影片
佢一开系香港的时候就已经上晒新闻话系主打平价omakase 仲要openrice 全好评。我内心满有期待终于book到去到发现成间餐厅得自己一桌，仲以为系因为疫情冇咩人食生野。食完我就明啦。我地要左580蚊果款厨师发板。因为食厨师发板你唔知会有乜嘢，咁我就预先同侍应讲我唔食吞拿鱼。佢问咗寿司师傅，寿司师傅话佢哋嘅set冇吞拿鱼。到上刺身嘅时候竟然有拖罗？！我：唔好意思，我啱啱话咗唔食吞拿鱼侍应姨姨：拖罗嚟㗎，唔系吞拿鱼！我：？？？？？之后佢走去问个师傅拖罗系咪吞拿鱼师傅先话：系呀！呀！系wor 佢话唔要吞拿鱼…之后都有换其他俾我。我之前喺第度食omakase, 有得坐吧枱,师傅会讲解啲寿司🍣，对自己的野食好有认知。 呢间餐厅设计上无bar 枱，然后个侍应连拖罗系吞拿鱼都唔知… 真系好夸张同埋刺身系第一道上嘅菜，成个场得我哋一枱… 我真系以为应该会记得。😂 一般快餐店整错我无野 但系你行得中高级路线，我就有期待架嘛… 然后食物质素系做唔到omakase 水平 饭偏硬又大旧鱼生不过不失无惊喜。鲷鱼汤劲似鱼味浓汤宝沟出黎最好食系个海胆寿司同临尾有个姜味雪糕同芝麻雪糕🍦但系整体而言，性价比甚低。虽然而家做紧优惠，第二个人半价，但埋单计埋加一都要900几蚊，所以一个人都接近500但系食寿司郎人头200零蚊会满足过佢好多，基本上系无下次。
继续阅读
以前晚餐就食得多，放假可以食下lunch 就去帮衬下！同晚餐相比，午餐相对地就性价比更高！因为午餐包埋茶碗蒸以及面豉汤！我哋叫咗两个午餐，叫咗一客三色丼，以及一客日式咖喱吉列大虾丼！🔹三色丼$148三色丼，有带子海胆以及三文鱼子🔹日式咖喱吉列大虾丼$68
继续阅读
咁岩喺呢头附近做嘢，要搜寻附近有咩好食啦。畀我发现左呢间森户。辛苦稳来自在食，豪少少叫个寿司拼盘。个汤好鲜甜，应该有用鱼熬汤，饮呢个汤都觉得呢间舖系好有诚意嘅。开头谂住寿司拼盘份量唔多就加多份鳗鱼串烧。但其实食完个寿司拼盘都已经好饱。真系无令我失望，寿司的唔同嘅食材都好新鲜。吞拿鱼好肥美。👍🏻👍🏻原来呢间有做厨师发板的。呢个鳗鱼串烧都好正，个皮烧得够脆，啲肉好弹牙又Juicy, 一食难忘。下次会encore.
继续阅读
之前同朋友去了间新开嘅日本料理，哩个位置平时行去搭车会经过，见到个样同装修都唔错，望望餐牌内有不同嘅选择，但见到人地啲刺生都唔错，于是就先点了刺生，点了个刺身拼盘，有肥美嘅油甘鱼，入口味道甘甜，因脂肪多屯积于此，故入口最滑及鲜味；池鱼嘅肉质紧实而爽口、略带油香，味道一样鲜甜；带子丰厚的肉身极富弹性，味道鲜味甘甜，三文鱼肉质纯净嫩滑，有浓郁的味道，丰富的油质；甜虾味道鲜甜甘香，入口质感嫩滑，整体个刺身拼盘质素唔错！另加了个葱吞拿鱼腩丼，吞拿鱼加上大葱剁成蓉，拌饭嘅时候，细致地捞匀，每一粒米上，都被吞拿鱼蓉包围，大葱吞拿鱼蓉幼细香滑，软绵绵的口感加上鱼的油香，配大葱的微辛引发出美妙作用，每一口饭都特别鲜甜美味！最后追加了串烧白鳝，烧得鱼皮脆卜卜，而烧到鳝肉金黄非常香口！整体十分满足，店员服务殷勤有礼，又多个地方可以寻乡回味！
继续阅读
住喺荃湾附近好多年了,荃湾一直都是多嘢食，食物质素非常优质，而且价钱合理。由于冇夜晚堂食嘅关系，我中午就去咗近杨屋道街市附近的森户吃寿司和鱼生了。森户就在小巴站旁，很快就看到了，门面是雅致的日式风格的装饰。今日食咗午市定食特上北海丼， 鱼生饭上边铺满咗 吞拿鱼腩，油甘鱼，带子，海胆，牡丹虾，三文鱼籽，三文鱼 。 三文鱼， 吞拿鱼腩 ，油甘鱼 都好肥美， 咬落弹口， 非常新鲜。 三文鱼籽胀卜卜， 口感爽脆多汁。海胆和牡丹虾都好鲜甜 ，海胆富有海味。呢个午市定食餐包咗一碗面豉汤同埋茶碗蒸。另外我仲食咗真鲷薄切， 鱼嘅颜色薄薄且透明 ，肉质好细嫩， 入口爽滑。 它是我最喜欢食嘅鱼生之一。最近没得出街食堂食，所以餐厅有好多优惠，6点之后外卖自取85折。中午去到6点，堂食/外卖自取堂食9折。Omakase $580 「户」，Omakase $680「山」堂食/外卖自取第二个人半价，其他 Omakase 第二位都系半价。
继续阅读