影片
之前都有叫开呢间外卖，质素份量都ok，但近排叫过几次都一般般!呢个粟米斑块饭望落以为好多斑块粟米汁，但实情唔系嘅！下面已铺好哂白饭同娃娃菜垫底，得两旧大d 嘅斑块，其他都系零零碎碎几小旧咁！谂住斑块少都算喇，我用汁送饭！点知汁又奇少！完全送唔到饭！最后剩低大半白饭未食用左$38大元食白饭，想用汁捞饭都捞唔到唯一系个汤真系唔错，住家汤嘅味道，饭真系有待改善........................
继续阅读
今日无咩谓口食早餐同lunch, 所以等到两点九到就叫棉花仔外卖, 叫左个"涣门脆猪扖饱餐"饮热华田...猪仔饱焗得好脆, 又多生菜丝, 猪扖好味又唔un....只嫌不够热, 咁样一个餐只系$18, 抵到烂..另外到左三点几四点, 同事门再嗌tea...haha, 食左好多野...推介:涣门脆猪扖饱椒盐墨鱼丸椒盐鱿鱼我地系下午茶常客嚟架....
继续阅读
懒得出街星期三,睇过几个外卖店网页后,觉得棉花仔是日午餐似乎几好食,同同事各叫一个做午餐。蜜汁金沙骨配蚝油鲜竹卷饭:三件金沙骨带点肥肉,还算多肉可食,味道偏甜总算似蜜汁味;蚝油鲜竹卷似乎系自制,入面真系啖啖肉,如果可以加d甘笋之类爽口蔬菜会比较好,而家的确有d漏;配上一堆炒绍菜,叫做平衡一下营养。除左一盒饭有齐蜜味、蚝油味、豉油味之外,唔知系边样问题,饭盒底好油,绝对唔可以食到底,今次似乎选择错误。罗宋汤够浓够多蔬菜,味道都系偏甜,合我口味!如果可以带d辣味会更对口味。不过唯一唔好系唔够热,饮住温吞吞汤感觉唔好!!翻叮后就好好多。食完呢个午餐,成个下昼都好滞,最后要一人一杯大热柠茶解腻,下次唔制lu!!ok面系比个汤既。
继续阅读
叫了一个5香肉丁抄一丁+冻OT $21一丁唔系几够辣,面就唔错几好味唔会抄到好多油但就好似小左D啰,而配菜好似仲多个面锦,比较细兜左小小但我最欣赏系佢D外卖包装好靓好卫生.比到人好光净既感觉..送外卖速度都几快
继续阅读
见到棉花仔的食评出炉，超有亲切感，因为小妹亦时有帮衬! 葵芳的外卖店不少，棉花仔、顺子、食好d、葵发等等，棉花仔能够突围而出，是需要一点过人之处的；这点过人之处，我觉得是服务。 首先，接电话落单的多是温柔的小姐，而非粗声粗气的阿姐。即使落single order，棉花仔都不会嫌烦，甚至会问你要几点送货；相反部分外卖店要自己争取几点前送货，要求了都只覆一句"尽量啦!"... 食物味道分别不大，好处是稍为少油，卖相也较靓，叫太阳蛋就真的上一只分明的太阳蛋，不会变了炒蛋。还有一点都是关于服务的，就是叫汤面它会分开汤及面送，以免面会浸得太淋，十分细心。 因此，索价$23-$28的午餐其实不贵。不过必须注意：棉花仔建议午市11:30前落单，否则有排等!
继续阅读