影片
以上资料只供参考，请与餐厅确认详情
是日主角：食野好鬼厌尖o既舅父仔好钟意周围食野o既妈子是日财神爷...即系我早系12月头o既时候，舅父仔话约我同妈咪去间BAR度食平安夜圣诞大餐，听到真系有D惊(系平安夜o既晚上系间BAR度食圣诞大餐都系第一次)，系无咩信心o既情况下，听完舅父仔讲间舖头名之后拿拿声上OPENRICE度CHECK下掂唔掂，点知唔CHECK好过CHECK，间野连一个食评都无 个心即刻往下沈....呢间餐厅如果唔系我舅父仔极力推介都唔会谂住去食因为间舖又唔系o系大街大巷，真系一个唔留神都会行鬼过o左好在舅父仔识食，如果唔系就走宝lu~~~~~~~~哈!今晚7点钟就准时去到(约左妈子, 准时系必定o既)间舖头度，望入去小猫三四只，个心就好似身处北极咁，冷到唔冷...见到门口有个圣诞老打扮o既哥仔向我招手...真系想当运高睇唔度掂行掂过，不过妈子同舅父仔已经坐左系入面，唯有硬住头皮顶硬上啦!!入到去个气氛都几好，似餐厅feel多个似BAR啰，又有圣诞歌仔听下，个心都定D。 个PAT PAT都未坐定，就有个姐姐仔好快咁递张餐牌同杯水比我 (服务几好)，坐定定之后就同叫左3个圣诞大餐食 (平安夜食圣诞大餐你又食过未?!?! 呵呵!!)头盘： 农夫烧春鸡并杂菜沙律 (配金巴利汁)初时以为成只烧春鸡咁大手笔添。原来系烧春鸡*片*，食落好鬼嫩口，加埋个汁甜甜地好得开胃餐汤： 波士顿龙虾汤好鲜唔*渴*喉主菜1) 纽西兰大虾牛柳 $208大虾就未食到，因为舅父仔三扒两拨已经将只虾分尸，留番d虾壳比我六成熟o既牛柳好嫩口，好juicy (简直系有血有肉汁呀)主菜2) 烧焗宝云苏羊扒 $173其实我都唔知咩叫宝云苏，有d脆脆地o既外层，好易切开，食落唔系太*苏*伴碟个汁系用奇异果做，酸酸甜甜~好味！主菜3) 杂菜千层龙脷柳 $133偷左少少食，系唯一一次食鱼柳系系鯹味(除左炸鱼柳外)妈子话个厨师事前功夫整得好所以唔鯹㖞甜品： 心太软朱古力蛋糕系唯一觉得唔好食o既野...个皮太厚...d心太软大流唔够*杰*甜品： 焗苹果金宝初时以为系成个热辣辣苹果类o既物品，上台原来得一旧冷冰冰o既正方形物体 (真系大乡里出) 食落又几好食，味道唔识形容，总知外表同内在系两件事啦!!饮品：都系一般o既奶茶咖啡，不过餐牌无写以为无伙饮之嘛加一/小费：唔驶 (正!正!正!正!)后记：食完之后个凶神恶杀o既疑似老细仲走埋黎问我地d野食ok唔ok，有咩要改善?? (仲以为佢埋黎寻仇) 又一次证明呢个世界外表同内在系两件事...哈哈!!虽然个老细无比**电视框**我，不过我都会再同朋友去食下佢地o既小菜，希望再有惊喜啦!!是次系因无准备，系用电话影o既.....下次再去食再影番d靓相post比大家睇
继续阅读