橋壽司

营业中

休息中

黎開呢頭做嘢，呢區餐廳唔算太多，比我發現咗呢間超高質的平民賣壽司🍣 店，試過幾次都好好味！最愛叫不同款的壽司，全部都好新鮮同厚切！吞拿魚蓉、北寄貝、希靈魚、帶子、芥辣墨魚等等全部都好好味😋另外佢哋都有丼飯，最近試過海胆三文魚蓉飯，海胆唔腥亦好有鮮味！價錢方面亦十分親民，我買過幾次全部都唔駛 100蚊，超值呢！

質素絕對超越（元x / 壽司x) 連鎖店。已經幫襯此店有多年～特登搭車去買都值得☺️可惜佢冇外送服務。好難得呢個價錢有咁好質素。海膽壽司新鮮、八爪魚壽司好彈牙、赤海蝦同甜蝦都好鮮甜

今次食橋壽司！橋壽司嘅特別之處係在於佢哋非常之衛生，雖然等候嘅時間會比較長，但係好值得等！今次我哋叫咗一個三文魚反卷（$38），個人好鍾意食三文魚壽司，所以呢一個反卷都好好食！佢哋仲有唔同嘅套餐，下次可以再試下！

今晚要買外賣番屋企食, 東村食店不足大家都知, 買外賣通常我會去街市個邊, 今日買既係呢間日式舖頭, 橋壽司。呢間橋壽司舖頭細細, 款式都有好多選擇, 主要點左醬燒玉子手卷, 火炙三文魚手卷, 蔥拖羅小卷, 蟹柳小卷, 熟吞拿魚小卷, 炸蝦卷同埋腐皮船。落完單等左約10分鐘左右就拎得, 即叫即整黎講都算快手, 拎完外賣咋咋林番屋企開餐。手卷係有包裝紙包住既, 等D紫菜唔會咁快淋, 所以食之前要做拆包裝, 自己卷起個手卷佢, 結果係隔左十分鐘(行番屋企)之後飯同餡熱辣辣, 紫菜脆卜卜, 好新鮮既感覺! 醬燒玉子手卷超好味, CP值極高。小卷就有小小凍, 因為有D佢係整定放左係雪櫃, 不過味道都唔錯, 炸蝦卷因為隻蝦要即炸, 所以就熱辣辣夠新鮮, 舊舊都好大舊。腐皮船size算係中size(同爭X個D比較), 不過價錢合理, 味道都唔錯。兩個人食呢D就飽哂嚕~可以多多幫襯!

又有街市新裝修引入一些新店舖有一間很像樣的壽司店 便試試看買了蟹子沙拉螺肉甜蝦三文魚刺身鰻魚小卷蟹子沙拉青瓜爽口蟹子爽脆螺肉正常甜蝦鮮甜有蝦膏三文魚刺身脂肪分佈均勻肥美鰻魚小卷正常味道