楊記麻辣魚館 (馬頭圍道)

营业中

休息中

食到一半發現干鍋魚雜無魚卜同魚腸，好聲詢問侍應，侍應話我講大話呃佢，仲大聲指責我哋講大話，成煲除咗魚籽同呢一舊嘢（朋友都唔知呢舊嘢係咩），又拎咗一煲出來 話我哋得逞咗，我同朋友實在不能接受，絕不接受呢種'施捨'，太唔尊重人！！！

上Openrice先知原來呢一間酸菜魚有咁多間分店，都好嘅，因為佢嘅味道唔錯，辣得有層次，而且價錢亦算合理。試咗佢地個招牌酸菜魚，已經叫細份(例牌)點知都有咁大兜，入面D魚片嘅數量都唔少，佢係同鱸魚嘅，魚肉都幾滑，個酸度同辣度都幾平均，係幾好食嘅。乾煸肥腸有個小火爐比你warm住D肥腸，呢個好食有驚喜，同平時食到嘅肥腸比較，佢呢度嘅大舊D同埋Juicy D，唔會乾到柴皮，另外辣椒以外嘅香料都幾好，令到D肥腸更香。個冰粉雖然價錢就高咗少少，不過都好食，除咗桂花之外仲有幾粒提子乾，消辣一流。

一個大人帶住一個4歲小朋友叫咗一個午市套餐，學生有免費飲料，埋單時話我地兩個人叫一個餐唔算，要兩個餐先得，請問一個四歲小朋友可以食得曬一個餐？同埋我地都係點一個餐跟一杯野飲，點解要兩個餐先得？收銀態度差，永不幫襯，土瓜灣唔係得你地一間餐廳

魚肉是正常的魚肉，沒有滿滿的科技感畀其他水煮魚當魚肉紮實有魚味。但缺點是可能有骨。調味相當出辣度適中。胡辣椒食得出是當天炸的，加上香油，令到水煮魚除咗魚其他配料都好好食

今日同同事去土瓜灣食午飯，經過楊記麻辣魚館，見有位子就入去試試。我點了小炒牛肉飯。小炒牛肉份量十足，我點了BB辣，辣味剛好，非常香。牛肉質感幾好，幾入味。另外，白飯可以自行添加，適合食量大的人。

楊記見過店面不太大，這次沒外出試試外賣餐牌上面見到這間麻辣店竟然有嗰個叫做麻辣魔芋飯，即是得蒟蒻加落麻辣汁醬之內，然之後用來配飯吃，那其實都可以算是吃了素菜哦😅。這次我點了個酸菜魚，酸菜魚當然沒有水煮魚那麼辣，而且帶點魚的味道，酸辣的味道也不算太弱，用來配飯吃一流。而且，這個水煮魚寫到明配大塊魚柳，也算是童叟無欺，大大塊魚柳放在水煮魚湯底之內，大片而啖啖肉，大快朵頤其他配料不太多能吃的，如花椒粒，或酸菜都是超大塊那種，難以用來配飯般

9:30問佢收幾點，答11，入嚟吖，ok食物過得去，好一般，叫做食得茶唔熱啤酒唔凍，成班伙記聽唔到up乜，好彩用app落單，想叫甜品，未叫就催埋單，不知所謂同收銀講，又當你透明

楊記麻辣魚館🍽️-▫️典型內地風格餐廳▫️設有樓上雅座▫️抵食川菜🌶️-今次同朋友試一試呢間麻辣魚館，去咗土瓜灣分店，新開嘅所以環境都比較企理乾淨，而且多枱，但枱與枱之間都有適當嘅距離，唔會覺得好逼。因為聽朋友講佐敦嗰間就偏大牌檔FEEL，會嘈少少同埋較多大枱，一圍人咁食。今次四個人叫咗四款嘢食，最後都食到好飽好滿足😋-🔹酸菜魚 (小) $188我地明明叫細份，但上枱都係大大兜😂好足料嘅酸菜魚，完全係返大陸食嘅味道👅由於怕太辣，所以叫咗微辣，有好多配料，魚又夠滑完全無骨，仲有萵荀、薯粉、大量酸菜。不過就唔建議飲埋個湯，因為都偏咸同辣，但如果餸飯都不錯😬-🔹香鍋 (+蓮藕、土豆片、牛柏葉、午餐肉、鮮魷)呢個香鍋都係比好多料，不過就愈食愈辣，食到底比較多辣油就會覺得好膩，但係每款配菜都係炒到好入味，不錯不錯👌🏻-🔹花椒雞 $128呢款菜整到好似宮保雞丁咁😂一上枱超級香噴噴🤩好多雞肉粒炒埋一齊，超入味，但整體都係偏咸，食完會覺得口渴。-🔹大盤花菜 $78呢盤花菜就遜色咗小小，唔係炒得太香太入味，反而係加咗好多孜然粒，食落只有孜然味，但同平時食開嘅花菜就差好遠🫠肉片亦唔算太入味，成道菜感覺唔夠鑊氣。-呢

🌶️🌶️🌶️港九新界都有分店，餐廳格局超級似大陸感覺，但係食四川烤魚，好味最緊要每款菜式都有唔辣、bb辣、小辣、中辣、大辣俾大家選擇仲要係實牙實齒，免茶錢、免前菜花生錢、免加一麻辣烤魚-清江魚 ($318)👍🏻👍🏻👍🏻👍🏻招牌麻辣烤魚一定要試，簡左小辣，比起譚仔小辣，佢既少辣比較輕微，滾起香噴噴整條魚都好大條，肉質好滑，唔鞋唔腥👍🏻👍🏻👍🏻食完未至於好頸渴要狂飲水，亦都唔覺重味精有好多配菜：薯仔、金菇、寬粉、大豆芽、豆腐、豆份量好多3-4人食都無問題，如果2人食就可能食唔到其他菜式上湯娃娃菜($68)娃娃菜好清甜，可能食左辣野關係，有唔辣既上湯娃娃菜中和返，而且有皮蛋調味，的確係唔錯既選擇酸辣土豆絲($68)每次食川菜都會叫，份量超大碟，顏色好吸引，質地唔會好淋，辣味多過酸味，要黎餸白飯真係無得輸👍🏻👍🏻👍🏻👍🏻揚州炒飯($78)炒飯有鑊氣，飯都粒粒乾爽，味道唔咸，中菜館炒粉麵正常都唔會差，同枱唔想食辣既朋友都可以有多一個選擇

同事鍾意食辣🌶️，帶左我去食川菜。店內嘅環境同服務俾我嘅感覺係好似去咗酒樓同茶餐廳既混合體咁😆（有種隨意嘅感覺⁉️）▪️酸菜魚🐟魚肉無乜碎骨🦴，肉質嫩滑，無泥味👍🏻小辣岩岩好，唔會辣到享受唔到餐飯。不過酸菜少左啲，對於酸菜愛好者黎講美中不足💔😌。▪️水煮牛肉🐮🥩肉質有少少老，口感唔會太韌（正常都𡁻到既🤣），淡淡既牛味。味道方面，麻既感覺比辣明顯，所以唔食辣既朋友可以試下先。配料仲有娃娃菜同寬粉，但係寬粉嘅份量好少。娃娃菜係清泉一樣嘅存在⛲️，可以中和水煮牛肉嘅油膩感啊。🫶🏻食物份量算多，午市套餐跟一碗白飯🍚同餐飲☕️，所以唔會好似食風🌬️禁🤣$50一餐真係又平又抵食啊‼️如果鍾意川菜既朋友，可以去試下啊❗️

今日同朋友食飯,未食過呢間打算試下.叫左個水煮魚同酸菜豬肚,一段時間之後酸菜豬肚到左咁我朋友就開始食.等左差唔多半個鐘個水煮魚都未有,咁我問幾時有,待應話廚房整緊.隔左一陣我再問個水煮魚有未,我話未整就算,最多轉第二樣.待應話要再問下廚房.再隔多一陣我同待應講你5分鐘內俾唔到我就取消張單,之後佢將個外賣盒放係我面前話當左係外買.佢仲夠膽問我要唔要面前呢盒放左半個鐘以上既外賣!!!!!我已經嬲到唔想講其他野,求其轉另一個餐就算.先唔講呢間野好唔好食,重點係呢度做野既人最基本既尊重都無!!!!!!人手少做野要等我明白,但係唔好講大話,自己做錯野仲係度扮無野.服務方面無得俾負分,有既話我會俾負5分.

食過兩次味道唔錯午巿黎講係便宜，抵食不過我一個人入到去啲二人枱坐滿左有好幾張四人枱都吉既我問坐唔坐得有個侍應話最好唔好啦！然後就走左去！完全無安排我可以坐邊！我明生意難做！所以我選擇離開！今次齋食空氣就走左！但道氣食完谷住！唯有係度同大家講！入黎就預左！今日受氣指數五粒星！味道評唔到！

前幾日同屋企人黎左呢間餐廳食野，因為俾佢陣麻辣味吸引🤩🤩1. 麻辣烤魚 （$318）屋企人之前黎過一次，話呢間餐飯超夠辣, 所以我地只係叫左個bb 辣, 但都已經好夠味！成條魚無咩骨 多肉 個寬粉就略嫌硬身小小 但整體黎講都係出色！2. 鐵板水晶粉 （$78）呢個係我覺得最好驚喜既一道菜係超有穫氣，同埋上菜既時候夠熱無諗過川菜整水晶粉都咁出色一定要點呢個！3. 清炒萵筍絲 （$78）呢個同其他川菜餐廳差不多保持到水準！4. 糖醋排骨 （$98）呢個都算大份，但略嫌d炸粉多左少少味道：8/10（特別推介個魚同水晶粉）環境：7/10性價比：7/10服務：8/10 快上菜 貼心

放咗工，三五知己，去試食辣魚。中午訂位，來到店舖，安排咗二樓近窗邊的卡位，望住窗外影式，車來車往，學神慢慢流走，進入慢活中。水煮魚和辣魚，枱面再加多碟麻辣肉片，成枱食物，一路吹水一路食。麻辣炒肉片，味道一般，沒有驚喜，可叫兩支 啤酒送餸。辣魚樣樣有，選咗中辣，還可以，魚肉ok，配菜可多種選二，但味道較咸。較為欣賞水煮魚，魚片大片，滑，少骨，味道適中。上菜速度理想，服務員送遞也不抬慢，餐枱與餐枱的距離沒有壓迫感，樓底高，沒限時可以慢慢享受用餐時間。

平時lunch 食嚟食去都個幾間點知楊記開咗係土瓜灣我同朋友就開始經常黎食水煮魚好正以$50-60既set lunch 真係cp值好高佢哋辣度高，要叫大辣先夠（平日食開2小辣至小辣）必食水煮牛肉同水煮魚