椰林閣餐廳 (已結業)

尋日清明假期夜晚shopping完,見呢度都有d人食緊野,就試下啦.我地兩公婆叫左2個set:海南雞飯:好快到,都幾多雞,肉質幾鮮嫩;個白菜湯ok,但d油飯硬左d喎;蒜蓉紐西蘭肉眼扒:個菜湯好酸好la喉!個餐包熱立立好香軟,個扒都幾入味,醬汁分開上,跟薯菜,有2片薯仔,2片紅蘿蔔,1片白蘿蔔同1舊西蘭花,賣相就冇mug,但都好食,我成個食哂;餐飲轉左可樂,加$5,係1罐,都算抵.老公個餐飲係凍奶茶,唔錯.d食物算ok,服務都可以,不過人流唔多,d年青waiters一得閒就嬉戲,印象唔係咁好lor.

人就多la個個都好似好忙咁但係個個都冇帶個腦返工叫左寫野d waiter 就話轉頭先轉個頭就唔記得叫左3,4次先有人尼落單

今日黎呢度lunch同個friend都叫咗個牛柳粒set....個set都算ok架喇但係d人service有d問題叫極都唔係好理又掛住食煙同吹水........好有問題呀

1. 送o黎o個兩杯水，個杯有d好似飯o既物體痴住2. 落單時waiter冇乜反應冇乜禮貌3. bf叫A餐(黑椒牛扒飯)，好快到。我叫o既係午餐B(蒜茸西冷扒薯菜)，等o左15分鐘先有o野o黎，佢送o左個黑椒西冷意粉o黎，我叫佢換。第二次送o野o黎係5分鐘後，佢原原本本將頭先o個碟o野比我，咩意思？叫佢換，佢只係換o左d薯菜比我，但係都仲係黑椒汁，d野已經凍晒……4.各個waiters唔知自己做乜咁，又唔夠人手，做野又慢……協調唔夠5.叫野飲……10分鐘都未有，催單催o左兩次，好hae咁話(我幫你跟架喇)……黎到，又唔比飲筒-_-6.就連收錢，都比左隔離張台o既單我地埋！！！又要等！！係咁等！！食到一肚氣

可能我地去個日係年初四啦,所以食物質素同服務態度都好差囉... 我地一家六口叫了羊扒(因為冇羊脾)...西冷牛,牛柳同珍寶腸雜扒,全部叫鐵板上~ 先講個羊扒,佢有三少塊,係就係冇咩"so"味,不過d骨仲多過d肉,最大問題係乾晒水,佢乾水o既程度同牛肉乾有得揮...完全唔掂... 個西冷同牛柳d肉質完全一咬就知落左好多鬆肉粉,我明明叫6成,整左出黎一定有8成半...如果係咁就唔好問人幾成熟啦... 珍寶腸雜扒,d豬扒仲薄過大家樂個d...總之都係麻麻... 至於服務,我問佢係有咩係鐵板餐啊,佢話咩都可以鐵板上,咁我問佢使唔使加錢,佢話唔使,點不知原來每個加10蚊...= ="...我對住佢落緊order時,佢可以粒聲唔出無端端走左去攞野比人... 總而言之,呢間野我唔會再幫襯!

完全離晒譜，唔夠人就應該請多幾個啦！得個幾個人在樓面，我好明白幾個人要照顧百幾個客係好辛苦，但如果顧客成為佢地既出氣袋，我想呢間野d野更加好食，都會無人幫襯！叫左個餐，寫到明個餐跟餐包、餐湯同餐茶，其他分店既次序都係先上包同湯，跟住飯，最後餐飲。但係我飲完個湯，食埋個飯，餐飲都飲完，都仲爭個包，好啦問個經理睇下d包幾時有，點知佢捧住d包過來，擺低個陣好悔氣咁同我地講"食包啦！"我會食，但食完之後我一定會投訴佢！我地都叫好彩喇，因為所有野都到齊，但…坐我右手邊既兩個食客，叫左半個鐘都仲未有餐飲，最後唔等，埋左單走人；坐我左手邊有兩個學生，佢地仲慘，叫左個同我地一樣既餐，點知只係有餐茶同碟飯到，個包同湯都無來，最後因為夠鐘返學先至走；門口個人等左成個鐘先等到個外賣…

俾佢害屎lor!~我食lunch先得1個中~我等佢就用左7~8個字~d份量又少wo!~唔好味~我食包仲好味過佢lor!~

五點入去食佢地既特餐, HKD48.00 -> HKD40.00; 好, 叫左個比目魚, 油多過魚肉, 咸到??? 跟既薯條係凍既, 硬既; 餐湯係唔熱既, 仲有漿糊凝結在內; 熱奶茶係冇茶味!由頭盤到主菜再到飲品都可以一條龍咁差, 真係衰得徹底, 跟本成份餐冇人用心去煮!環境又殘又舊, 仲周圍都有蚊滋! HK4.00 都比多佢!以後呢間餐廳集團同我絕緣喇!

佢夜晚d餐廿幾蚊有野飲真係好抵! 加湯加包都只加$6, 我當飯堂咁成日食! 唔開胃時又可以叫沙律! 六點前食下午茶仲抵, 份量冇減當晚飯~~~不過d sofa唔好坐, 向前sir, d皮又爛晒, 門口個風水擺設好嘈好煩...不過最近靜靜雞加左價, 凍飲又要加兩蚊(以前唔駛), 即係每個餐廿幾蚊都加成四五蚊, 條氣唔順唔幫襯住, 下左啖氣先...

果日10月1 號去食早餐10點去到啦... 哇d人推哂係門口入面爆場平日早餐都唔會咁訐過入面得4個人其中一個係女部長黎既加多3個男仔啦因為出面有大塊玻璃所以睇到入面果度d人做野做得好勁呀有個戴眼鏡既侍應一個人出9蝶..又周圍收蝶又收桌我係出面睇到都哇哇聲其實講真大家一齊生活係一個社群入面..應該要體諒咯4個人應付成百幾人你做唔做到呀雖然你話果度係一間西餐廳賣既係服務態度但係你真係要體諒下人啦..一時又話熱水熱茶又話轉卡位但係你知唔知人地做到流哂汗做到咁...算唔錯架啦比你試下呀... 加上我同果個戴眼鏡既都幾熟呢間椰林閣真係好想俾個好印象比你地架.可能我係打工仔心態啦..大家都係打人工既會互相就下啦但係你地要知道...過份自私只會令人地拒絕俾份服務態度你架渣~其他分店我唔知但係我就知呢間椰林閣絕對係食得過服務態度好.... 至少你係全線分店以內都搵唔到咁好既一間架啦

見到佢裝修過之後望落都幾靚，咪入去試下囉，點知入到去發覺係咪o的設計有問題，定係我生得高，完全頂住o左對腳，坐得好辛苦，跟住叫下午茶，不嬲出名平同埋唔係太好食架啦，都係同平時一樣，真係麻麻，o的服務ok啦，出品就慢o左少少，但係真係咩理油會坐得咁辛苦~~

因住深水土步, 耐唔中都會食西九龍中心既椰林閣餐廳,覺得果度環境唔錯, d 扒又好味, 好食過扒王之王好多!晚餐都係五十蚊位, 仲可以加錢轉台式特飲,唔使成日飲咖啡或茶咁悶~佢d下午茶我都試過, 廿二蚊就有一個炒飯或炒烏冬連野飲, 抵過茶樓!! 不過烏冬太碎, 口感就唔夠,但以價錢同環境計都仲有著數!!~

睇下佢門口個餐牌下午茶有凍朦以為未到tea timemenu都應該有依樣野食所以就入去幫襯點知睇均都無傢喎咁唯有睇lunch有乜食叫左個咖喱香芒海鮮炒飯碟野係好大碟但係食落係無咖喱味落左芒果又好似無落不如唔好落,唔湯唔水海鮮就尤魚多=_=""叫左個檸茶少甜冰多到爆飲左啖就無service方面,d阿姐好似唔識聽廣東話叫簡單野都仲ok我隔離枱客,要求多多就落到order錯晒囉

下午茶廿幾蚊幾抵,有鮑魚雞粒炒飯,炒烏冬,肉醬意粉,湯檬等,但水準吾穩定,有時做得好求期.反而set dinner四十八蚊做得吾錯,個人少食牛,常點巴西豬扒拼牛仔腸,水準穩定.羅宋湯夠濃,豬扒兩大件,醃得入味,無雪味,吾舊口,肉質滑,牛仔腸也很好味.細食者食一件豬扒加半條腸已幾飽,反而希望配菜(節瓜,蘿蔔,雜菜)可以比多,咁菜同肉份量會平均. 見過屋企人點牛扒,同樣大份量,看賣相都吾錯,似乎佢扒類做得比較好. 有次試過點煎鱸魚,吾太新鮮,有腥味,以後都係食番肉扒最穩陣.但吾鍾意間餐廳搞到好黒好暗,分分鍾食左小強都睇吾到,最憎佢地叫我去非吸煙區坐,細到無倫,只佔全店面積十分一, 有時成間店都好多吉位,但佢地最鍾意局晒客埋去個又細又逼又嘈非吸煙區. 所以依家我寧願坐吸煙區,橫掂附近都未必有人吸煙.

幫襯呢間野首選係下午茶抵食mon-fri $22好多款式(包加一包凍飲)連焗肉醬意粉都係呢個價味道都ok!又坐得舒服!抵食!!