影片
营业时间
今日营业
11:00 - 22:00
星期一
11:00 - 22:00
星期二
11:00 - 17:00
星期三至日
11:00 - 22:00
*截单时间: 21:00
以上资料只供参考，请与餐厅确认详情
今（14-5-2025 Wed）朝，去医院维修后，都lunch hour喇，返荃湾同攞咗假嘅老公食晏先，之后再整嘢。老公提议呢间，好的，佢先到达坐低，我嚟到后睇menu，亚姐就走嚟催问我哋想食咩嘢？佢话嘢饮可以迟啲叫，使唔使咁赶？最后我哋要咗同样$75.00嘅lunch set，有餐汤，今日餐汤系忌廉汤，料系有粟米同火腿粒，粟米未完全煮透，汤嘅味道同稠杰度一般。1分之后保云酥鸡扒薯菜，同西班牙黑毛猪意粉到嚟，先食西班牙黑毛猪，系弹牙，但味道一般，意粉口感都正常。2.8分老公嘅保云酥鸡扒薯菜呢？香脆炸蒜味道浓，鸡扒juicy好味，可惜我今日本身都唔舒服，否则会食多啲。5分嘢饮呢？老公要咗西柚可乐，我要热蜜桃红茶，我杯热蜜桃红茶嘅糖浆都落得唔少，茶嘅口感顺滑，都饮到两者嘅味道。4分上次食评系2023年11月15日刊登嘅呢篇：https://www.openrice.com/zh/hongkong/review/yeah-%E6%B0%B4%E6%BA%96%E4%BE%9D%E7%84%B6-e5130895
继续阅读
由以前仲有楼上间舖时已经经常去lunch，但今次同屋企人去食完都觉得不论食物质素定服务变哂，好失望！首先一坐低个阿姐已经系咁chur落单，话想睇一阵先但转个头已经又出现问你食咩，食紧嘅时候又不断行埋嚟揾嘢收，其实张台已经唔系大张，啲嘢摆到啱啱好，我哋食紧个饭时佢都要夹硬伸只手埋嚟收走个汤，感觉真系好差！仲有个黑毛猪以前系有2大块，今次嚟系得2块好似猪柳汉堡size咁，仲要劲柴，超韧，少啲牙力都食唔到，个羊脾仲衰，又系好韧，仲要有阵怪味（唔系羊so味），同屋企人食几啖已经完全唔想再食，话哂帮衬咗咁多年，一直觉得系有质素嘅西餐厅，由以前五十几蚊一个lunch食到而家要七八十蚊都仲有定期嚟，但今次之后真系唔想再嚟！唯一keep到嘅系多年嚟杯热奶茶都系唔好饮，同埋转冻柠乐唔使加钱
继续阅读
野食好食 价钱唔贵性价比好高，但服务态度极差，如果想受气先好去食！一坐低唔够两分钟就问食咩（餐牌系啱啱放低），我地话睇一睇先，转个头就黎问食咩呀，待应就话：「终于谂到啦吗」但其实我地入左餐厅唔够5分钟。因为用餐时间有60分钟，所以想食埋野先叫野饮，唔想咖啡冻。个待应又系走黎问饮咩呀，我地话想落menu睇睇佢劲唔情愿。之后又走黎好悔气咁话：「谂到未呀。」唔明点解要咁急咁push 客人，又唔系有人系外面等位，唔知咩事
继续阅读
呢间港式西餐小店虽然位置偏僻啲，但系平日午餐都有唔少街坊同附近打工仔食🫶🏻 食物质素几好而且好高cp值☺️ 🌟保云酥鸡扒 配饭/意粉/薯菜 跟餐汤及餐饮($70)侍应姨姨好亲切，介绍我哋试吓呢个特色鸡扒，保云酥姐系舖一层面包糠同香草然后焗香，本身系用喺法式烤羊架，但系餐厅就改成摆喺鸡扒到，食落有薄薄地嘅脆衣好香蒜香同香草味😋 薯菜部分都好好味，薯角热辣辣炸得岩岩好😛🐟燕麦龙脷柳 配饭/意粉/薯菜 跟餐汤及餐饮($70)龙脷柳外层好脆又唔会好油，入面就好嫩滑而且有鱼香味几正😉最后想推介大家餐饮拣香橙🍊茶🍵唔系好多地方有，比起柠茶我觉得橙茶更加fresh同好饮😍📍森美餐厅 荃湾西楼角路178-184号华都中心地下A2号舖🍽️ 8/10#janfoodiary_西式 #janfoodiary_荃湾
继续阅读
同事介绍去呢间森美餐厅食午餐，去到已经好多客人等位，我哋都等左10分钟先有位。见到有黑毛猪都1516紧应该叫牛定猪，估唔到佢哋又煮得几出色🥰！本身包左白汤同饮品，我主菜就黑毛猪🐖配意粉，一上菜见到2大块猪柳，唔系猪扒咁简单🤭👍🏻，一切落去就知道好淋又嫩口，果然食落去首先有烧香过既外皮，肉汁丰富，肉质鲜嫩加上烧汁提升层次，配意粉食我都唔够喉呀！🤪🤪，好彩猪肉份量够多，食到最后一啖先满足晒。
继续阅读