影片
以上资料只供参考，请与餐厅确认详情
相关文章
正常放题质素，食物正常，没有惊喜，价钱就一般，又唔太平，但全店服务态度极差，没有服务可言。由一入门口，要自己行去收银到，报返自己几多位，再大声叫个人，好唔愿意带你去台，黑口黑口楼面态度差，点知一山还有一山高，个传菜仲衰，直接将啲新既食物，放系啲唔要既碟上面，我就算大排档都唔会咁拉，呢间一定冇下次，一定唔会再去。
继续阅读
如果为左填饱个肚，唔理味觉就欢迎入内填肚，寿司饭好酸，其中要加钱的拖罗冰感十足，咬下件件𠮶啲冰醉，惟有自我溶雪摆大半个钟先食，个沙律仲大镬，菜系咖啡色边，hmmm!!左口鱼边寿司系最好味𠮶种。用250食个饱不过无好谂住有质素。
继续阅读
4月时为庆祝生日食咗呢间dinner buffet最爽系𠮶期有生日免费优惠当日生日可以免人头费，有人当日生日就可以用到个优惠即系2个人只需俾1个人价钱，埋单加埋一都唔使200蚊！之前食过一次系用剔纸方式今次去食已经变成用APP点餐款式唔算多，其第2、第3 round已经系咁重覆叫嘢食刺身同寿司质素比之前好咗，啲雪味无咁劲串烧同烧物炸物反而几OK有旧系薯丝虾，用薯仔刨丝包裹虾肉几得意焗蚝炸蚝都唔错，冻虾都几爽甜系甜品比较失色，出面攞𠮶啲蛋糕难食过美心蛋糕最多喺APP叫𠮶2个独立装嘅雪糕好啦最大特色真系一个平价放题想悭啲钱又想过口瘾就好啱食
继续阅读
星期日路过葵涌，好耐无食放题，揾下附近有无先。咁啱葵芳有间，咁多好评，既管去试下啦。结果，呵呵。刺身：款式不多，无传说中既三文鱼腩，䲞鱼是冰的, I mean, 真系冰，未溶。烧物：烧蚝系全场最好食既，但黎第二转既时候未烧透，有腥味。其他烧物例如鸡软骨就无乜未。寿司：正路，不过不失。简单黎讲，168星期日中午食放题，ok啦；但如果你对食物质素有啲啲要求，建议你俾贵少少，可以食好好多。俾我再拣一次，我宁愿是隔离酒楼；如果一定要食，我一定唔会加钱食刺身。至于点解咁多好评，呵呵，我真系不予置评咯。
继续阅读
呢间日式放题已食过好几次，今晚又想同我的他重温一下🥰以前系填纸落单，今次餐厅已跟随大势，嘟咗QR Code后网上落单，咁样真系好方便，环保之余亦绝不会漏单👍入咗餐厅，见到依然系好多款饮品、甜品同埋雪糕任君选择😋竟然仲见到到几款「冰水果」，几特别㖞🤩餐厅防疫措施做得好，枱与枱之间都隔有胶板，防止病毒传播👏刺身款式好多，都食唔哂咁多款，所以点咗几款最钟意食嘅热下身！象拔蚌、蝾螺好鲜甜爽口😋甜虾好甜好新鲜，大爱🥰餐厅嘅美食要数一下黄金焗蚝，用咗沙律酱酸酸甜甜，加上蚝刚刚熟，仍然好多汁，令人胃口大开👍其他熟食亦点了不少，餐厅嘅羊架、煎牛扒做得很好，肉汁丰富，我的他也赞不绝口🤣炸物上到枱非常热辣辣，当然有点芝心虾丸，芝士味浓，好喜欢💕一定要点的当然系榴梿炸弹！糯米炸皮内的榴梿蓉非常浓郁，外脆内软真系令我俩停唔到口！每人都食咗好几粒🤣最吸引嘅放题店就系咩都有得食，呢度可以点埋火锅，我哋点咗猪骨汤底，奶白色嘅汤底好足味，我哋简单点咗肥牛、牛丸、猪肉丸、饺子、萝卜过吓瘾🤣嚟到甜品时间已经好饱，完全食唔到芝士蛋糕呢类型太饱肚嘅甜品😵所以我俩拣选咗喜欢嘅甜筒、雪条、冰水果作结🤪呢度都有奶盖芝士桃茶新口味甜筒，必食😋仲有，冰荔枝真系好好味！食落好甜又冰冻，好满足啊🥰🥰价钱依然系每位唔过$200，胜价比好高👍当我俩开始食咗一阵嘅时候，收到传来讯息原来因为疫情严重咗嘅关系，后日又开始实施限聚令😢加上晚上6点后不设堂食😣希望各大大小小嘅餐厅都可以挨过呢个逆境💪
继续阅读