梅窩山水豆腐花 (已結業)

唔駛懷疑,伯伯屋企,梅窩村入面搵山水仲易過搵水喉水,仲唔駛錢,唔止用黎整豆腐花,煲糖水洗碗洗木桶果D通通都係山水。食呢檔豆腐花要識睇準時間,因為伯伯每日只造一細桶,賣完就走三點鐘左右佢就會出黎擺檔,如果「涌口玻璃屋對面」搵唔到佢,可以試下去「伯公橋」搵,行入村方向,會經過伯公橋,一條橋下面有條溪,隔離有D土地公之類,冇寫名的,當地人先知條橋叫伯公橋。試過就會對其他豆腐花失去興趣,我自細經常去梅窩食慣左,有時掛住D豆腐花又覺得入梅窩太遠,問朋友有冇豆腐花推介,試過幾檔出名好食,都覺得好一般...滑近年質素明顯低左,但係都係我食過最滑既豆腐花之一有豆味最驚食到D水汪汪既豆腐花,溝多D水就會滑架啦,難得呢檔滑得黎仲有豆香,其他一係太多水一味得個滑字,一係都落足料,食得出唔係溝左好多水,但始終食唔到豆香味冇苦味食豆腐花冇苦味係好基本PS:可能好多人會覺得呢檔太甜,第一次食記得叫小甜

次次入去MUI WO 都一定食既山水豆腐花~ D 豆腐花係日日新鮮製造..個賣豆腐花既伯伯佢係用擔挑台桶豆花,好有特色架,而家都好少見到有人咁賣豆花喇~佢仲好NICE添! 不過佢就退休喇..後繼冇人好可惜仲有仲有碗豆腐花超級滑呀!真係值得一試架,而且都係7蚊雞咋~ 撞唔撞到個伯伯就要睇你好唔好彩喇~哈