影片
之前帮衬过佢一次，都系食晚饭。今次都系去食晚饭。三人行。一睇个餐牌，全部餐都加咗成十几纹。上次去食都冇咁贵。就算系其他集团餐厅最多都系加一两纹左右。呢间嘢加价加到离晒谱。加价唔系问题，弊在d饭冇加到呢，劲少。我哋睇完个餐牌一次又一次，上次食果d五十几纹饭餐冇晒。我d friend之前已经脚软，冇气再行去第二度食。在冇可耐何之下。我哋order个成$60嘅炒饭，$62焗鸡排饭，$72龙虾汁三文鱼焗意粉。一食就知仲招喇。d焗饭，焗意粉唔够热又少。焗鸡排饭，块鸡排嚟㗎？咁细gei.我以为食紧一条条鸡丝。龙虾汁三文鱼焗意粉，完全食唔到有龙虾汁味？个炒饭干噌噌劲难食。咁贵嘅价钱食d咁嘅嘢，直头系折磨又蹧侧紧自己。d侍应又要三吹四请，先肯落order和埋单。服务态度衰到冇人有。一定冇下次再嚟。望佢迟早折埋收档。
继续阅读
除夕夜计画到apm倒数，7点去商场揾嘢食既时候就已经满晒坐，唯有去附近觅食好彩椰林阁仲有位，然后2017最后一餐就献左比佢了我地两个人去食，叫左个二人套餐 （$258）首先送上既系餐汤、餐包餐汤质数平平，罗宋汤唔够酸、辣餐包同样普普通通，唔够软同埋香口头盘有杂菜鲜果凯撒沙拉 同埋 焗纽西兰半壳青口杂菜鲜果凯撒沙拉份量好大，系主菜既size沙拉酱落得有点多，食落有d腻，建议可以叫少酱焗纽西兰半壳青口有4只，普通size系白汁芝士蘑菇topping，芝士焗得啱啱好，脆脆地，加埋蒜蓉味真系好香配上薯蓉，其实有点heavy主菜叫左两款，分别系黑椒牛柳伴芝士焗元贝 同埋 千岛酱三文鱼鲜虾薄饼 （9寸）黑椒牛柳伴芝士焗元贝 牛柳好大旧，系一只手掌既size啊：）叫左7成，火候控制适宜，外层焦得黎个芯够嫩；牛肉味几浓，赞！千岛酱三文鱼鲜虾薄饼 （9寸）面包底发酵时间足够，所以个底几软熟，好有咬口：）最欣赏佢呢点Toppings 份量唔多同埋唔balance，佢d洋葱份量多得有点可怕同埋仲系好生：“）整体黎讲，椰林阁份量颇大，多人黎食会比较合适：）
继续阅读
如果话芝士系一种恶魔嘅食物，芝士焗饭应该系更加邪恶就好似呢个芝士焗咖哩牛腩饭，芝士加上咖哩，双重加重口味，更加多重享受～今天同朋友下午茶原来大家都喜芝士焗的邪恶食品哈哈志同道合！咁就....芝士焗咖哩牛腩饭 见到以为下午茶呢个价钱$40会得好少，份量系好足够嘅～芝士汁好够多亦好香口，融合咖哩汁嘅浓郁会变得好惹味～牛腩是牛肋条整的炆得都几淋，可能事先有很多香料调味再加咖哩汁所以食到有好浓香料味～朋友讃口不绝不过饭大家都感觉少了些下午茶呢度都几多选择，张menu 设计得几靓，呢样系抵赞嘅～叫左杯奶奶茶够茶味！总括黎讲系几浓同值得推介嘅～
继续阅读
第一次写食评，唔系因为有几好食，而系因为服务态度之差前所未见，开口埋口就粗口问候人地啊妈，经理大晒？虽然唔系闹我，我坐隔离听到都想顶翻佢转头。到我落单个侍应又黑口黑面，仲要广东话都要重复几十次。终结 唔会再食
继续阅读
睇完魔术表演之后，同朋友去揾地方食嘢，之后行吓行吓见到间椰林阁，就入咗去食饭啦。首先嚟咗个罗宋汤，罗宋汤有啲酸，不过我钟意啲酸啲嘅嘢，所以我觉得OK。叫咗个西冷牛扒六成熟，不过切开之后发觉起码八成熟，意大利粉味道有啲重。可能因为我哋好夜先去，仲要就收工添，所以佢哋好快就等我哋食完未，有啲赶客啰。😓😓😓😓
继续阅读