梔子

营业中

休息中

放假嘅日子，唔想係屋企，岀去又想悠閒d靜d，咁去邊度好？見人地曾經post過一間旺區中地舖嘅Cafe，特別在乎除左coffee & tea, 仲有酒添！其實佢係一間位於尖沙咀區嘅coffee shop crossover bar restaurant! 通常中下午係cafe, 到左傍晚就變身，幾有趣！叫左個simple cake，但原來食落去又唔simple 喎。海綿蛋糕配海鹽芝士醬，食落去又幾夾喎，咸咸地又有海綿蛋糕嘅香味，又夠軟夠鬆，值得一試。想清d嘅朋友一於叫返壺茶飲，叫左耳熟能詳嘅伯爵茶，飲完可以叫店員加熱水！環境地方唔太大，大概二十零個位，但燈光格局黎講，勝在有feel嘛！

假日的午後，終於有機會試下一直放在收藏清單的梔子。隱藏在山林道的小店，遠離尖沙咀的人潮，可以恬然安靜地享受假期。店內裝修走小清新風，擺放了一棵梔子花 (?) 的植物，加上樓底很高，一點侷促感也沒有。CAFE 除了有咖啡，竟然也提供各類特別調製的酒精飲品，這種配搭真係意想不到，下次可以試下。值得一讚，餐廳是「無飲管伙伴」，不會提供飲管，希望越來越多餐廳加入啦!手工海綿蛋糕配海鹽芝士鮮奶油蛋糕綿密，口感好好，配埋似奶蓋的海鹽芝士鮮奶油，真係食到停唔到，減肥之後再算……黑松露薯條即叫即炸，熱辣辣好好味，重點係無怪怪的油味。正!作為咖啡中毒人士，一日一杯走唔甩。叫左杯熱Cappuccino，泡打得非常綿密，咖啡味道淡淡的，不會太酸或太苦澀。平日生活一直衝衝衝，所以特別珍惜可以慢慢沉澱的時刻。

剛剛開既時候唔駛點等位。可能網紅了，人流多左。 大概等待30-40分鐘先有位。但留意到可以留座。服務員會問你留低電話，有位會call 你。拿到位先知道只有90分鐘用餐，好似失去cafe 原有意思。。食完要走咁。唔可以enjoy 你既coffee。 食物還可以但服務一般。。想問服務員換碟，但要等待20分鐘因該碟洗唔切。。有特別menu, 服務員都冇介紹而且想食都冇用。因為2點幾就賣哂。😓可能唔會再考慮再光臨。。

話說超級颱風下嘅前夕都係陽光普照天氣晴朗☀️我梗係唔可以浪費機會，出街行下啦因為打風正日就要乖乖留係屋企無得去街星期六約咗朋友係尖沙咀行街街，行完美麗華無耐就行咗過嚟山林道，竟然俾我哋發現呢間coffee shop，勁Chill 勁文青，見行到攰攰地梗係搵個地方坐低抖下啦 ☕️ 又咁啱成間店最靚嗰個位無人座，我同朋友又唔怕熱，既係座底狂影相🤩🤩🤩🤩🤩打開個Menu見到好多野飲同野物嘅選擇，但係我地岩岩食完野無耐，唯有淨係飲杯coffee啦😍😍😍😍我哋帶咗Rose Lattle 同埋普通 Lattle☕️☕️☕️☕️☕️我好鍾意Rose Lattle 嗰杯呀，好有文青感覺，唔單止個杯靚，原來幾好飲，好重Rose嘅味道😍😍😍😍侍應又好好肯幫我地影合照，仲影咗幾張，服務態度好好，坐又坐得舒服，一定會再嚟，下次要先買啲嘢食

可能因為星期一，　七點左右去到都唔多人，可以即刻入座。其實舖唔太大，又無大招牌，朋友差Ｄ揾唔到間舖。　今日主要想同朋友傾下計，所以揾左間ＣＡＦＥ，但估唔到佢Ｄ野食都非常好食。我地今晚食左以下食品都非常值得一試１. 酸辣茄大蝦意粉：　酸辣適中，好開胃，大蝦新鮮<最喜愛這個什菌帶子意粉：　唔會好CREAMY ，超膩；帶子新鮮呢個都好味炸魷魚軟骨：幾特別雞扒藜麥沙律：　雞扒煮到好老；藜麥好少；沙律菜ＯＫ<-一般，純粹想食菜，所以叫左另外叫左５杯酒1. Peter (Wine)2. Real Elderflower(Craft Cider): 幾易入口，無出面個Ｄ咁甜3.  仲有杯唔記得係咩手工啤，但味道都好，似德國的味。4. Zi ; 一杯清甜的Cocktail5. HUNK SIR ; 我覺得唔錯，有少少咖啡的苦澀味，但又唔會太搶啤酒味　　因為順便慶祝埋朋友生日，所以叫左個開心果蛋糕: 好有開心果味，唔會好甜，大家都好滿意。順帶一提，　雖然之前好多評語都話女店員態度唔好，但我今晚見到呢個非常好，好細心，又配合我地比驚喜我朋友，仲好耐心聽我的要求，同解答我地的問題。

系TST 食完dinner, 一班女仔想搵個地方講八婆野, 但係10點幾 那些cafe 都好似收得7788  酒吧又唔系個個啱！ 就諗起山林道呢間！ 見佢12點先收, 覺得個時間啱曬我地呢班夜鬼！ 鋪面睇好似系普通一間cafe shop , 但係見佢另外一塊板寫住 清酒同手工啤都有~  覺得幾有趣！  因為比較夜緣故, 鋪就冇咩人, 我地就系再入d 角落, 見店鋪裝修好文青feel , 簡約 燈光柔和 比較舒服~ 我地分別都有嗌 手工啤酒同d 冇酒精飲品. 介紹下我地飲jor 既酒~ 呢杯系叫wheat~ 其實就味淡, 帶小小苦澀. 飲落口 其實就覺得冇咩味. 、呢個Hunk Sir 我比較中意, 因為味帶濃, 聞落佢好strong 既咖啡味~ 飲落口覺得呢個“酒精coffee”後勁不錯！ coffee 味不太搶. 呢杯系KERORO 冇酒精飲品, 中意酸酸地既可以飲下~呢個系zi cocktail. 長島冰茶, 雖然賣相幾靚, 但係覺得最一般系佢, 因為茶味唔夠, 就算加了一杯糖漿, 但係都唔夠甜. 呢個cake , 其實那個cream 幾出色, 雖然那個蛋糕就平凡jor 小小, 冇

網上睇過有人介紹呢間位於尖沙嘴山林道街上嘅小清新cafe。。。 咁啱weekend 約好幾個女仔朋友想搵個地方食下tea 可以慢慢傾計，就決定一試😁店門口係半開放式，如果選擇坐門口可以對住街外睇住人流唔多嘅街景食野，感覺相當寫意😌店內座位唔算多但空間感十足，足夠私隱度，唔算同旁邊一枱太近。一踏入店內就見到呢一棵梔子樹裝飾。淡淡嘅黃昏色燈光加上簡約嘅裝修風格，俾人一種舒服溫馨嘅感覺。店內每一件擺設都好有格調， 超多值得細望嘅細節位。食物方面選擇唔少，素食者也有不少選擇。鮮帶子黑松露義大利麵 黑松露味好濃好香，帶子啖啖肉，非常推介☺️鮮什菌菠菜忌廉長通粉素食者都適合。份量唔算多但味道幾濃香豐富😄梔子沙律清新健康，味道一般，作為前菜不錯飲品方面 嘗試了Coconut Black 和 Roasted Hazelnut Latte。 Roasted Hazelnut Latte 有淡淡煙熏味，很特別😌手工海綿蛋糕配海鹽芝士鮮奶油非常推薦！ 蛋糕上嘅海鹽鮮奶油超軟而濃密，海鹽同芝士味非常夾而且濃郁豐富，海綿蛋糕本身也軟滑😋😋😋整體印象不錯，一定會再來過😊

一間我十分喜愛的文青cafe，十分喜歡他們用木和水泥做的主題。 cafe提倡簡單健康的輕食， 但不要被他們的外表騙到。 夜晚這裏可是一間小酒館， 兩位老闆娘絕對歡迎各位小酒鬼到來和她們把酒談歡！今次一嚐了他們的日式手工麵包組合配玉米濃湯。麵包驚人手製作，款式每天不同。麵包質感軟熟亦有酵母香味，可以配上淡牛油和玉米濃湯進食，味道偏向清淡，但感覺十分清新和健康。 還有每日限定的手工海綿蛋糕配海鹽芝士鮮奶油， 個人覺得奶油的海鹽和芝士味都可以濃一點， 蛋糕本身味道不錯，有蛋味，輕身， 和他們的形象貫徹始終，健康輕食的文青生活。 最重要是氣氛相當好， 無論是下午小聚或是把酒當歌，這裏絕對是和朋友坐下靜靜談心的好地方。

本身黎呢d文青cafe都唔會話對d野食有好高好高期望，但就係有呢種心態，所以今次就有驚喜啦～先講cafe環境，門口有個類似d酒吧for人企喺度飲野既位，後尾知道左呢間cafe既店主係酒鬼，先明白呢個位既用途😆喺文青cafe飲酒，真係想像下都有趣，大家有興趣可以試下夜晚去飲野，靜靜地岩哂傾計談心成間cafe都行白色簡約路線，感覺好舒服，再加埋一大埋木質擺設，完全係hea一個中午既好地方🙂至於食物，今次叫左個黑松露帶子意粉，個汁好creamy，黑松露份量都夠多，好香，再加埋d菇同兩粒大帶子，夠哂兩個人share最估唔到係個黑松露薯條，份量多到嚇親人😆係有一桶咁多！仲要係條條都好長又好粗！感覺食左十個薯仔！雖然係多，但係又唔會覺得好油膩，愈食愈停唔到口～不過個黑松露醬就有d稀，唔係太特別，就咁食薯條已經夠飲品方面就無叫酒啦（雖然d手工啤酒幾吸引），叫左杯iced tea同bananut（即係香蕉、椰汁、果仁加榛子），我就覺得普普通通啦，唔係特別impressive😆提示：最低消費係每人一個dish，一杯飲品喔

星期五放工後與友人到餐廳食晚飯。餐廳環境幾靚，適合女士們打卡。食物的款式唔太多，主打bagel及其他手工包。所點的兩款包類味道唔錯。但女侍應態度差，令人留下壞印象。

在網絡上看到不少有關於這家文青cafe的好評所以專程來試一下，誰料竟然這麼令人失望。餐廳的裝潢確是別出心裁，但桌與桌之間隔得太近，並沒有坐得很舒適。下午時分來到餐廳沒有坐滿，剛坐下店員就提醒用餐時間只有90分鐘，給人不太友善的感覺。點了一份紅菜頭bagel 和雜菌菠菜忌廉長通粉。雜菌菠菜忌廉長通粉 - 味道不錯，pesto醬很香但份量和配料分量有點太少。紅菜頭bagel - 差紅色的bagel完全沒有紅菜頭味，而且每一口入口的bagel也是黏牙的....所配的果仁亦太腍，口感古怪。特別提醒大家這家餐廳是最低消費是每人一杯飲品，儘管所點的餐點價錢已高於飲品價錢，亦會被要求必須要點一杯飲品。

上次介紹過呢間早晚不一樣面貌嘅咖啡店之後，發現我原來冇介紹早上嘅嘢食，補返一篇食評先！朋友同親我食飯都知道，我基本上係一個黑松露迷同薯條控，如果餐牌上面有呢兩樣食物，我都一定會點。今次仲比我見到有黑松露薯條，梗係走唔甩我掌心啦！薯條即叫即炸，熱辣辣，真係幾難唔好食。點埋超級清香嘅黑松露沙律醬，滋味雙倍提升啊！之後叫咗一份墨汁海鮮意大利麵，食完之後個嘴會烏卒卒，但係味道相當唔錯。海鮮都幾有咬口，麵條烹調得煙煙銀銀，有一定嘅硬度，正合我口味。最後飲品黎左，咖啡都幾好飲，咖啡嘅味道相當香醇，入口順滑，又有淡淡的回甘香。之後一定會再返嚟試吓bagel同其他飲品！

梔子呢間文青咖啡店坐落於山林道，之前去過好幾次，覺得coconut black唔錯，上下兩層嘅咖啡同椰子水會慢慢融合，感覺好治癒！今日喺佐敦食完晚飯，經過梔子時，赫然發現佢搖身一變，變成小酒館。一早一晚走嘅路線相當唔同，反差大，但係相當有趣。點左一杯hungry donut, 瀰漫着小麥香，感覺上容易入口，亦冇多餘嘅苦澀味道，女生都適合飲。朋友點左一杯牛油果昔🥑avosmoothie!呢杯以牛油果、椰子水沖成，入口有清香嘅牛油果味，後續有少少椰子香，夏天飲用極度涼快

與朋友的聚餐～想找點特別的，所以就上openrice去search 下，做下功課。見到呢間的相幾靚，又多好評，就決定去試下。一見到cafe的外觀，就有小清新的感覺，再睇menu ，好多好健康的選擇。身為小牛油果迷的我們，一人一杯牛油果果昔，特別之處係無奶，味道好清新，加了椰子水，正！個包都係有牛油果，勁足料！另一個至愛係釀雞翼，雞翼夠熱，芝士有拉絲效果～還有黑松露炸薯條～份量多，薯條即炸，特別之處係個醬係熱的～因為份量多，兩個人都係食唔哂～非常滿足的一餐～除了食物好食外，店員非常親切，重主動問我們冼唔冼影相😍😍

食評講到幾咁，但真係垃圾之中垃圾！第一次幫襯，個waitress過黎活最低消費每人一杯飲品，用餐90分鐘，又無set lunch，啲野食唔係咁吸引，本來想走，不過即管試吓啲咖啡，叫左一杯latte，mocha，一飲⋯重衰過麥記嗰啲，完全無咖啡味道，朱古力味又唔多覺，同飲奶水無分別，成四十幾蚊杯，直係垃圾，飲三合一重好過佢，中晒伏，無下次！