森森食堂

营业中

休息中

第一次來森森食堂，看到餐牌發現有一啲熟悉的感覺，餐牌內部份嘅餐與新森林相同，實在太驚喜，原本以為新森林結業，無得再食我喜愛的牛仔骨飯，竟然能在森森食堂搵到。現在的餐廳環境更加舒適，而且保留原有熱門嘅菜式，而且仲新加左一啲新嘅元素。今日我叫返我最鍾意嘅黑椒牛仔骨焗飯($60)，黑蒜油湯卜卜蜆($38)，兒童餐+小玩具($38)，餐飲係熱菜蜜同埋芋香仙草奶茶(+$12)。牛仔骨飯保持原有水準，好欣賞佢研發新菜式，會繼續支持。

呢間係同街 新森林焗の專門店 搬過嚟兼改咗名新森林我未幫襯過呢間我見裝修唔錯，所以即管試吓暫時幫襯過3次早餐分別係2021年12月31日2022年1月1日同1月3日整體都好滿意但聽講人手係以前細鋪新森林舊員工人數冇變，但去到呢間新嘅大鋪就變咗唔夠人手見佢哋都非常忙，但態度仍ok就算佢哋態度唔ok，我絕對可以體諒第一次我係食呢個，整體都好好，好夠熱，驚喜有個吞拿魚醬脆豬，完全無需要另外加錢，同牛油脆豬係一樣價錢第二次去食呢個魚柳煎蛋，又係非常好食，夠熱，亦唔會太油第三次食呢個巴西牛肉眼扒腸仔煎蛋，牛扒就麻麻喇，因為有啲硼砂「嗱」過嘅味道熱奶茶味道都OK頭兩次去因為咖啡機出問題飲唔到咖啡，第三次去就飲到，係即磨咖啡，味道唔錯我明白用紙杯可能係因為節省洗杯嘅costs，但係個隔熱紙套我覺得非常唔環保，呢個可以省卻，我曾經試過拎走個紙套俾返佢哋，但係可能因為衛生嘅問題佢哋都係揼咗希望森森食堂能夠請多幾個人手，因為真係見到啲員工好辛苦，但佢哋都保持良好嘅態度，我仲同佢哋講「辛苦晒」，另值得一讚嘅係（早餐時段）廚房出餐算係快，有次我坐緊出餐位置，我見坐滿食客，仲預咗等好耐添，見佢哋真係好快手快腳，