影片
以上资料只供参考，请与餐厅确认详情
食家推介
招牌菜
相关文章
星期六沿茶果岭道散步去到丽港城，呢头主要得连锁餐厅，不过仲有一间小店叫「椰小盅炖汤专门店」。椰小盅喺太子未成名之前，我已经帮衬过😊，但自从转工后就未有机会一尝。蓝田店嘅面积比太子店更细，堂食座位只得十个左右，所以有唔少街坊都系嚟买外卖🥡。舖内有个电视不停播住饮食访问，令我哋知道椰小盅嘅制作过程。餐厅当然主打炖汤，分为炖盅汤同椰小盅炖汤，餐牌款式超过十款，但实际上可能有部份售罄，所以要参考返舖内木牌。🍱炖汤定价由$50至$80不等，价钱都唔平，不过升级做套餐感觉又抵返啲。虫草花干贝土鸡炖鲜鲍椰小盅($80)，功效系平肝固肾，提升免疫力。🥥椰小盅即系以椰子作为器皿，将椰水倒出后，再加入食材炖制四个钟。呢款汤肉味浓郁，渗出椰子香，入面有鲍鱼、土鸡同虫草花，全部都好食。织金竹笙乌鸡椰小盅($66)，功效系益气养血，美容养颜。呢款可算系招牌汤，入面有大大块竹笙同其貌不扬嘅乌鸡🐔，再加埋红枣同杞子，所以味道份外清甜，但肉味就比另一款淡。题外话，乌鸡汤所用嘅椰子壳无鲜鲍汤𠮶个咁大，原来有分别。自卤牛腿肉(+$23套餐)，🥩卤水牛𦟌有五至六块，肉质软稔，卤水咸香恰到好处，不过由于偏薄，口感争少少。上网见其他食评嘅𩠌好似吸引啲🙈。肉燥紫薯饭，🍠🍚饭可选白饭或紫薯饭，我要咗后者，米饭粒粒分明，偏硬身。紫薯味道唔算突出，但就加添咗口感。捞公仔面配秘制鸡翼(+$9)，呢个系轻食，捞公仔面几惹味🍜，面质爽弹，但无谂过喺度有得食。鸡翼得一只，亦即系餐牌上嘅椰小翅，鸡翼卤得入味，肉质又嫩。另外，我哋再加咗$20要蚝油菜心，以及将啫喱升级做云海红豆仙草。🥦油菜无乜特别，但无摘到菜花，扣分。甜品细细兜，不过味道唔错，甜甜的；花奶拼仙草又香又滑，而红豆就煮至绵密🍮。饮品方面🍵，特式茶唔使加钱，有两款口味，包括日式玄米茶以及山楂茶，两款清茶唔错，感觉养生，而山楂茶酸味比想像中轻。总括嚟讲，椰小盅炖汤果然无令人失望，真材实料又好饮🤤，朋友第一次饮都表示顶呱呱。店舖得一个姐姐主理，佢一脚踢非常忙碌，但亦保持友善。
继续阅读
天气热都仲系会想饮嘅汤😚💁♀️可想而知有几正❣️有睇开我post都可能知道我钟意椰味😊最近发现呢间以椰子炖汤做主题嘅餐厅，汤真系好出色☺️纤金竹笙乌鸡椰小盅椰子壳都几保温，冬天仲正🥰一入口所有椰味嘅清甜已经涌出嚟😍加埋鸡嘅肉香同椰味好夹。成个汤好清好香，仲有汤渣食。非常推荐试下个汤。如果唔想咁热嘅话，都可以试下啲椰子壳嘅冻甜品😋椰子盅嘅汤有好多款拣。仲可以配唔同嘅肉同饭成为餐，每位都唔使$100就食到超饱。肉类都好推荐😊🥰啲叉烧超多蜜味㶶边🥰烧腩烧得金黄，成旧嘅肥瘦好平均，又香口感又丰富，正呀。
继续阅读
今天来朋友这边玩，我们经过丽港城这边的商场的时候，发现了一间独特的炖汤专门店，于是决定进入一探究竟。落座之后，服务生就马上递上了餐牌，服务态度特别好，环境也很光芒。我们点的是莲藕排骨炖盅汤和织金竹笙乌鸡椰小盅，两款的汤头都非常鲜美，用料也很讲究，一入嘴就能闻到淡淡的椰香。不愧是汤中极品。莲藕排骨炖中汤里的莲藕和排骨都是准备的较好的食材，排骨一点也不柴，口感醇厚，入口鲜香，有浓浓的肉香味。乌鸡也是选用的上好的品种，鸡肉鲜嫩，丝丝入扣，吃到嘴里之后还想再吃下一口。总的来说，这真的是一间极具性价比的餐厅，因为我看过了餐牌，哪怕单点饭的话也是完全合理的价格，因此我都迫不及待了。想下次再和朋友来这间餐厅，享受这里的独家美食。
继续阅读
今日黎到来头唔少既 *~椰小盅 ~食晚饭，系米芝莲餐厅，今晚黎主要系想试呢度不落盐，不落糖，不落味精，原个椰子既炖汤。虫草花鲜饱鱼炖土鸡 $80椰盎好大个，真材实料，鲍鱼弹牙，汤清甜滋补。炖汤+ $23 就可以转套餐，有饭、有甜品，仲山楂茶饮。我地拣左店员姐姐推介既叉烧拼烧腩仔饭。叉烧系外脆肉软，饭都好特别，系紫薯饭，上面有肉松粟米芝麻，口感丰富。饭同𩠌既份量都好多呀。月牙煎饺10只 $39靓靓既煎饺，满满饀料，外皮超香脆。桂花鲜奶炖蛋白 $37蛋白加上桂花香，清香滋润。亲切既店员姐姐见我地系店避雨，仲比左个工具我地玩，掴啲椰肉出嚟食。😂好满足，并非浪得虚名。
继续阅读
虽然天气热辣辣但都无阻汤怪想饮汤嘅决心🤣平时原粒椰子嘅甜品就食得多不过汤就真系未试过了所以今日一于去试吓先😋虫草花鲜鲍鱼炖土鸡 - $80炖汤系原个椰子咁上入面都收埋咗几多汤同料🤣鲜鲍鱼爽口弹牙个汤十分清甜！椰子味都好岀而且鸡汤嚟讲佢一啲都唔油饮完唔会口干，抵赞👍🏼。玫瑰露豉油大鸡髀 - $23呢个系跟汤加餐嘅价钱嚟鸡髀都几入味而且肉质结实唔鞋口。紫薯饭呢个系跟鸡髀加埋嘅有白饭同紫薯饭拣见紫薯饭好似几得意平时又好少食到所以都想试吓加咗紫薯之后个口感丰富咗但又唔会好甜，几好食不过同时因为有紫薯所以个饱肚感都快咗岀嚟🤣。啫喱呢个都系跟餐包埋的细细杯嘅啫喱入面竟然重有果肉系度开心！加埋花奶真系揾返童年回忆呀！🤣。饮品转咗桂花酸梅汤 - $9唔会太酸而且冻冻哋咁好消暑😌个酸味又消滞夏天饮啱晒上面重有少少桂花系度都几香同行友人叫咗个下午茶餐再加小食百合雪燕炖桃胶 - $45好冰凉嘅感觉雪燕份量好多加上桃胶食完感觉养颜🤣呢个下午茶餐仲有得配一个小食咁我哋就拣咗糯米鸡都几大只而且入面啲馅都好足👍🏼。。秘制粉果 - $18/2PCS粉果皮几薄入面嘅馅粒粒分明又几好咬口沾埋辣椒油更加好食🤣。。椰香烧卖 - $20/8粒本身都好钟意食烧卖见到个名好似有啲特别所以叫咗嚟试吓原来系上面加咗啲椰丝都几得意增添咗烧卖嘅口感。。上素鲍菇(中份) - $7睇个颜色都知腌得好入味🤣少少辣都几开胃。。爆爆青瓜(大份) - $13好爽口，好Juicy不过如果再辣啲就会再开心啲🤣
继续阅读