梁林二哥雞煲專門店

营业中

休息中

叫左鹽香雞 雞唔鞋 質地好 雞皮爽 入口香氣 肉質嫩滑 完全唔肥膩 少少咸香 仲有咸菜薑蔥同幾條菜送埋 幾好 另外仲叫左西蘭花炒牛肉 $48 睇住佢即叫即炒 好有鑊氣 火候十足 煮完出黎仲辣口 好正 好食 服務態度好套餐有飯有雞有燉湯先$76 性價比超高 燉湯簡左木瓜雞腳湯 燉湯有好多選擇 好多都想試 好好味 冇味精 仲有兩隻雞腳可以食埋 推介推介 兩個人食到飽再叫埋飲品先$132 好抵支持小店 良心製作老細好有禮貌 會主動比碗仔鋪頭仲有隻好乖既貓仔 好得意 又唔會阻人食野

半隻手撕雞，好大份，材料足，味道好，我覺得性價比好高，好有誠意。起初都係諗住得普通醬料，撈埋一齊食，填飽個肚就算。點知見到咁多配菜，我都忍唔住嘩咗一聲，估唔到舖仔細細，竟然咁好心機。我另外再點咗個冷盤，不過唔記得影相，都幾好食嘅，飲住啤酒都幾爽。仲有食咗個砂鍋粥，非常足料，又大碗，好好食。地方就唔係啲裝修好靚嘅地方，但勝在夠自由，特別而家秋天坐出門口好舒服，同人傾偈大大聲，夠麻甩，都真係幾好。我都係第一次寫食評，因為覺得老細好好人，值得我奉獻第一次食評俾佢哋😂