影片
以上资料只供参考，请与餐厅确认详情
相关文章
呢间好似系梅窝几出名，所以今次买来试吓我拎咗返屋企之后，用气炸锅跟住指示去炸咗几分钟先食，热辣辣咁食完真系好好味，表皮小小脆脆地，内馅烟烟韧韧油嫩嫩地，口感一流！
继续阅读
作为麻糬波波控，成日都会留意边度有麻糬波波推出。小至街坊面包舖，大至受欢迎排队长龙店，都会去试。目标系揾到性价比高，有好食嘅麻糬波波。呢间梅窝麻糬王，成日见到有人介绍，初初以为要专登去到梅窝先有得买。但系原来佢哋港九新界都有好多唔同分店。今次咁啱路过，即刻买黎试试佢。麻糬波波有好多款式，全部都已经入晒袋包装，单一口味卖紧$25-$35/ 六粒，混合味道价钱会贵少少。不过听讲佢特色味道系会有包裹内馅，唔同一般既麻糬波波，所以就拣左mix 既口味食完其实都有啲失望，麻糬个面比较硬，咬落去虽然有内馅，但系唔够烟靭。由于钟意食烟靭口感嘅我嚟讲，真系有啲失色。就算焗热咗都唔算烟韧。个人觉得抹茶红豆味比较出色，食到红豆粒。朱古力味较为松软而肉松味就偏干身。总括而言，性价比欠奉，试过一次就可以。追求烟靭口感嘅麻糬波波就未必会拣呢间。
继续阅读
实在太过分，太心痛。明明第一次食嘅时候系几咁好食，基本上每一日都会好想食多一次梅窝麻糬波波。今日喺湾仔呢间分店再食，老板娘话系新鲜出炉，但系一拎上手系冻嘅，我就心知不妙。结果一食，简直惊为天人，我完全唔系食紧一个麻糬波波，佢只系一个饼皮里面有一旧圆辘辘嘅肉松。而且个肉松系完全唔黐实个麻糬，佢可以自由活动，好潇洒。我真系好嬲，好嬲。希望湾仔分店唔好再侮辱梅窝麻糬波波呢个咁好食嘅品牌。另外就系服务态度，我买咗肉松口味唔够10秒返转头，想问可唔可以转做朱古力，佢话你离开咗就唔可以换㗎啦。我都明，但我其实真系行前咗两步咋，会唔会太不近人情？
继续阅读
见到有新口味吞拿鱼粟米，所以一试本身以为$35蚊6粒但佢基本上pack好哂，未必有想要嘅口味所以我散嗌点知佢话多过三只口味就要逐粒计最后$42蚊6粒一开始我无听清楚如果有咁嘅安排可以贴张纸，白纸黑字写返清楚咁客人拣选口味之前就会考虑埋呢个要求prepackaged流程上方便左一次过买同一只口味嘅客人但多数啲人都系想试几只口味多过3只口味就要逐粒计真系第一次见包身较硬冇其他舖头麻糬嘅烟韧口感芝士较出色，抹茶红豆多馅，其他一般但价钱尚算可以
继续阅读
最近食咗一间超好味嘅麻糬波波，就系「梅窝麻糬王」，已经回购咗好多次!! 之前以为得梅窝先有，但原来系有几间分店!!! 师傅每日都会即场制作唔同口味嘅麻糬波波， 每一粒都圆碌碌胀卜卜，外脆内软，仲要烟烟靭靭😍私心最爱系爆馅紫菜肉松$35/6粒半融朱古力双重芝士原味芝麻
继续阅读