極之拉麵

营业中

休息中

崇拜匠人精神之拉麵店🍜長沙灣近排開咗間幾高質嘅拉麵店想推介，好耐冇喺度share野食比大家了😹呢家拉麵店嘅老闆極度推崇日本匠人精神，將產品食物質素無條件放喺第一位。假如見到老闆不斷問客人有咩可改進，不需感覺奇怪，佢只係想知點先整到再好食啲，照直講就可以👍新張期間$100內就可以食齊叉燒，牛板腱，牡蠣集於一身嘅極之拉麵🤤特盛牡蠣醬油拉麵 🦪($99)湯底極濃厚牡蠣鮮味，據老闆所講，原粒牡蠣加入少許糯米酒浸，所以放大咗牡蠣嘅鮮味！一碗拉麵主材料已有齊叉燒，牛板腱，牡蠣，麵條亦掛到湯底味道，啖啖都附有牡蠣鮮味，極抵食。😋😋炸雞皮餃子 ($28)餃子餡加入少量雞軟骨碎增加口感，雞皮比普通餃子皮更鎖住肉汁又脆口，高度推介🤩唐揚炸雞 ($29)食落唔會炸粉多過肉，肉質亦算鮮嫰唔會好乾。

啱啱去完日本返嚟香港，咁啱屋企附近開咗間新嘅拉麵舖就想試吓，我去到睇到間鋪，喺呢一個位，仲要呢個價格（之前呢個位有好多間餐廳都拍烏蠅）除非佢好好食啦，如果唔係都難啲堅持到，對面仲要有間出色嘅烏冬舖，講真係呢一區夠膽拎呢個價格出嚟嘅一係就打卡好靚，一係就好好食先得，不過唔理啦，我係過嚟食拉麵嘅，入到去我就叫咗個期間限定「秘製微辛香 鮮雞白拉麵」（慢煮牛板腱+叉燒+雞胸肉）個麵一嚟到咁就食啦。個湯底加拉麵其實幾好食，但係問題係佢擺太多野落去，又牛又豬又雞，根本就兼顧唔到，可能個老闆係諗住乜都擺晒落去就會百花齊放，但其實好簡單一個清湯加拉麵加兩塊叉燒，其實都可以好好食，完全冇必要乜都擺落去。慢煮牛單獨食嘅話其實幾好食，或者可能要配我冇食過嘅醬油味湯底，叉燒我會覺得都係普通貨色，雞胸肉單獨食嘅話有啲難食，但係配埋個湯底就好味，講咁多，我都係想講佢個鮮雞湯底好好飲（雖然本人比較喜歡清啲嘅湯底），其他嘢會影響咗個湯底嘅質素，尤其是我見到個雞湯嗰度有牛滲出嚟嘅血😮‍💨題外話，佢個蛋好X好食不過服務質素都幾好，食完個老闆都會問吓好唔好食有冇意見嗰啲睇落去好似係幾有心想做好佢，佢之後應該會改進，希望下次

今日同太太行行下街，見到有間新開既拉面店，就入去試下啦（貪新鮮）😄入到去點左個慢煮（牛板肩+叉燒）+蠔既拉面黎試，居然都係100蚊有找🤨（心諗：出面正常都130蚊先得啦，又唔貴wo)。等左一陣，職員拎黎啦，然後主動提我地試左個湯先食，話個湯係用蠔黎煲既，咁聽佢講試一啖先。咦🤔真係用蠔煲，幾鮮甜。跟住開始食啦，個面硬到適中，再加啖湯一齊食，正🥰然後慢煮牛肩，食落都幾易咬口，口感唔錯，再加啖湯一齊食，正😍再到塊慢煮叉燒，一樣煮得剛剛好，加啖湯一齊食，正🤩最後食埋隻蠔佢，一定冇問題啦🤤最後另外order左枝波子汽相，完美之後拎面個職員黎問我味道點，咁都講番唔錯，傾開原來佢係老闆之一，間拉面店由2個年輕人開，開左只有一個星期，真係估佢唔到，仲要試業中😱 相信憑佢地廚藝，冇問題既最後講埋個裝修環境，同日本既拉面店裝修差唔多，對於我剛由日本旅行回來既人黎講，完全冇分別。大家去開果邊行街可以試下，最後埋單都係120蚊左右，就試到咁多樣野，正。下次再黎食過🤤

今天和伴侶分別吃牛肉牡蠣湯和慢煮叉燒雞湯拉麵，飲日式信州apple cider。雞湯非常濃郁，最驚喜最讚是牡蠣（蠔）湯，十分濃香蠔味，與牛肉出奇地夾，我們埋單時店主謙虛地過來詢問我們意見，他告訴我們牡蠣湯用了很多小時製作（絕不是工場用醬料溝出來），拉麵裏的蠔也很講究教食客何時吃最好、他們煮牛肉塊多少成熟並火炙過才端上豐富口感、不提供一般汽水是因反覆試過搶了湯的味道等等👍🏻 雖然供選擇的飲品種類不多，但我們大讚他們提供的一壼凍水夠冰凍解渴，真心感到他們預備的認真誠意❤️