影片
知道有哩间素食好耐，疫情之前佢好似系做放题，但系疫情嘅时间，就转咗做单点；外卖份量唔算好大，一个人食，应该啱啱好 （7分饱𠮶款）。🥡『罗汉斋乌冬』$59打开个盒，比想像中清新，无杰挞挞嘅汁，但都有几多唔同嘅蔬菜，啲萝卜仲系心型；比起啲料，乌冬就比较少⋯⋯🍝『黑椒蘑菇意粉』$59除咗黑椒，佢应该加咗少少黑松露（好似有闻到），呢个卖相就普通啲，但系食落都OK，唔会太咸，意粉都有咬口。📍 梅贵缘 (深水埗)深水埗基隆街188号地下C号舖。好味指数：🌕🌕🌕🌗🌑回味指数：🌕🌕🌕🌗🌑
继续阅读
梅贵缘转左散叫之后好耐无去食，这天坐低望住餐牌唔知食咩好，见到同台常客婆婆的罗汉斋乌冬好吸引就跟上，食落同望落一样咁正，红萝卜片仲要心形咁fancy。深水埗基隆街即是布街，近南昌街一段有大排档有素食店有小食店，都几多特色好物㗎。入面装修简简单单，主要系几张大台，有机会要同其他人搭台坐。现在没有套餐全部散叫，中间一栏有些粉面套餐，小菜可以加HK$6加个白饭。罗汉斋乌冬 HK$48 / XO酱炒菜心 HK$35本来觉得炒饭炒面唔太吸引，估唔到个罗汉斋系咁惹味，配料有小白菜、豆腐、草菇、玉米笋、黑木耳和腐竹等等，味道偏重口味，食得健康可以叫少油少盐。炒菜心倒没有太咸，清清地。食到一半惊见个红萝卜片系心形，难以致信睇落咁传统的斋铺竟然咁巧心思。
继续阅读
大热天时中午时间特登去买外卖，见到店内只有两枱客人，所以打算入店内等候，点知店员一嚟就话.”依边俾完钱出返去等”，友人指外面好热，可唔可以系到等一阵。店员就话 “系呀！系好热，但都要出去等。唔可以系到坐，亦都唔可以喺入面等” 。门外张贴咁多助人事项，但态度如此差，明白商户需要做生意，但认为非繁忙时间，即使唔希望客人在餐厅内等外卖，亦需要给予一点礼貌和体谅依个份量建议大家可以去附近食素来素往，味道好，更可以自己选择
继续阅读
唔止一个人同我讲过梅贵缘嘅素食好好食，上星期终于有机会一试，果然名不虚传。见到餐牌上面好多样嘢都想食，但系一条友唔食得多，于是剩系叫咗一个炒饭同一碟小食。我问隔离枱两位哥哥仔同再隔离枱𠮶位姨姨，佢哋都不约而同猛赞个椒盐豆腐好好食，于是二话不说先点咗呢个，另外再加碟香椿松子炒饭。椒盐豆腐果然好得👍，外皮炸得劲香脆，入面就非常滑溜，仲有浓浓嘅豆味，配埋洒上嘅椒盐，非常惹味，唔怪之得个个都赞不绝口。个炒饭一上枱，吓咗我一跳，因为真系劲大碟😮，味道方面，虽然配料只系以粟米同松子为主，但系炒得香喷喷，除咗麻油香，仲有少少榄菜味，好正😋。我同店员姨姨讲，两样嘢都好好食，佢笑住话：“我煮㗎！” 好可爱😆。姨姨见我咁 dry，仲送我一碗爱心靓汤，真系贴心又窝心🤗。
继续阅读
素食有一种缘份叫 梅 贵 缘 💛💚—————————————————————又系一间良心饭堂〰️ 梅 贵 缘〰️价钱同味道都冇得顶！啲野食仲要无味精+纯素～仲要有埋人性嘅真善美😭😭.🍛三𩠌饭（$43)本身系自助餐 因为疫情转咗做三𩠌饭 今次叫咗👅薯仔/素鸭/菇角脆玉瓜 老板娘话全部冇落味精👍🏻 味道主要嚟自食材本身嘅味 三道𩠌加埋个汤都好有家嘅感觉 43蚊大大碟 真系又平又正🥰.🎌日式冷面配羽衣甘蓝 （$53)我平时唔食太多饭面类都一个人食晒😭胆粗粗问老板娘佢话系秘制日式酱汁佢系酸酸地咸咸地 我停唔到就食晒了ʕ •ᴥ•ʔ羽衣甘蓝好fresh 冇苦味 一级棒！.🍄香椿鲜菇焖淮山 （$43)淮山冇平时食落果种滑潺潺嘅感觉切得薄啲反而有种薯仔嘅口感 加埋个汁可以送饭了！.🥔薯蛋球（$15)15蚊5粒好抵喔!!炸得好脆口～但略为落多左粉 所以小左啲薯味😢.跟餐叫豆浆先3蚊 超抵食真系！好想试下佢个自助餐(>﹏<).老板娘好有心～同佢倾下计就知佢好关心啲年轻人如果有任何宝宝生活有困难需要开饭可以同我地讲声！(唔洗怕丑！we can help)可以帮你转达💪🏻😾.📍 梅贵缘深水埗基隆街188号号地下C舖.💰Total: $157味: 8/10饱: 9/10抵: 9/10 .我绿巨人🌵将会继续同大家跑素 揾尽全港甚至世界各地既美味素比大家.#vegetarian #vegan #veggie #vege #eatclean #plantbaseddiet #hkig #hkfoodie #foodlove #greenfoodie #igfood #green #healthyfood #igers #foodie #igfood #yum #素食 #跑素 #美食 #健康 #香港素食 #转素快 #告素你🤝#素人跑深水埗 #黄店 #黄 #三𩠌一汤 #梅贵缘
继续阅读