、赤貝、甜蝦、北寄貝、北海道鮮帶子，還有希靈魚、油甘魚、拖羅吞拿魚和三文魚，每一口都散發著海洋的鮮味，令人回味無窮。而熟食方面，極上大喜屋也給予了豐富的選擇。牛舌、燒鯖花魚、羊鞍、鱔球、醉鮑魚、炭燒廣島蠔、蒸扇貝、鵝肝多士、乳鴿、雞翼、燒菠蘿、黑蒜油豬軟骨拉麵和牛肉湯烏冬，這些美食都經過精心烹調，口感豐富，讓人垂涎欲滴。不得不提的是甜品區，這裡的甜點種類繁多。泡芙、布丁、芝士餅、提拉米蘇杯、乳酪杯，還有任食Häagen-Dazs雪糕，各式各樣的雪糕雪條，每一款都讓人陶醉其中。品嚐著甜甜的滋味，仿佛置身於甜蜜的夢境中。新添加的榴槤放題更是成為了焦點。榴槤咖啡、榴槤蓉、榴槤泡芙，還有燒金枕頭榴槤王，每一道菜都散發著濃郁的榴槤香氣，讓人愛不釋手

我近日光顧了位於觀塘的極尚大喜屋，他們的菜單提供了各種新鮮美味的料理，仲推出咗全新嘅榴槤主題食物，例如榴槤布丁、榴槤咖啡、榴槤大福、任食榴槤蓉、燒金枕頭榴槤王等等。帶子刺身：帶子刺身絕對是一道令人垂涎的美食。帶子鮮嫩多汁，完美地展現了海鮮的鮮美風味。刺身師傅將其切成薄片，每一口都帶來了濃郁的海洋風味，令人愉悅。長腳蟹腳：極尚大喜屋的長腳蟹腳是我在這裡的必點之一。蟹腳肉質豐滿，肉質鮮嫩，增添了額外的風味。每一口都充滿了鮮甜的蟹肉味道，讓我回味無窮。一口牛：這道菜經過精心調味，融合了香料和醬汁的滋味，帶來了濃郁的牛肉風味。這道菜的烹調技巧使得牛肉保持了原汁原味，每一口都是一種享受。燒牛舌：極尚大喜屋的燒牛舌是我在這裡的另一個最愛。牛舌經過燒烤後，肉質鮮嫩多汁，外表香脆。它搭配著獨特的醬汁，酸甜的味道和烤牛舌的風味完美融合。這道菜給人一種豐富的口感和令人滿足的味覺體驗。蝦天婦羅：最後，蝦天婦羅是極尚大喜屋不容錯過的菜品之一。這道天婦羅烹調得恰到好處，蝦肉鮮嫩，外層酥脆。每一口咬下都能享受到蝦肉的鮮甜和天婦羅的香脆口感。搭配著醬汁的蘸食更是美味絕倫。總體而言，極尚大喜屋提供了令人驚豔的料理，並

今日陪frd食放題，一食就愛上咗呢間大喜屋🇯🇵榴連放題任食 $308✨食物-燒榴槤 原粒燒令到甜味更加突出-仲有好多唔同榴槤菜式 例如榴槤芝士撻 榴槤炸彈 榴槤雪條 榴槤蓉-刺身新鮮 唔會有苦澀味及雪藏味 螺肉彈牙 八爪魚爽口 北寄貝甜美 松葉蟹腳啖啖肉 -醉鮑魚幾香醇 帶酒香又彈牙-西京燒比目魚 魚油香 肉質一梳梳帶甜味-燒河豚乾 硬度正常 帶少許味醂甜蜜味-麻辣豬耳 雞腎 魚皮都好惹味 夠麻夠香-咖喱羊腩辣度幾高 肉嫩 配薄餅都咖錯飲品及甜品種類都多不勝數 超多選擇✨環境-全層地方夠大 坐得幾舒服✨服務-以QR Code落單 上餐速度正常唔會拖單 收拾都幾快 可以盡快騰出空間總括嚟講，放題界嘅高材生

坊間日式放題選擇都有唔少，作為榴槤控嘅我知道位於觀塘嘅極尚大喜屋做緊榴槤任食放題，專登約咗同道中人一齊試吓先。餐廳除咗平時主打嘅日式放題外，呢個榴槤放題都十分有誠意，首先自助區入面有提供榴槤蓉，有個時間表，定時定候就會refill，分量相當之多，真係任食唔嬲。烤金枕頭榴槤絕對係必食推介，烤咗嘅榴槤味道更加香，鍾意食榴槤嘅朋友千祈唔好錯過。其他各榴槤食品，例如榴槤芝士撻同埋榴槤大福質素亦唔錯，一個放題滿足晒食日本野同食榴槤兩個願望。自助區仲有榴槤咖啡提供，呢個榴槤放題都算俾足誠意，夠晒徹底。除咗榴槤之外，餐廳當然提供主打嘅日式食品，例如刺身、卷物、燒物等。海鮮選擇亦相當之多，包括有鮑魚、蠔、帶子、花膠等等。另外要讚一讚餐廳上菜同執枱速度快，絕對唔會阻住你喪食喪飲。飲品除咗有汽水茶類之外，仲有酒精飲品提供，見有唔少清酒供應，選擇多元化。

極尚大喜屋🍣🐟🦐心郁郁想食放題，又想搵間坐得舒舒服服嘅就來咗極尚大喜屋，觀塘地鐵站一出行2-3分鐘就到，好方便。一坐低梗係叫一大盤刺身先啦，刺身都好多選擇，都好新鮮。🐟特別值得一提天使蝦刺身有跟泰式生蝦汁，個汁嘅酸味辣味岩岩好，非常惹味。🦐放題分秒必爭，喺等野食嘅時候就出去睇吓自助區有咩食。原來今日撞正係榴連主題，見到有榴連咖啡，榴連大福，榴連芝士撻，仲有一盤榴連蓉可以加落軟雪糕度一齊食。見到咁多咁正嘅甜品，一定要留肚食返夠😋食完盤刺身，就開始叫其他壽司/熟食。食物嘅款式有好多，特別推介嘅有脆鱔，外脆內彈牙; 三文魚子/海膽手卷，非常鮮甜; 各式各樣壽司，值得一提同其他放題唔同，壽司嘅水準絕對拍得住專食壽司嘅餐廳，唔會飯大魚生細。因為榴連主題嘅關係，仲有炙燒過嘅貓山王榴連原舊上，鍾意榴連嘅你一定滿載而歸🤤食到飽一飽都要用埋最後一分力填埋甜品個胃嘅空虛！除咗前面講過嘅榴連甜品之外，仲有芒果/ yogurt 軟雪糕任你唧，Haagen Dazs 雪糕任攞，食到你唔食為止！🤤😋

大喜屋一向以高質，唔漏單為賣點，所以食親放題都會首選大喜屋。好耐冇食今日同朋友再去，食物款式多左，有啲仲幾有驚喜添 每位$308加一🔸刺身松葉蟹腳, 魚籽柚子醬池魚王薄切，原隻粒貝，甜蝦，螺片，北海道帶子，赤蝦，赤貝，油甘魚款款都新鮮，重點推介原隻，要回本嘅話可重點食帶子，蟹膽同油甘魚🤗🔸壽司鹽燒三文魚腩，拖羅吞拿魚壽司正常發揮唔錯🔸手卷海膽手卷，三文魚籽手卷Q版size，海膽creamy冇異味，三文魚籽鮮味爆發🤗餐廳推岀左燒金枕頭榴槤王，每次限叫兩件，又幾好食，好熟好香甜，叫左幾round我哋都試左好多款熱食:鹽燒雞軟骨，蟹黃蟹肉鮑魚粥，羊架，金蒜炭燒廣島蠔，蒲燒鰻魚，西京燒比目魚，鹽燒牛舌，燒雞泡魚乾，煙鵝胸，鵝肝多士，推介有醉鮑魚，王牌燒乳鴿王，極尚花膠盛宴，蒲燒鰻魚即燒熱辣辣好正。🔸天婦羅即叫即做，等嘅時候比較長。🍤天婦羅蝦，蟹棒天婦羅，甜蕃薯天婦羅，溫室南瓜天婦羅最後食多兩杯Häagen-Dazs雪糕，食到捧住個肚走😬

極尚大喜屋🎊唔知呢度有冇超級鍾意食榴槤嘅朋友仔，近排有放題做緊榴槤主題，可以任食燒金枕頭榴槤王、榴槤芝士撻、榴槤泡芙、榴槤糯米糍、榴槤布甸 同埋榴槤雪條雪糕～今日我就約咗個同我一樣都係超級鍾意食榴槤嘅朋友一齊去試吓‼️‼️大家都知榴槤平時喺街買唔平，所以今次我同朋友但求做到食榴槤就回本😆😆😆刺身方面，種類多到你唔信，選擇包括有松葉蟹腳🦀、三文魚🍣、油甘魚🐟、希靈魚、北寄貝、北海道帶子、赤背、螺片、蜜汁仿鮑片、赤蝦、甜蝦、八爪魚、冰山蚌、泰式虎蝦、原隻粒貝、池魚，真係你諗得出嘅刺身呢度都有齊！😋😋😋全部都好新鮮，而且唔會漏單，淨係刺身每樣食幾件都回本啊！✅✅✅各款熱食，例如係鵝肝多士🪿、各款天婦羅🍤、炸物串燒🍢，呢度都有齊，其中必食嘅幾款包括有炭燒廣島蠔🦪、王牌燒乳鴿王🐦、蒲燒鰻魚🐟、醉鮑魚！至於飲品甜品🍮🍧🍹，當然都係任飲任食啦！其中最特別嘅就係Häagen-Dazs任食啦🍦！我就梗係唔蝕底，食返兩三個唔同口味啦！😆😆