楓 (已結業)

《楓 - 旺角》😍終於去左食我bookmark左好耐既$58乳酪雪糕，仲要有買一送一添🫶🏻仲有得揀我超鍾意既開心果配料🥴上星期出左旺角，事源我個朋友旅行番黎出左去拎手信，我就捉左佢食買一送一既乳酪雪糕🍦朋友揀左焦糖口味既配搭，加左焦糖餅乾、麻薯粒粒、Lotus餅乾再淋上焦糖醬😜男人老狗竟然要全焦糖既組合🤣不過聽講個麻薯粒粒係好多人推薦必點的👍🏻而我作為一個開心果人，就當然係要開心果全餐啦😜我就要左開心果脆脆、白玉丸子、Lotus餅同餐廳既homemade 開心果醬，全杯綠甘甘好治癒☺️個開心果醬唔會太甜，配埋酸酸地既乳酪雪糕令人胃口大開😉白玉煙煙韌韌都幾彈牙，食完杯Froyo 之後都飽飽地啦😆下次如果同朋友出黎旺角就可以黎呢度試下個雪糕啦😉

同friend喺附近睇完錶錶同模型 見到呢間裝修日系和風 主打大阪燒烏龍麵嘅餐廳。佢有齊我最鍾意食嘅蕃茄同咖哩湯🤤 🍅 飛驛和牛漢堡扒蕃茄湯烏龍麵 108湯底夠濃郁 食到啖啖蕃茄 酸酸地好開胃 仲有唔少甜粟米。烏龍麵即係烏冬 軟硬剛剛好。和牛漢堡煎得juicy 牛脂味豐富 整個麵都好出色👍👍 🍕 大阪燒(章魚) 88比較似蛋餅 偏重蛋香味。除咗章魚之外 仲有蟹柳蘑菇椰菜絲 貼近香港人口味😋 焙茶豆乳同蜂蜜柚子烏龍茶唔馬虎 大杯得嚟調味剛好～ 🍦 乳酪雪糕《自由配》開心果脆脆 香濃紫米 比利時Lotus餅 Homemade烏龍茶醬 58 （外賣買一送一）相當多配料 可以自由選擇。免費包頭三樣 外賣仲抵食💡💡💡💡💡 6點前 烏龍麵仲只售$49！ 📍楓旺角廣華街1號仁安大廈地下32B-D號舖

呢度嘅乳酪雪糕大杯又抵食！每杯乳酪雪糕可以揀3款配料及1款醬, 有多款配料同醬俾你揀, 包括有脆皮朱古力醬🍫、黑芝麻醬、焙茶醬、抹茶醬🍵🍦Froyo 希臘乳酪雪糕我揀咗蜜味紅豆🫘、開心果碎做配料, 再搭配自家製小山園抹茶醬。上面有一大堆紅豆, 香甜又軟熟, 乳酪雪糕入口軟滑, 乳酪味香濃, 酸酸甜甜, 好開胃呀！開心果碎增添果仁香氣, 食落有脆脆嘅口感💚！搭配小山園抹茶醬🍃, 抹茶味濃厚🍵, 整體唔會太甜。

今次黎到旺角試下乳酪雪糕，佢啲乳酪雪糕有好多唔同嘅款式可以選擇，有脆脆系列，有QQ系列，有餅乾系列，還有醬汁( 大部分係自家製)， 見到好多都想揀呢度可以有自由配，三款配料和一款醬汁，而家仲做緊特價買一送一，凍冰冰食個乳酪雪糕，好正呀乳酪雪糕《自由配》+香芋脆片+蜜味紅豆+布朗尼+開心果醬- Homemade開心果醬乳酪雪糕好軟滑，酸酸甜甜， 最上面有香芋脆脆，細細塊好似粟米片咁，紅豆煮得好軟熟，唔係太甜，布朗尼就放上去嘅啫， 配埋開心果醬成杯嘢都好靚，有紫有綠有紅，好食之餘仲可以打卡乳酪雪糕《自由配》+開心果脆脆+麻糬粒粒+繽紛樂+榛子醬另一杯我們選了開心果脆脆，好似花生咁細細粒脆卜卜，麻薯都係細細粒好QQ彈，繽紛樂都係放落去嘅啫，我就選了榛子醬，唔係太甜，成杯嘢都配合得好好呀

係旺角食完飯行街，經過見到呢間舖頭有froyo，仲要有買一送一優惠，同朋友兩個人諗都無諗就即刻揀梗想食咩味😆每杯乳酪雪糕可以自選三種配料同一種醬汁，選擇都好多添！作為茶控嘅我哋就揀咗一杯抹茶味，一杯焙茶味，兩種茶醬都係homemade架乳酪雪糕食落好軟滑，酸甜都適中，味道好開胃👅雪糕唔可以等咁耐，朋友杯焙茶味都未影得切多兩張相，就比佢食晒😂我杯抹茶就揀咗抹茶蕨餅、抹茶餅乾碎碎同士多啤梨雪花酥，配料全部都唔會太甜，very good!買完froyo先發現，呢到原來仲有大阪燒食，不過今次已經食咗晚餐食唔落咁多，下次要再去試大阪燒😋食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️(五⭐️為最高分數)

帶子大阪燒：帶子大阪燒用咗鮮嫩多汁的帶子作為主要食材😋。而且烤至金黃酥脆的麵糊包裹住帶子，咬落去有多重嘅層次感。這項料理的帶子味道鮮甜，再搭配咗日式醬汁，令口味更豐富。喜愛帶子的人一定唔好錯過！😊伯爵茶刨冰杯🍧：伯爵茶刨冰杯是一道冰涼的甜點，用細緻的刨冰打底，多咗好多層次感。😵伯爵茶☕️的香氣帶來了一份特別的亦苦亦甜味道，與刨冰的甜度相互平衡。這道伯爵茶刨冰杯適合伯爵茶粉絲嘗試！😋和牛漢堡扒鰹魚清湯烏冬：身為主食嘅和牛漢堡扒鰹魚清湯烏冬嘅嫩滑的和牛漢堡扒與鰹魚烏冬的湯頭相融合，食落去又真係好夾☺️。和牛🐂帶來了肉質的鮮美，鰹魚清湯烏冬則帶鰹魚嘅鮮甜🐟。鍾意食和牛同埋烏冬嘅朋友一定唔可以錯過！😋

今日天氣又突然間變暖，行完花市，太熱了，需要一杯冰凍的甜品。見到呢間餐廳有乳酪雪糕外賣有買一送一的優惠，決定試一試。每杯乳酪雪糕可以選擇三款配料及一款醬汁。朋友選擇了開心果碎、煙靭的白玉丸子及脆身的香芋脆片，加上開心果醬。我就選擇了Oreo餅碎、有咬口的黑糖蕨餅及麻糬粒粒，配香甜榛子醬。配料選擇多，令到清新的乳酪雪糕，多了不同的口感變化。而且買一送一的優惠好抵食，可以自由選擇不同的配料，可以一試。

今日Happy Friday ,收工同同事一齊出旺角行街食飯，去埋朋友介紹既依間「楓」食乳酪雪糕，位置第一次黎會覺得比較難搵小小，不過都值得嘅。因為我去果日見到做緊優惠$58杯，「買一送一」，正！個乳酪雪糕🍦，濃濃乳酪味，仲有三個配料同一個醬選擇，我叫左一個焙茶醬+朱古力條+抹茶缺餅+麻糬粒粒，最後仲加埋開心果粒粒。 十分滿足我同事叫了伯爵茶醬+餅乾+士多啤梨脆片+蘆薈，都好味，打卡一流但我比較鐘意自己果杯而且當天買一送一，$58有兩杯，性價比好高，下次會再黎，試埋其他口味。因為佢有好多味道選擇

大阪燒(章魚）$88非常足料 喜歡佢唔會溝左好多粉漿 大量椰菜絲同章魚 口感爽脆🐙面加埋紫菜粉 大蔥 木魚絲 沙律 可口開胃😙香煎雞扒蕃茄湯烏龍麵🍜 $78兩塊雞扒保持嫩滑 微微蒜蓉味 湯底有真蕃茄蓉熬製 十分香濃🍅仲有粟米 紫菜 半熟蛋作配菜丸久小山園焙茶醬烤蛋糕🥞 $1582人份量 手工烤蛋糕配上homemade醬料 飽肚滿足烤蛋糕厚底鬆軟 配上丸久小山園焙茶醬 用料大方 京都蕨餅 白玉圓子 焦糖香蕉 士多啤梨 藍莓 仲有啲朱古力喺底😝芝麻豆乳 $29🥤（套餐-$10）滿滿好似芝麻糊嘅芝麻醬放底 豆乳甜度偏低 兩者配合幾有特色😉

食完晚餐行街見到呢間<楓> ，估唔到wargame用品地方會有間日式餐廳，呢間門面裝修得好日本小店風， 店外貼滿甜品照好吸引，見到Yogurt🍰做緊買一送一，即刻要試下，包左三款配料同一款醬汁，開心果同烏龍茶醬都好特別 ，平時唔會點見到，同 Yogurt出奇地夾茶味香濃， 麻薯粒煙韌，繽紛樂同brownie就唔洗講啦! 杯Yogurt夠哂大杯，真係4個朋友 share兩杯都得下次要試下佢地蛋糕同大阪燒，聽講大阪燒即叫即製，有多款海鮮口味，口感鬆軟且味道清甜。 楓旺角廣華街1號仁安大廈地下32B-D號舖

依家講開食當然要嚟場美食大搜羅！最近有幸去咗一家我絕對會再探訪嘅日式餐廳。噚日腦海裏面仲揮之不去個章魚大阪燒，啖啖鮮嫩章魚🐙，軟綿綿又帶啲Q彈嘅口感，加上啲麵糊香脆得黎唔會太油，呢個組合真係太正喇！跟住，個慢煮炙燒雞叉燒咖喱湯烏冬，一碗哂哂嘅吸引力！嗰啲雞肉鮮香多汁，每一啖都滋味滿滿；而咖喱湯底飲落就濃郁得滯，啲烏冬又夠爽滑，整體感覺好悠閒又寫意。至於甜品，意大利可可榛子醬烤蛋糕，真係甜入心肺😊，口感着實厚實，每一咬都合式實料嘅享受。蛋糕同榛子醬嘅搭配太贏了，完全係濕潤哂！最後嘅鳳梨檸檬梳打就黎個完美嘅ending，清新提神，對抗完重口味嘅盛宴后，杯好飲梳打就係救星！總括嚟講，呢家餐廳送上嘅每一道菜都令人回味無窮，啱晒同朋友分享開心時刻。下次再去，我一定要再試一次，以確保呢個美味唔係夢幻泡影！

意大利可可榛子醬烤蛋糕賣相：🐧🐧🐧🐧🐧味道：🐧🐧🐧🐧🐧烤蛋糕圓碌碌超巨型，足夠二人分享有餘，非常抵食。蛋糕表面淋滿海量的可可榛子醬，散發著醇香濃厚的可可香氣，非常誘人。榛子醬中夾雜脆卜卜的榛子碎，與軟綿鬆化的烤蛋糕一齊食，口感層次豐富，食落甜而不膩，蛋香滿滿，令人回味無窮。隨烤蛋糕附有京都蕨餅、白玉圓子等經典和式配料，令整體和風滋味更濃厚，皇牌必食推薦👍丸久小山園焙茶醬窩夫賣相：🐧🐧🐧🐧🐧味道：🐧🐧🐧🐧🐧窩夫新鮮製起，金黃又厚身，表面佈滿鮮忌廉、雜果粒、雪糕球等配料，中央位置以lotus 脆餅作點綴，攞盤精緻又豐富。窩夫入口外脆內軟，綿密又潤滑，蛋味十足，與香甜滑溜的忌廉、冰涼奶香的雪糕、清新爽甜的雜果粒配搭，再淋上一旁茶味醇香的焙茶醬，食落甘甜中帶有一抹苦，深度之選。🐧❣️下單以上甜品可以優惠價加配特飲❣️環境：🐧🐧🐧🐧🐧餐廳以木系裝橫作主導，配搭柔和舒適的黃光照明，感覺溫馨又放鬆。🐧❣️餐廳有提供置物籃，供客人擺放隨身行裝，十分貼心。🐧❤️結語：烤蛋糕別具特色非常美味，誠意推薦👍

🎪 楓 (旺角)旺角廣華街1號仁安大廈地下32B-D號舖🌟炙燒慢煮雞叉燒蕃茄湯烏龍麵 $68這個烏龍麵好足料‼️慢煮厚切雞肉四大件，炙燒到有少少窿邊，入口雞叉燒好嫩滑，烏龍麵既麵條較粗身，吸滿濃稠的湯汁，蕃茄湯底濃郁，配料有流心蛋、粟米、洋蔥、紫菜等。🌟大阪燒 (帶子) $98大阪燒有不同配料揀，有章魚、帶子、蝦、顯，今次揀左帶子～口感豐富，外層酥脆內裏柔軟，麵粉又吾會太多，熱騰騰端上枱，木魚絲超級多。🌟焙茶豆乳/西柚烏龍茶

食飽飯想食下甜品🍰又想食得健康啲🫄見到尼間餐廳做緊買一送一就試下先~仲可以揀三款配料一款醬汁繽紛樂+麻薯粒粒+白玉丸子+homemade 小山園焙茶醬焙茶醬嘅味好突出🧚🏼‍♂️有種茶香味🍵估唔到同乳酪雪糕又幾夾👼麻薯粒粒同白玉都好煙韌🙆🏼‍♀️Oreo餅碎+棒子醬+朱古力脆脆香濃朱古力加上酥脆嘅朱古力同Oreo🍫食完好滿足☺️總結: 買一送一真係好抵！仲可以自己揀唔同嘅配搭很nice!🥰味道：💘💘💘💘服務：💘💘💘價錢：💘💘💘💘Encore指數：💘💘💘💘

陪男朋友去war game 店睇野，原來war game gear 鋪集中地仁安大廈裏面都有d食肆，呢間門面裝修得好日本小店風，門外貼滿食物相，門口有刨冰買一送一，好吸引…入去試下先⋯⋯帶子大阪燒- ＄98其實好少食大阪燒，因為唔係好多餐廳有得食，見到原來係呢度嘅招牌菜，所以即刻order, 呢個大阪燒都好多料：有帶子、椰菜絲，雜菇、粟米、蟹柳等⋯ 個面鋪滿紫菜碎，再淋上醬汁同柴魚片，個粉醬唔太厚，啱啱好，咬落口，滿滿嘅餡，非常juicy又彈牙，唔錯。炙燒慢煮雞叉燒蕃茄湯烏龍麵 ＄78蕃茄湯夠濃厚，仲會見到一粒粒蕃茄肉，烏龍麵即是烏冬麵，呢間做得非常滑溜，雞和叉燒因為炙燒過，所以好香口，配合濃濃蕃茄湯，好味道。伯爵刨冰杯 ＄48（買一送一）面果層伯爵茶味忌廉，非常細滑，超濃伯爵茶香味，刨冰非常幼細，口感似雪糕，好香好滑，呢個甜品係今餐個重點，必叫。蜂蜜柚子梳打 +$19好香柚子蜜，配合梳打，最啱食完濃味嘅大阪燒，就飲一杯。